ဂဒါဖီနဲ့ နောက်ဆုံးတွေ့လိုက်ရတဲ့ ဗုဒ္ဓဘာသာမိတ်ဆွေ

မစ္စတာဂဒါဖီကြီးရဲ့ သတင်းတွေက နားနဲ့ရော နှလုံးသားနဲ့ပါ မဆန့်အောင် ကြားနေရတာ ခါးပါတယ်..။ အာဏာရှင်ကြီးရဲ့ နိဂုံးကို အားလုံးက စိတ်ဝင်စားစွာ စောင့်ကြည့်နေကြတာ ထင်ရှားပါရဲ့..။ သူဘယ်ရောက်နေလဲ ..။ လွန်ခဲ့တဲ့ သြဂုတ်လ (၂၃) ရက်နေ့ကတော့ မစ္စတာဂဒါဖီရဲ့ အရင်းနှီးဆုံးမိတ်ဆွေဖြစ်သူ ဗုဒ္ဓဘာသာဝင်ရုရှားအမျိုးကောင်းသားတစ်ယောက်ကတော့ မစ္စတာဂဒါဖီဟာ လစ်ဗျားကနေ ဘယ်တော့မှ ဆုတ်ခွာမှာ မဟုတ်ဘူး၊ အဆုံးစွန်ထိ တိုက်ပွဲဝင်သွားမယ် လို့ သူ့ဆီကို ဖုန်းဆက်ပြောကြားကြောင်း ထုတ်ဖော်ပြောဆိုလိုက်ပါသတဲ့..။

ဗုဒ္ဓဘာသာဝင်ရဟန်းတော်တစ်ပါးအနေနဲ့ မစ္စတာဂဒါဖီရဲ့ သတင်းကို ကမ္မဿကာ လုပ်လိုက်မိပေမယ့် ရုရှားအမျိုးကောင်းသားရဲ့ ပရိုဖိုင်လ်ကိုတော့ စိတ်ဝင်စားမိသွားပါတယ်..။

ကီရဆန် အီလျူမ်ဇီနော့ဗ်(Kirsan Ilyumzhinov.) အမည်ရှိတဲ့ ဒီပုဂ္ဂိုလ်ဟာ ခေသူတော့မဟုတ်ပါဘူး..။ စစ်တုရင်ချန်ပီယံဖြစ်သလို ကမ္ဘာ့စစ်တုရင်အဖွဲ့ရဲ့ ဥက္ကဋ္ဌလည်း ဖြစ်ပါတယ်.။ ကားပွဲစားမီလျံနာ သူဌေးတစ်ဦးဖြစ်သလို ရုရှားဖက်ဒရေးရှင်းထဲက တစ်ခုတည်းသော ဗုဒ္ဓဘာသာနိုင်ငံဖြစ်တဲ့ ကယ်လ်မီကီယားသမ္မတနိုင်ငံ(Republic of Kalmykia) သမ္မတဟောင်းတစ်ဦးလည်း ဖြစ်ပါတယ်။

မိခင်ဘာသာစကားအပြင် ရုရှား၊တရုတ်၊ ဂျပန် ၊ ကိုရီးယား၊ မွန်ဂိုလီယားနဲ့ အင်္ဂလိပ်ဘာသာစကားတွေကို ကျွမ်းကျင်စွာ ပြောဆိုတတ်ပါသတဲ့။

အသက် (၇)နှစ်လောက်ကတည်းက စစ်တုရင်ထူးချွန်ခဲ့ပြီး အသက် (၁၇) နှစ်မှာတော့ သမတနိုင်ငံတစ်ခုလုံးရဲ့ ချန်ပီယဆုကို ဆွတ်ခူးခဲ့သူပါ၊ အသက် (၃၀)မှာ နိုင်ငံရဲ့သမ္မတဖြစ်လာပြီး နှစ်ပေါင်း (၁၇)နှစ်အကြာ၂၀၁၀ ခုနှစ်မှာမှ ရာထူးက ဆင်းပေးခဲ့ရတာပါ။ တိုင်းပြည်က ဆင်းရဲပေမယ့် သူကတော့ အလွန်ချမ်းသာခဲ့ပါသတဲ့..။

ဒီငနဲက နည်းနည်းတော့ ကြောင်တယ်လို့ အထင်ခံရဟန်လည်းရှိပါတယ်။၁၉၉၇ စက်တင်ဘာလမှာ သူ့ကို တစ်ခြားကမ္ဘာက ဂြိုဟ်သားတွေက ဖမ်းဆီးခေါ်ဆောင်သွားခဲ့ကြတယ် လို့ ဖွင့်ဟပြောဆိုခဲ့သူမို့ပါ.။ ကြယ်တွေဆီကိုလည်း ရောက်ခဲ့ပါသေးသတဲ့။ သူ့ကိဲုဂြိုဟ်သားတွေက ပန်းကန်ပြားပျံတကယ်ရှိတယ်ဆိုတာကို ပြသချင်ခဲ့ကြတာပါ တဲ့။ စစ်တုရင်ကစားနည်းကိုတောင် ဂြိုဟ်သားတွေက မြေကမ္ဘာကို ယူဆောင်ခဲ့တဲ့ စကြာဝဠာကစားနည်း လို့ ပြောခဲ့ပါသေးတယ်..။

ဇွန်လ(၁၂ )ရက်နေ့က လစ်ဗျားမှာ တော်လှန်ရေးကြီးစတင်တဲ့အချိန်မှာတောင် မစ္စတာဂဒါဖီနဲ့ အေးအေးလူလူ စစ်တုရင်ကစားခဲ့ကြပါသေးသတဲ့။ ဒီပုဂ္ဂိုလ်က ဆတ်ဒမ်ဟူစိန်ကြီးနဲ့လည်း ရင်းနှီးဆိုပဲ..။ သူ့အကြောင်းဆက်ဖတ်ကြည့်တော့ အာဏာရှင်စနစ်ကို ကြိုက်နှစ်သက်သူတစ်ဦးဖြစ်ပြီး လစ်ဗျားခေါင်းဆောင်ကြီးနဲ့ ၀ါသနာဘာဂီ စရိုက်တွေကလည်း ညီကြတယ်ဆိုပါကလား.။ ဒါကြောင့်လည်း နှစ်ဦးသား သူတော်ချင်းချင်း သတင်းလွေ့လွေ့ ပေါင်းဖက်တွေ့နိုင်ခြင်းပဲ ဖြစ်ပါလိမ့်မယ်။

ဆက်ဖတ်ကြဖို့ပါ..။

(၁) ရုရှားပြည်ထောင်စုက တစ်ခုတည်းသောဗုဒ္ဓဘာသာနိုင်ငံ
(၂)ဂဒါဖီရဲ့ မိတ်ဆွေရင်း
(၃)အတ္ထုပ္ပတ်
(၄)ထရီပိုလီမှာ ဂဒါဖီရှိနေဆဲ ရုရှားမိတ်ဆွေပြောကြား

မလေးရှားနိုင်ငံက ငရဲပြည်နေ့ချင်းပြန်ခရီး (HELL TOUR)

ဒီခရီးစဉ်ကိုတော့ မလေးရှားနိုင်ငံ ပီနန်မြို့တော်က Teong Guan Association နဲ့ ပြည်နယ်အစိုးရတို့ ပူးပေါင်းစီစဉ်ခဲ့ကြတာဖြစ်ပါသတဲ့..။ ရွှေပြည်ကြီးက အမျိုးတွေ နတ်ပူးတာလောက်တော့ အပျော့ပေါ့ လို့ ဆိုရမယ့် ကိန်းပါပဲ..။ ဒါပေမယ့် သူတစ်ပါးရဲ့ ဘာသာရေးကိစ္စမို့ မှတ်ချက်မပေးဘဲ သတင်းလေးပဲ ဖောက်သည်ချလိုက်ရပါစေ..။

ဒီခရီးစဉ်မှာ လူပေါင်း ၅၄ ဦးလိုက်ခဲ့ကြတာပါ..။ အဖွဲ့ခေါင်းဆောင်ကတော့ ၀ိဥာဉ်ရေးရာနဲ့ ပတ်သက်လို့ နှစ်ပေါင်း ၂၈ နှစ်အတွေ့အကြုံရှိပြီး တိဘက်ဗုဒ္ဓဘာသာ၊ တာအိုဝါဒနဲ့ နိမိတ်ဖတ်ခြင်းများကို လေ့လာဆည်းပူးထားသူ ရှဲ့ပေးကွမ်ယင်စင်တာက ဆရာတော် Kek Eng Seng ဖြစ်ပါသတဲ့..။

ဒီခရီးစဉ်လိုက်ပါမယ့်သူအားလုံးဟာ ဖယောင်တိုင်နဲ့ ဆုတောင်းစာစက္ကူတွေ မီးရှို့လို့ ထွက်ပေါ်လာတဲ့ အလင်းလေးသာ ရှိတဲ့ အမှောင်ခန်းမ (ရွက်ဖျင်တဲ) ကြီးတစ်ခုထဲမှာ အဖြူရောင်ဝတ်စုံကိုယ်စီ ၀တ်ဆင်ကာ ရွေ့လျားခြင်းမရှိဘဲ ငြိမ်သက်စွာ ထိုင်နေကြခဲ့ပါတယ်။ သူတို့ရဲ့ မျက်လုံးတွေကိုတော့ အ၀ါရောင် သို့မဟုတ် အနက်ရောင်အ၀တ်ပိုင်းစလေးနဲ့ စည်းထားကြရပါတယ်..။ ခရီးစဉ်မစတင်မီ ဆရာတော်က အသေးစိတ်ညွန်ကြားချက်ပေးပါသတဲ့ ။

အဲဒီနောက်မှာတော့ ဗုံသံ လင်ကွင်းသံတွေနဲ့အတူ ခရီးစဉ်ခေါင်းဆောင်ဆရာတော်ရဲ့ မန္တန်အဆက်မပြတ်ရွတ်ဖတ်သံပေါ်လာခဲ့ပါတယ်..။ ခရီးစဉ်စတင်ပါပြီ...။

တမလွန်ဘ၀ရောက်နေကြပြီးဖြစ်တဲ့ ဆွေမျိုးမိတ်သင်္ဂဟတွေနဲ့ တွေ့ဆုံကြဖို့ ဒီခရီးစဉ်မှာ လိုက်ပါကြတာလို့ သိရပါရဲ့...။ စိတ်ဝင်စားရင်တော့ မူရင်းသတင်းသာ ဆက်ဖတ်ကြပေရော..။

အာရှရဲ့ အမြင့်ဆုံးဗုဒ္ဓဘာသာဗိသုကာအဆောက်အဦ ပါကစ္စတန်မှာ ပြန်တွေ့ပြီ

တရုတ်ခရီးသွားရဟန်းတော် ဟူယင်ဆန်က လွန်ခဲ့တဲ့ နှစ်ပေါင်းတစ်ထောင့်လေးရာလောက်က အာရှရဲ့ အမြင့်ဆုံးဗိသုကာအဆောက်အဦကြီးအဖြစ်မှတ်တမ်းတင်ခဲ့တဲ့ ရှေးဟောင်းနေရာတစ်ခုကို ပါကစ္စတန်နိုင်ငံမှာ ပြန်လည်တွေ့ရှိခဲ့တယ် လို့ သိရပါတယ်..။ တကယ်တော့ လွန်ခဲ့တဲ့ နှစ်ဆယ်ရာစုနှစ်အစောပိုင်းက ရှေးဟောင်းပညာရှင်တွေ တူးဖော်တွေ့ရှိခဲ့သားဖြစ်ပါသတဲ့။ ဒါပေမယ့် ဂရုမစိုက်ဘဲ လစ်လျူရှုထားခဲ့ကြတာမို့ မေ့လျော့ပျောက်ကွယ်သွားရာက ခု ပြန်လည်တွေ့ရှိကြပြန်တာပါ..။

ဒီဗိသုကာအဆောက်အဦကြီးကို ကုသျှဧကရာဇ် ကနိရှကဘုရင်မင်းမြတ်လက်ထက် အေဒီတစ်ရာစုမှာ တည်ဆောက်ခဲ့ပါသတဲ့။ တရုတ်ရဟန်းတော် ဟူယင်ဆန်ဟာ အေဒီ(၆၂၉-၆၄၅)ခရီးစဉ်အတွင်း ၀င်ရောက်လည်ပတ်ခဲ့ပြီး အာရှရဲ့ အမြင့်ဆုံးဗိသုကာလက်ရာအဆောက်အဦကြီးလို့ မှတ်တမ်းတင်ဖော်ပြခဲ့ပါတယ်။ ဒီနေ့ခေတ် (၁၃)ထပ်ရှိတဲ့ အဆောက်အဦတစ်ခုနဲ့ ညီမျှတဲ့ အဆောက်အဦကြီးဟာ နာမည်ကျော် ပက်ရှဝါမြို့တော်အနီးမှာ ခန့်ငြားစွာ တည်ရှိခဲ့တာပါ။

