ငြိမ်းပေးမယ့် အငြိမ်းမနေနိုင်သူများ(၂)
နှလုံးသားဖြင့် နားထောင်နိုင်သည့် နောက်ခံစကားပြော......
အော်ဒီယို (၁)
ဗုဒ္ဓအရှင်နဲ့ အဂ္ဂမဟာသာဝကကြီးနှစ်ပါးတို့ရဲ့ စကားဝိုင်းဟာ ပစ္စက္ခသာသနာ့အရေးနဲ့ အနာဂတ်သာသနာ့ ၀န်ဆောင်မှုတာဝန်များအတွက် ဓမ္မပရိယာယ်ပါဝင်တဲ့ အချက်ပြ မက်ဆေ့ခ်ျပဲ ဖြစ်ပါတယ်...။ အရိယာအရှင်မြတ်တို့ရဲ့ ဝေါဟာရမှာ အဓိပ္ပါယ်တွေအများကြီး ကျယ်ပြန့်နက်ရှိုင်းနေတာကို နမ်းရှိုက်လိုက်မိပါတယ်။
အရှင်သာရိပုတြာရဲ့ စကားကို ဗုဒ္ဓအရှင်တုန့်ပြန်ပုံက ဘုရားမြတ်တို့ရဲ့ မြို့ပြယဉ်ကျေးမှုဆန်တဲ့ နှုတ်ရေးကြွယ်ဝမှု ဂုဏ်တစ်မျိုးပါပဲ။ ပိဋကတ်စာပေမှာတော့ ပေါရီလို့ ဖွင့်ဆိုပါတယ်။ မဂ်ချမ်းသာ ဖိုလ်ချမ်းသာနဲ့ အေးအေးလူလူပဲ နေတော့မယ် ဆိုတဲ့ လက်ျာရံကိုယ်တော်ကြီးရဲ့ စကားကို မှားတယ်၊ မှန်တယ်၊ ကောင်းတယ်။ မကောင်းဘူး လို့ မှတ်ချက်မပေးဘဲ "နေပါဦးကွယ် "တဲ့။
မှားတယ်၊မှန်တယ်၊ ကောင်းတယ်၊ မကောင်းဘူး လို့ မှတ်ချက်ပေးလိုက်ရင် အရှင်မြတ်တော်တိုင် ချီးမွမ်းတော်မူတဲ့ သံသရာမှ လွတ်မြောက်ငြိမ်းချမ်းမှု မဂ်ဖိုလ်ချမ်းသာနဲ့ အမြိုက်နိဗ္ဗာန် ၀င်ပေါက်ကို ပိတ်လိုက်သလို ဖြစ်သွားပေလိမ့်မယ်။ လောကဓမ္မသဘာဝကို ကွဲပြားအောင် နားမလည်သူတွေအတွက် အငြင်းပွားဖွယ်ရာ ဖြစ်ပေလိမ့်မယ်၊ ဒီတော့'' နေပါဦးကွယ် " တဲ့။
ဒီနေရာမှာ ဗုဒ္ဓအရှင်ရဲ့ အစွန်းလွတ် နှုတ်ရေးကြွယ်မှုကို ပြောချင်ပါသေးတယ်။ ဗုဒ္ဓအရှင်နဲ့ လာရောက် တွေ့ဆုံသူတွေက ဗုဒ္ဓအရှင်ကို ပြန်တော့မယ် ဘုရား လို့ နှုတ်ဆက်ကြတဲ့ အခါ "သင်တို့အချိန်အခါကို သင်တို့ သိကြကုန်လော့" တဲ့။ ပြန်လို့လည်း မနှင်၊ မပြန်ပါနဲ့ လို့လည်း မတား။ အရိယာသာဝကကြီးတွေ ပရိနိဗ္ဗာန်စံဝင်ခါနီး နောက်ဆုံးနှုတ်ဆက်ကန်တော့ခွင့်ပန်ကြတဲ့ အခါ "ဘယ်မှာ ပရိနိဗ္ဗာန် စံမှာလဲကွယ်ရို့ " လို့ပဲ မေးတော်မူလေ့ရှိပါသတဲ့။ ပရိနိဗ္ဗာန်ပြုတော့လို့ ခွင့်ပေးလိုက်ရင် သေခြင်းတရားကို ချီးမွမ်းရာရောက်ပြီး မပြုပါနဲ့ဦးလို့ တားရင်လည်း သံသရာကို အားပေးရာ ရောက်လေသတဲ့။
