17 June, 2010

ဗုဒ္ဓကို တံခါးဖွင့်ပေးမည့် တရုတ်နိုင်ငံ

ကွန်မြူနစ်ပါတီသည် လူမှုရေးစိတ်ခံစားမှုတင်းမာခြင်းများကို လျှော့ချရန် “စိတ်ထွက်ပေါက်”အဖြစ် ကိုးကွယ်ယုံကြည်မှုကို အသိအမှတ်ပြုထားသော်လည်း ပါတီ၏ အာဏာနှင့် ထိန်းချုပ်မှုစနစ်များကို ယုတ်လျော့စေရန်အတွက်မူ ဘာသာတရားကို ခွင့်ပြုလိမ့်မည်မဟုတ်ပေ။

“ဘာသာတရားဆိုသည်မှာ လူအများစုအတွက် အန္တရာယ်ရှိသော ဘိန်းဖြူသာ ဖြစ်သည်” ဟူသော ကွန်မြူနစ် ယုံကြည်မှုအပေါ်အခြေခံတည်ဆောက်ထားသော တရားဝင်ဘာသာမဲ့ဝါဒီဖြစ်သည့် တရုတ်ပြည်သူ့ သမ္မတနိုင်ငံ သည် မဇ္ဈိမပဋိပဒါလမ်းစဉ်ကို စတင်လျှောက်နေပြီဖြစ်သည်။ တရားဝင်ထုတ်ပြန်ကြေငြာခြင်း မရှိသေး သော်လည်း ကွန်မြူနစ်ပါတီသည် ဗုဒ္ဓနှင့် ဗုဒ္ဓသာသနာကို ယခင် ၁၉၆၀-၇၀ ခုနှစ်များဆီက ယဉ်ကျေးမှု တော်လှန်ရေးကာလအတွင်း ဘုန်းတော်ကြီးကျောင်းများ အစုအပြုံလိုက်ဖျက်ဆီးပြီးသည့်အချိန်မှ စ၍ သတ် မှတ်ခဲ့သည့် အဆင့်အတန်းထက် ပိုမိုမြင့်မားသော နေရာပေးရန် ပြင်ဆင်နေသည်မှာ သေချာလှပါသည်။

ယခုနှစ် တိဘက် ကိုယ်ပိုင်အုပ်ချုပ်ခွင့်ရနယ်မြေ၊ ချင်ဟိုင်တွင် ဆိုးဝါးသော ငလျင်လှုပ်မှုကြီး ဖြစ်ပွားပြီးနောက် ပထမဆုံး အပြောင်းအလဲ ပေါ်လစီသင်္ကေတတစ်ခုကို တီဗီဖန်သားပြင်ပေါ်တွင် တရုတ်ပြည်သူ သန်းပေါင်း များစွာတို့ မြင်တွေ့ခွင့်ရခဲ့ကြသည်။ ပုံမှန်အားဖြင့် တိုတောင်းစွာ ကြေငြာလေ့ရှိသည့် အစိုးရပိုင်သတင်း ချန်နယ်လ်များက ငလျင်ဒဏ်ခံပြည်သူများနှင့် ကျန်ရစ်သူများအတွက် ဆုတောင်း မေတ္တာပို့သနေကြသည့် ဗုဒ္ဓဘာသာဘုန်းတော်ကြီးများ၏ ပုံရိပ်များကို လွှင့်ထုတ်ပေးခဲ့ကြသည်။ ဒုတိယခြေလှမ်းအနေဖြင့် အိန္ဒိယ သမ္မတကြီး ပရတိဘ် ပတိလ် ယခု(မေ)လနောက်ပိုင်း၊ ဟေနန်ပြည်နယ်၊ လျိုယန်တွင် အိန္ဒိယနိုင်ငံ၊ ဘိုပါးလ်ရှိ ဆန်ချီစေတီနှင့် ပုံစံတူ ဗုဒ္ဓဘာသာကျောင်းတော်တစ်ခုကို ဖွင့်လှစ်ရန် စီစဉ်ထားခြင်းပင်ဖြစ်သည်။ (ဖွင့်လှစ်ပြီး)