၁၉၀၈ ခုနှစ်မှာ ရှေးဟောင်းသုတေသနပညာရှင် ဒီ ဘရိန်နာ့ဒ် စပွန်းနာက ဒီနေရာကို တူးဖော်တဲ့အခါ ထူပါရုံစေတီတစ်ဆူနဲ့ ဘုန်းတော်ကြီးကျောင်းတစ်ကျောင်းရဲ့ အပျက်အစီးတွေကို တွေ့ရှိခဲ့ပါတယ်။ နောက်တစ်နှစ်ကြာတဲ့အခါမှာတော့ ဗုဒ္ဓအရှင်ရဲ့ အရိုးတော်အစိတ်အပိုင်းနဲ့ ဓါတ်တော်ပြာကို ဌာပနာထားတဲ့ ဓါတ်တော်ရွှေကြုတ်ကို ထပ်မံတွေ့ရှိခဲ့ပြန်ပါတယ်။ ဓါတ်တော်ကြုတ်မှာ ကနိသျှကဧကရာဇ်ရဲ့ ဘွဲ့အမည်နဲ့ ပုံတော်ကို ထွင်းထုထားပါတယ်။

ဗုဒ္ဓအရှင်ရဲ့ ဓါတ်တော်ကိုတော့ မြန်မာနိုင်ငံကို ဓမ္မလက်ဆောင်အဖြစ်ပေးအပ်ခဲ့ပြီး ဓါတ်တော်ကြုပ်ကိုတော့ ပက်ရှဝါပြတိုက်မှာ ပြသထားပါသတဲ့..။

ဒီသတင်းကို ဖတ်မိမှပဲ ပက်ရှဝါဓါတ်တော်အကြောင်းသိရပါတော့တယ်..။ မန္တလေး သာသနာ့တက္ကသိုလ် နေ့ရက်များဆီက မန္တလေးတောင်တော်ကို တက်ရောက်တဲ့အခါတိုင်း ရပ်တော်မူကိုယ်တော်ကြီးကို ဖူးပြီး ရှေ့ဆက်သွားတဲ့ အခါ နိမိတ်ကြီးလေးပါးပြခန်းအနီးမှာ ပက်ရှဝါဓါတော်လို့ ရေးထားတဲ့ အခန်းတစ်ခု ရှိပါတယ်..။ အမည်ပဲ တွေ့ရပြီး ဓါတ်တော်ကိုတော့ မဖူးဘူးပါ..။

မူရင်းသတင်း

ဓမ္မဂင်္ဂါပါဠိသင်ခန်းစာ(၁၃)

အာဏတ္တိဝိဘတ်(Imperative Mood)
သင်တန်းသားတွေ ငြိမ်နေလွန်းလို့ ဉာဏ်ဝါဉာဏ်ပြာတွေ သုံးပြီး ဘလော့စာမျက်နှာပေါ်ကို ဗီယက်နမ်ဆရာတော်ကြီးနဲ့ မစ္စတာစတီးဗ်ဂျော့ဘ်စ်တို့ကို ဖိတ်ပြီး အိပ်ငိုက်ပြေအောင် လုပ်လိုက်ရသေး...။ သတင်းဆိုတော့လည်း ဖတ်ကြပေသား။ တစ်ပတ်အတွင်းမှာ ပါဠိသင်ခန်းစာဖတ်တဲ့ သူ (ယောင်ပြီးတော့ ကလစ်မိသူက)တော့ ဒါဇင်နှစ်ခုတောင်ပြည့်ဖို့ မလွယ်..။အော် သတင်းနည်းပညာခေတ်ကြီးပေပဲကိုး..။ ကဲ ဘာပဲဖြစ်ဖြစ် သာပါစေ ဟောန္တု မာပါစေ ဟောန္တု အားလုံး မေတ္တာရေဖြန်း လန်းကြစေကြောင်းပါ..။

အဲသလိုလေးများ ပါဠိလို မေတ္တာပို့ကြဖို့ဆိုရင် အာဏတ္တိဝိဘတ်(Imperative Mood)ကို သုံးရပါသတဲ့..။ မြန်မာလို ပြောရရင်တော့ အမိန့်ပေးခိုင်းစေခြင်းကြိယာအမျိုးအစားပါပဲ..။ ဒီကြိယာအမျိုးအစားကို ပါဠိသင်ရိုးမှာ ပဉ္စမီဝိဘတ်လို့ အမည်သတ်မှတ်ထားပါတယ်..။ နေ့တိုင်းဘုရားရှိခိုးမေတ္တာပို့နေကြတဲ့ သူတော်ကောင်းသူမြတ်လောင်းတွေကတော့ ရင်းနှီးနေကြမှာပါ...။ အဟံ အဝေရော ဟောမိ၊ အဗျာပဇ္ဇော ဟောမိ...ကဲဆက်ဆို..မင်္ဂလာပါ ပရိသတ်ကြီးရေ

ဒီကြိယာကို အသုံးပြုပြီး ဆုတောင်းတာ(Supplication) ဆုပေးတာ(Blessing) အမိန့်ပေးတာ (Command) အကြံဉာဏ်ပြုတာ(Gentle Advice)နဲ့ ကျိန်စာတိုက်တာ(Curse)တွေကို လုပ်နိုင်ပါသတဲ့...။ ဆင်ဆင်ခြင်ခြင်သာ လုပ်ကြပေရော ။ လက်ထဲသေနတ်လေးရောက်တာနဲ့ သွေးပြောင်းမသွားလေနဲ့... (ဗိုလ်အောင်ဒင်..

ကြိယာပုံစံတွေက လွယ်ပါတယ်..။ ပစ္စုပ္ပုန်ကာလ(Present Tense) နဲ့ နည်းနည်းလေးပဲ ကွဲတာပါ..။
ပစ္စုပ္ပန်ကာလ(Present Tense)မှာက

တိ------------------------------- န္တိ
သိ ----------------------------- ထ
မိ-------------------------------- မ

ဒီမှာက
တု ---------------------------------န္တု
ဟိ --------------------------------ထ
မိ ---------------------------------မ

အ-သရဆုံး ကြိယာအခြေခံပုဒ်နဲ့ တွဲစပ်ကြည့်ရအောင်၊ အင်္ဂလိပ်ဘာသာပြန်လေးပါထည့်ပေးလိုက်ရင် လွယ်သွားမလား ခေါင်းကိုက်သွားမလား..တတ်နိုင်ဘူး...။(မှတ်ရမှာက ဟိ-၀ိဘတ်ရဲ့ ရှေ့မှာ အ(a)သရက အာ(ā)သရပြောင်းနေတာ တွေ့ရမယ်။ ပြီးတော့ အ-သရနဲ့ အာသရဆုံးကြိယာအခြေခံပုဒ်တွေရဲ့ နောက်မှာ အဲဒီ ဟိ-၀ိဘတ်မပါဘဲလည်း သုံးနိုင်တယ်..။)

ကဲ ကြည့်ပါ..။

ပစ(paca) (ချက်)
သော ပစတု (သူချက်ပါစေ) (He may cook.) (May he cook.) (Let him cook)
တေ ပစန္တု (သူတို့ချက်ကြပါစေ) (They may cook)(May they cook.)(Let them cook)

တွံ ပစာဟိ (ပစ) (သင်ချက်ပါ) (You may cook.) (May you cook.) (Let you cook.)
တုမှေ ပစထ (သင်တို့ချက်ကြပါ) (You all may cook)( May you all cook.) (Let you all cook.)

အဟံ ပစာမိ (ငါချက်မည်) (I may cook.) (May I cook.) (Let me cook.)
မယံ ပစာမ (ငါတို့ချက်ကြမည်။) (We may cook.) (May we cook.) (Let us cook.)

အာ-သရဆုံးကြိယာအခြေခံပုဒ်
ကိဏာ(kinā)(၀ယ်)
ကိဏာတု -----------------ကိဏန္တု (ဒီကြိယာမှာ အာ(ā)-သရက အ(a)သရပြောင်းနေတာတွေ့မယ်)
ကိဏာဟိ ------------------ကိဏာထ
ကိဏာမိ ---------------------ကိဏာမ



ဧ-သရဆုံး ကြိယာအခြေခံပုဒ်
ဒေသေ (dese) (ဟောကြား)
ဒေသတု ----------------------ဒေသေန္တု
ဒေသေဟိ -------------------- ဒေသေထ
ဒေသေမိ---------------------- ဒေသေမ

သြ-သရဆုံးကြိယာအခြေခံပုဒ်
ကရော(karo)(ပြုလုပ်)
ကရောတု----------------------------- ကရောန္တု
ကရောဟိ -------------------------------ကရောထ
ကရောမိ-------------------------------- ကရောမ

ထူးခြားကြိယာအခြေခံပုဒ်များ
ဟန(hana) (သတ်)
ဟနတု၊ဟန္တု--------------------------------- ဟနန္တု
ဟနာဟိ၊ ဟန------------------------------ ဟနထ
ဟနာမိ -------------------------------------ဟနာမ

အသ(as)(ရှိ၊ဖြစ်)
အတ္ထု ------------------------------------------သန္တု
အာဟိ ---------------------------------------- အတ္ထ
အသ္မိ ၊အမှိ ------------------------------------- အသ္မ၊အမှ

ဒီကြိယာနဲ့ တွဲပြီး မသွားနဲ့ (Don't go) မစားနဲ့ (Don't eat) လို့ တားမြစ်ချင်ပြီဆိုရင်တော့ မာ ဆိုတဲ့ စကားလုံးလေးထည့်သုံးရပါတယ်။ မာ ဂစ္ဆာဟိ(မာ ဂစ္ဆ) ၊ မာ ဘုဉ္ဇာဟိ (မာ ဘုဉ္ဇ) ...

နည်းနည်းများသွားပြီထင်တယ်..။
သွေးပူလေ့ကျင့်ခန်းလေးတော့ သည်းခံပြီး လုပ်လိုက်ကြပေဦး...။ လေ့ကျင့်ခန်းမလုပ်မီ ကြိယာတွေနဲ့ တွဲသုံးဖို့ ကြိယာဝိသေသန(Adverbs)လေးတွေ မဖြစ်မနေမှတ်ကြရဦးမှာပါ...။

နေရာဒေသနှင့် ကာလပြကြိယာဝိသေသနများ(Demonstrative Adverbs)
အတြ၊ဧတ္ထ၊ဣဓ၊ဣဟ( ဤနေရာ၌)(here)
တတြ၊တတ္ထ၊တဟိံ(ထိုနေရာ၌)(there)
အတော၊ဣတော(ဤနေရာမှ)(from here)
တတော(ထိုနေရာမှ၊ ထိုအရာမှ၊ ထို့ကြောင့်)(from there, from that, therefore)

ဆက်နွှယ်မှုပြကြိယာဝိသေသနများ(Relative Adverbs)
ယတြ၊ယတ္ထ၊ယဟိံ(အကြင်နေရာ၌)(where, where ever)
ယတော (အကြင်နေရာမှ၊အကြင်အရာမှ၊ အကြင့်ကြောင့်)(from where, from what,wherefore)


မေးခွန်းပြကြိယာဝိသေသနများ(Interrogative Adverbs)

ကုတြ၊ကတ္ထ၊ကုဟိံ၊ကဟံ(ဘယ်နေရာ၌၊ဘယ်နေရာသို့)(where?)
ကုတော (ဘယ်နေရာမှ)(from where? From what?)

မြန်မာပြန်ဖို့...

1. သော ဣဓ ၀သတု။
2. တေ တတ္ထ ဂစ္ဆန္ဆု။
3. တုမှေ ဣဓ မာ နိသီဒထ။
4. မယံ တတော ကိဏာမ။
5. ကုတြ တုမှေ ၀သထ။
6. ယတော တေ အာဂစ္ဆန္တိ၊ အဟံ တတြ ဂစ္ဆိဿာမိ။
7. ယတြ တေ ၀သန္တိ၊ မယံ တတော အာဂစ္ဆာမ။
8. မယံ ဣတော ကုဟိံ ဂစ္ဆိဿာမ။
9. တေ တတြ တနောန္တု။
10. ယတြ တေ ၀သန္တိ။ တတြ တုမှေ ဒေသေထ။

ပါဠိလို ရေးပြ...