အော်ဒီယို (၂)
ဒီစာတုမရွာဒိုင်ယာလော့ခ်မှာ အရှင်သာရိပုတြာကလည်း သူ့အတွက် ရည်ရွယ်ထားတဲ့ မေးခွန်းကို ဗုဒ္ဓအရှင်မြတ်ရဲ့ အလိုတော်ကျ ဖြေဆိုလျှောက်ထားခဲ့တယ် လို့ပဲ ထင်ပါတယ်။ "အငြိမ်းပဲ နေတော့မယ် ဘုရား" တဲ့။ ဗုဒ္ဓအရှင်ကလည်း "နေပါဦးကွယ်၊ အငြိမ်းနေချင်တာလေး စောင့်ပါဦး" တဲ့။
အရှင်မောဂ္ဂလာန်ကိုယ်တော်ကြီးကတော့ ''ရှင်တော်မြတ်ဘုရား အေးအေးလူလူနေမယ် ဆိုရင် သံဃာတွေကို အရှင်သာရိပုတြာနဲ့ တွဲပြီး ဦးဆောင်မယ် ဘုရား "တဲ့။ ဒီတစ်ခါတော့ ဗုဒ္ဓအရှင်က သိပ်ကောင်းတယ် သိပ်ကို ကောင်းတာပဲ၊ ငါတို့သုံးပါးပေါင်းပြီး သံဃာတွေကို အတူတူ ဦးဆောင်ကြမယ် တဲ့။
အငြိမ်းအနေဘဲ သံဃာတွေကို ဦးဆောင်မယ်ဘုရားဆိုတဲ့ လက်ဝဲတော်ရံကြီးရဲ့ စကားကိုတော့ သိပ်ကောင်းတာပဲ လို့ ထပ်တလဲ ချီးမွမ်းတော်မူပြီး သာသနာတော်ရေးအတွက် သွေးနွေးကြဖို့ ဗုဒ္ဓအရှင်က ဆော်အောလိုက်ပါတယ်။ အငြိမ်းနေလိုသူတွေ စောင့်ကြဦး။
ပြီးတော့လည်း အတူတူ ဦးဆောင်ကြမယ်လေ တဲ့။ ဒီနေ့ခေတ်မှာ ကျယ်ကျယ် လောင်လောင်ကြားနေရတဲ့ Team Work ကို ဗုဒ္ဓအရှင်က လမ်းပြလိုက်တာပါ။ ပုဂ္ဂိုလ်ရေးကိုးကွယ်မှုနဲ့ တစ်ဦးတစ်ယောက်တည်းက ဦးဆောင်ကွပ်ကဲမှုသဘောတရားကို တော်လှန်လိုက်တာပါ။
တကယ်လည်း ဗုဒ္ဓအရှင် ကျင့်သုံးခဲ့ပါတယ်။ ဒုတိယ၀ါတော်မှာပဲ အရှင်မြတ်ထံတော်ပါးကို ချဉ်းကပ်လာတဲ့ ဥပတိဿနဲ့ ကောလိတဆိုတဲ့ ဗြဟဏလူရွယ် အမျိုးကောင်းသားနှစ်ဦးကို အဂ္ဂမဟာသာဝကကြီးနှစ်ပါးရယ်လို့ နေရာပေးပြီး ပုခုံးအနားမှာ ထားခဲ့တာပါ၊ လကျာ်တော်ရံ အရှင်မဟာသာရိပုတြာ၊ လက်ဝဲတော်ရံ အရှင်မဟာမောဂ္ဂလာန်တဲ့။ ဘယ်လောက်များ ပုခုံးနဲ့ နီးလိုက်ပါသလဲ....။ ရွှေပြည်ကြီးက ပရိယတ် ပဋိပတ်ကျောင်းတိုက်ကြီးတွေ၊သာသနာရေးဆိုင်ရာလုပ်ငန်းဆောင်တာကြီးတွေ တစ်ခုပြီး တစ်ခု ပြိုလဲသွားတော့" အော် ပခုံးနားမှာ တစ်ဦးတစ်ယောက်မှ မထားခဲ့ကြတာပဲ " လို့ မြင်နေမိပါတယ်။
နှလုံးသားဖြင့် နားထောင်နိုင်သည့် နောက်ခံစကားပြော......
