ရဟန်းနှင့် ရောမ

ရဟန်းနှင့် ရောမ
=========
ပုပ်ရဟန်းမင်း၏ ဗာတီကန်နန်းတော်ပရိဝုဏ်အတွင်းရှိ ၀တ်ပြုရာစိန့်ပီတာဘုရားကျောင်းအရိပ်ထဲသို့ သူဝင်ခိုလိုက်ချိန်တွင် လှောင်ပြောင်သရော်လိုသော အကြည့်များ ရှိနေမခဲ့ပါ..။

သူကသာ တမေ့တမော .ကောင်ကင်ဘုံအ၀င်လမ်းများကို ရှာနေခဲ့လေသည်။

အမှန်တကယ်ပင် ဘာသာတရားတစ်ခုကို အပြန်အလှန်မလေးစားလိုသူတို့ရပ်ဝန်းတွင် ဘာသာတရားတစ်ခု၏ အသွင်အပြင်အဆင်အသွေးသည် ပြောင်လှောင်ဖွယ်ရာ ဖြစ်နေတတ်လေသည်။

ဗုဒ္ဓအရှင်မြတ်ကိုယ်တော်တိုင်ပင် ဦးပြည်းယုတ် (မုဏ္ဍက)ဟူသော ဝေါဟာရကို ကရုဏာကြီးစွာ သည်းခံတော်မူခဲ့သေးသည်ပဲ..။
သူကတော့ ထိုအရောင်အသွေးပါသော အကြည့်စူးစူမျိုးကို ပညာအလင်းမှိန်ဖျော့သော လူများကြားတွင် ကြုံခဲ့ရဖူးသည်.။ ဦးပြည်းတုံးထားကာ ပခုံးတစ်ဘက်ဖော်ဝတ်ဆင်ထားသော ရဟန်းတစ်ပါးသည် ရောမသားတို့အလယ်တွင် ထီးတည်းကြီးရှိနေသည့်တိုင် စိတ်နှလုံးလုံခြုံမှုရှိနေခဲ့ပါသည်။

ကော်ဖီဆိုင်ညိုညိုလေးများတွင် ထိုင်ရသည်က နှစ်ခြိုက်ဖွယ်ဖြစ်သည်။

ရောမတွင် သီခြားရေအိမ်ရှာဖို့ မလို..။

ကော်ဖီဆိုင်ညိုညိုလေးသို့ ခပ်သုတ်သုတ်ဝင်ခိုရင်း နှစ်ယူရိုမျှဖြင့် ကော်ဖီတစ်ခွက်နှင့် ရေအိမ်ဝင်ခြင်းကိစ္စကို ဆောင်ရွက်ကြရသည်။

ဂျေလာတိုရေခဲမုန့်(Gelato)ချစ်သူများကြား စိတ်အေးလက်အေး ရောနှောစီတန်းရသည့် အတွေ့အကြုံက ရွှေပြည်ကြီး၏ အရာရာ တိုးဝှေ့ကြသူများကို မကြာခဏ သတိရစေသည်။

အီတလီမုန့်ပြားသလက် (Pizza) နှင့် မုန့်တီ (Spegatti) နေ့လည်စာချိန်က သူ့အတွက် အမြဲတမ်း ခက်နေတတ်သည်။ ရောမသားတို့၏ နေ့လည်စာသည် မွန်းတိမ်း (၁) နာရီကျော်မှ စလေသည်။
သို့နှင့် ဂျပန်ဆူရှီဆိုင်လေးများ၊ ယိုးဒယားထမင်းဆိုင်လေးများကို ရှာဖွေမှတ်သားထားရသည်။
ဗျစ်ရည် (သို့မဟုတ်) ၀ိုင်သည် ရောမ၏ ရေနွေးကြမ်းတစ်မျိုးဖြစ်သည်။
ပဉ္စသီလအကြောင်းတွင် ထိုအရာများကို လျှော့ပေါ့ဆွေးနွေးရမည့်ဟန်ပင်..။

