17 December, 2013

ဓမ္မဂင်္ဂါပါဠိကောလိပ်တည်ထောင်မည့်ဆရာတော်နှင့် တွေ့ဆုံခြင်း

“လူတွေ တတ်မြောက်ခွင့်ရှိတဲ့ ပညာရေးကို ရှင်ငယ်ရဟန်းငယ်တွေ သင်ယူခွင့်ရမယ်ဆိုရင် မြန်မာနိုင်ငံအတွက် လူသားအရင်းအမြစ်မဆုံးရှုံးပါဘူး..။”
=======================================
ဓမ္မဂင်္ဂါဗုဒ္ဓဘာသာပါဠိကောလိပ်တည်ထောင်မည့် ဒေါက်တာအရှင်ဝိစိတ္တသာရနှင့် တွေ့ဆုံးခြင်း (The Voice Daily Tuesday October 15,2013)
------------------------------------------------------
(အိန္ဒိယနိုင်ငံ၊ဗာရာဏသီမြို့၊ ဗဟိုတိဘက်လေ့လာရေးတက္ကသိုလ်တွင် ဧည့်ပါမောက္ခအဖြစ် သွားရောက်သင်ကြားပေးရင်း မြန်မာနိုင်ငံတွင်လည်း လောကီလောကုတ္တရာပညာနှစ်မျိုးလုံး ပါဝင်မည့် ဓမ္မဂင်္ဂါဗုဒ္ဓဘာာသာ ပါဠိကောလိပ်ကျောင်းကို ရန်ကုန်မြို့တွင် တည်ထောင် ဖွင့်လှစ်နိုင်ရန် စီစဉ်နေသူဆရာတော်ဒေါက်တာအရှင်ဝိစိတ္တသာရအား အဆိုပါ ကျောင်းဖွင့်လှစ်ရန်စီစဉ်ခြင်း၏ ရည်ရွယ်ချက်နှင့် လက်ရှိမြန်မာနိုင်ငံရှိ ရဟန်းသံဃာများ၏ ပညာရေးအခြေအနေတို့ကို မေးမြန်းဖော်ပြလိုက်ပါသည်။)

Voice;
------
“ရှင်ငယ်ရဟန်းတွေ လောကီပညာသင်ကြားနိုင်မယ့် ဓမ္မဂင်္ဂါဗုဒ္ဓဘာသာပါဠိကောလိပ်ကျောင်းတည်ထောင်ရခြင်းရဲ့ ရည်ရွယ်ချက်ကို ရှင်းပြစေချင်ပါတယ်..။ ”

ဆရာတော်
--------
“ရဟန်းတော်တွေ ခေတ်မီနည်းစနစ်တွေနဲ့ သင်ကြားခွင့်ရဖို့ လမ်းရိုးလမ်းဟောင်းကို လွယ်ကူတဲ့နည်းတွေနဲ့ အစားထိုးနိုင်ဖို့ ရည်ရွယ်ပါတယ်။ နည်းစနစ်ဟောင်းတွေက သူ့တို့ခေတ်သူတို့အခါမှာ အံဝင်နိုင်ပေမယ့် ခုခေတ်မှာတော့ အဆင်မပြေနိုင်တော့ဘူး၊
ပိဋကတ်စာပေရော၊ လောကီပညာရေးပါ သင်ခွင့်ရမယ်။
ဘာကြောင့်လဲဆိုတော့ ရဟန်းဘ၀နဲ့ မြဲသွားရင် လောကီ လောကုတ္တရာနှံ့စပ်သိမြင့်မယ့် ကမ္ဘာ့အဆင့်မီသာသနပြုအကျော်အမော်တွေဖြစ်မယ်။ ရဟန်းဘ၀နဲ့ မပျော်ပိုက်လို့ လူထွက်ခဲ့မယ်ဆိုရင်လည်း ရဟန်းဘ၀က တတ်ခဲ့တဲ့ပညာနဲ့ ဥာဏလုပ်သားတွေအဖြစ် လုပ်ငန်းခွင် ၀င်နိုင်ပြီး နိုင်ငံအတွက် လူသားအရင်းအမြစ် မဆုံးရှုံးတော့သလို သူတို့အတွက်လဲ မဆုံးရှုံးတော့ဘူး။
လက်ရှိအချိန်မှာက သူတို့တတ်ထားတဲ့ပညာက လူ့ဘ၀မှာ ကာယလုပ်သားအဖြစ်သာ အသုံးပြုနိုင်လို့ နိုင်ငံအတွက်ရော သူ့အတွက်ပါ ဆုံးရှုံးရမယ်။ ရဟန်းငယ်တွေကို အဓိကထားတာဆိုပေမယ့် လူပုဂ္ဂိုလ်တွေအတွက်လည်း ဓမ္မစာပေနဲ အတူ ခေတ်ပညာရပ်တွေကို အငြိမ်းစားယူပြီးတဲ့ ပညာရှင်ကြီးတွေရဲ့ အကူအညီနဲ့ ဖြန့်ဝေချင်တယ်။