1. သူတို့ ဒီကို လာကြပါစေ။
2. မင်း ဘယ်မှာ နေတာလဲ။
3. မင်း သိပါစေ။
4. မင်း အောင်မြင်ပါစေ။
5. ငါ မင်းရှိရာ လာမယ်။

လေ့ကျင့်ခန်းတွေ လုပ်တဲ့နေရာမှာ ဆက်နွှယ်မှုပြကြိယာဝိသေသန(Relative Adverbs)တွေနဲ့ ပတ်သက်ပြီး စိတ်အနှောက်အယှက်ဖြစ်တော့မယ်ဆိုတာ သိနေတယ်..။
ပါဠိမှာ (ယ) နဲ့ (တ) ဆိုတဲ့ စကားလုံးနှစ်လုံးဟာ သိပ်ပြီးတွင်ကျယ်တယ်၊ မြန်မာစကားမှာတော့ အကြင်(ယ) နဲ့ ထို( တ)ပေပဲပေါ့။

''အကြင်အရပ်၌ သူသည် နေ၏။ ထိုအရပ်သို့ ငါသွားအံ့။'' ဆိုတာမျိုးပါ။
ပါဠိနဲ့ ရေးကြည့်တော့
''ယတြ သော ၀သတိ၊ တတြအဟံ ဂစ္ဆာမိ၊'' ဖြစ်သွားတာပါ။
အင်္ဂလိပ်လို ရေးပြမှ နားလည်မယ်ဆိုရင် ဒီလိုပါ
I go there where he lives.
သူနေတဲ့ဆီ ငါသွားမယ် လို့ ပြောချင်တာပါ...။
မရှင်းသေးရင်လည်း ရှုပ်ထားလိုက်ဦး....။


ဓမ္မဂင်္ဂါ
(၂၆-၀၈-၂၀၁၁)

(ဖေ့စ်ဘွတ်ခ်မှာ သွားဖတ်ရင် အဆင်ပိုပြေမယ် ။ ဘလော့စာမျက်နှာမှာ အနည်းကိန်း အများကိန်းတွေ လိုင်းခွဲရင် ပူးကပ်သွားတော့ေ၀၀ါးသွားနိုင်တယ်..။)

ဗုဒ္ဓဘာသာဝင် Apple ကုမ္ပဏီစီအီးအိုဒကာကြီး ရာထူးမှ နှုတ်ထွက်

Apple ကုမ္ပဏီကြီးကို တည်ထောင်သူ ဗုဒ္ဓဘာသာဝင် မစ္စတာစတီဗ်ဂျော်ဘ်စ်ဟာ ရာထူးမှ နှုတ်ထွက်သွားပါပြီ.တဲ့။ မစ္စတာစတိဗ်ရဲ့ လက်ရာ အိုင်ပက်လေးကို သုံးကြည့်ပြီး ချီးမွမ်းလို့မဆုံးသေးဘူး..။ ရာထူးနှုတ်ထွက်သွားလေသတဲ့..။ (သတင်းနဲ့ ရောပြီး ကြွားတာလို့ မထင်စေချင်ဘူး..း)

အမွေးစားခံကလေးတစ်ယောက်အဖြစ်ကြီးပြင်းလာပြီး ကောလိပ်ကျောင်းပြီးအောင် မတက်ခဲ့ရတဲ့ မစ္စတာစတီးဗ်ဟာ အိန္ဒိယကို သစ္စာရှာသွားဖို့ ခရီးစရိတ်ပိုက်ဆံအတွက် ကွန်ပြူတာကုမ္ပဏီတစ်ခုမှာ အလုပ်လုပ်ခဲ့ဖူးပါသတဲ့..။ အိန္ဒိယကပြန်လာတဲ့အခါမှာတော့ ဗုဒ္ဓဘာသာဝင်တစ်ယောက်လို့ သူ့ကိုယ်သူထုတ်ဖော်ခဲ့ပါသတဲ့.။ လက်ထပ်တဲ့အခါမှာလည်း ဗုဒ္ဓဘာသာဘုန်းတော်ကြီးတစ်ပါးကို ပင့်ဆောင်ပြီး မင်္ဂလာဧည့်ခံပွဲ ကျင်းပခဲ့ပါသတဲ့..။ ဗုဒ္ဓဘာသာဝင်ထဲက သို့ကလို လူချွန်လူမွန်ကြိးတစ်ယောက်ကို မုဒိတာပွားလိုက်ကြောင်းပါ..။

ဗုဒ္ဓဘာသာနဲ့ ပတ်သက်တဲ့ သူ့အကြောင်းလေးအချို့ကို မျှဝေလိုက်ပါတယ်...

(၁)အောင်မြင်တဲ့ ဗုဒ္ဓဘာသာစီးပွားရေးလုပ်ငန်းရှင်ကြီး
(၂)ဗုဒ္ဓဘာသာတစ်ယောက်က အောင်မြင်မှုကို သရဇ္ဈာယ်လေသောအခါ
(၄)ဒကာကြီးမစ္စတာစတီဗ်ရဲ့ အတ္ထုပ္ပတ်
(၄)ဒါကတော့ ဘီဘီစီသတင်းပါ

ဘုရားဖူးရာသီအမီ လုမ္ဗိနီသတင်းများ

စက်တင်ဘာလကျော်ရင် ဗုဒ္ဓဂယာဘုရားဖူးရာသီစတော့မယ်...။ သံဝေဇနီယလေးဌာနထဲက ဘုရားအလောင်းတော်မွေးဖွားရာ လုမ္ဗိနီသတင်းလေးကို အမှတ်မထင် ကောက်ဖတ်မိတယ်။

တရုတ်နိုင်ငံက အမေရိကန်ဒေါ်လာသုံးဘီလျံလောက် ရင်းနှီးမြုတ်နှံပြီး ဗုဒ္ဓအလောင်းအလျာမွေးဖွားသန့်စင်ရာ လုမ္ဗိနီဒေသဖွံ့ဖြိုးရေးအတွက် အိန္ဒိယနဲ့ ဆက်စပ်နေတဲ့ တောင်ပိုင်းဒေသမှာ လေယာဉ်ကွင်းကြီးတစ်ခုအပါအ၀င် ဟိုတယ်တွေ လမ်းတွေ အခြားအဆောက်အဦတွေ ဆောက်လုပ်ဖို့ နီပေါလ်နိုင်ငံ ခရီးသွားလာရေးဝန်ကြီးနဲ့ စာချုပ်လက်မှတ်ရေးထိုးပြီးသွားပြီ လို့ ယနေ့တရုတ်ပြည် သတင်းဌာနက ပြောလိုက်ပါသတဲ့။ ဗုဒ္ဓဘာသာရဲ့ မက္ကာဖြစ်အောင်လုပ်မယ့်စီမံကိန်းဆိုပဲ..။ အဲဒီလိုသုံးထားတာပါ..။ (Buddhist Mecca) တဲ။

ဘာပဲဖြစ်ဖြစ် ဘုရားဖူးဝါသနာအလေ့ထုံပြီး သဒ္ဓါတရားအားကြီးတဲ့ ရွှေပြည်ကြီးက အမျိုးတွေတော့ လုမ္ဗိနီမှာ အခက်အခဲမရှိသွားနိုင်လာနိုင်၊တည်းခိုနိုင်တော့မယ်လို့ ပီတီဖြစ်နေတုန်း ဆက်စပ်သတင်းတွေ ဖတ်ကြည့်တဲ့အခါ ဒီစီမံကိန်းက အငြင်းပွားဖွယ် ပြဿနာတွေ ရှိနေပုံပဲ..။

တရုတ်အစိုးရနောက်ခံပြုထားတဲ့ ဟောင်ကောင်အခြေစိုက်အန်ဂျီအိုအဖွဲ့ဖြစ်တဲ့ အာရှပစိဖိတ်ယဉ်ကျေးမှု ဖလှယ်ရေးနှင့် ပူပေါင်းဆောင်ရွက်ရေးဖောင်ဒေးရှင်း(The Asia Pacific Exchange and Cooperation Foundation) နဲ့ ကုလသမဂ္ဂ( UN Industrial Development Organization, တို့ ကြားသာ နားလည်မှုသ၀ဏ်လွှာလက်မှတ်ထိုးခဲ့ကြတာမို့ (တကယ့်အရေးကြီးတဲ့ အစိုးရအချင်းအချင်း လက်မှတ်ထိုးတာမျိုးလုပ်ခဲ့တာမျိုးမဟုတ်လို့ ) နီပေါလ်အစိုးအရအနေနဲ့ အသိအမှတ်မပြုပယ်ချထားတယ် လို့ သိရပါတယ်။ ။ ပြီးတော့လည်း နီပေါလ်နဲ့ အိန္ဒိယနယ်စပ်မှာ တည်ရှိတဲ့ လုမ္ဗိနီကို တရုတ်က လုံခြုံရေးအမြင်နဲ့ လွှမ်းမိုးချင်တာလို့လည်း သံသယဖြစ်နေကြပုံပါပဲ..။

အာရှပစိဖိတ်ယဉ်ကျေးမှု ဖလှယ်ရေးနှင့် ပူပေါင်းဆောင်ရွက်ရေးဖောင်ဒေးရှင်း(The Asia Pacific Exchange and Cooperation Foundation) ရဲ့ ပူးတွဲ-ဥက္ကဋ္ဌက နီပေါ်ကွန်မြူနစ်ပါတီ အကြီးအကဲ မောစီတုန်းဝါဒီကြီး မစ္စတာပရာချန်ဒြာဖြစ်နေတော့ အမေရိကန်ဒေါ်လာအခွင့်အရေးတွေ မျှော်ပြီး ဘာသာမဲ့ကနေ ဘုန်းကြီးလုပ်တော့မလို့လား ဆိုပြီး ကွန်မြူနစ်ခေါင်းဆောင်ကြီးကို ဘဒ္ဒန္တရဲဘော်ကြီး(Comrade Monk)လို့ ရယ်သွမ်းသွေးထားတာလည်း ဖတ်လိုက်ရပါသေးတယ်..။

နောက်ဆုံးဖတ်မိတာက ကုလသမဂ္ဂကိုယ်တိုင်ကလည်း တရားဝင်စာချုပ်ကိစ္စမရှိပါဘူးလို့ ငြင်းထားတာပါ..။ ဆက်ဖတ်ကြဖို့ပါ..။

(၁)လုမ္ဗိနီတွင် တရုတ်ဒေါ်လာ၃ ဘီလျံမြုတ်နှံတော့မည်
(၂)တရုတ်နိုင်ငံ၏ လုမ္ဗိနီပရောဂျက် နီပေါအစိုးရပယ်ချ
(၃)ဘဒ္ဒန္တရဲဘော်ကြီးသို့
(၄) လုမ္ဗိနီကိစ္စ ကုလသမဂ္ဂငြင်းဆို

လူဖြူတွေကြား ပေါ်ပြူလာဖြစ်တဲ့ ရဟန်း

သက်တော်(၈၄)နှစ်ရှိပြီး Thich Nhat Hanh ဘွဲ့တော်နဲ့ ထင်ရှားတဲ့ ဗီယက်နမ်ဆရာတော်ကြီးပါ..။
အဖြူတွေ သဲသဲလှုပ်နောက်ကနေ လိုက်နေကြတာ မိဂဒါဝုန်မှာ တွေ့ဖူးပါတယ်..။ သီတဂူဆရာတော်ကြီးနဲ့ အတူတူ နာလန္ဒာတက္ကသိုလ်က ဂုဏ်ထူးဆောင်ပါရဂူဘွဲ့ဆက်ကပ်တဲ့ပွဲမှာလည်း ဖူးခွင့်ရပါတယ်..။

ဆရာတော်ကြီးနှစ်ပါးကို တစ်ပြိုင်တည်းဘွဲ့တံဆိပ်ဆက်ကပ်တဲ့ ပွဲမှာ အဖြူတပည့်ယောဂီတွေ ခြံရံပြီး ကြွလာခဲ့တာပါ..။ သက်တော်ရှစ်ဆယ်ကျော်ဆိုပေမယ့် ခြောက်ဆယ်လောက်ပဲ ထင်ရပါတယ်.။ ဒီဆရာတော်ကြီးကလည်း သတိပဋ္ဌာန်ကမ္မဋ္ဌာန်းကိုပဲ ပြသနည်းပေးလေ့ရှိတာပါ..။ သေချာမလေ့လာရသေးတော့ ထေရ၀ါဒနည်းနဲ့ တူမတူ မသိရပါ။ နိုင်ငံတကာပြယုဂ်မှာတော့ ဒလိုင်လားမားပြီးရင် ဒုတိယနေရာလောက်ရှိတယ် လို့ ဆိုပါတယ်..။

ပြည်တွင်းကအမျိုးတွေနဲ့ ပြည်ပရောက်အမျိုးတွေကြားမှာပဲ ပြည်တွင်းပြည်ပသာသနာပြုအမည်ခံနေကြတဲ့ ဓမ္မဂင်္ဂါတို့ကိုယ်တိုင် နှိုင်းယှဉ်လေ့လာဖို့ လင့်ခ်လေးတွေ တင်ပေးလိုက်ပါတယ်..။

(၁)လူဖြူတွေ ကြည်ညိုတဲ့ ဗုဒ္ဓဘာသာရဟန်း
(၂)အင်္ဂလိကန်ဘုန်းတော်ကြီးက ချီးမွမ်းခံရသူ
(၃)ဆရာတော်ကြီးရဲ့ ထေရုပ္ပတ်

(ယနေ့ဗုဒ္ဓဘာသာဆိုတဲ့ ခေါင်းစဉ်အောက်မှာ ပို့စ်မတင်နိုင်တာကြာပါပြီ.။ ကျမ်းတင်ပြီးရင်တော့ ဘလော့ဂ်လေးဆီ ပုံမှန်လှည့်နိုင်မယ်ထင်ပါတယ်..။)

မိဂဒါဝုန်မုတ်သုံအက်ဆေး

အကယ်၍ ..

