၂၀၀၆ ဒိုင်ယာရီပြပွဲ(၅)

ဇန်န၀ါရီလ (၇) ရက်

စနေနေ့

ကွန်ပြူတာအသုံးပြုရန် စိတ်အားထက်သန်မှု ဖြစ်လာသည်။ စာရေးရန် လက်ယားလာသောကြောင့်ဖြစ်သည်။ ဘောလ်ပင်နှင့် ရေးသည့်အခါ ပြင်ရာဖျက်ရာပါလျင် မကြိုက်..။ ထပ်ခါ ထပ်ခါ အချောသတ်ရသည့် ဒုက္ခကို ကွန်ပြူတာကီးဘုတ်က အလွယ်တကူဖြေရှင်းနိုင်သည်။

လှည်းတန်းက TIMES ကွန်ပြူတာသင်တန်းလေးမှာ

တစ်ပတ်ခန့်သွားတက်ဖူးသည်။ ပထမနေ့တွင် ဆရာမလေးတစ်ယောက်က ကွန်ပြူတာအသုံးပြုပုံကို ရှင်းပြသည်။

ကြွက်ကလေးကို ဘယ်လို ကိုင်တွယ်ရမည်ကို ညွှန်ပြ၏။

သင်တန်းလိုက်အပ်ပေးသော တပည့်ကျောင်းသားက '' အရှင်ဘုရား

ကွန်ပြူတာဆရာမလေးက လှတယ်နော်ဘုရား '' တဲ့..။

''အဲဒါ ငါနဲ့ ဘာဆိုင်တုန်းကွ" ဟု ငေါက်ဆတ်ဆတ်အာလုပ်ပြုရသည်။

'' အဟဲ တပည့်တော်ဆိုင်ချင်တာ ပြောတာပါ...''

သို့သော်

ထိုကွန်ပြူတာဆရာမလေးက အမေးအမြန်းထူလှသော ကျောင်းသားကြီးကို လက်မြှောက်သွားဟန်တူသည်။

နှစ်ရက်ခန့်အကြာတွင် သင်တန်းဆရာကိုယ်တိုင် လာရောက်သင်ပြတော့သည်။ :D

မောင်ထွန်းသူ၏ သစ္စာရှင်ကို ကောက်ကိုင်မိသည်။ အေဂျေခရိုနင်၏ The Keys of The Kingdom ၀တ္ထုကြီးကို ဘာသာပြန်ဆိုထားခြင်းဖြစ်သည်။ 

နိဒါန်းဖတ်ကြည့်ရုံနှင့် ဆွဲငင်အားကောင်းသော စာအုပ်ဖြစ်ကြောင်း သေချာသွားသည်။ ခရစ်ယန်ဘုန်းတော်ကြီးတစ်ပါး၏ ပုံရိပ်ကောက်ကြောင်း။ 

သင်ရိုးပိဋကတ်ကျမ်းစာများ၊ဖတ်လက်စစာအုပ်များ၊တက္ကသိုလ်ပြဌာန်းစာအုပ်များ၊တစ်ပါတ်လုံးလုံး ကျောင်းတက်ရင်း ၀တ်ထားသော သင်္ကန်းများဖြင့် အခန်းသည် နောက်ကျိဖွယ် ရှုပ်ပွနေသည်။ စာအုပ်ကို အသာချကာ အခန်းသန့်ရှင်းရေးလုပ်ဖြစ်သည်။

ကိုရင်ဦးဇင်းလေးများက ဆရာ့အခန်းကို မကြာခဏလာရောက်ရှင်းကြ၊ သင်္ကန်းလျှော်ဖွပ်ပေးကြပါသော်လည်း ဆရာ၏ ရှုပ်အားကို အလျင်မီအောင် မလိုက်နိုင်ကြ..။ (အခုထိလည်း ရှုပ်နိုင်အားက မြင့်မားတုန်း..။ ):D

သို့နှင့် တခါတရံ စိတ်လိုလက်ရ ရှိသည့်အခါ ကိုယ်တိုင်ရှင်းဖြစ်သည်။ တပည့်များကတော့ ဘယ်လို တွေးမည်မသိ။။ ကိုယ်ရှုပ်တာ ကိုယ်ရှင်းကြည့်မှ တော်တော်ရှုပ်နိုင်သားဟု ပြုံးမိရသေး၏။

တကယ်တော့ အရှုပ်ထဲမှာ ရှင်းအောင်နေနိုင်ဖို့က မလွယ်..။

ကျုပ်တို့ကတော့ ကြိုက်သလောက်ရှုပ်.။ အိပ်ဖို့ရာ ကျောတစ်ခင်းစာလောက်လေး ရှင်းပြီး စာအုပ်လေးတစ်အုပ်ဖတ်ရင်း အိပ်တတ်ဖို့ တစ်သံသရာလုံးကျင့်ထားတာ..။ အဟဲ..။

ညနေဘက် ဒေါက်တာအရှင်ရေ၀တဓမ္မအထိမ်းအမှတ်စာစောင် The Joyful Traveler  ဘာသာပြန်မူကြမ်းများကို မရမ်းကုန်းမြို့နယ် စာနယ်ဇင်းမှ ဦးခင်လှိုင် လာပို့သည်။ အချောသတ်ဖတ်ပေးဖို့ ဖြစ်သည်။

ဓမ္မဂင်္ဂါ

(၁၇-၈-၂၀၁၂)