Voice;
------
အငြိမ်းစားယူပြီးတဲ့ ပညာရှင်ကြီးတွေရဲ့ အကူအညီနဲ့ ဖြန့်ဝေချင်တယ်ဆိုတော့ ဘယ်လိုပုံစံနဲ့ သင်ကြားပေးမှာလဲ ဆိုတာ သိချင်ပါတယ်။။”

ဆရာတော်
--------
“လူတိုင်းတတ်မြောက်ခွင့်ရှိတဲ့ ပညာရေးကို ရဟန်းငယ်၊ရှင်ငယ်တွေ သင်ခွင့်ရအောင် ခု ဓမ္မဂင်္ဂါဗုဒ္ဓဘာသာပါဠိကောလိပ်ရဲ့ သင်ရိုးတွေကို ပညာရှင်တွေနဲ့ တိုင်ပင်ပြီး ရေးဆွဲမယ်..။ အစိုးရပါဠိပညာရေးကိုလည်း မျက်ကွယ်ပြုလို့ မရတဲ့အတွက် ချိတ်ဆက်ထားရမယ်။ အစိုးရအခြေခံပညာကျောင်းတွေနဲ့ နိုင်ငံတကာကျောင်းတွေမှာ ပြဌာန်းထားတဲ့ သင်ရိုးတွေကိုလည်း သင်နိုင်ရမယ်။ ဂျီစီအီးစာမေးပွဲတွေပါ ဖြေဆိုနိုင်ဖို့ စီစဉ်ပေးမယ်။ ချမ်းမြေ့ဆရာတော်ကြီးဟာ ဂျီစီအီးစာမေးပွဲတွေပါ ဖြေဆိုအောင်မြင်ဖူးတယ် လို့ မှတ်သားရတယ်။ ကိုရင်တွေ ရဟန်းတွေအတွက် အစိုးရပါဠိပထမပြန် အတန်းသုံးတန်းရှိတယ်။ အဲဒါကို ပေါ့ပါးအောင် ခြောက်တန်းခွဲထားမယ်။ အခြေခံမှာ အငယ်တန်း၊ အလတ်တန်း၊ အကြီးတန်းတွေကိုလဲ ပစ်ပယ်လို့မရဘူး။ စာသင်သားတွေက အစိုးရအသိအမှတ်ပြုစာမေးပွဲတွေလည်း ဖြေချင်ကြမှာပဲ.။ ”

Voice;
-----
“ရဟန်းတော်တွေအတွက် သတ်မှတ်ထားတဲ့ အစိုးရပါဠိပထမပြန်အတန်းသုံးတန်းကို ခြောက်တန်းခွဲသင်မယ်ဆိုတာနဲ့ သင်ကြားပေမယ့် ပညာရပ်တွေကရော ဘာတွေဖြစ်မယ်ဆိုတာလဲ သိချင်ပါတယ်..။”

