အိန္ဒိယကျောင်းသားဟောင်းကြီးပါရဂူသို့

မြန်မာနိုင်ငံရဲ့ စာပေရတနာ၊ ကမ္ဘာနဲ့ အိန္ဒိယစာပေသိုက်ကို ဖွင့်လှစ်ပေးခဲ့သူ စာရေးဆရာကြီးပါရဂူဟာ ကွယ်လွန်သွားခဲ့ပါပြီ..။ ငယ်စဉ်ကတည်းက ဆရာကြီးပါရဂူရဲ့ စာပေတွေနဲ့ ရင်းနှီးကျွမ်းဝင်ခဲ့ရတဲ့ အတွက် မဇ္ဈိမဒေသဟာ ပိုနီးလာသလို ခံစားခဲ့ရပါတယ်..။ ခု ဒီစာကို ဗာရာဏသီမိဂဒါဝုန်လမ်းပေါ်က အခန်းကျဉ်းလေးထဲမှာ ရေးခြစ်နေမိပါတယ်..။

ဆရာကြီးကို အမျိုးသားစာပေဆုရှင်အဖြစ် ဂုဏ်တင်ပေးလိုက်တဲ့ ဆရာကြီးရဲ့ ဘာသာပြန်လက်ရာ သုန္ဒရာနန္ဒ (ညီတော်မင်းနန်) ၀တ္ထုကို စွဲလမ်းခဲ့ဖူးပါရဲ့..။ ဆရာကြီးဟာ သက္ကရာဇ်နဲ့ ခေတ်ပြိုင်အရွေ့တွေနောက် အမှီလိုက်ပြီး ခံစားမှုကို လှပစွာ ရွှေ့နိုင်ခဲ့တဲ့ စာရေးဆရာကြီးတစ်ဦးလည်း ဖြစ်ပါတယ်..။ အသက်ကိုးဆယ်မှာ ကွယ်လွန်ခဲ့တဲ့ စာရေးဆရာအိုကြီးရဲ့ နောက်ဆုံးမြန်မာစကားပြေလက်ရာတွေဟာ ချောညက်နုသစ်နေတာ တွေ့ရမယ်..။ ဒါကြောင့်လည်း မော်ဒန်ကဗျာဆရာတို့ရဲ့ ရှေ့ပြေး ဒဂုန်တာရာကြီးနဲ့ ခံစားမှုခေတ်ပြိုင်နိုင်တာပဲ ဖြစ်မယ်..။

ဘာပဲဖြစ်ဖြစ် ဆရာကြီးဟာ ပါရဂူဘွဲ့မယူဘဲ ပါရဂူဖြစ်ခဲ့တာကို သူက (ဓမ္မဂင်္ဂါက) ဂုဏ်ပြုလိုက်ပါတယ်..။ သူလေးစားခဲ့ရတဲ့ ရှေးခေတ်အိန္ဒိယကျောင်းသားဟောင်းများစွာထဲမှာ ဆရာကြီးပါရဂူဟာ စာပေအလင်းတောက်ပတဲ့ ကြယ်တစ်ပွင့်ဖြစ်ခဲ့သလို ကိုယ်ပိုင်ဘ၀အေးငြိမ်းမှုကို ဃရာဝါသနွံထဲမှာ ပွင့်ပြခဲ့တဲ့ ကြာဖြူပန်းလည်း ဖြစ်ခဲ့ပါတယ်..။ လွတ်လပ်မှုကို ကြိုက်လို့ ၀ိနည်းစည်းကမ်းတွေနဲ့ မြင့်မြတ်ပေမယ့် ကျဉ်းကြပ်လွန်းတဲ့ရဟန်းဘ၀ကို စွန့်ခဲ့တာပါ ဆိုတဲ့ ဆရာကြီးရဲ့ ရိုးသားတဲ့ စကားကိုလည်း မှတ်သားခဲ့ဖူးရဲ့..။