ဗုဒ္ဓဘာသာနှင့်ပတ်သက်သော အာဏာပိုင်အဖွဲ့၏ ပျော့ပျောင်းသောစိတ်နေသဘောထားက ရှန်ဟိုင်းတွင် ကျင်းပသည့် ကမ္ဘာ့ကုန်စည်ပွဲတွင် မကြာမီက ခင်းကျင်းပြသခဲ့သည့် တရုတ်ပြပွဲခန်းမတွင် ပိုမိုထင်ရှားခဲ့သည်။ တိဘက်နှင့် ယူနန်ယဉ်ကျေးမှုပြပွဲခန်းမများတွင် သန်းပေါင်းများစွာသော ဧည့်သည်တော်များအတွက် ဗုဒ္ဓပုံတော်များ၊ ဗုဒ္ဓဘာသာအမွေအနှစ်အသွင်လက္ခဏာများကို ခင်းကျင်းပြသခဲ့ကြသည်။ ဇီကျင်းပြည်နယ် အစိုးရကလည်း ခရီးသွားဧည့်သည်များကို စွဲဆောင်ရန် ဗုဒ္ဓဘုရားကျောင်းတစ်ခုတွင် ရွတ်ဖတ်သရဇ္ဈာယ် နေကြသည့် ဘုန်းတော်ကြီးများ၏ ပုံရိပ်များကို အသုံးပြုထားသည့် စီးပွားရေးကြော်ငြာများကို လွှင့်တင်ခဲ့ကြသည်။

အစိုးရအနေဖြင့် လူထု၏ စိတ်နှလုံးခံစားမှုကို ကွက်ကဲနိုင်မည့် ချဉ်းကပ်မှုတစ်ရပ်ဖြစ်သည့် “စိတ်ထွက်ပေါက်” အစိတ်အပိုင်းတစ်ရပ်အဖြစ် ဘာသာရေးလွတ်လပ်မှုကို အကန့်အသတ်ဖြင့် စမ်းသပ်နေဟန်ရှိပါသည်။ တရုတ်ပြည်သူလူထုကြားတွင် စီးပွားရေးမြင့်တက်လာမှုက ဗုဒ္ဓဘာသာဘုရားကျောင်းများတွင် လူစည်ကားလာ စေခဲ့သလို အစိုးရအနေဖြင့်လည်း လူထု၏ ဘာသာရေးဆိုင်ရာရေစီးကို မျက်ကွယ်ပြု၍ မရနိုင်ခဲ့ပါ။

သို့သော် အရေးကြီးသည့် မေးခွန်းတစ်ခုက “ဤပြောင်းလဲရွေ့လျားမှုများသည် မကြာလှသော အချိန် တစ်ချိန်တွင် ကြီးမားသည့် ဘာသာရေးလွတ်လပ်ခွင့်အတွက် အမှန်တကယ် အကျိုးကျေးဇူးရှိနိုင်မလား”ဟူ၍ ဖြစ်သည်။ ကွန်မြူနစ်ပါတီသည် ဘာသာတရားနှင့် ဗုဒ္ဓ၀ါဒကို ပါတီ၏ အုပ်ချုပ်ရေးနှင့် အာဏာချုပ်ကိုင်မှုစနစ် ယုတ်လျော့သွားအောင်ထိ ပြုလုပ်ခွင့်တော့ ပေးလိမ့်မည်မဟုတ်ပါ။ တရုတ်ခေါင်းဆောင်များသည် အခြားသော အရေးအရာများတွင်လည်း “စိတ်ထွက်ပေါက်” ချဉ်းကပ်မှုမျိုးကို အသုံးပြုခဲ့ပြီးဖြစ်သည်။ အင်တာနက် အသုံးပြုမှုကို တိုးမြှင့်ဖို့ ခွင့်ပြုခဲ့ကြသလို တစ်စုံတစ်ယောက်က အစိုးရဆန့်ကျင်ဘက် အတွေးအခေါ်များပြန့် နှံ့ ရေးကြိုးပမ်းခဲ့လျှင်လည်း မြန်မြန်ဆန်ဆန် နှိမ်နှင်းပစ်လေ့ရှိပြန်ပါသည်။

