ရဟန်းနှင့် ဒီဇင်ဘာ

(၁)

တိတ်ဆိတ်စွာ ဆူညံနေသော ဒီဇင်ဘာတော်လဲသံများကြားတွင် သူရပ်နေမိလေသည်။ မနှစ်က ဒီဇင်ဘာနှင့် ယခုနှစ်ဒီဇင်ဘာသည် မတူခြားနားကြောင်း မည်သူမှ ငြင်းမည်မဟုတ်ပေမယ့် သူကတော့ ခပ်တည်တည်ကန့်ကွက်လိုက်ပါသည်။ ယမန်နှစ်ကလိုပင် ယခုနှစ်မှာလည်း ရင့်ကျက်တည်ငြိမ်စွာ ဘ၀နေနည်းတစ်ခုကို တည်ဆောက်ဖို့ကြိုးစားနေရသည်က ထပ်တူဖြစ်နေသောကြောင့်ပင်။

သန္တတိသဘောအရ မြစ်တစ်မြစ်ထဲ ရေနှစ်ခါမချိုးနိုင် ဟု ဆိုမိန့်လေသူ ခေါမဒဿနိကပဏ္ဍိတ်ကြီး ဟေရာကလိတပ်သည်လည်း နဒီသောတော ၀ိယ ဒေသနာရှင် ဗုဒ္ဓ၏ ဥာဏ်တော်နောက်သို့ ထပ်ချပ်မကွာ လိုက်ပါခဲ့ပြီးဖြစ်သည်။ မန္တလေးသာသနာ့တက္ကသိုလ်နေ့ရက်များဆီက အဘိဓမ္မာကထိကဆရာကြီး ဦးဘဆန်းကလည်း ' ဟေရာကလိတပ်မှ မဟုတ်ပါဘူး အညာမန်းက ဆရာဆန်းကလည်း You cannot see me twice(မင်းငါ့ကို နှစ်ခါမြင်လို့ မရပါဘူး) ဒီလို ပြောလိုက်ချင်ပါတယ် " ဟု အဘိဓမ္မာကို အသောလေးနှင့် သင်ပြခဲ့ဖူးသေးသည်။ အော် ရုပ်အစဉ် နာမ်အစဉ်ဆိုသည်က စက္ကန့်မလပ်ပြောင်းလဲဖြစ်ပျက်နေကြလေသည်ပဲ။

ယခု ရေးချလိုက်သော က အက္ခရာ နှင့် ယခုနောက်တစ်ကြိမ်ရေးချလိုက်သော ကအက္ခရာ သည်ပင် အသွင်တူသော်လည်း သန္တတိမတူညီတော့။ ဂီတနက်သန်ကိုစောငြိမ်းက ပွင့်ဦးတွင် သန္တတိသဘောကို တို့ထိဆွေးမြေ့သွားခဲ့ဖူးသည်။

အချစ်ဖြင့် ဆိတ်သုဉ်း၊ ဆုံးရှုံးခြောက်ခန်း၊ လောင်ကျွမ်းခဲ့ရ မောင့်ဘ၀အစဉ်ဝယ်

ဆက်သွယ်သန္တတိ၊ မမြဲသော ရုပ်နာမ် ပြောင်းလဲသည့်နှယ်၊ ဖြစ်ပြန်ပျက်ပြန် အချစ်မှန်တရားရယ်.....။

သာမန်မေတ္တာဘွဲ့သက်သက်မဟုတ်ဘဲ အဘိဓမ္မာပို့ချချက်တစ်ခုလိုပင် တန်ဖိုးထားစရာကောင်းသည်။ မည်သို့ဖြစ်စေ အဘိဓမ္မာသဘောအရ ယမန်နှစ်က ဒီဇင်ဘာနှင့် ယခုနှစ် ဒီဇင်ဘာသည် သန္တတိချင်းမတူ၊ သို့သော် သိက္ခာနယ်ပယ်တွင်မူ ရင့်ကျက်စွာ ဖြတ်သန်းနိုင်ဖို့ ကြိုစားရသည်က အတူတူပင်။