ဤ ''အကယ်၍ ''သည် မစ္စတာကစ်ပလင်း သို့မဟုတ် ယူနို့စ်ရှင်အာစာရ၏ အကယ်၍ မဟုတ်ကြောင်း သူကိုယ်တိုင် ရေးလိုက်ခြင်းဖြစ်သောကြောင့် မူပိုင်ခွင့်ပြဿနာကို စကားလုံးနှစ်လုံးခန့်ဖြင့် ရှောင်လွှဲဖွယ်မရှိတော့ပေ..။ အကယ်၍ လောကဥပဒေနှင့် ငြိစွန်းသဖြင့် ပြဿနာကို မီးမြှိုက်နိုင်သော်လည်း ၀ိနည်းဥပဒေတွင် ရင်းနှီးကျွမ်းဝင်၍ ယူငင်သုံးစွဲပါက ၀ိဿာသဂ္ဂါဟဖြစ်သောကြောင့် အပြစ်မရှိဟု ဆိုသည်။ ထို့ကြောင့် သူသည် မိတ်ဆွေများစွာကို ရှာဖွေစုစောင်းထားပြီး ပစ္စည်းများကိုမူ သိမ်းဆည်းလေ့မရှိပေ..။ သွားလေရာယူဆောင်တတ်သည်က Oral B အမျိုးအစားသွားတိုက်တံတစ်ချောင်းနှင့် Gillette သင်တုန်းဓါးတစ်လက်သာ ဖြစ်လေသည်။ (ငါ့ရှင်တို့ရေ တံခါးတွေ ပိတ်လိုက်ကြလေပြီလော ) :)

ဒီနေ့ မိဂဒါဝုန်လမ်းတွင် မိုးရွာနေသည်။ နံနက်ခင်းဆီက သူ့အခန်းတံခါးကို ဖွင့်လိုက်သည်နှင့် မိုးရေစိုနေသောသရက်ပင်သည် မလုံမလဲဖြစ်စွာ ခိုက်ခိုက်တုံနေရှာသည်။ ဆွေ့ဆွေ့ခုန်နေသော ဖားများက သူ့ကို မော့ကြည့်နေကြ၏။ အိန္ဒိယတွင် ဖားများ စိတ်လုံကိုယ်လုံနေထိုင်ခွင့်ရှိဟန်တူသည်။ ငယ်ငယ်တုန်းက လယ်စောင့်တဲလေးဆီ စိတ်ရောက်သွားသေးသည်။ အော် ကြာဖြူတစ်ပွင့် နီတစ်ပွင့်...။

ဒီတစ်နေ့တော့ သူ့အခန်းရှေ့က လမ်းလေးသည် ရွှံ့နွံထဲတွင် သိမ်မွေ့ချင်တိုင်း သိမ်မွေ့နေတော့မည်..။ ထိုအခါ သူသည်လည်း လမ်းလေး၏ ရွှံ့အိုင်ဗွက်များပေါ် ကျော်ခွ ယိမ်းထိုးလျှောက်လှမ်းရင်း ဗာရာဏသီမြူနီစပယ်လ်ကို မေတ္တာပွားတတ်အောင် အနိုင်နိုင်အားထုတ်ရဦးမည်။ အမှန်တကယ်ပင် သူ၏ မဇ္ဈိမနေ့ရက်များသည် စိတ်မငြိမ်သော မိဂဒါဝုန်လမ်းလေးပေါ်တွင် ကုန်လွန်သွားလေသည်။ မိဂဒါဝုန်လမ်းသည် စိတ်ကူးပေါက်သည့်အခါ နိုင်လွန်ကတ္တရာဖြင့် ချောမွတ်နေတတ်ပြီး စိတ်ရူးပေါက်သည့်အခါ တစ်လမ်းလုံးမွနေအောင် ဖုထစ်နေတတ်ပြန်သည်။ မြောင်းကြီးတွေ ဖော်။ ပိုက်လုံးကြီးတွေ မြှုတ်၊ ထိုနောက် ကျောက်သားလမ်းဖြစ်လိုက်၊ ကတ္တရာလမ်းဖြစ်လိုက်..။ ထို့နောက် ...မြေသားမွမွ..ရွှံဗွက်ရွရွ...။

မိဂဒါဝုန်သည် ဒီမိုကရေစီမှလွဲ၍ ဘာမှ မပြည့်စုံရှာပါ..။ ဒီမိုကရေစီရှိနေတာကိုက ရေငတ်တော့ ပြေသည်။ ဘာမှန်းတော့ မသိ..။ သူလည်း ၀ါကျတွေ ပေါ်သမျှ ကောက်ခြစ်လိုက်သည်။ ပေါ်ရာရှုခြင်းမဟုတ်၍ သတိပဋ္ဌာန်နှင့်တော့ ဝေးလှသည်။

အိုကြီးအိုမဗာရာဏသီကို မုတ်သုံက နွဲ့ဆိုးဆိုးနေသည်။ သူနေခဲ့သော ငါးနှစ်တာကာလအတွင်း ယခုရာသီလို မုတ်သုံ၏ ပွတ်သပ်ကြည်စယ်မှုမျိုး တစ်ရံတဆစ်မျှ မကြုံခဲ့ဖူး..။ငယ်ရွယ်ကျွပ်ဆတ်လွန်းသော မုတ်သုံကို အိုဟောင်းနွမ်းပါးသော ဗာရာဏသီက ချော့မြူနေခဲ့ဟန်ပင်..။ သို့နှင့် မုတ်သုံသည် သူ့အခန်းလေး၏ မှန်ပြတင်းချပ်များကိုပါ မိုးစက်များဖြင့် ပစ်ပေါက်ရမ်းကားနေတော့သည်..။

လက်ရှိနေထိုင်သော အခန်းလေးသည် သူ့အတွက် အသစ်စက်စက်တော့ မဟုတ်ခဲ့..။ တတိယအကြိမ်မြောက်ပြန်လည် ဆုတ်နစ်ရာ ကိုးန၀င်းဆောင်ဖြစ်သည်။ သူ့အခန်းလေးတွင် မိတ်ဆွေ ရဟန်းတော်အချို့ချန်ထာားခဲ့သော အထုပ်အပိုး ၀န်စည်စလယ်များဖြင့် ဖောင်းကားရောင်ရမ်းနေသည်။ သူ ကိုယ်တိုင်သည်ပင် ဟိုလူပေး သည်လူပေး ပစ္စည်းများဖြင့် ကာတွန်းထဲက ကြွက်ဝမ်းပူ တစ်ကောင်လိုဖြစ်နေပြီလား။

ယခင်က သူသည် စာရွက်စာတမ်းအနည်းငယ်ထည့်ထားသော ပေါ့ပေါ့ပါးပါး လက်ဆွဲအိတ်လေးတစ်လုံးဖြင့် မေတ္တာသုတ်ထဲက အတိုင်း''သုဘရော စ သုဟုဇူ စ''လုပ်နေသေးသည်။ သူ့အမည်ဖြင့် ငှါးရမ်းထားသော ကိုယ်ပိုင်အခန်းလည်း မရှိ..။ သူ့မိတ်ဆွေများရှိရာဆီ တစ်ခန်းဝင် တစ်ခန်းထွက်..။ သူက ဆွမ်းဟင်းလည်း မချက်တတ်။ (အမှန်တကယ်တော့ ရွှေပြည်ကြီးတွင် သပိတ်ရှိလျှင် ဆွမ်းရှိသောရဟန်းတော်များ၏ သဘာဝအရ မည်သူမျှ မီးဖိုချောင်ကိစ္စတွင် စွမ်းဆောင်ရှင်များမဟုတ်ကြ။ တစ်ပါးစနှစ်ပါးစသာ ၀ါသနာနှင့် ပါရမီလက်ပါလာကြသည်။ မဇ္ဈိမရောက်လျှင်တော့ မဖြစ်မနေသင်ယူကြရသည်။ စမ်းသပ်ချက်ပြုတ်ကြရသည်။ ''ကဲ လိုက်ဆိုကြ ..ဣဒံ မေ ပုည''ံ ဖြင့် ဆွမ်းတစ်နပ်လွယ်လွယ်ကူကူ မဖြစ်နိုင်တော့သည့် အခြေအနေက ပွင့်လင်းမြင်သာရှိလွန်းလှပေသည်။

အသစ်ရောက်လာစ ရဟန်းများအား ဟင်းချက်နည်းသင်ပေးသော မိတ်ဆွေရဟန်းတော်တစ်ပါးကို သတိရနေသည်။ ''ကဲ ငါ့ရှင်တို့ ဒီစင်ပေါ်တင်ထားတဲ့ ဗူးတွေ မြင်လား၊ ။ ဆားဗူး၊ နနွင်းဗူး၊ ငရုတ်သီးမှုန့်ဗူး...ဒီစင်ပေါ်မှာ တင်ထားသမျှ ဗူးတွေထဲက အနည်းငယ်စီကို သိလ္လာစိုးရဲ့ စားကြမယ်ဟေ့ ကောင်းကောင်းထဲက အတိုင်းထည့် ။ သားစိုးလို ရောသမမွှေ ....။

သူ့ကိုတော့ (လက်ရာကြိုတင်အနံ့ရနေကြသည့်အလား) စမ်းသပ်ခွင့်ပင် မပေးဘဲ မီးဖိုးချောင်ကင်းလွတ်ခွင့်ပြုလိုက်ကြသည်..။

သူကလည်း ဗာရာဏသီရောက်ဦးစနေ့ရက်များတွင် မီးဖိုချောင်ကြီးကို မြင်ရတိုင်း ထိတ်လန့်တုန်လှုပ်နေသည်။ ဘယ်တော့ချက်ရလေမလဲ..။ စားချိန်ရောက်မှသာ ရယ်ရယ်မောမောဖြစ်တတ်သည်။ (တော်တော်လည်း တရားပါပေ့..။)

သို့လျှင် သူ့အား နားလည်သည်းခံနိုင်စွမ်းရှိကြသော မိတ်ဆွေရဟန်းတော်များကို သူ့ဘက်က ဟူးဟူးငြားငြား ပြန်ပေးနိုင်သောအရာမရှိ..။

ယခုသူုနေထိုင်လျက်ရှိသော ကိုးန၀င်းဆောင်တွင်လည်း သူ၏ သီတင်းသုံးဖော်ရဟန်းတော်သုံးပါးက အလှည့်ကျချက်ပြုတ်နေကြသည်။ ညနေပိုင်းတွင် ထိုရဟန်းတော်များဘာသာပြန်ပြသော မစ္စတာဟာမန်းဟက်စ်၏ သိဒ္ဓတ္ထ၀တ္ထုကို နားထောင်ပေးရုံသာ သူ့ကို တာဝန်ပေးထားသည်။

''ယခုပင်လျှင် မစားခင်က ကြိုတင်ချက်မှု လုံ့လပြုလော့..။''း) သံပေါက်ကို သူ့အားရွတ်ခွင့်မပေး..။ ကောင်းလင့်တေးပေတည်း..။

လွန်ခဲ့သောနှစ်က မိတ်ဆွေရဟန်းတော်အချို့ ပညာရေးကိစ္စများပြီးဆုံး၍ အပြီးပြန်ကြလေသော အခါ ကျန်ရှိသော ပစ္စည်းများကို သူ့အား လက်ဆင့်ကမ်းခဲ့ကြသည်။ သုံးရာသီစာ စောင်ခြင်ထောင်များ၊ စားပွဲကုလားထိုင်များ။ စာအုပ်များ။ မီးဖိုချောင်သုံး အိုးခွက် ပုဂံများ၊ ဓါတ်ငွေ့အိုးကြီးများ။ ကာသိတိုင်းဖြစ်လေအေးစက် (အဲယားကွန်း မဟုတ်)။ ရေခဲသေတ္တာတစ်လုံး..။ တီဗီနှင့် ဂြိုဟ်တုစလောင်း၊ (တီဗီကတော့ သူ့အခန်းထဲမှာ ထားသည်ထက် ပိုမိုအဆင်ပြေမည့် ဘုန်းတော်ကြီးကျောင်းသို့ ပို့လှူလိုက်ကြသည်။ )