ငလျင်လှုပ်မှုကြီးဖြစ်ပွားပြီးပြီးချင်း ကယ်ဆယ်ရေးလုပ်ငန်းများကို လုပ်ဆောင်ရာတွင် အဓိကနေရာမှ ပါဝင်ခဲ့ကြသည့် ဘုန်းတော်ကြီးများ၏ မြင်ကွင်းများကို အစိုးရပိုင်ရုပ်မြင်သံကြားမှ ထုတ်လွှတ်ပြသခဲ့သည်။ သို့သော် မကြာမီမှာပင် ထိုငလျင်ဒဏ်ခံနေရာများတွင် ဘုန်းတော်ကြီးများတည်ရှိမှုကို လျှော့ချရန် စတင်ခဲ့ပြီး ဘုန်းတော်ကြီးများအား မိမိတို့ကျောင်းများသို့ အသီးသီးပြန်ကြရန်အမိန့်များထုတ်ပြန်ခဲ့ကြသည်။ အခြားတစ် ဘက်တွင်မူ အစိုးရမီဒီယာများက သက်ရှိဘုရားများ(Living Buddhas)ဟုခေါ်သည့် ထေရ်ကြီးဝါကြီး ဘုန်းတော်ကြီးနှစ်ပါး၏ အစိုးရကယ်ဆယ်ရေးလုပ်ငန်းများအား ချီးကျူးထောမနာထားသည့် ထုတ်ပြန်ချက် များကို ပုံနှိပ်ဖော်ပြခဲ့ကြသည်။

ငလျင်လှုပ်ခြင်းသည် အစိုးရအာဏာပိုင်များအတွက် တိဘက်လူမျိုးများကြား အထောက်အပံ့ပေးမှုကို အသံ ကောင်းဟစ်နိုင်ရန်နှင့် သဘောထားကွဲလွဲသော တိဘက်ခေါင်းဆောင်များ၊ဘုန်းတော်ကြီးများ၏ ကြိုးပမ်းမှုမှန် သမျှကို ရင်ဆိုင်ရန် အခွင့်အရေးတစ်ရပ်ဖြစ်ခဲ့သည်မှာ ထင်ရှားလှသည်။

ဤသည်မှာ ကွန်မြူနစ်နိုင်ငံကြီးအနေဖြင့် လွန်ခဲ့သောဆယ်စုနှစ်သုံးခုဆီက “တရုတ်နည်းတရုတ်ဟန်”ဟု အမည်ပေးကာ အရင်းရှင်စနစ်ကို မွေးစားယူခဲ့သည့်နည်းတူ ဗုဒ္ဓဘာသာနှင့် ဆိုရှယ်လစ်ဝါဒတို့၏ ကိုယ်ပိုင် ဟန်ရောစပ်မှုကို ရှာဖွေတော့မည်ကဲ့သို့ထင်ရသည်။

၂၂၊၀၅၊၂၀၁၀ နေ့ထုတ် အိန္ဒိယတိုင်းမ်စ်သတင်းစာပါ Saibal Dasgupta Beijing eases Buddha bar ကို ပြန်ဆိုသည်။ လွန်ခဲ့သောလကပင် ဘလော့တွင် မိတ်ဆက်သဘောမျိုးဖော်ပြခဲ့ဖူးသော်လည်း မိခင်ဘာသာဖြင့်ဖတ်လိုသည့် ဘလော့ဂ်ပရိသတ်အချို့အတွက် အပြည့်အစုံဘာသာပြန်ဆိုဖော်ပြလိုက်ပါသည်။



မူရင်းစာမျက်နှာသို့

1 comment:

kopain said...

တရုတ်ကြီးလည်း “အပြောင်းလဲများနဲ့ပါ”ကို စမ်းကြည့်တာ နေမှာ၊ အောင်မြင်ရင် ဘယ်သူ့ကို ကန်တော့မလဲ စောင့်ကြည်းသေးတာပေါ့။