ဆရာကြီးဟာ အိန္ဒိယက နာမည်ကျော်ဗာရာဏသီဟိန္ဒူတက္ကသိုလ်ကြီး( Beneras Hindu University)မှာ လေးနှစ်တာ ပညာသင်ယူခဲ့ပေမယ့် ဘွဲ့တစ်ခုမှ ဆွတ်ခူးယူသွားခဲ့တာ မှတ်တမ်းမရှိဘူး..။ (မြန်မာပြည်မှာ နေစဉ်ကလည်း ဓမ္မာစရိယဂုဏ်ထူးကျမ်းများသာ အောင်ခဲ့ပြီး ဓမ္မာစရိယဘွဲ့ယူကျမ်းများမအောင်ခဲ့တဲ့အတွက် ဓမ္မာစရိယဘွဲ့လည်း မရခဲ့ပါဘူး) တကယ်တော့ အိန္ဒိယကို ပညာသင်ဖို့ ရောက်လာသမျှ ရှေးခေတ်မြန်မာစာသင်သားတွေဟာ ဘွဲ့ထူးဂုဏ်ထူးတွေထက် စာပေအလုပ်ကို တာဝန်ကျေပွန်ဖို့သာ တန်ဖိုးထားခဲ့တာတွေ့ရတယ်။

အမျိုး၊ဘာသာ သာသနာနဲ့ နိုင်ငံတော်အတွက် မျက်စိပွင့်နားပွင့်စေမယ့် မဇ္ဈိမစာပေရတနာတွေကို သယ်ဆောင်သွားခဲ့ကြတယ်..။ အဲဒီခေတ်လူနည်းစုအိန္ဒိယကျောင်းသားဟောင်းကြီးတွေရဲ့ အခန်းကဏ္ဍကတော့ ပါဠိပိဋကတ်နဲ့ မြန်မာစာပေစင်မြင့်မှာ ထင်းထင်းကြီး နေရာပေးခံခဲ့ရတာပါပဲ။ ဒီနေ့ခေတ် သူတို့လို မျိုးဆက်သစ်အိန္ဒိယပညာသင်ရဟန်းတွေရဲ့ ခြေလှမ်းကိုတော့ စောင့်ကြည့်ဖို့ အချိန်ယူကြရဦးမှာပါ...။ သူကိုယ်တိုင်ကတော့ ဘွဲ့တွေနောက်ကို လိုက်ခဲ့မိကြောင်း သက်သေခိုင်လုံနေပြီ..။ အဲဒီဘွဲ့တွေနဲ့ ညီတဲ့ တာဝန်တွေ ထမ်းပိုးဖို့ သူ့ စိတ်နှလုံးကို ပုခုံးပြင်နေရဆဲပါ..။ အဲဒီဘွဲ့တွေရဖို့ ရိုးသားလှတဲ့ သဒ္ဓါတရားစစ်စစ်တွေရဲ့ ထောက်ပံ့ပင့်တင်မှုတန်ဖိုးကို သူ မော့ကြည်မိ၊ ငဲ့စောင်းကြည့်နေမိပါတယ်၊ ရဋ္ဌပိဏ္ဍ (တိုင်းသားပြည်သူတို့ ကြည်ဖြူရွှင်လန်း လှူဒါန်းအပ်သော ဆွမ်း ) အထုပ်အပိုးက တာဝန်သိကြသူတွေအတွက် တကယ်လေးလံလှပါရဲ့..။

ဘာပဲဖြစ်ဖြစ် ဆရာကြီးရဲ့ အမည်ဟာ ပါရဂူဖြစ်တယ်..။ ဆရာကြီးလုပ်ရပ်တွေဟာလည်း ပါရဂူမြောက်ခဲ့ကြောင်း စာပေမှတ်တိုင်တွေက စကားပြောနေကြတယ်..။ ဆရာကြီးဟာ ယူခဲ့သလောက် ပြန်ပေးနိုင်ခဲ့တာ သေချာပါတယ်လေ..။

အို အိန္ဒိယကျောင်းသားဟောင်းကြီး...