ဤပစ္စည်းများမှာ လိုအပ်ချက်များက တောင်းဆို၍ ဖြည့်တင်းလာသော အပိုပရိက္ခရာများဖြစ်လေသည်။ သို့တည်းမဟုတ် မလိုအပ်ဘဲ ရောက်လာသောအရာများလည်း ရှိနေနိုင်ကြောင်း ၀န်ခံရပေမည်။

သာသနာ့တက္ကသိုလ်နှစ်များဆီက ဒုတိယ ပါမောက္ခချုပ်ဆရာတော်သည် သူတို့၏ အဆောင်များ၊အခန်းများကို ၀င်ရောက်စစ်ဆေးလေ့ရှိသည်။ သင်တန်းသားရဟန်းတော်များနှင့် မသက်ဆိုင်သည့် အသုံးအဆောင်များကို သိမ်းဆည်းကာ ပညာသင်နှစ်ကုန်မှ ပြန်လည်ပေးအပ်တတ်သည်။ သို့နှင့် ပါမောက္ခချုပ်အဆောင်တွင် တံဆိပ်မျိုးစုံ ကက်ဆက်ပလေယာများ စုပုံနေတတ်သည်။

တစ်နေ့သားမှာတော့ ဒု-ပါမောက္ခချုပ်ဆရာတော်က (အရပ်တော်က ပုသော်လည်း) တက္ကသိုလ်မင်းလမ်းမကြီးပြည့်အောင် မြောက်မြောက်မော့မော့ကြွလာသည်ကို ဖူးရသည်။ နောက်တော်ပါးမှာက ထောင်ထောင်မောင်းမောင်းနာယကဆရာတော်ကြီးတစ်ပါးက ဂစ်တာကြီးကို ထမ်းလို့..။ .မြင်ကွင်းက ပြုံးချင်စရာကောင်းလှသည်။ စုံစမ်းကြည့်တော့ သင်တန်းသားရဟန်းတော်များ အဆောင်အနီးမှာ နေထိုင်ကြသည့် ထမင်းချက်ဆောင်ဝန်ထမ်းလူငယ်များဆီက သိမ်းလာသည် တဲ့..။ သာသနာ့တက္ကသိုလ်စာမေးပွဲနီပြီမို့ ဒေါင်ဒေါင်ဒင်ဒင်ဂစ်တာကြီးကို ဆွဲလာခဲ့ခြင်းဖြစ်ပေမည်။။

ကဗျာဆရာဒကာပိုင်စိုးဝေကြီးကတော့ မိဝင်းဖို့ ကဗျာတွင်

''ရူးစမ်းပါစေ ဆိုပြီး

နင်ပစ်ပေးခဲ့တဲ့ အထုပ်ကြီးကို

ရတဲ့နေကစလို့

ငါတစ်ညမှ အိပ်မရခဲ့ဘူး ..။ '' ဟု ဖွဲ့ဆိုသည်။

သူကတော့ရော သူ့မိတ်ဆွေများ ချစ်သမျှ အထုပ်ကြီး အထုပ်ငယ်များရသည့်နေ့ကတည်းက အခန်းတစ်ခန်းကို ကိုယ်ပိုင်အမည်ဖြင့် ငှါးရတော့သည်။ အိမ်ရှင်နှင့် အဆင်မပြေ၍ တစ်နေရာမှ တစ်နေရာပြောင်းရွှေ့ရန် စဉ်းစားမိသည့်အခါတွင်လည်း အတောင်သာ ၀န်ရှိသော ငှက်ကဲ့သို မပေါ့ပါးတော့။ ပြီးတော့ သူ့မှာ သော့တစ်ချောင်းမဖြစ်မနေ သွားလေရာရာ ဆောင်ရသည့် ဒုက္ခလည်း ပိုလာသည်။ ဘယ်မှာ ရဟန်းနှင့် တူတော့လို့လဲ..။ အရှင်ဇနကာဘိဝံသလို တောင်သမန်အင်းစောင်းက ကျောင်းမျိုးလေးမှာ စာအုပ်များနှင့်သာ အေးချမ်းစွာ ဘယ်တော့များမှာမှ နေခွင့်ရလေမလဲ..။ အရှင်ဝိစိတ္တသာရာဘိဝံသလို မင်းကွန်းဓမ္မနာဒက အခန်းကျဉ်းလေးမှာ လက်နှိပ်စက်လေး တစ်ချောက်ချောက်ရိုက်ရင်း ပေစာပရပိုဒ်များနှင့် ဘယ်အချိန်မှာမှ မွေ့လျော်ခွင့်ရလေမလဲ..။

သည်ဝါကျကို ဖတ်ပြီးသောအခါ သူ့သာဝကအချို့က အမွေတောင်းခန်းရိုက်ဖို့ အိုက်တင်လေ့ကျင့်နေကြတော့မည်။ ဟိုးထား..ငါ့ရှင်တို့ မောင်တို့မယ်တို့.. နောက်ထပ်အခန်းကျယ်ကျယ်ကြီးတစ်ခုငှါးဖို့ ကြံစည်နေပြီကို အသိပေးလိုက်သည်..။

အကယ်၍...

ဓမ္မဂင်္ဂါ

(၁၉-၈-၂၀၁၁)

(စာမရေးဖြစ်သည့်နေ့ရက်များကို ဘယ်လိုဖြည့်ဆည်းအစပျိုးရမည်ကို မသိရာမှ ကောက်ခြစ်မိသော ၀ါကျများဖြစ်သည်..။ )

ဓမ္မဂင်္ဂါပါဠိသင်ခန်းစာ(၁၂)

အနာဂတ်ကာလ (Future Tense)ကို သွားကြတော့မှာပါ။

အိမ်း အိမ်း နောက်ကိုလည်း လှည့် မကြည့်ရဲပေဘူး။ ယခင့်ယခင် တက်ကြွကုန်၊ မတက်ကြွလေကုန်သော တပည့်ကျော် တပည့်မော် တပည့်ချော် အဲ တပည့်တော်တွေ ရှိမှ ရှိကြပါသေးလေစ။ အွန်လိုင်းစာသင်ခန်းဆိုတော့ (Attendance)ခေါ်လို့လည်း မရ။။ ဆရာတူ တပည့်တွေဆိုရင်တော့ ခက်ကရော။ ဆရာကလည်း ကျောင်းပြေးချန်ပီယံ..။ သင်တန်းတွေရဲ့ ထုံးစံအတိုင်း နောက်ဆုံးတော့ ဆရာနဲ့ ကျောက်သင်ပုန်းပဲ ကျန်တတ်မြဲဓမ္မတာပေကိုး..။

ခုတော့ ကီးဘုတ်တော်ကြီးနဲ့ ဘုန်းမောင့်တစ်ကိုယ်တည်းရယ်...ထင်ပါရဲ့.။

ိဘာပဲဖြစ်ဖြစ် ရှေ့က ကွန်ပြူတာကျောက်သင်ပုန်း(Screen)ကိုပဲ ငေးပြီး အနာဂတ်ကာလကို သွားကြပေတာပ..။

ပစ္စုပ္ပန်ကာလ( Present Tense) ပုံစံလေးတွေနဲ့ ဆင်တူရိုးမှားပါပဲ॥။
ကြိယာအခြေခံပုဒ်တွေရဲ့နောက်မှာ ဆက်ပေးရမယ့် ၀ိဘတ်လေးတွေ ကြည့်လေ॥။

(Third Person ) ဿတိ (ssati) ---------------ဿန္တိ(ssanti)
(Second Person) ဿသိ (ssasi) ------------- ဿထ( ssatha)
(First Person) ဿာမိ (ssāmi) -------------- ဿာမ(ssāma)

ပစ(Paca) ဆိုတဲ့ အ-သရဆုံး ကြိယာအခြေခံပုဒ်ရဲ့နောက်မှာ ဆက်ကြည့်ကြရအောင်..
အဲဒီလို ဆက်တဲ့အခါ များသောအားဖြင့် ကြိယာအခြေခံပုဒ်(Verbal base)နဲ ၀ိဘတ်(Verbal Termination)ကြားထဲမှာ ဣ (i) သရလေးထည့်ပေးရတယ်..။ ဣသရဆိုပေမယ့် သင်္ကေတ( -ိ) လေးထည့်ပေးရမှာပါ..။ ဧ-သရဆုံးကြိယာအခြေခံပုဒ်တွေရဲ့ နောက်မှာတော့ ထည့်စရာမလိုဘူးလို့ မှတ်ထားကြပေဦး..။

ဒီလိုလေ..
paca+i+ssati=pacissati
ပစ+ (-ိ) +ဿတိ=ပစိဿတိ

သော ပစိဿတိ။
(သူသည် ချက်လိမ့်မည်။)
တေ ပစိဿန္တိ။ (သူတို့သည် ချက်ကြလိမ့်မည်။)

တွံ ပစိဿသိ။ (သင်သည် ချက်လိမ့်မည်။)
တုမှေ ပစိဿထ။ (သင်တို့သည် ချက်ကြလိမ့်မည်။)

အဟံ ပစိဿာမိ။ (ငါသည် ချက်လိမ့်မည်။)
မယံ ပစိဿာမ။ (ငါတို့သည် ချက်ကြလိမ့်မည်။)

အာ-သရဆုံးကြိယာအခြေခံပုဒ်

(ကိဏာ=၀ယ်ယူ)
ကိဏိဿတိ --------------- ကိဏိဿန္တိ
ကိဏိဿသိ---------------- ကိဏိဿထ
ကိဏိဿာမိ----------------- ကိဏိဿာမ


ဧ-သရဆုံး ကြိယာအခြေခံပုဒ်
ဒေသေ (ဟောကြား)
ဒေသေဿတိ ----------------ဒေသေဿန္တိ
ဒေသေဿသိ ----------------ဒေသေဿထ
ဒေသေဿာမိ ------------------ဒေသေဿာမ


သြ-သရဆုံးကြိယာအခြေခံပုဒ်
ကရော (ပြုလုပ်)
ကရိဿတိ -----------------ကရိဿန္တိ
ကရိဿသိ -----------------ကရိဿထ
ကရိဿာမိ ------------------ကရိဿာမ

ရှိ/ဖြစ်ကြိယာ (Verb to Be)အဖြစ်သုံးရတဲ့ အသ (as)ဆိုတဲ့ ကြိယာအခြေခံပုဒ်အတွက် အနာဂါတ်ကာလပုံစံမရှိလေတော့ ဘ၀(bhava) ဆိုတဲ့ ကြိယာအခြေခံပုဒ်ကို အစားသုံးစွဲရပါတယ်..။

ဘ၀ိဿတိ -----------------------------ဘ၀ိဿန္တိ
ဘ၀ိဿသိ ---------------------------ဘ၀ိဿထ
ဘ၀ိဿာမိ ----------------------------ဘ၀ိဿာမ

လေ့ကျင့်ခန်းပူပူနွေးနွေးလေးတွေပါ..။ အဟောင်းတွေကတော့ ချောင်ထိုးထားလို့ အေးစက်ကုန်ပြီ..။ မြန်မာပြန်ကြည့်ဦး..စာအုပ်ကိုဖွင့်ကြည့်ပြီး ဖြေပါ..။း)

1. အဟံ ၀သိဿာမိ။
2. တုမှေ ဂစ္တိဿထ။
3. တေ အာဂစ္ဆိဿန္တိ။
4. မယံ နိသီဒိဿာမ။
5. တွံ သယိဿသိ။
6. အဟံ ဥဋ္ဌဟိဿာမိ။
7. တေ အပဂစ္ဆိဿန္တိ။
8. အဟံ ဇာနိဿာမိ။
9. တေ ဇိနိဿန္တိ။
10. တုမှေ သုဏိဿထ။

ပါဠိပါရဂူလောင်းလျာများအတွက်..