အော်ဒီယို (၁)
ဗုဒ္ဓအရှင်နဲ့ အဂ္ဂမဟာသာဝကကြီးနှစ်ပါးတို့ရဲ့ စကားဝိုင်းဟာ ပစ္စက္ခသာသနာ့အရေးနဲ့ အနာဂတ်သာသနာ့ ၀န်ဆောင်မှုတာဝန်များအတွက် ဓမ္မပရိယာယ်ပါဝင်တဲ့ အချက်ပြ မက်ဆေ့ခ်ျပဲ ဖြစ်ပါတယ်...။ အရိယာအရှင်မြတ်တို့ရဲ့ ဝေါဟာရမှာ အဓိပ္ပါယ်တွေအများကြီး ကျယ်ပြန့်နက်ရှိုင်းနေတာကို နမ်းရှိုက်လိုက်မိပါတယ်။
အရှင်သာရိပုတြာရဲ့ စကားကို ဗုဒ္ဓအရှင်တုန့်ပြန်ပုံက ဘုရားမြတ်တို့ရဲ့ မြို့ပြယဉ်ကျေးမှုဆန်တဲ့ နှုတ်ရေးကြွယ်ဝမှု ဂုဏ်တစ်မျိုးပါပဲ။ ပိဋကတ်စာပေမှာတော့ ပေါရီလို့ ဖွင့်ဆိုပါတယ်။ မဂ်ချမ်းသာ ဖိုလ်ချမ်းသာနဲ့ အေးအေးလူလူပဲ နေတော့မယ် ဆိုတဲ့ လက်ျာရံကိုယ်တော်ကြီးရဲ့ စကားကို မှားတယ်၊ မှန်တယ်၊ ကောင်းတယ်။ မကောင်းဘူး လို့ မှတ်ချက်မပေးဘဲ "နေပါဦးကွယ် "တဲ့။
မှားတယ်၊မှန်တယ်၊ ကောင်းတယ်၊ မကောင်းဘူး လို့ မှတ်ချက်ပေးလိုက်ရင် အရှင်မြတ်တော်တိုင် ချီးမွမ်းတော်မူတဲ့ သံသရာမှ လွတ်မြောက်ငြိမ်းချမ်းမှု မဂ်ဖိုလ်ချမ်းသာနဲ့ အမြိုက်နိဗ္ဗာန် ၀င်ပေါက်ကို ပိတ်လိုက်သလို ဖြစ်သွားပေလိမ့်မယ်။ လောကဓမ္မသဘာဝကို ကွဲပြားအောင် နားမလည်သူတွေအတွက် အငြင်းပွားဖွယ်ရာ ဖြစ်ပေလိမ့်မယ်၊ ဒီတော့'' နေပါဦးကွယ် " တဲ့။
ဒီနေရာမှာ ဗုဒ္ဓအရှင်ရဲ့ အစွန်းလွတ် နှုတ်ရေးကြွယ်မှုကို ပြောချင်ပါသေးတယ်။ ဗုဒ္ဓအရှင်နဲ့ လာရောက် တွေ့ဆုံသူတွေက ဗုဒ္ဓအရှင်ကို ပြန်တော့မယ် ဘုရား လို့ နှုတ်ဆက်ကြတဲ့ အခါ "သင်တို့အချိန်အခါကို သင်တို့ သိကြကုန်လော့" တဲ့။ ပြန်လို့လည်း မနှင်၊ မပြန်ပါနဲ့ လို့လည်း မတား။ အရိယာသာဝကကြီးတွေ ပရိနိဗ္ဗာန်စံဝင်ခါနီး နောက်ဆုံးနှုတ်ဆက်ကန်တော့ခွင့်ပန်ကြတဲ့ အခါ "ဘယ်မှာ ပရိနိဗ္ဗာန် စံမှာလဲကွယ်ရို့ " လို့ပဲ မေးတော်မူလေ့ရှိပါသတဲ့။ ပရိနိဗ္ဗာန်ပြုတော့လို့ ခွင့်ပေးလိုက်ရင် သေခြင်းတရားကို ချီးမွမ်းရာရောက်ပြီး မပြုပါနဲ့ဦးလို့ တားရင်လည်း သံသရာကို အားပေးရာ ရောက်လေသတဲ့။