အသင့်ရဲ့ ပုဏ္ဍရိကကြာဖြူလမ်းကို သင် ပါရဂူမြောက်အောင် လျှောက်ခဲ့လေပြီပဲ...။

ဓမ္မဂင်္ဂါ

မှတ်စု။

(၁)ဆရာကြီးရဲ့ အမည် ပါရဂူ (ပါရ(တစ်ဘက်ကမ်း)+ဂူ(ရောက်ရှိသူ)=ပါရဂူ=ပညာရပ်နယ်တစ်ခုတွင် တစ်ဘက်ကမ်းရောက် တတ်မြောက်ကျွမ်းကျင်သူ) ယနေ့ခေတ် PhD ဘွဲ့ကို ပါရဂူဘွဲ့လို့ သတ်မှတ်ခေါ်ဝေါ်ကြ..။
(၂)ဆရာကြီးရဲ့ ရှင်သာမဏေဘ၀က ဘွဲ့အမည် ပုဏ္ဍရိက (ကြာဖြူ)

ဒေါ်စုကြည်ကား လွတ်မြောက်ပြီ၊ ယခု အသို့ဖြစ်လေသနည်း

“Whatever they do to me, that’s between them and me; I can take it. What’s more important is what they are doing to the country.”— Aung San Suu Kyi, 1994

ထိုသူတို့က ကျွန်ုပ်အား မည်သို့ပြုမူကြသည် ဖြစ်စေ ထိုသူတို့နှင့် ကျွန်ုပ်၏ အရေးမျှသာ ဖြစ်လေရာ ကျွန်ုပ်သည်းခံပါအံ့၊ လွန်မင်းစွာ အရေးကြီးသော အကြောင်းတရားသည်ကား ထိုသူတို့က တိုင်းပြည်အတွက် မည်သို့ပြုမူနေကြနေကြလေသနည်း ဟူသည်ပင်တည်း။
ဒေါ်အောင်ဆန်းစုကြည် (၁၉၉၄)

ရန်ကုန်မြို့ရှိ သူမ၏ အိမ်ဝင်းတံခါးဝတွင် သူမအား ထောက်ခံကြလေသည့် ပြည်သူထောင်ပေါင်းများစွာတို့ကို နှုတ်ခွန်းဆက်သနေသော အောင်ဆန်းစုကြည်၏ ပုံရိပ်တို့သည် ကျွန်ုပ်အား မျက်ရည်စွပ်စိုစေတော့ သည်တကား။ ဆံကေသာထက်ဝယ် ပန်ဆင်အပ်သည့် လှပသော ပန်းမြတ်မာလာနှင့် အတူ မြန်မာရွှေပြည်ကြီး၏ အနာဂတ်နှင့် လုံးဝယှဉ်တွဲသွားတော့မည့် ဘ၀ပုံရိပ်နှင့် လိုက်ဖက်ညီလှသော သူမ၏ အပြုံး၊ သူမ၏ စကားလုံးတို့ကို ရှုမြင်ရ ကြားနာရခြင်းသည် လွန်ကဲနှစ်ခြိုက်ဖွယ်သော နှစ်သက်မှုပီတိများသာ ဖြစ်ပါပေသတည်း။

မြန်မာရွှေပြည်ကြီးနှင့် တကွသော ဤကမ္ဘာမြေ အတိုင်းတိုင်းအပြည်ပြည်မှ သန်းပေါင်းများစွာသော သပ္ပုရိသ အပေါင်းတို့သည် သူမ၏လွတ်မြောက်မှုအတွက် တစ်ခုတည်း သောအသံဖြင့် တုံပြန်ခဲ့ကြသည်ကို ကျွန်ုပ် သိရပါလေပြီ။ သူမသည် လွန်ခဲ့သော (၇)နှစ်တာကာလနှင့် စုစုပေါင်း အနှစ်နှစ်ဆယ်အတွင်း ဆယ့်ငါးနှစ်တာကာလမျှဝယ် သူမ၏ ပြုပြင်မှုကင်းကွာ နုံခြာလှသည့် အိမ်တွင် အထိန်းသိမ်ခံဘ၀ဖြင့် အကျဉ်းစံခဲ့ရလေသည်တည်း။ သူမ၏ ရင်သွေးငယ်များနှင့် တွေ့ဖို့ရန် အခွင့်အလမ်းများကို စွန့်လွှတ်ခဲ့ရ၏၊ လူမှုအသိုက်အအုံကြီးနှင့်လည်း ဆက်သွယ်ခွင့်ဝေးခဲ့ရလေသည်တကား။