1. ငါ သိလိမ့်မယ်။
2. သူတို့ အနိုင်ရလိမ့်မယ်။
3. သူ ဖုံးကွယ်ထားလိမ့်မယ်။
4. ငါ ပွားများလိမ့်မယ်။
5. သူတို့ ခိုးကြလိမ့်မည်။
6. သူ ချဲ့ထွင်လိမ့်မယ်။
7. ငါတို့ ရွေးချယ်ကြလိမ့်မယ်။
8. ငါတို့ ရရှိကြလိမ့်မယ်။
9. သူ သွားစားလိမ့်မယ်။
10. သူတို့လာကြလိမ့်မယ်။

Vocabulary (လေ့ကျင့်ခန်းလုပ်သည့်အခါ အလွယ်တကူ ကူးရန်..စကားလုံးများ)
ဝသတိ (နေ၏)
ကသတိ (ထွန်ယက်၏)
ဧတိ (လာ၏)
ဝပတိ (စိုက်ပျိုး၏)
ဇိနာတိ(အောင်နိုင်၏)
ဘာဝေတိ (ပွားများ၏၊ တိုးတက်အောင်လုပ်၏)
ဃာယတိ(အနံ့ရ၏၊ အနံ့ခံ၏)
သာယတိ(အရသာခံ၏)
ဖုသတိ(တို့ထိ၏)
စိန္တေတိ (ကြံစည်၏)
သုဏာတိ (နားထောင်၏)
တနောတိ(ချဲ့ထွင်၏၊ဖြန့်ကျက်၏)
်
ဓမ္မဂင်္ဂါ
(၁၇-၈-၂၀၁၁)
ဘလော့မှာ ဖတ်ရတာ အဆင်မပြေရင် ဖေ့စ်ဘွတ်ခ်တော်သို့ ကြွရောက်ကြလေကုန်ရာသတည်း...။

ဓမ္မဂင်္ဂါပါဠိသင်ခန်းစာ(၁၁)

အခု သင်ခဲ့ပြီးတာတွေက အ-သရဆုံး ပါဠိကြိယာအခြေခံပုဒ်တွေပါ..။

ပြန်ကြည့်လေ ပစ (paca) စရ (cara) သယ (saya) ဆိုတဲ့ ပုဒ်တွေမှာ အ (a) သရလေးတွေနဲ့ အဆုံးသတ်ထားတာ တွေ့လား…။ (တစ်ခြားလား တွေ့ကြရဲ့လား ပရိသတ်ကြီးရေ..။)

ဒီနေ့ သိစေချင်တာက အာ-သရဆုံး၊ ဧ-သရဆုံးနဲ့ သြ-သရဆုံးကြိယာအခြေခံပုဒ်တွေပါ..။

အာ-ဧ - နဲ့ သြ-သရဆုံး ကြိယာအခြေခံပုဒ်တွေကို ပစ္စုပ္ပန်ဝိဘတ်များနဲ့ စဉ်ကြည့်ကြမယ်॥။ ကြိယာအခြေခံပုဒ်တွေနဲ့ အတူ အရင်းအမြစ်ဓါတ် (Verbal Root)လေးတွေပါ တွဲပြီး ဖော်ပြလိုက်တယ်॥။ ရင်းနှီးသွားတာပေါ့လေ ။ မရှင်းရင်တော့ မေးဗျာ॥ ငုံစိစိတော့ လုပ်မနေနဲ့॥။ (နီးစပ်ရာမြို့ပြတိုင်းနိုင်ငံက ပါဠိတတ်ပွန်တဲ့ ဆရာတော်ဘုရားများကိုလည်း မေးမြန်းနိုင်ပါကြောင်း॥။ အခေါက်ခံရသော် ဆရာနဲ့ မဆိုင်… တိန်)


အာ-သရဆုံးကြိယာအခြေခံပုဒ်

ဓါတ်(ကီ ) - ကြိယာအခြေခံပုဒ် = ကိဏာ(၀ယ်)

ကိဏာတိ ကိဏန္တိ

ကိဏာသိ ကိဏာထ

ကိဏာမိ ကိဏာမ



ဧ-သရဆုံး ကြိယာအခြေခံပုဒ်

ဓါတ် (ဒိသ) ကြိယာအခြေခံပုဒ်=ဒေသေ (ဟောကြား)

ဒေသေတိ ဒေသေန္တိ

ဒေသေသိ ဒေသေထ

ဒေသေမိ ဒေသေမ

သြ-သရဆုံး ကြိယာအခြေခံပုဒ်

ဓါတ် (ကရ) ကြိယာအခြေခံပုဒ်=ကရော (ပြုလုပ်)

ကရောတိ ကရောန္တိ

ကရောသိ ကရောထ

ကရောမိ ကရောမ



အင်္ဂလိပ်စာမှာ ထူးခြားတဲ့ ကြိယာ (Irregular Verb)ဆိုတာ ရှိသလို ပါဠိမှာလည်း ရှိပါတယ်..။

တစ်ခြားကြယာပုဒ်တွေလို စဉ်လို့ မရတာမျိုးပေါ့..။ ဟောဒီမှာ ဒီမှာ ထူးခြားတဲ့ ကြိယာတွေပါ…။း)

အသ (ရှိ/ဖြစ်)၊ ဗြူ (ပြောဆို)၊ ဟန (သတ်ဖြတ်) ဆိုတဲ့ ကြိယာအခြေခံပုဒ်တွေကို ပစ္စုပ္ပန်ကာလအတွက် စဉ်ပြပေးလိုက်ပြီ..။

(အသ) (ရှိဖြစ်)

အတ္တိ သန္တိ

အသိ အတ္ထ

အသ္မိ/အမှိ အသ္မ/အမှ



ဗြူ (ပြောဆို)

ဗြူတိ ဗြုဝန္တိ

ဗြူသိ ဗြူထ

ဗြူမိ ဗြူမ



ဟန (သတ်ဖြတ်)

ဟနတိ/ဟန္တိ ဟနန္တိ

ဟနသိ ဟနထ

ဟနာမိ ဟနာမ



ရွှီး ရွှီး ရွှီး ခရာမှုတ်ပြီ..

ပေးထားတဲ့ ကြိယာတွေရဲ့ အခြေခံပုဒ်တွေကို ရွေးထုတ်ကြလေ..။ လေ့ကျင့်ရင်း အဓိပ္ပါယ်များကိုလည်း မှတ်သားကြစေ..။

1. ပါပုဏာတိ (ရောက်၏ ၊ချဉ်းကပ်၏)
2. ဇိနာတိ (အောင်နိုင်၏)
3. သုဏာတိ (ကြားနာ၏)
4. ဇာနာတိ (သိ၏)
5. စိနာတိ(ရွေးချယ်၏)
6. စောရေတိ (ခိုး၏)
7. ဘာဝေတိ (ပွားများ၏)
8. ဆာဒေတိ (ဖုံးလွှမ်း၏)
9. တနောတိ (ချဲ့ထွင်၏)
10. ပပ္ပေါတိ (ရောက်၏)

ပါဠိလိုလေး ရေးပြ…။

1. ငါ အောင်မြင်တယ်။
2. သူတို့ ချဉ်းကပ်နေကြတယ်။
3. ငါတို့ကတော့ ပွားများအားထုတ်နေကြဆဲ..။
4. သူတို့ ခိုးနေကြပြီ..။
5. ငါတို့ကတော့ ဖုံးထားလိုက်ပြီ။
6. မင်း ရွေးချယ်..။
7. ငါတို့ နားထောင်နေကြတယ်..။
8. သူတို့ ပြေးကြပြီ။
9. ငါ ထိုင်ချလိုက်တယ်။
10. သူတို့ အိပ်နေကြတယ်.။



မှတ်ချက်လေး ပြောရဦးမယ်..

ပါဠိမှာက Simple Present Tense နဲ့ Present Continuous Tense ကို တစ်မျိုးတည်း ပေါင်းပြီး သုံးစွဲတယ်ဆိုတာလေး မှတ်ထားကြပေဦး..။

I go. နဲ့ I am going. ကို အဟံ ဂစ္ဆာမိ နဲ့ပဲ လုပ်ချလိုက်ပေရော..။



ဓမ္မဂင်္ဂါ

(၁၄-၈-၂၀၁၁)

သီဟပူရ နှင့် ရွှေပြည်ကြီး၊ အောဇီးနှင့် အင်္ဂလန်။ ဂျပန်နှင့် အမေရိက အ၀၀ အတန်တန် နိုင်ငံစုံ နိုင်ငံရပ်ခြားတွင် နေထိုင်လျက်ရှိပေသော်ငြား၊ ဗုဒ္ဓပါဝစနဆိုသဟာ၊ ပါဠိဘာသာစာပေစကား၌ သည်းသည်းလှုပ် အရည်ပျော်သင်ကြားလိုကြပေသည့် တပည့်ဒကာမတစ်စုနှင့် တကွ ဘုရားဒကာ ကျောင်းဒကာ၊ အခန်းငှားခဒကာ ၊အီးဗီဇာဒကာ၊ အင်တာနက်မိုဒမ်ဒကာ ၊ အပိုဟတ်ဒစ်က်စ်ဒကာ၊ ယာယီဖုန်းကဒ်ဒကာ၊ ၀က်ဘ်ဆိုဒ်ဒိုမိန်းဒကာ ဟူပေသည့် ခေတ်သစ်အမျိုးကောင်းသားတို့ အကျိုးများစိမ့်သောငှါ ကျမ်းစာထိုထိုမှ အပိုအလိုမရှိ ကူးချဘိလေသော ဓမ္မဂင်္ဂါ (ချွေးမထွက် ) ပါဠိသင်ခန်းစာတော်ကြီး အခန်း (၁၁)ကား ဤတွင်ပြီး၏။
ပုဒိအာနှင့် ပြည့်စုံရပါလို၏..(အခုတော့ မဟုတ်သေး..)

ဓမ္မဂင်္ဂါပါဠိသင်ခန်းစာ (၁၀)

ကြိယာ(Verb)တွေနဲ့ ပတ်သက်ပြီး လေ့လာလက်စ ရှိပေမယ့် လာမယ့် သင်ခန်းစာတွေမှာ အခြားကာလ(Tense)အသစ်တွေ မိတ်ဆက်ပေးချင်လို့ ကြိယာအခြေခံပုဒ်တွေအကြောင်း ပြောပြထားချင်တာပါ..။

ပါဠိကြိယာပုဒ်တွေမှာ ဓါတ်(root)၊ ပစ္စည်း (Conjugational sign) ၊ ၀ိဘတ် (Verbal termination)ဆိုတဲ့ အစိတ်အပိုင်းသုံးခုပါတယ်။
ဥပမာ ပစတိ(ချက်၏) ဆိုတဲ့ ကြိယာကို ခွဲခြမ်းလိုက်ရင်

Paca+a+ti=pacati

Paca (root) +a (Conjugational sign)+ti (Verbal termination)

ဒါပေမယ့် ခေတ်ပေါ်ပါဠိပညာရှင်တွေက ဓါတ်နဲ့ ပစ္စည်းကို ပေါင်းပြီး ကြိယာအခြေခံပုဒ်(Verbal base) လို့ သင်ပေးကြတော့ ခေါင်းသိပ်မကိုက်တော့ဘူးပေါ့॥။ နောက်ပိုင်းတော်တော်လေး စာဝါးဝလာတဲ့အခါကျရင် ဓါတ်တွေ ပစ္စည်းတွေ အလိုလို နားလည်လာတာကို တွေ့ရမယ်॥။ ခုတော့ သိပ်မမှတ်နဲ့ဦး အဲ မှတ်ပြီးပြီဆိုရင်လည်း မေ့မပစ်နဲ့တော့..။

ကြိယာအခြေခံပုဒ်များ

ပစ(ချက်)
ဝသ(နေ)
ဂစ္ဆ (သွား)
တိဋ္ဌ (ရပ်)
ဥတိဋ္ဌ (ရပ်)
ဥဋ္ဌဟ( ထ/ရပ်)
နိသီဒ (ထိုင်)
အာဂစ္ဆ (လာ)
သယ(အိပ်)
အပဂစ္ဆ (အဝေးသို့ သွား)

တကယ်တော့ ကြိယာအခြေခံပုဒ်လေးတွေ ရှေ့မှာလည်း သိခဲ့ပါပြီးပြီ..။ အဲဒီကြိယာအခြေခံပုဒ်လေးတွေကိုပဲ ပစ္စုပ္ပန်ကြိယာဖြစ်အောင် ၀ိဘတ်လို့ခေါ်တဲ့ ကြိယာနောက်ဆက်ပုဒ်လေးတွေနဲ့ တွဲပေးလိုက်ပေါ့..။

ပစ+တိ=ပစတိ ပစ+န္တိ=ပစန္တိ
ပစ+သိ=ပစသိ ပစ+ထ=ပစထ
ပစ+မိ=ပစာမိ ပစ+မ=ပစာမ

(နောက်ဆုံး မိနဲ့ မ ရဲ့ ရှေ့မှာ ပစာမိ ပစာမလို့ အသံရှည်လေး ပြောင်းနေတာကို သတိပြုခဲ့ကြဦးပေါ့။)

လေ့ကျင့်ခန်းလုပ်ကြဦးစို့..

ပေးထားတဲ့ ကြိယာပုဒ်တွေရဲ့ ကြိယာအခြေခံပုဒ်များကို ရေးပြပါ။

ဥပမာ ၁။ အပဂစ္ဆတိ ရဲ့ ကြိယာအခြေခံပုဒ်က အပဂစ္ဆ ပေါ့

1. အပဂစ္ဆတိ
2. အာဂစ္ဆတိ
3. ဥတိဋ္ဌတိ
4. ဥဋ္ဌဟတိ
5. နိသီဒတိ
6. တိဋ္ဌတိ
7. ဂစ္ဆတိ
8. ၀သတိ
9. သယတိ
10. ပစတိ



မြန်မာဘာသာပြန်ဆိုပါ..လွယ်ပါ့..

