၂၀၀၆ ခု ဒိုင်ယာရီပြပွဲ(၁)

၂၀၀၆ ခု ဒိုင်ယာရီပြပွဲ
လွန်ခဲ့တဲ့နှစ်က အခန်းပြောင်းရွှေ့ရင်း ဒိုင်ယာရီအဟောင်းလေးနှစ်အုပ်ပျောက်ရှသွားခဲ့တယ်။ ခု မိတ်ဆွေတစ်ပါးရဲ့ အခန်းထဲမှာ မွှေရင်း ပြန်တွေ့ရတော့ လှိုက်ကနဲ ၀မ်းသာမိ..။ ပြန်ဖတ်ကြည့်မိတော့ လွမ်းစရာ..။ ကိုယ်ရေးထားတာ ကိုယ်ပြန်ကူးကြည့်တော့ လက်ညောင်းတယ်..။ ဘာပဲဖြစ်ဖြစ် ရှင်သစ္စာ ရှင်မော်ကွန်းတို့အတွက် ရည်ညွှန်းကျမ်းအဖြစ် ကီးဘုတ်လက်လှည့်ဆရာပီပီ မျှဝေလိုက်တယ် ...:D (တစ်ချို့လျှို့ဝှက်ချက်လေးတော့ မသိချင်ကြနဲ့ပေါ့ကွယ်.. ငါ့ရှင်တို့ရယ်.. ;)..

ဇန်န၀ါရီလ (၁)
ပုံမှန်အချိန်ထက်စောလွန်းစွာ နိုးထလာရသည့်အတွက် နှစ်သစ်တစ်ခု၏ နံနက်ခင်းသည် အိပ်ချင်မူးတူးဖြစ်နေခဲ့သည်။
၂၀၀၆ ခုနှစ် အသစ်စက်စက်ကြီးကတော့ သူ့ကျောကုန်းပေါ်တွင် စွန်းထင်းစွဲကျန်ရစ်မည့် ဒိုင်ယာရီရှင်၏ အဆိုးအကောင်းဆေးစက်များကိုသာ ရင်တမမစောင့်ကြည့်နေပေလိမ့်မည်။ ဒိုင်ယာရီရှင်ကလည်း မင်္ဂလာရှိအောင် နေထိုင်ကြည့်မယ် ဟု ယခင်နှစ်များ၏ စဥိးနေ့ရက်များလိုပင် မရဲတရဲ တွေးထားနှင့်ပြီး ဖြစ်သည်။ HAPPY NEW YEAR နှုတ်ဆက်သံများ တယ်လီဖုန်းကြိုးမျှင်ထဲမှ စီးဆင်းလာသည်။

ငယ်စဉ် နေခဲ့ဖူးသော မြို့လေးဆီက '' ညယ်'' သံဝဲ၀ဲများနှင့် ကျေးဇူးရှင် တို့က လည်း ကောင်းသောနှစ်သစ်ပါ လုပ်ကြရှာသည်။ ထိုမြို့လေးတွင် စာတွေ အာပူအောင်အော်ကျက်ခဲ့ရစဉ်က ကျေးဇူးတင်ထိုက်စွာ နွေးထွေးခဲ့ဖူးသောမိသားစု...။ လွန်ခဲ့သော နှစ်ပေါင်းနှစ်ဆယ်နီးပါးခန့်ကာလသည် လွမ်းဝေ့လွင့်မျောဖွယ်ရာ ဖြစ်လာခဲ့ပြန်သည်။ ထိုမြို့လေးတွင် ဆယ်ကျော်သက်သက္ကရာဇ်များ ပေါ့ပါးစွာ လွန်မြောက်ခဲ့ပါသည်။

သင်္ကန်းမနိုင့်တနိုင် ကိုရင်လေးတစ်ပါး၏ ညစ်ကျယ်ကျယ်ပုံရိပ်များ၊ ပျင်းရိငိုက်မျဉ်းစွာ စာကျက်နေသည့် သုန်မှုန်မျက်နှာများက ဒစ်ဂျစ်တယ်လ်ကင်မရာပြကွက်များလိုပင် တလက်လက်တောက်ပကြည်ရှင်းလာခဲ့၏။

Leo Tolstoy ၏ War and Peace စာအုပ်ထူထူကြီးကို မနိုင်မနင်းဖွင့်ကြည့်မိသောအခါ
'' There is no greatness where simplicity, goodness , truth are absent.''
''ရိုးသားမှု ကောင်းမြတ်ခြင်းနှင့် အမှန်တရားတို့ ဆိတ်သုဉ်းရာ၌ ကြီးကျယ်မှုမရှိ '။' ဟူသောပထမဆုံးစာမျက်နှာဖြင့်
www.modernmonk.com ကို စတင် Inter ခေါက်လိုက်မိတော့သည်။

ဓမ္မဂင်္ဂါ(၁၄-၈-၂၀၁၂