အဓိပ္ပါယ်တစ်ရပ်ဖြင့် ဆိုရသော် ဒေါ်စုသည် မြင့်မားသော ပုံရိပ်တစ်ခုဖြစ်ခဲ့လေပြီ။ သို့သော် သူမသည်ကား အသက်ရှင်တည်ရှိနေသော ၀င်လေထွက်လေရှိနေဆဲသော ပုံရိပ်တစ်ခုသာ ဖြစ်ပါချေ၏။ သူမကိုယ် သူမ သက်မဲ့အရာဝတ္ထုတစ်ခုအဖြစ် ခွင့်ပြုလိမ့်မည် မဟုတ်ပါလေခဲ့။ သူမကား ရှင်သန်လုပ်ရှားရပေလိမ့်ဦးမည်တည့်။

ယခုပစ္စက္ခတွင်မူ သူမ၏ လွတ်မြောက်မှုသည် နှောင်ကြိုးမဲ့လွတ်မြောက်မှုဟု ထင်မြင်ရပေ၏။ ဤသည်မှာလည်း သူမ၏ ခိုင်ကြည်စွာသော အဓိဋ္ဌာန်တရားပင် မုချ ဖြစ်ပေလိမ့်မည်။ မြန်မာရွှေပြည်ကြီး၏ (----) SPDC နှင့် အရွေးချယ်ခံအစိုးရသစ်တို့၏ စိတ်နှလုံးဝယ် ရည်ရွယ်ချက်အမျိုးမျိုး၊ အကြောင်းတရားအဖုံဖုံရှိကောင်း ရှိနိုင်ပါပေသည်။ မည်သို့ဆိုသော်ငြား ကျွန်ပ်တို့ကား ၀မ်သားပီတိလျှမ်းသော မျက်ရည်အပြည့်ဖြင့် အောင်ပွဲခံခဲ့ကြပေပြီတည်း။ အောင်ဆန်းစုကြည်၏ လွတ်မြောက်မှုသည် အပြောင်းအလဲတစ်ရပ်အတွက် (သိပ်သည်းထူထဲလှစွာသော ဖိနှိပ်မှုနံရံကြီး၏ အကြားအပေါက်လေးတစ်ခုသဖွယ် လွတ်မြောက်မှု ပေါ်ထွက်လာနိုင်ပေသည့်) ၀င်ပေါက်တံခါးသစ်ကို ဖန်ဆင်းအပ်သည့်နှယ်ဖြစ်လေသည်တကား။

ဤသို့သော အခွင့်အလမ်းနှင့် ဒေါ်စု၏ နိုင်ငံရေးစွမ်းဆောင်ရည်ကို အသုံးပြုက အကောင်းဆုံးတိုးတက်မှုဆီသို့ ချီတက်ကြရန်မှာ ကမ္ဘာ့လူ့အဖွဲ့စည်းကြီး၏ အာရုံစူးစိုက်မှု၊ မြန်မာ့ဒီမိုကရေစီလှုပ်ရှားကြလေသူတို့၏ လက်တွဲခိုင်မာမှုနှင့် သက်ဆိုင်လှပေတော့သည်။

ဒီမိုကရေစီပန်းတိုင်နှင့် အမျိုးသားရင်ကြားစေ့ ပေါင်းစည်းညီညွတ်ရေးသို့ ချီတက်ကြရာတွင် အောင်ဆန်း စုကြည်၊ အမျိုးသားဒီမိုကရေစီအဖွဲ့ချုပ်၊ တိုက်ပွဲဝင်တိုင်းရင်းသားအစုအဖွဲ့အားလုံးနှင့် အစိုးရတို့ကြားတွင် ရိုးသားဖြောင့်မတ်၍ ဖောက်ပြန်မှုမရှိသော တွေ့ဆုံဆွေးနွေးမှုဖြစ်စဉ် အမှန်တကယ်ရှိရပေလိမ့်မည်၊