(၂)

ဒီဇင်ဘာလတွင် သူသည် ခရီးတစ်ခုသွားရန် အားခဲကြွေးကြော်ထားဖြစ်သည်။ သို့သော် သူသည် တိမ်တိုက်တစ်ခု မဟုတ်သည့်အတွက် ပြက္ခဒိန်ပေါ်က အခွင့်အလမ်းသာသော နေ့ရက်ကို ရှာဖွေရခြင်း၊ ဗီဇာလျှောက်ထားရန်အခြားသူတစ်ဦးကို အားကိုးအားထားပြုရခြင်း၊ လေယာဉ်ခရီးစဉ်များကို တိုက်ဆိုင် ရှာဖွေရခြင်းစသည့် ရာစုသစ်ခရီးသွားတို့၏ အာဝေဏိကဒုက္ခကြောတွင် မျောရင်း အကြောင်းတစ်ခုခုကြောင့် လွဲချော်သွားတော့သည်။ သူခရီးစဉ်ကို အားပျက်စွာ ဖျက်သိမ်းလိုက်ရသည်။

အမှန်တကယ်တော့ ဒီဇင်ဘာလသည် ခရီးတစ်ခုသွားရန် သူ ဆာလောင်နေသော လဖြစ်သည်။ သည်လသည်သာ သူ့အတွက် စိမ့်ယိုပေါက်ရှိသည်။ သူ တာဝန်ထမ်းဆောင်ရာ တိဘက်တက္ကသိုလ်သည် ပထမခြောက်လပတ်စားမေးပွဲစစ်နေသဖြင့် နေ့စဉ်လက်မှတ်သွားထိုးရုံမှ အပ စာသင်ချိန်မရှိ။ နေ့စဉ်လက်မှတ်သွားထိုးရသည်ကလည်း ကျောင်းသားကျောင်းသူများအနေဖြင့် ကိုယ်ပိုင် စာကြည့်ချိန်ကာလ (Preparation Leave) အတွင်း ဘာသာရပ်ဆိုင်ရာ အခက်အခဲရှိပါက ဆရာများထံအလွယ်တကူမေးမြန်းနိုင်ရန် စီစဉ်ထားခြင်းဖြစ်သည်။

ထိုသို့ လက်မှတ်ထိုးကာ စာသင်ခန်းအတွင်း အဆင်သင့်ဖြစ်နေရသည့်အတွက် သူတို့လို ဧည့်ဆရာများအား တစ်နေ့လျင် ပို့ချချိန်နှစ်ချိန်သတ်မှတ်ကာ ပညာပူဇော်ငွေ ချီးမြင့်ပေးလေသည်။ သူနှင့် သူ့တပည့်များကြားတွင် အခက်အခဲရှိပါက အချိန်မရွေးမေးမြန်းနိုင်ရန် သူ့ဖုန်းနံပါတ်ကို ပေးထားသည်။ မည်သည့် ကျောင်းသားမှ ယခုအချိန်အထိ ဖုန်းဆက်သည် မရှိသေး..။ သူပို့ချခဲ့သည်များကို အပြည့်အ၀နားလည်၍ မမေးကြသည်လား၊ သို့မဟုတ် ဘာမှနားမလည်သည့်အဆုံး ဘာမေးရမှန်း မသိတော့၍ မဆက်သွယ်ကြတော့သည်လား..း)။