ဆရာတော်
-------
“ခုတည်ထောင်မယ့် ကျောင်းမှာတော့ ပိဋကတ်စာပေနဲ့ ဘက်စုံဘာသာရပ်တွေကို ချဲ့ထွင်သင်ပေးဖို့ နဲ့ စာသင်သားရဟန်းတွေ ၀န်ထုပ်ဝန်ပိုးမဖြစ်အောင် ခြောက်တန်းခွဲထားတာ။ အဲဒီမှာ သိပ္ပံပညာရပ်တွေဖြစ်တဲ့ သင်္ချာ၊ အင်္ဂလိပ်စတဲ့ ဘာသာရပ်တွေထည့်မယ်။ရဟန်းတွေအတွက် ပထ၀ီဝင်ဘာသာရပ်လဲ လိုတယ်။ ဗုဒ္ဓသာသနိက ပထ၀ီဝင်ဆိုတာရှိတယ်။ မော်လမြိုင်တောင်ပေါက် ဆရာတော် ပြုစုထားတာရှိတယ်။ ခေတ်အဆက်ဆက်သာသနာရဲ့ အတက်အကျတွေကို သာသနပြုလောင်းလျာတွေ မဖြစ်မနေသိကြရမယ်။ ဗုဒ္ဓဘာသာပြန့်ပွားခဲ့တဲ့နေရာတွေ ဆုံးရှုံးခဲ့တဲ့နေရာတွေကို ရှင်ငယ်ရဟန်းငယ်တွေ သိဖို့လိုတယ်။ သမိုင်းလိုတယ်။ ဘယ်အချိန်မှာ ပျောက်ကွယ်သွားတယ်၊ ဘယ်အချိန်က ပေါ်ထွန်းခဲ့တယ်။ သာသနာ့တက္ကသိုလ်ရောက်မှ သင်ရတယ်။ ဘာသာစကားတွေကိုတော့ ဆရာပေါ် မူတည်ပြီး ရနိုင်သလောက် သင်ပေးမယ်။ လက်ရှိတော့ ကျောင်းကတည်နေတုန်း။ မြန်မာပြည် ပြန်ရောက်တာ ၂၀၁၂ အကုန်မှ။

Voice;
-----
“လက်ရှိမြန်မာနိုင်ငံမှာ သင်ကြားနေတဲ့ အစိုးရအသိအမှတ်ပြုပါဠိပထမပြန်ပညာရေးစနစ်ကို ဘယ်လိုမြင်လဲဆိုတာ သိချင်ပါတယ်”

ဆရာတော်
-------
“ဒီမှာက သင်ရိုးစနစ်ထက် သင်ရိုး စာအုပ်ကို တွယ်ဖက်နေတုန်းပဲ ရှိသေးတယ်။ ဒီစာအုပ်တွေက စာသင်ခန်းမှာ သင်ရမဲ့ဟာ မဟုတ်ပဲ ပါရဂူဘွဲ့အတွက် အထောက်အကူပြုတဲ့စာအုပ်တွေဆိုတော့ ရှင်ငယ်ရဟန်းငယ်တွေ သဒ္ဒါလန်ပြီး ရှေ့မရောက်အောင် ဖြစ်နေတာ ကိုယ်တိုင်စာချခဲ့ဖူးတော့ သိနေတယ်။ ပြောရင် ယုံမယ်မထင်ဘူး၊ ပါဠိပထမပြန်သင်ရိုးမှာ ဗုဒ္ဓ၀င်စာပေပြဌာန်းမထားဘူး။

အရပ်ထဲက မြတ်မင်္ဂလာတို့ မင်္ဂလာမောင်မယ်တို့ ဖတ်တဲ့ ကလေးတွေက ဗုဒ္ဓ၀င်ကို သိနေပြီး ဆွမ်းခံကြွတဲ့ ကိုရင်က အဲဒါမသိဘူးဖြစ်နေတယ်။ ဗုဒ္ဓ၀င်နဲ့ သာသနာ့သမိုင်းတွေ သင်ပေးရမယ်။ပါဠိပိဋကတ်တတ်ပါရဲ့နဲ့ နိုင်ငံတကာစင်မြင့်တွေမှာ နောက်က ထိုင်နေကြရတာ ဘာသာစကားနဲ့ နိုင်ငံတကာအဆင့်ပညာတွေ သင်ယူခွင့်မရလို့..။

ဒီနေ့ သီတဂူဆရာတော်တို့ ရှေ့ရောက်နေတာ အကင်းပါးပါးနဲ့ အားနည်းချက်ကို အချိန်မီသိပြီး ခေတ်နဲ့ ရင်ဘောင်တန်းလိုက်နိုင်လို့ပဲ..
ခေတ်နဲ့ လျော်ညီတဲ့ ပညာရေးကို ဖော်ဆောင်ရတော့မယ် ။ ကွန်ပြူတာနည်းပညာတွေကလည်း တစ်နေ့တစ်ခြားမြင့်မားလာတယ်. ကိုရင်လေးတွေ ဦးဇင်းလေးတွေကလည်း အဲဒီပညာတွေ တတ်ချင်လာတယ်။