လွန်ခဲ့သော နှစ်ပေါင်းနှစ်ထောင့်ငါးရာခန့်က သကျမုနိဗုဒ္ဓအရှင်သည် ဤဂါထာများကို မေတ္တသုတ် တော်မြတ်တွင် ထည့်သွင်းဟောကြားခဲ့ပါ၏။

တစ်စုံတစ်ယောက်သည် တစ်ပါးသောသူ တစ်ယောက်လူကို မလှည့်ဖျားမငြူစူပါစေလင့်။ မည်သည့်အရပ်တွင်မဆို မထီမဲ့မြင် စော်ကားခြင်းနှင့် မယှဉ်ပါစေလင့်။ ဒေါသ အာဃာတထားကာ အချင်းချင်း ဆင်းရဲပွားအောင် မကြံဆောင်ပါလေလင့်။

တစ်ဦးတည်းသောသားကို စောင့်ရှောက်သည့် မိခင်မေတ္တာပမာ သတ္တ၀ါအားလုံးအား မေတ္တာတရားထား ကာ အကြိမ်ကြိမ်ပွားများကြစေသတည်း။

ဤဒေသနာတော်သည် ကျွန်ုပ်တို့၏ လမ်းညွှန်အဖြစ် ရှိနေလိမ့်ဦးမည်သာ ဖြစ်ပါ၏။ ဒေါ်အောင်ဆန်းစုကြည်၏ မူဝါဒသည်လည်း သက်ဝင်မှုရှိသော အကြမ်းမဖက်ရေးလမ်းစဉ်ပင် ဖြစ်ပါ၏။ သူမ၏ ရည်သန်ချက်သည်ကား သူ၏ တိုင်းပြည်ကို လွတ်မြောက်စေ၍ သတ္တ၀ါအားလုံးကို ကာကွယ်နိုင်ရေး အဆုံးစွန်အားဖြင့် သူမ၏ ပြိုင်ဘက်များကိုပင် အာဃာတနှင့် တရားမဲ့မှုမှ စောင့်ရှောက်နိုင်ရေးပင် ဖြစ်လေတော့သည်တည့်။ သူမ၏ ယခု လွတ်မြောက်မှုမှသည် အောင်မြင်မှုဆီ ရောက်သည်အထိ ဆုတောင်းပေးရုံသာ ကျွန်ုပ်တို့ စွမ်းနိုင်ကြပေသည်။ ထိုမျှသာမက မြတ်သောပန်းတိုင်သို့ ညွတ်သော ကျွန်ုပ်တို့ကိုယ်တိုင်၏ အားထုတ်မှုများ၊ ပူးပေါင်းဆောင်ရွက်မှုများကိုလည်း အားစိုက်ကြရပေလိမ့်မည်၊ မြန်မာရွှေပြည်ကြီးကား လွတ်မြောက်ရမည် မလွဲတည်း။

ဓမ္မဂင်္ဂါ

(၁၅-၁၁-၂၀၁၀)

ဇင်ဘုန်းတော်ကြီး Hozan Alan Senauke ၏ Aung San Suu Kyi is free, but what happens now? ကို ဆီလျော်သလို ပြန်ဆိုခြင်းပေတည်း။ အချို့စကားလုံးများကို ငြိမ်းချမ်းရေးနှင့် ညီညွတ်ရေးကို လိုလားသော ရဟန်းတစ်ပါးအနေဖြင့် ဒေါ်စု၏ ဆန္ဒအရ ချန်ထားခဲ့ပေသတည်း။

မူရင်းစာမျက်နှာ

ဒကာကိုကျော်သူ့အတွက်ဗုဒ္ဓအရှင်၏မှတ်ချက်စကား

ဣဓမောဒတိ ပေစ္စမောဒတိ၊
ကတပုညော ဥဘယတ္ထ မောဒတိ။
သော မောဒတိ သော ပမောဒတိ၊
ဒိသွာ ကမ္မ၀ိသုဒ္ဓိမတ္တနော။

Here he rejoices, hereafter he rejoices; one who performs meritorious deeds rejoices in both existences. He rejoices and greatly rejoices when he sees the purity of his own deeds.