စာမေးပွဲက ဒီဇင်ဘာ ၁၆ ရက်နေ့တွင် ပြီးမည်။ သူမေးခွန်းထုတ်ထားသည့် အတန်းအတွက် အဖြေလွှာများကို စာမေးပွဲပြီးသည်နှင့် စစ်ရမည်။ ၀ါရင့်ဆရာများကို မေးကြည့်တော့ ဒီဇင်ဘာ ၂၈ ရက်နောက်ပိုင်းမှ စစ်လျင်လည်း ရသည်တဲ့..။ စာမေးပွဲပြီးလျင် ကျောင်းပိတ်ရက်ရှိပါသလားဆိုတော့ နွေရာသီတစ်ခုသာ ပိတ်သည်တဲ့ ။ သို့ဆိုလျင် ခွင့်ယူလို့ကော ရပါသလားဆိုတော့ သူနှင့် ဌာနတူ ပါမောက္ခကြီးက '" ဘန္တေဂျီး ခွင့်ယူပြီး ခရီးသွားချင်လည်း သွားပါ၊ ဘန္တေဂျီးမေးခွန်းထုတ်ထားတဲ့ ဘာသာဖြေမယ့်နေ့မှာ ဘန္တေဂျီးကိုယ်စား တာဝန်ယူပေးပါ့မည် တဲ့"။ သူပျော်သွားသည်။ တက္ကသိုလ်ကိစ္စကတော့ ရှင်းသွားသည်။

(၃)

သို့သော်လည်း သူနေထိုင်ရာ အဆောင်တွင် မိတ်ဆွေမြန်မာရဟန်းတော်များအတွက် ရည်ရွယ် ဖွင့်လှစ်ထားသော ပိဋကတ်ဆိုင်ရာ အင်္ဂလိပ်စာသင်တန်းတစ်ခု ရှိနေသေးသည်။ တိဘက်တက္ကသိုလ်မှ နံနက် ၈း၀၀ နာရီ သင်တန်းချိန်ပြီးသည်နှင့် ၉း၀၀ နာရီတိတိတွင် ဤသင်တန်းလေးကို သူစတင်ပို့ချလေ့ရှိသည်။ လေးလခန့်ရှိပြီ ဖြစ်သော သင်တန်းသည် အရေးပေါ်ကိစ္စများမှ လွဲ၍ ပျက်ကွက်မှုမရှိဖူးခဲ့..။ သူခရီးသွားလျင် သည်သင်တန်းကို ပိတ်သိမ်းရလိမ့်မည်။

ကံကောင်းထောက်မစွာပင် ဗုဒ္ဓဂယာမြေမြတ်ရှိ မဟာဗောဓိညောင်ပင်အောက်တွင် ကျင်းပမည့် အပြည်ပြည်ဆိုင်ရာပိဋကတ်သုံးပုံရွတ်ဖတ်ပွဲကြီးက တစ်နိုင်ငံလုံးရှိသံဃာတော်များကို (အချိန်အခွင့်လမ်း သာပါက) ပါဝင်ဆင်နွှဲဖို့ ဖိတ်ကြားလိုက်သည်။ မြန်မာနိုင်ငံမှ သီတဂူဆရာတော်ကြီးကိုယ်တိုင် ကြွရောက် ချီးမြင့်မည် ဆိုတော့ သင်တန်းတက်ရောက်နေသည့် မိတ်ဆွေရဟန်းတော်များက ဤပွဲတော်ကြီးတွင် ပါဝင် ဆင်နွှဲဖို့ စိတ်အားထက်သန်နေကြသည်။ ထေရ၀ါဒငါးနိုင်ငံသံဃာတော်များနှင့် အတူ အပြည်ပြည်ဆိုင်ရာ သံဃာတော်များပါဝင်ရွတ်ဖတ်သရဇ္ဈာယ်မည့် ပိဋကတ်သုံးပုံရွတ်ဖတ်ပူဇော်ပွဲကြီးသည် မည်မျှကြည်နူးစရာ ကောင်းလိုက်သနည်း။

သူကတော့ ယခင်နှစ်များဆီက တက်ရောက်ကြည်နူးခဲ့ပြီးပြီမို့ အသစ်အသစ်သော ရဟန်းတော်များကို ဦးစားပေးတိုက်တွန်းဖြစ်သည်။ သို့နှင့် ဗာရာဏသီမှ ရဟန်းတော်များ ဒီဇင်ဘာတစ်ရက်နေ့က ဗုဒ္ဓမြေမြတ်မဟာသို့ ပွဲတော်အမီ ကြွချီသွားကြလေသည်။ သူ့သင်တန်းလေးကိုလည်း ယာယီ တံခါးပိတ်ထားလိုက်သည်။

(ဆက်ရန်)