1. အဟံ ဥတိဋ္ဌာမိ။
2. တွံ ၀သသိ။
3. တေ တိဋ္ဌန္တိ။
4. မယံ ဂစ္ဆာမ။
5. တုမှေ သယထ။
6. အဟံ အပဂစ္ဆာမိ။
7. တုမှေ နိသီဒထ။
8. မနုဿာ အာဂစ္ဆန္တိ။
9. ပုရိသော ၀သတိ။
10. သုနခါ သယန္တိ။


ပါဠိလိုလည်း ရေးကြဦး

11. ငါရပ်နေတယ်။
12. ငါ ထပြီ။
13. သူတို့ကတော့ အိပ်နေကြဆဲ။
14. မင်းထိုင်နေတယ်။
15. ငါတို့ နေကြတယ်။
16. သူတို့ သွားနေကြတယ်။
17. ငါတို့ အဝေးကို သွားကြတယ်။
18. မင်းကတော့ ပြေးနေဆဲ။
19. သူ လာနေတယ်။
20. ငါ သွားတယ်။

ဓမ္မဂင်္ဂါ
(၁၃-၈-၂၀၁၁)

ဓမ္မဂင်္ဂါပါဠိသင်ခန်းစာ(၉)

ဒီနေ့အတွက် နပုံလိင်နာမ်ပုဒ်( Neuter nouns)လေးတွေ မိတ်ဆက်ပေးရမယ်..။ သင်ခန်းစာအသစ်မတက်မီ စကားလုံးအသစ်လေးတွေကို ဖတ်ထားလိုက်ဦး..။ ခပ်ဝါးဝါးဖြစ်နေလည်း ၀ါးပါများရင် ကြေညက်သွားလိမ့်မယ်..။ ခက်တာက မ၀ါးမှာပဲ ပူရပေတာပ..။

Vocabulary

အသရဆုံး နပုံလိင်နာမ်ပုဒ်များ (Neuter nouns ending in-a)

ဖလ (အသီး)

နယန/လောစန (မျက်လုံး)

ဥဒက/ဇလ (ရေ)

အရည/၀န (တော)

ပုပ္ဖ/ ကုသုမ (ပန်း)

ဂေဟ/ဃရ (အိမ်)

အာသန (နေရာ၊ထိုင်ခုံ)

ပဏ္ဏ (သစ်ရွက်)

တိဏ (မြက်)

ခီရ (နို့ရည်)

နဂရ (မြို့)

ဥယျာန(ပန်းခြံ၊ ဥယျာဉ်)

ခေတ္တ (လယ်ယာ)

ဘဏ္ဍ (ဥစ္စာထုပ်)

သီလ (ကိုယ်ကျင့်သီလ)

ဒါန (အလှူဒါန)

ရူပ (ရုပ်အဆင်း)

ဒွါရ (တံခါး)

ဝတ္ထ (အ၀တ်အထည်)

ပြီးတော့ ကြိယာလေးတွေလည်း ဆက်မှတ်ကြဦး...များနေပြီနော်...။

ပစ္စုပ္ပန်ကြိယာများ (Verbs in Present Tense)

ဝိ၀ရတိ (ဖွင့်၏)

နစ္စတိ (က၏)

နိက္ခမတိ (ထွက်၏)

ဥဋ္ဌဟတိ (တက်၏)

ဖုသတိ (ထိကိုင်၏)

အနုသာသတိ (ညွှန်ကြား၏)

သြ၀ဒတိ (ဆုံးမ၏)

သံဟရတိ (စုဆောင်း၏)

အာသိဉ္စတိ (သွန်းလောင်း၏)

အက္ကောသတိ (ဆဲ၏)

ဘိန္ဒတိ (ခွဲ၏)

ပိဗတိ/ပိဝတိ (သောက်၏)

နပုံလိင်နာမ်ပုဒ်တွေကို ကာရက (၈)မျိုးစဉ်တဲ့အခါ ပုလ္လိင်နဲ့ အလွန်နီးစပ်ပါတယ်။ထူးခြားတာဆိုလို့ သုံးမျိုးပဲ ရှိမယ်॥။ထူးခြားတဲ့ သုံးခုကို အနည်းကိန်းရော အများကိန်းရော ဒီလိုပဲ တွဲမှတ်ကြပေရော..။

ဖလ (အသီး)ဆိုတဲ့ ပါဠိစကားလုံးလေးကို ထူးခြားတဲ့ သုံးမျိုး စဉ်ကြည့်ကြရအောင်..

၁။ကတ္တုကာရက

ဖလံ ဖလာ ၊ဖလာနိ

၂။ကမ္မကာရက

ဖလံ ဖလေ၊ ဖလာနိ

၃၊အာလပနကာရက

ဖလ ဖလာ၊ဖလာနိ

ကျန်တဲ့ ကာရကတွေ တူပြီပေါ့..။

ဒီလိုလေး အကုန်စီချပြီး ရေးကြစို့

1. ဖလံ ဖလာ၊ဖလာနိ
2. ဖလံ ဖလေ၊ဖလာနိ
3. ဖလေန ဖလေဟိ၊ဖလေဘိ
4. ဖလသ္မာ၊ဖလမှာ၊ဖလာ ဖလေဟိ၊ဖလေဘိ
5. ဖလဿ ဖလာနံ
6. ဖလဿ ဖလာနံ
7. ဖလသ္မိံ၊ဖလမှိ၊ဖလေ ဖလေသု
8. ဖလ ဖလာ၊ဖလာနိ

လေ့ကျင့်ခန်းလုပ်တဲ့ အခါ ပါဠိပုဒ်တစ်ခုတွေ့တိုင်း ပုလ္လိင်လား၊ နပုံလိင်လား ခွဲခြားစဉ်းစားရမယ့် အလုပ်တစ်ခု ပိုလာပြီလို့ မှတ်ပေရော...။ တစ်ခြားလား ၊ ပိုမလာဘူးလား ပရိသတ်တို့ရေ...။

ပါဠိမှ မြန်မာသို့.................

1. ဥပါသကော ပုပ္ဖာနိ အာဟရတိ။
2. အရညေ မိဂါ ၀သန္တိ၊ ရုက္ခေသု မက္ကဋာ စရ န္တိ။
3. ဂေါဏာ တိဏံ ခါဒန္တိ။
4. မနုဿာ နယနေဟိ ပဿန္တိ။
5. သမဏာ ၀ိဟာရသ္မိံ အာသနေ နိသီဒန္တိ။

မြန်မာမှ ခေတ်မှီဖွံ့ဖြိုးတိုးတက်သော ပါဠိသို့

1. ကလေးတို့သည် ခွေးတစ်ကောင်နှင့် အတူ ရေထဲတွင် ကစားကြ၏။
2. လူယုတ်မာသည် သစ်ပင်မှ သစ်ရွက်များကို ချိုးဖျက်၏။
3. ဘုရင်မင်းမြတ်တို့သည် ၀န်ကြီးများနှင့် အတူ ဥယျာဉ်တော်သို့ ရထားများဖြင့် ကြွချီကြကုန်၏။
4. ကုန်သည်တို့သည် ကုန်ပစ္စည်းများနှင့် အတူတကွ မြို့မှ ထွက်ခွာကြကုန်၏။
5. သူတော်ကောင်းတို့သည် ရဟန်းတို့အား အလှူဒါနကို ပေးလှူကြကုန်၏။

အပျင်းပြေဖတ်ရန် (ပျင်းရင်လည်း မဖတ်ရန်)

ကာရကဆိုလို့ ပြောရဦးမယ်..။ ကာရကဆိုတာ ကြိယာကို ပြီးစေတတ်တဲ့ ပုဒ်တွေကို ခေါ်သတဲ့။။ ကြိယာနိပ္ဖာဒနသတ္တိ ရှီတဲ့ ပုဒ်တွေဖြစ်သတဲ့..။

ကတ္တားဆိုပါစို့ ယောကျာ်းသည် ......ရဲ့ နောက်မှာ ကြိယာတစ်ခု မဖြစ်မနေလိုအပ်တယ်..။ ကံဆိုလည်း ရွာသို့....ရဲ့ နောက်မှာ ကြိယာလိုတယ်..။ ပြောချင်တာက ကြိယာနဲ့ တိုက်ရိုက်ဆက်စပ်နေတဲ့ ပုဒ်မျိုးတွေပေါ့..။ကာရက(၆) မျိုးလို့ သဒ္ဒါဆရာတွေက ဆိုပါတယ်.။ ကတ္တား၊ ကံ၊ ကရိုဏ်း၊ သမ္ပဒါန်၊ အပါဒါန်၊ သြကာသ (၆)မျိုးပေါ့..။

ကြိယာနဲ့တိုက်ရိုက်မပတ်သက်တဲ့ ပိုင်ဆိုင်မှုပြသာမိကာရကနဲ့ အခေါ်အဝေါ်အာလုပ်ပုဒ်ဆိုတာ ကာရကမဟုတ်ဘူးတဲ့..။

ဦးဘယ်သူ၏ .... ဒေါ်ဘယ်သူ၏ ........ဆိုရင် နောက်မှာ ကြိယာတိုက်ရိုက်မလိုဘူးလေ॥။ ဦးဘယ်သူ၏ သား၊ ဒေါ်ဘယ်သူ၏ ခင်ပွန်း... စသည် ပိုင်ဆိုင်တဲ့ နာမ်ပုဒ်တွေပဲ လိုပေသကိုး..။ ဒီလိုပဲ တစ်စုံတစ်ယောက်ကို အာလုပ်ပြုပြီး မောင်ဘယ်သူရေ မဟ၀ှါရေ ကိုမိုးဒီကြီးရေ ကိုမော့စ်လားခင်ဗျာ့.. စသည်ရဲ့ နောက်မှာ ကြိယာတိုက်ရိုက်မလိုတဲ့အတွက် အာလုပ်ပုဒ်များဟာလည်း ကာရက မဟုတ်ပေဘူးတဲ့...။ ဒါတွေက သီအိုရီပိုင်းတွေပါ ..။ ပြန်ပြောစရာမလို ကျက်မှတ်စရာမလို.. ဖတ်မှတ်ရုံမျှသာပေတကား..။

ဓမ္မဂင်္ဂါ

(ဆက်လက်ပြီး ပါဠိသင်ခန်းစာများ ဒရောသောပါး လာတော့မည်॥ထွက်မပြေးကြေး..။ )

ကိုယ်တိုင်ကြွားအတ္ထုပ္ပတ္တိ (၉)

ကျွန်တော်ကရော ဘာများတတ်နိုင်ပါဦးမည်နည်း (ဗန်းမော်တင်အောင်)

(၁)

''မောင်ပဇင်းရေ॥ ဒီတစ်ခေါက်လည်း ရွာကို အရောက်ကြွခဲ့ဖို့ အားလုံးက မျှော်နေကြလေရဲ့.. ယမန်နှစ်တုန်းကလိုမျိုး အထူးတရားပွဲကြီးလည်း မပျက်မကွက် ကျင်းပလိုကြပြန်သေးသတဲ့ဘုရား..။ ရွာဆွေမျိုးရပ်ဆွေမျိုးစုံအောင် ဖိတ်ပြီး မောင်ပဇင်း ဒိသာပါမောက္ခကြီးဖြစ်ပြီးမှ ဟောတဲ့ တရားဦးကို နာချင်ကြလို့မို့ဂေါပကလူကြီး မောင်မြသန်းတို့ စာကြည့်တိုက်မှူး မောင်သောင်းရွှေတို့က အသစ်တက်လာတဲ့ ကျေးရွာအုပ်ချုပ်ရေးမှူးကြီးနဲ့ တိုင်ပင်ပြီး မောင်ပဇင်းရဲ့ နိုင်ငံတကာဘွဲ့တွေအပြင် ဒိသာပါမောက္ခဆိုတာကြီးရော ပြီးတော့ ပြည်တွင်းပြည်ပ သာသနာပြု ဆိုတာကြီးရော ဆိုင်းဘုတ်ရေးပြီး ထောင်ကြတော့မတဲ့ ဘုရား..''