အော်ဒီယို (၂)
ဒီစာတုမရွာဒိုင်ယာလော့ခ်မှာ အရှင်သာရိပုတြာကလည်း သူ့အတွက် ရည်ရွယ်ထားတဲ့ မေးခွန်းကို ဗုဒ္ဓအရှင်မြတ်ရဲ့ အလိုတော်ကျ ဖြေဆိုလျှောက်ထားခဲ့တယ် လို့ပဲ ထင်ပါတယ်။ "အငြိမ်းပဲ နေတော့မယ် ဘုရား" တဲ့။ ဗုဒ္ဓအရှင်ကလည်း "နေပါဦးကွယ်၊ အငြိမ်းနေချင်တာလေး စောင့်ပါဦး" တဲ့။
အရှင်မောဂ္ဂလာန်ကိုယ်တော်ကြီးကတော့ ''ရှင်တော်မြတ်ဘုရား အေးအေးလူလူနေမယ် ဆိုရင် သံဃာတွေကို အရှင်သာရိပုတြာနဲ့ တွဲပြီး ဦးဆောင်မယ် ဘုရား "တဲ့။ ဒီတစ်ခါတော့ ဗုဒ္ဓအရှင်က သိပ်ကောင်းတယ် သိပ်ကို ကောင်းတာပဲ၊ ငါတို့သုံးပါးပေါင်းပြီး သံဃာတွေကို အတူတူ ဦးဆောင်ကြမယ် တဲ့။
အငြိမ်းအနေဘဲ သံဃာတွေကို ဦးဆောင်မယ်ဘုရားဆိုတဲ့ လက်ဝဲတော်ရံကြီးရဲ့ စကားကိုတော့ သိပ်ကောင်းတာပဲ လို့ ထပ်တလဲ ချီးမွမ်းတော်မူပြီး သာသနာတော်ရေးအတွက် သွေးနွေးကြဖို့ ဗုဒ္ဓအရှင်က ဆော်အောလိုက်ပါတယ်။ အငြိမ်းနေလိုသူတွေ စောင့်ကြဦး။
ပြီးတော့လည်း အတူတူ ဦးဆောင်ကြမယ်လေ တဲ့။ ဒီနေ့ခေတ်မှာ ကျယ်ကျယ် လောင်လောင်ကြားနေရတဲ့ Team Work ကို ဗုဒ္ဓအရှင်က လမ်းပြလိုက်တာပါ။ ပုဂ္ဂိုလ်ရေးကိုးကွယ်မှုနဲ့ တစ်ဦးတစ်ယောက်တည်းက ဦးဆောင်ကွပ်ကဲမှုသဘောတရားကို တော်လှန်လိုက်တာပါ။
တကယ်လည်း ဗုဒ္ဓအရှင် ကျင့်သုံးခဲ့ပါတယ်။ ဒုတိယ၀ါတော်မှာပဲ အရှင်မြတ်ထံတော်ပါးကို ချဉ်းကပ်လာတဲ့ ဥပတိဿနဲ့ ကောလိတဆိုတဲ့ ဗြဟဏလူရွယ် အမျိုးကောင်းသားနှစ်ဦးကို အဂ္ဂမဟာသာဝကကြီးနှစ်ပါးရယ်လို့ နေရာပေးပြီး ပုခုံးအနားမှာ ထားခဲ့တာပါ၊ လကျာ်တော်ရံ အရှင်မဟာသာရိပုတြာ၊ လက်ဝဲတော်ရံ အရှင်မဟာမောဂ္ဂလာန်တဲ့။ ဘယ်လောက်များ ပုခုံးနဲ့ နီးလိုက်ပါသလဲ....။ ရွှေပြည်ကြီးက ပရိယတ် ပဋိပတ်ကျောင်းတိုက်ကြီးတွေ၊သာသနာရေးဆိုင်ရာလုပ်ငန်းဆောင်တာကြီးတွေ တစ်ခုပြီး တစ်ခု ပြိုလဲသွားတော့" အော် ပခုံးနားမှာ တစ်ဦးတစ်ယောက်မှ မထားခဲ့ကြတာပဲ " လို့ မြင်နေမိပါတယ်။
No comments:
Post a Comment