ခေတ်မီပညာရေးကို ကျောင်းပရိဝုဏ်အတွင်းမှာ မဖော်ဆောင်ရင် ကိုရင်လေးတွေ ဦးဇင်းလေးတွေက ကျောင်းပရိဝုဏ်အပြင်ထွက်ပြီး သူတို့ လိုချင်တာတွေ ရှာဖွေသင်ကြတော့မယ်။ အဲဒီမှာ လောကုတ္တရာဘက်မှာ အားနည်းသွားမယ်။ အဲဒီတော့ သူတို့လိုချင်တာလည်း သင်ပေး၊ ကိုယ်သိစေချင်တဲ့ ပိဋကတ်ကိုလည်း မလစ်ဟင်းစေရမယ့် ၀င်းဝင်း (Win-Win) ပေါ်လစီကို မဖြစ်မနေ ကျင့်သုံးကြရတော့မှာပါ။
အစိုးရက ဖော်ဆောင်တဲ့ နိကာယ်စာမေးပွဲဆိုတာ ရှိတယ်။ ဒါပေမယ့် စာသင်သားတွေ လောကမှာ မတွင်ကျယ်ဘူး။ အဲဒီနိကာယ်စာမေးပွဲမှာ နိကာယ်ငါးရပ်၊ ပိဋကတ်သုံးပုံမူရင်းကျမ်းတွေ ပြဌာန်းထားတာ အနှစ်တွေချည်းပဲ.။ ဒါပေမယ့် သံဃာတွေက အခြေပြုစာမေးပွဲပြီးလို့ မွေးရပ်ဒေသ ပြန်နေချိန်၊ နားနေချိန်မှာ ဖြေရတာမို့ ၀င်ဖြေသူနည်းတယ်။ ဒီစာတွေကမှ ဗုဒ္ဓရဲ့တရားတော်တွေကို ရဟန်းတွေ အကုန်သိနိုင်တဲ့ စာမေးပွဲ။

Voice;
-------
ဒါဆိုရင် ဗုဒ္ဓဘာသာဝင်နိုင်ငံတွေကြားမှာ မြန်မာရဟန်းတော်တွေ နောက်ကျကျန်နေခဲ့တယ်ဆိုတဲ့ သဘောလား၊ မြန်မာနိုင်ငံမှာ ရှိတဲ့ သာသနာ့တက္ကသိုလ်တွေကရော ဒီပညာရပ်တွေ သင်ကြားမပေးနိုင်ဘူးလားဆိုတာ သိချင်ပါတယ်..။

ဆရာတော်
-------
“လက်ရှိအချိန်မှာ သာသနာရေးဦးစီးဌာနက စာရင်းတွေအရ သာသနာ့မှတ်ပုံတင်ကိုင်ထားတဲ့ ရဟန်းသံဃာ ငါးသိန်းနီးပါးရှိတယ်။ ရဟန်းတွေရဲ့ ပညာရေးလောကမှာ နှစ်ဘက်မြင် ထူးချွန်တဲ့သူ အရေအတွက် နည်းနေသေးတယ်။ နိုင်ငံတကာစင်မြင့်တွေပေါ်ကို တက်နိုင်တဲ့ မြန်မာရဟန်းတော်အရေအတွက်ဟာ လက်ချိုးရေလို့ ရနေသေးတယ်။ အကြောင်းကတော့ မြန်မာနိုင်ငံမှာ ရဟန်းတော်တွေအတွက် ဖွင့်ထားတဲ့ တက္ကသိုလ်ကျောင်းနည်းလို့ပဲ။ ရန်ကုန်နဲ့ မန္တလေးမှာ သာသနာ့တက္ကသိုလ်ကြီးနှစ်ခုနဲ့ အပြည်ပြည်ဆိုင်ရာထေရ၀ါဒဗုဒ္ဓသာသနာပြုတက္ကသိုလ်ကျောင်းကြီးတွေ၊ သီတဂူဆရာတော်ရဲ့ သီတဂူုကမ္ဘာ့ဗုဒ္ဓတက္ကသိုလ်ကြီးတွေရှိပေမယ့် အဲဒီမှာ ပညာသင်ခွင့်ရတဲ့ ရဟန်ုးအရေအတွက်က နည်းလွန်းနေပါသေးတယ်။ ၀င်ခွင့်ဖြေဆိုတဲ့ ရဟန်းတွေ ရှစ်ရာ၊တစ်ထောင်နီးပါးရှိပေမယ့် တက်ခွင့်ရတာက ၇၀ ကျော် ပဲရှိတာ။အပြည်ပြည်ဆိုင်ရာ ထေရတက္ကသိုလ်ဆိုလည်း ဆယ်ပါးလောက်ပဲ ရှိတာဆိုတော့ တက္ကသိုလ်ပညာရေးဆိုတာကို မြည်းစမ်းချင်တဲ့ ရဟန်းတော်တွေများစွာ နိုင်ငံခြားတိုင်းပြည်တွေ ထွက်ကြရတယ်