ဤကား ဤသည်ကား ဤမည်သောစကားသည်ကား လွန်ခဲ့သော တစ်ပတ်ခန့်ဆီက အထက်အညာစစ်ကိုင်းတိုင်းဒေသကြီး၊ရွှေဘိုဒိစတြိတ်ခရိုင်၊ကန့်ဘလူနဂရ၊အက်ဖ်ထီကေဂါမတွင် နေထိုင်လျက် ရှိပေသောမွေးသဖခင် ကျေးဇူးရှင်ကြီးနှင့် စီဒီအမ်အေမည်သော အသံခွက်ထဲမှ ပေါ်တစ်ချက် ပျောက်တစ်ချက် စကားပြောခွင့်ရသည်တွင် အီးယားဖုန်း(Ear phone ) နားဖြင့် ပြုံးပြုံးကြီး ကြားရပေသော အနုသန္ဓေကထာစကားပေတည်း။

လွန်ခဲ့သော နှစ်က မွေးရပ်မြေရွာလေးသို့ ခဏတာ ပြန်ကြွခိုက် နိုင်ငံတကာ (၇) ဘွဲ့ရ ကမ္ဘာကျော်အထူးတရားပွဲဆိုသဟာကို ရပ်သူရွာသားတို့ကို အလွန်ချစ်သဖြင့်သာ ဇွတ်နှစ်၍ ဟောခဲ့ရသည်။ သို့သော် ထိုတရားပွဲသည် ပေါက်ခဲ့လေဟန်တကား..။

အရှေ့ (၇) ရွာ၊ အနောက် (၇) ရွာ စည်းရိုးကို ကျော်ခွ၍ မြို့ပြနယ်နိမိတ်၊ ကမ္ဘာ့ဝန်ရိုးစွန်းနှင့် စကြာဝဠာအနားရေးသို့တိုင် ပြန့်နှံ့ခဲ့လေဟန် လေလုံးထွားကြသည့် သူ့အဆွေတို့ သဘော၊ သူ့အမျိုးတို့ မနောကို သူကား ပြုံးပြုံးတုံ့တုံ့၊ မြုံ့မြုံ့မိန့်မိန့်ကြီး လုပ်နေရုံမှ လွဲ၍ ဘာမှ မတတ်နိုင်ခဲ့လေပြီ..။

ထိုမည်သော ကမ္ဘာကျော်မဟာအထူးတရားပွဲကြီးတွင် ရပ်သူရွာသားတို့ အကြိုက်၊ ပရိသတ်စိတ်အလိုကို လိုက်၍ တရားခေါင်းစဉ်ကို ခပ်မိုက်မိုက် ခပ်လန်းလန်း၊ အဆန်းထွင်ကာ ပေးခဲ့ရ၏။ (ထိုတရားအမည်ကို ဤနေရာ၌မဖော်ပြလိုတော့ပေ)။ တရားသားခပ်နည်းနည်းတွင် ဘာသန္တရမည်သော နိုင်ငံရပ်ခြား စကားအမျိုးမျိုးကို ဆိုင်ဆိုင်မဆိုင်ဆိုင် ထည့်ပြောပေးရ၏။

ဧကာယနော အယံ ဘိက္ခဝေ မဂ္ဂေါ။ သတိပဋ္ဌာန်ရှုမှတ် ပွားများအပ်သော ဘာဝနာသည်သာ တစ်ခုတည်းသော နိဗ္ဗာန်ခင်းလမ်းပေတည်း ဟု လူကြီးသူမများအကြိုက် ဒေသနာပါဠိကို အသံနေအသံကျ ဓမ္မကထိကဟန်ပြကာ ရွတ်ဖတ်သရဇ္ဈာယ်ပြီးခိုက် ကိုလ်ကတ္တားမြို့တော်က ဟောင်ရာဘူတာရုံကြီးသည် စင်္ကြန် ပလက်ဖောင်း နှစ်ဆယ်ကျော်ခန့်ရှိကြောင်းသို့ လမ်းပြောင်းပေးရပြန်လေ၏။

သံသရာဝဋ်ဆင်းရဲတို့မှ လွတ်မြောက်ရာ နိဗ္ဗာန်သည်သာ အမြင့်ဆုံးအမြတ်ဆုံးပေတည်း ဟု လမ်းညွှန်ပြီးသကာလ မလ္လာယုကျွန်းက မျှော်စင်ညီနောင်နှင့် သီဟပူရမှ ချားရဟတ်(Flyer)တို့၏ အနိမ့်အမြင့် အကွာအဝေး ရှုခင်းသေးသေးလေးများကို မြင်ရကြောင်းကို ရပ်သပ်ရှုမော ကျောတစိမ့်စိမ့် ခေါင်းတညိတ်ညိတ်ဖြစ်အောင် လင်းရပြန်လေ၏။

ထိုမျှသာမကသေး...ကွန်ပြူတာတော်ကြီးတချက်ချက်ဖြင့် ဓမ္မစက်လှည့်သည်ကို ဖူးမြင် လိုလှသော ဆွေတော်ရှစ်သောင်း မျိုးတော်ပေါင်းတို့၏ အဇ္ဈာသယ အလိုဆန္ဒကို ဖြည့်ဆည်းရသည်မှာလည်း သူ့အတွက် အကွက်ဆိုက်လှပေ၏။ တရားဟောရင်း စာမေ့မည်ကို စိုးရိမ်ဖွယ်မရှိပြီ॥။ အော် နိပ်လှပေစွ...။ အာဂုံရမှ အာဂလူဟူသော မီမိုရိုက်ဇေးရှင်း(Memorization)နံရံကြီးကို ခေတ်က မလိုအပ်တော့ပြီ ဟု ဦးစွာ အစ ဆိုမိန့်ကြပေသော ကွန်ပြူတာဓရအရှင်ကောင်းတို့၏ ကျေးဇူပါပေတည်း။ စွမ်းရာ စွမ်းရာ သာသနာပြုကြစေ...။ ပိဋကတ်ဆောင်တော့ ပိဋကဓရ။ ကွန်ပြူတာဆောင်တော့ ကွန်ပြူတာဓရပေပ...။

။

(၂)

လက်မွန်မဆွ ဓမ္မဒူတအရှင်မြတ်ကြီးကတော့ ဓမ္မကထိကဟူသည် အိုးခြမ်းကွဲများကို ရေလောင်းသည်နှင့် တူသည်ဟု ပမာပုံသေ ဆိုခဲ့ဖူးပေ၏။ သူ့တရားပွဲသို့ အားခဲလာကြပေသော သပ္ပုရိသအပေါင်း အကောင်းစားပရိသတ်ကြီးသည်ကား အဆင့်မြင့်ဓမ္မကထိကဟူသော အမြင်တွင် ဆွေသံယောဇဉ် မိ်ျုးသံယောဇဉ် အနွယ်ငင်ခြင်းဟူသော အကြောင်းတစ်ရပ် ပေါင်းစပ်လျက် အားတက်သရော တသောသော စုဝေးမိခဲ့ခြင်းသာဟု သူကတော့ နားလည်ခဲ့ပါလေသည်။

လေးသင်္ချေနှင့် ကမ္ဘာတစ်သိန်း ကိန်းဂဏန်းများစွာ ဘုန်းသမ္ဘာ ပါရမီတော်တို့ကို အသက်သွေးချွေး နှလုံးသားကို ပေး၍ ဖြည့်ကျင့်တော်မူခဲ့ရပေသည် သဗ္ဗညူရွှေဉာဏ်တော်ရှင်၏ သယမ္ဘူလက်ဖြစ် ဓမ္မစစ်ဓမ္မခန်ကို အမှန်နာယူလိုကြပါသလော စောကြောဖွယ်အတိ သံသယ ရှိလေသည်မှာ သေချာသလောက်ဖြစ်ရဘိချေသည်။

ဟိ သစ္စံ၊ ထိုစကား မှန်လှပေစွ။ ဓမ္မကထိက၏ ရှေ့မှောက် စုဝေးရောက်လာကြပေသော သူ့ဆွေတော်ရှစ်သောင်းမျိုးတော်ပေါင်းတို့သည်ကား ဓမ္မကို အခြေခံသည့်တိုင် အင်ဖော်မေးရှင်း(Information)သတင်းစကားကိုလည်း ကြားချင်၊ အင်တာတိန်မင့် (entertainment)တ၀ါးဝါးကိုလည်း ဟားချင်ကြပေသေး၏။

မစ္စတာတော်ဖလာမည်သော သကောင့်သားပညာရှိ၏ တတိယလှိုင်း(Third Wave)အရွေ့သမယ နည်းပညာယုဂခေတ်ကြီးတွင် အင်ဖိုတိန်းမင့်(Infotainment)နှင့် အက်ဂျူတိန်းမင့်(Edutainment)ဆိုသဟာတို့ဖြင့် ပရိသတ် စုကြရလေသည်ဖြစ်ရကား ဓမ္မဂင်္ဂါမောင်ရှင်တစ်ပါးအနေဖြင့် ဓမ်ဖိုတိန်မင့်(Dhamfotainment) နည်းနာ သဘောဖြင့် သောသောရုတ်ရုတ် မဆုတ်မနား စကားပေါက်ပေါက် သကြန်အမြောက် လုပ်ခဲ့ရချေသည်မှာ မဃဒေ၀လင်္ကာသစ်ဆရာရှင်၏ ''တရားတရား တဟားဟားဖြင့်'' ဟူသော ကနဦးဗျာဒိတ်ကို ဖြည့်ဆည်းပုံရိပ်ဖော်ခဲ့ရလေဟန်တည်း။

ထို့ထက် ထို့ထက်အလွန် စိတ်နယ်ကျွံအောင် မျက်နှာပူစေသော အကြောင်းတစ်ရပ်မှာကား နိဗ္ဗာန်ဆော်ဖိုးလေးမြ၏ မဟာကောင်းမှုကြောင့် ဓမ္မကထိကပလ္လင်တော်ရှေ့မျက်နှာစာ ဓမ္မပူဇာစင်မြင့်ထက်ဆီက သဒ္ဓါထက်သန်စွာ လှူဒါန်းကြပေသော ကန်တော့ပွဲများပေတည်း...။

ဘူးသီးခြောက် ဘူးသီးစို၊ဘူးသီးပျို ဘူးသီးနု ၊ ဘူးသီးပု ဘူသီးကွေး၊ ထွေးထွေးပြားပြား၊ ထွားထွားကျိုင်းကျိုင်း၊ အပြိုင်းပြိုင်းသော ဘူးသီးပုံကြီးသည်လည်းကောင်း၊၊ သုံးလုံးပုတီး ကိုးလုံးပုတီး၊ သုံးဆယ့်နှစ်လုံးပုတီး တစ်ရာ့ရှစ်လုံးပုတီး၊အဓိဋ္ဌာန်ပေါက်ပုတီး၊ စိတ်အကြံမြောက်ပုတီးများသည်လည်းကောင်း၊ ပရိတ်ချည် ပရိတ်ကြိုး ပရိတ်အိုး ပရိတ်သဲများသည်လည်းကောင်း။ သံပုရာလျက်ဆား၊ လေမျိုးရှစ်ဆယ်လျက်ဆား ၊လေပုပ်ထုတ်လျက်ဆား၊၊ ကိုးဆယ့်ခြောက်ပါး မနားတမ်းပျောက်စေသော လျက်ဆား၊ ထိုထိုဤဤ အလီလီသော လျက်ဆားထုပ် လျက်ဆားဗူးများသည်လည်းကောင်း ချွန်ထက်သောအပ်စူးဖြင့် ထိုးဘိသကဲ့သို့ သူ့မျက်လုံးများကို ၀ိုးဝါးစေခဲ့တော့သည်တကား॥။

အော်ဖြစ်ရလေ... ဘီအေ (ဘူးသီးစင်) ဘီအေ (ပုတီးအိတ်) ပရိတ်ချည် လျက်ဆား ဟူသော ဖိုးလေးမြ၏ နိဗ္ဗာန်ဆော်စကားကြောင့် စိတ်အားထက်သန် သဒ္ဓါဥာဏ်ကွန့်ကြလေသော သူ့အဆွေ သူ့အမျိုးတို့၏ ရိုးစင်းလှသော အဖြူထည်နှလုံးကို ပြုံးရမလို ငိုရမလို ဘာလိုလိုကြီးဖြစ်ခဲ့ရသေးသည်မှာ သူ့ဝမ်းနာ သူသာသိ မချိသွားဖြဲ မျက်ရည်ဝဲကြီးပါပေ॥။

အော် သဗ္ဗညူဘုရားရှင်သော်မှ ဝေနေယျတို့အကြိုက်ကို စရိုက်နှင့်လျော်အောင် အလိုလိုက်ကာ သည်းခံရပေသေးသည် မဟုတ်တုံဘိလော။ သို့ဆိုလျင် ဗန်းမော်တင်အောင် မည်သော ကလောင်နီ၊ဘောပင်နီ၊ ယခုခေတ်အလို ကွန်ပြူတာကီးဘုတ်လက်ကွက်ပင် နီလောက်သည့် ရဲရဲတောက်ဂန္ထကာရကစာရေးဆရာလင်းယုန်ကြီး၏ စကားဝါကျကိုသာ အလှူခံသုံးစွဲရချေသော်........သူ့လို အနုညာတမောင်ရှင်ကား ဘာများတတ်နိုင်ပါဦးမည်နည်း॥။

ဓမ္မဂင်္ဂါ