ခုဘ၀လည်း ပျော် နောင်ဘ၀လည်း ပျော်
ပြုသမျှကောင်းမှု ပေါင်းစု ဘ၀နှစ်ခုလုံးမှာပျော်
သူပျော် အလွန်ပျော်
သူ့ကံအလှမြင်မြင်ပြီးတော့ ပျော်။
ဗုဒ္ဓ
(ဓမ္မပဒ ၁၆ ၊ ဓမ္မိကဥပါသကာဝတ္ထု)

(ပထမအကြိမ် ပြည်သူ့ဂုဏ်ရည် ချီးမြှင့်ဂုဏ်ပြုပွဲ အခမ်းအနားကို ပြည်ပရောက် မြန်မာနိုင်ငံသားများ စုစည်း၍ မြန်မာနိုင်ငံအတွင်း လူမှုရေးလုပ်ငန်းများ၊ ထူးထူးချွန်ချွန် ဆောင်ရွက်နေကြသူများအား ကျေးဇူးတင် ဂုဏ်ပြုသည့် အခမ်းအနား တစ်ရပ်ကို လော့စ်အိန်ဂျယ်လိစ်မြို့၊ အမေရိကန်ပြည်ထောင်စုတွင် ၂၄.၄.၂၀၁၀ (စနေနေ့) ညနေ (၅း၀၀)နာရီမှ (၇း၀၀)နာရီအတွင်း ကျင်းပခဲ့ရာ ၂၀၁၀ ခုနှစ်ရဲ့ Citizen of Burma ပြည်သူ့ဂုဏ်ရည်ဆုကို မြန်မာနိုင်ငံမှ နာရေးကူညီမှုအသင်း(ရန်ကုန်)၏ ဥက္ကဌ ဦးကျော်သူမှ ရရှိသွားခဲ့ပါသည်။

ထိုသတင်းအတွက် ဗုဒ္ဓအရှင်၏ မှတ်ချက်စကားလေးဖြင့် ဒကာကိုကျော်သူအား ဂုဏ်ပြုလိုက်ပါသည်။ လူမှုရေးနှင့် ဘာသာရေးလုပ်ငန်းများကို အသင်းအဖွဲ့ဖြင့် စည်းရုံးလုပ်ဆောင်တတ်သော သာဝတ္ထိမြို့သား ဓမ္မိကဥပါသကာအတွက် မှတ်ချက်ပြုမိန့်မြွက်ခဲ့သောဓမ္မပဒဂါထာသည် ကိုကျော်သူအတွက်လည်း အကျုံးဝင် သွားသည်။ ဓမ္မိကဥပါသကာနှင့် ကိုကျော်သူတို့၏ ဖြစ်စဉ်တိုက်ဆိုင်မှုရှိနေသည်မှာလည်းအံ့သြဖွယ်ရာပင်။ အော် ဗြဟ္မစိုရ်ကိုကျော်သူအတွက် မုဒိတာစာမျက်နှာများပေတကား။)

ဓမ္မဂင်္ဂါ

သီတဂူဆရာတော်နှင့်ဗာရာဏသီမဟာသင်္ကြန်

သီတဂူဆရာတော်နှင့် ဓမ္မဂင်္ဂါ

မဟာသင်္ကြန်အတက်နေ့(၁၆-၀၄-၂၀၁၀)
ရန်ကုန်မြို့တော်သင်္ကြန်တွင် ဗုံးပေါက်ကွဲခြင်းဟူသော အမင်္ဂလာသတင်းကို ကြားရသော် ၀မ်းနည်းစာနာရ၏။ သီတဂူဆရာတော်ဘုရားကြီး ဗာရာဏသီသို့ ကြွရောက်တော်မူလာသည် ဟူသော မင်္ဂလာသတင်းကို ကြား ရပြန်သော် အားတက်ဝမ်းသာရပြန်၏။ ၀မ်းနည်း ၀မ်းသာ ဝေဒနက္ခန္ဓာတရားတို့သည် အချိန်ကိုက်ကာ ပြိုင်တူ ပွားစည်းခဲ့လေ သည်တကား။