Voice;
-----
“ ဒီလိုဖြစ်ရတဲ့အကြောင်းရင်းကရော ဘာကြောင့်လဲဆိုတာ သိချင်ပါတယ်ဆရာတော်”

ဆရာတော်
-------
“ရိုးရာစာမေးတွေကလည်း ခေတ်ပညာသင်ဖို့ အချိန်မရနိုင်လောက်အောင် ခက်ခဲတဲ့ပညာပြမေးခွန်းတွေနဲ့ ပိတ်ဆို့ထားတယ်လို့ ရဟန်းငယ်တွေစိတ်ထဲမှာ ခံစားချက်ကိုယ်စီရှိကြတယ်။ ဓမ္မာစရိယအဆင့်မှာ ရဟန်းတွေ ကျမ်းရင်းသုံးခုနဲ့တင် အဆုံးသတ်နေတယ်။ အဲဒါကလဲ စာမေးပွဲမှာ ၀ါကျလေး တစ်ခုနှစ်ခုကို ခက်အောင်မေးလို့ဖြစ်နေတာ။ ရဝေနွယ် (အင်းမ) ရေးတဲ့စာအုပ်တွေမှာ အတ္ထုပတ္တိအကျဉ်းလေးလေး ဖတ်ဖူးမယ်ထင်တယ်။ ဓမ္မာစရိယတန်းကို ၁၀ နှစ်ကြာ ဖြေဆိုခဲ့ရသည် လို့ ရေးထားတာ တွေ့ရတယ်။ ခေတ်ရဲ့ စာမေးပွဲကို သရော်ထားတယ်လို့ ထင်တယ်။ သူများနိုင်ငံက ဘုန်းတော်ကြီးကျောင်းတွေမှာ နှစ်မကြာပဲ ပါဠိသင်နိုင်တာတွေ့ရတယ်။ ဒါမျိုးကိုယ့်နိုင်ငံမှာ သင်ကြားပေးရမယ်။



Voice ;
------
“အခုလို ဖြေကြားပေးတာ ကျေးဇူးတင်ပါတယ်။ ရှင်ငယ်ရဟန်းငယ်တွေရဲ့ ပညာရေးစနစ်နဲ့ ပတ်သက်ပြီး မိန့်ကြားချင်တာ ရှိရင်လည်း မိန့်ကြားနိုင်ပါတယ်။”