ရောမ၏ လီယိုနာဒိုဒါဗင်စီလေဆိပ်သို့ ပါရီ၏ ချားလ်ဒီဂေါလ်လေဆိပ်မှတဆင့် သူရောက်သွားခဲ့သည်။ ပူဇာစ ပူဇနေယျာနံ သည် အနောက်တိုင်း၏ အလှတရားဖြစ်မည် ။ရွှေပြည်ကြီးမှာတော့ ဦးသန့် သို့မဟုတ် သခင်ကိုယ်တော်မှိုင်းလေဆိပ်သို့  သူတို့ တစ်သက်ဆင်းခွင့်ရဦးမည်မထင်သေး..။
လူဝင်မှုကြီးကြပ်ရေးဂိတ်ကို ရှာဖွေရင်း ရောမမြို့ကြီးကို တိုက်မိသွားသည်။ အခွန်လွတ်ဈေးမှာပင် ဈေးချိုသောအမှတ်တရပစ္စည်းတစ်ခုခု မ၀ယ်လိုက်ရ..။
အော် သူ့ နိုင်ငံကူးလက်မှတ်ထဲက ဗီဇာက အီတလီသီးသန့်ဗီဇာမဟုတ်..။
 Schengen Area ဟုခေါ်သော ဥရောပ ၂၆ နိုင်ငံသို့ ဒိုးယိုပေါက် သွားလာကူးသန်းနိုင်သော ပြည်ဝင်ခွင့်တစ်မျိုးဖြစ်သည်။
ပါရီကို ဖြတ်သန်းခဲ့ပြီးသည့် သူ့ကို ရောမက လှည့်မကြည့်တော့..။

ဈေးနှုံးချိုသာသောမိသားစုဟိုစတယ်လ်တစ်ခုတွင် သူ တည်းခိုသည်။ ဓါးခုတ်လှံထိုးကြရာ ဂလက်ဒီယေတာတို့၏  ခြင်္သေ့သားရဲတွင်းကလော့ဆီယံသည် ကြောက်ရွံ့ထိတ်လန့်မှုဘယာနကရသထက် အံသြဘနန်းဖြစ်ခြင်းအဗ္ဘုတရသကို ပေးစွမ်းသည်။ ငယ်ငယ်ရုပ်ရှင်ထဲက ဘရုစ်လီနှင့် မုတ်ဆိတ် မင်းသားကြီးကို မြင်ယောင်လာသည်။ ကြောင်တစ်ကောင်၏ အော်သံကိုပင် ပြန်ကြားလာသေး၏။

မူဆိုလိနီခေတ်ကျောက်သားအဆောက်အဦးကြီးများကို ပွတ်သပ်ကြည့်မိသည်။
ထရေဗီရေပန်းတွင် ယူရိုအကြွေစေ့တစ်စေ့ကို နှမျောခြင်းကြီးစွာ ပစ်ထည့်လိုက်သည်။ နောက်တစ်ခေါက်ရောက်လာဖို့ ဆုတောင်းခြင်းဖြစ်သတဲ့..။ ခမ်းနားထယ်ဝါသော ခရစ်ယန်ဘုရားရှိခိုးကျောင်းကြီးများ.
နိုင်ငံတကာမော်ဒယ်အမျိးကောင်းသား အမျိုးကောင်းသမီးတို့ ခြေချင်းလိမ်ရာ ရောမ၏ ဖက်ရှင်လမ်းမများ
လက်လှမ်းခြေလှမ်းမမီသော ဈေးများ...။

ဗုဒ္ဓ၏သာဝကရဟန်းတစ်ပါးနှင့် အနောက်တိုင်းနေ၀င်ချိန်များက လိုက်ဖက်မှုမရှိကြောင်း သေချာလာသောအခါ သူက
arrivederci (နှုတ်ဆက်ပါတယ်) ဟု တီးတိုးရွတ်ဆိုမိလေသည်။

ဓမ္မဂင်္ဂါ
(၁၇-၇-၂၀၁၃)