ဗာရာဏသီရဟန်းတော်များစုပေါင်းကာ ကျင်းပမည့် သင်္ကြန်ဆွမ်းကျွေးအစီအစဉ်နေရာတွင် မဇ္ဈိမနွေကို ဆန်တက်ကာ ဘုရားဖူးကြွတော်မူလာသော သီတဂူဆရာတော်ဘုရား၏ သြ၀ါဒကထာကို နာယူကြရန် စုံညီ စည်းဝေးဖြစ်ခဲ့ကြလေသည်။ သီတဂူဆရာတော်သည်ပင် မဟာသင်္ကြန်အတက်နေ့ဆွမ်းအလှူရှင်ဖြစ်ခဲ့၏။ ဗာရာဏသီပညာသင်ရဟန်းတော်များစိတ်နှလုံးအိမ်၌ “သီတဂူဆရာတော်ဘုရားကြီး သက်တော်ရှည်၍ သာသနာ့ဝန်ကို ဆောင်နိုင်ပါစေသော်” ဟု ပတ္ထနာပြုသံများသာ ပဲ့တင်ထပ်နေကြမည်မှာ သေချာလှပါ၏။

ဆွမ်းစားပြီးသည်နှင့် ကြုံခဲကြုံခိုက်စွာ ဖူးတွေ့ခွင့်ရသော သီတဂူဆရာတော်ဘုရားထံမှ သြ၀ါဒကထာ များကိုလည်း အမိအရနာယူခဲ့ကြပါလေ၏။( သီတဂူဆရာတော်ဘုရားကြီး၏ သြ၀ါဒအသံဖိုင်ကို ကော်နက်ရှင်း ကောင်းသောအခါ တင်ပေးပါမည်။) သြ၀ါဒမပေးမီ ဆရာတော်က ပြုအပ်သော ဆုတောင်းပတ္ထနာသည် မဟာသင်္ကြန်တော်အခါသမယနှင့် တိုက်ဆိုင်စွာ အသိအကျင့်များဖြင့် တောက်ပလင်းလက်လေးနက်လှပါသည်။ မျှဝေလိုက်ပါ၏။ သီတဂူနှစ်သစ်ဆုတောင်းပတ္ထနာအစစ်ဖြစ်ပေသတည်း။

“ ပူရေန္တု သမ္မာသင်္ကပ္ပါ။
ဘိဇ္ဇန္တု မိစ္ဆာသင်္ကပ္ပါ”
“မှန်ကန်သော အတွေးအကြံများပြည့်စုံကြပါစေ။
မှားယွင်းသော အတွေးအကြံများ ပျက်စီးကြပါစေ။”
သီတဂူဆရာတော်

ရန်ကုန်ဗုံးပေါက်ကွဲမှုဗုဒ္ဓအလိုတော်မကျ

န ဟိ ဝေရေန ဝေရာနိ၊
သမ္မန္တီဓ ကုဒါစနံ။
အဝေရေန စ သမ္မန္တိ၊
ဧသ ဓမ္မော သနန္တနော။

Hatred is never appeased by hatred in this world;
it is appeased by love. This is an eternal law.

ဤကမ္ဘာတွင် အကြမ်းဖက်မှုကို
အကြမ်ဖက်မှုဖြင့် ဘယ်သောအခါမှ မငြိမ်းသတ်နိုင်၊
မေတ္တာတရားဖြင့်သာ ငြိမ်းနိုင်၏။
ဤသည်လျှင် ထာဝရဥပဒေဖြစ်တော့၏။

ဗုဒ္ဓ
(ဓမ္မပဒ-၅)

မင်္ဂလာယူရမည့် နှစ်ကူးသင်္ကြန်တော်အခါသမယတွင် ကြေကွဲဖွယ်ရာအဖြစ်ဆိုးကြုံ၍ ဘ၀ကူးကြရ၊ ဘ၀နာကြရသူများအတွက် ထပ်တူစာနာမိပါကြောင်းနှင့် လိုရင်းပန်းတိုင်မရောက်နိုင်သော အကြမ်းဖက်မှုမှန်သမျှအား ကန့်ကွက်ရှုံ့ချလိုက်ပါကြောင်း။

ဓမ္မဂင်္ဂါ

ကန်တော်ကြီး ဗုံးပေါက်၊ အနည်းဆုံး ၉ ဦး သေဆုံး