ဆရာတော်
--------
“ပညာရေးစနစ်ကြီးတစ်ခုလုံးပြင်ဖို့ ဆိုရင်တော့ စာချနေတဲ့ ပညာရှင်တွေ စုဝေးပြီး စာချဆရာတော်များညီလာခံလို ကျင်းပပြီး ပြင်နိုင်ရင်တော့ အကောင်းဆုံးပါပဲ..။ ခုကတော့ အဲဒီလို စုဝေးပြီးမပြင်နိုင်ခင် မြင်သလောက် လုပ်ကြည့်တာပဲ..။ ပညာစုံရင် အလုပ်အကိုင်အခွင့်အလမ်း ရမယ်ဆိုတာက သံဃာတွေ ရဟနုးဘ၀နဲ့ နေရင်မလိုပေမယ့် လူ့ဘ၀နဲ့ နေထိုင်မယ်ဆိုရင် အခြားသူတွေလို အလုပ်အကိုင် ကောင်းတွေရနိုင်မယ်လို့ ဆိုလိုတာပါ.။
ပြဌာန်းထားတဲ့စာတွေက အစိုးရစာမေးပွဲနဲ့ ချိတ်ဆက်ထားမယ်။ ဒါတွေကို အခြေခံတန်းမှာကတည်းက သင်ပေးနိုင်ရင် သူတို့သိသင့်သလောက် သိသွားမယ်။ သင်္ချာလဲ ဒီလိုပဲ။ သိပ္ပံပညာလိုက်စားချင်ရင် ဒါတွေသိရမယ်။ ကမ္ဘာသုံးစကားတတ်ရမယ်။ ဒါတွေကို အတန်းတွေမှာ ခွဲထည့်မယ်။
စီစဉ်ထားတဲ့ အခြေခံတန်းတွေ ပြီးတာနဲ့ ဓမ္မာစရိယ၊ သို့မဟုတ် တက္ကသိုလ်တစ်ခုခုမှာ တက်ပြီး ၀ိဇ္ဇာသိပ္ပံဘွဲ့တွေ တက်ရောက်ယူနိုင်မယ့် အခွင့်အလမ်းရအောင် လုပ်ပေးချင်တာပါပဲ..။ တကယ်တော့ ဒီအတွေးတွေက အသစ်တော့မဟုတ်ပါဘူး၊ အရှင်အာဒိစ္စ၀ံသတို့ အရှင်ဇနကာဘိဝံသတို့ အာပေါက်အောင် မိန့်တော်မူခဲ့ကြပြီးပါပြီ။”

အောင်အောင်ထွန်း
(The Voice Daily)
====================================
ဖြည့်စွက်ချက်
---------

မြန်မာနိုင်ငံတွင် ဗုဒ္ဓဘာသာမြန်မာလူငယ်မောင်မယ်များအတွက်
ဓမ္မအသိဖြန့်ဝေရန် အမှန်တကယ်လိုအပ်နေသည်မှာ မှန်သော်လည်း ထိုလူငယ်များထက် အရေးတကြီးလေ့ကျင့်ပျိုးထောင်ပေးရမည်မှာ ရဟန်းငယ်ရှင်ငယ်များဖြစ်နေကြသည်ကို ထင်ထင်ရှားရှားတွေ့မြင်နေရပြီဖြစ်ပါသည်။

ဒီမိုကရေစီခေတ်ပြောင်း မြန်မာနိုင်ငံ၏ အနာဂတ်သာသနာကို ဦးဆောင်ဦးရွက်ပြုတော်မူကြမည့် ထိုသာသနာ့အညွန့် အညှောက်ရှင်ငယ်ရဟန်းငယ်များလောကအရေး၊ဓမ္မအရေး အတွေးအမြင်ကျယ်လာစေရန်
ဤဓမ္မဂင်္ဂါဗုဒ္ဓဘာသာကောလိပ်က ပထမဦးစားပေးပါမည်။

ဒုတိယဦးစားပေးအနေဖြင့် အနာဂတ်နိုင်ငံ့အရေးကို ခေါင်းဆောင်ကြမည့် မျိုးဆက်သစ်လူငယ်မောင်မယ်များ၏ နှလုံးသားတွင် ဓမ္မအသိတရားပန္နက်ချပေးရန် ဦးတည်ချက်ထားပါမည်။

တတိယဦးစားပေးအနေဖြင့် အသက်အရွယ်ကန့်သတ်ချက်မရှိ၊ လူမျိုးဘာသာမရွေး၊ ဗုဒ္ဓ၏ တရားဓမ္မအနှစ်သာရနှင့် ၀ိပဿနာ စိတ်ဝင်စားသူများအတွက် ပိဋကတ်တော်သင်တန်းများ၊ ရိပ်သာစခန်းများလည်း စီစဉ်ပေးပါမည်။
===============

ဓမ္မဂင်္ဂါဗုဒ္ဓဘာသာပါဠိကောလိပ်
Dhammaganga Buddhist Pali College
အနော်ရထာလမ်း၊ ရွှေလင်ပန်းစက်မှုဇုံ၊ လှိုင်သာယာ၊ ရန်ကုန်
ဖုန်း ၀၉ ၃၁၄၇၈၆၈၄
-------------------------------------
ရှယ်ခြင်းဖြင့် ပညာအလင်းကူးကြစေသတည်း...။

No comments: