29 January, 2010

အရိယာတို့၏ ဥဒါန်းကဗျာ


(၁)

စိတ်တွေ ညောင်းညာသွားတဲ့အခါ ကဗျာကို ဖတ်တယ်။ စိတ်တွေ လွတ်လပ်ပေါ့ပါးသွားတဲ့အခါမှာတော့ ကဗျာကို ရွတ်လိုက်တယ်။ လောကုတ္တရာပါရမီနုယ်ထဲက ရဟန်းတစ်ပါးအတွက်တော့ ကဗျာဟာ အရေးကြီးတဲ့ ဘာသာ စကားဖြစ်ပါရဲ့။

ဘုရားရဟန္တာအရှင်မြတ်တွေဟာ လောကီကို လွန်မြောက်သွားတာနဲ့ ကဗျာတစ်ပုဒ်ကို ချက်ချင်း ကောက်ရွတ် လေ့ရှိကြတယ်။ ဗုဒ္ဓသာဝကအရှင်တွေရဲ့ နှလုံးသားတွေပေါ်မှာ သန္တိသုခအရိပ်ထိုးကျပြီး ဓမ္မသိင်္ဂါရရသတွေ မြူးကြွသွားတဲ့အခါ ထေရဂါထာ၊ ထေရီဂါထာဆိုတဲ့ ကဗျာမြတ်တွေ ထွန်းတောက်ခဲ့ပါတယ်။ဗုဒ္ဓအရှင် ကိုယ်တော်တိုင်လည်း မဟာဗောဓိပင်မြတ်အောက်မှာ သဗ္ဗညုတဉာဏ်အလင်းပွင့်သွားတဲ့အခိုက် ကဗျာဗေဒနဲ့ ဒီလိုကျူးရင့်ခဲ့လေသပေါ့။

“အနေကဇာတိ သံသာရံ၊ သန္ဓာဝိဿံ အနိဗ္ဗိသံ။
ဂဟကာရံ ဂဝေသန္တော၊ ဒုက္ခာ ဇာတိ ပုနပ္ပုနံ။
ဂဟကာရက ဒိဋ္ဌောသိ၊ ပုန ဂေဟံ နကာဟသိ။
သဗ္ဗာ တေ ဖာသုကာ ဘဂ္ဂါ၊ ဂဟကုဋံ ၀ိသင်္ခတံ။
ဝိသင်္ခါရဂတံ စိတ္တံ၊ တဏှာနံ ခယ မဇ္ဈဂါ။”

“ဖြစ်ခြင်းများစွာ သံသရာထဲ၊
မသိဘဲ ပြေးလွှားခဲ့ရ။
အိမ်ဆောက်သူလက်သမားကို ဖွေရှာရင်း၊
ဖြစ်ခြင်းတွေသာ ဖန်တစ်ရာ ဆင်းရဲခဲ့ ။

ဟေ့ လက်သမား သင့် ငါမြင်ပြီ ၊
သင် အိမ်သစ်မဆောက်ရတော့
သင့်အိမ်နံရိုးတွေ ငါချိုးဖျက်ခဲ့ပြီ ၊
သင့်အိမ်အထွဋ်ကို ငါပယ်ချွတ်ခဲ့ပြီ။

ပြုလုပ်ခြင်းကင်းရာဆိုက်ကပ်ခဲ့ ငါ့စိတ်၊
တပ်မက်မှုဆိတ်သုဉ်းရာ ငါ ရောက်ခဲ့ပြီ။”


ဗုဒ္ဓအရှင်ကတော့ နက်ရှိုင်းသိပ်သည်းတဲ အရိယာဝေါဟာရတွေနဲ့ ရိုးရိုးလေးကျူးရင့်ခဲ့တာပါ။ ပုထုဇဉ်မျက်လုံးနဲ့ ရုတ်တရက်မမြင်နိုင်တဲ့ အဓိပ္ပါယ်တွေကိုတော့ အရိယာသာဝကတွေပြုစုထိမ်းသိမ်းခဲ့တဲ့ ပိဋကတ်ဒေတာ(Data) တွေကို စုပြီး သုတေသနလုပ်ကာ အဖြေထုတ်ကြရပြန်ပါတယ်။

အိမ်ဆိုတာက ခန္ဓာအိမ်
လက်သမားဆိုတာက လိုချင်တပ်မက်မှုတဏှာ
ဖြစ်ခြင်းဆိုတာ ပဋိသန္ဓေနေရခြင်းဇာတိ၊ဘ၀
မြင်ပြီ ဆိုတာ သဗ္ဗညုတဉာဏ်တော်နဲ့မြင်ခြင်း
အိမ်နံရိုး(အခြင်ရနယ်)ဆိုတာ ကိလေသာတရားများ
အိမ်အထွတ်ဆိုတာက မသိမှုအ၀ိဇ္ဇာ
ပြုလုပ်ခြင်းကင်းရာ(အမှုကိစ္စမှန်သမျှမရှိရာ)ဆိုတာ နိဗ္ဗာန်
တပ်မက်မှုတဏှာဆိတ်သုဉ်းရာဆိုတာက အရဟတ္တဖိုလ် တဲ့။

ဒီလိုလေးလင်းပါမှ ရှင်းတော့သကိုး။အော် ချက်ချင်းမှ သဘောမပေါက်တော့လည်း ရာစုသစ်ကြီးထဲအထိ ဘလော့သရဲ ဖြစ်နေရသေးတာပ။ ချက်ကနဲနားလည်သွားရင် ဒက်ကနဲပေါက်သွားမှာပ။ အော် ကဗျာဓါတ်လေး က လိုအပ်ပါပေရဲ့။နောက်ပွင့်တဲ့ ဘုရားကလည်း မဟာကဗျာတွေနဲ့ဟောမှဖြင့် ခုကတည်းက ပါရမီ မြောက်နေအောင် ကဗျာလမ်းလေးတော့ ဖောက်မှ ဖြစ်မလေ။

(၂)

ဗုဒ္ဓအရှင်ဟာ ဝေနေယျအမျိုးမျိုးရဲ့ နားကနေ နှလုံးသားဆီ စီးဆင်းနိုင်မယ့် ကဗျာတွေ ရွတ်ဆိုသီဖွဲ့ကာ ဒေသနာဉာဏ်ကွန့်မြူးခဲ့တယ်။ ဒီနေ့ ဓမ္မပဒကို ကမ္ဘာ့နားတွေ ကြားကြပြီ။ ဗုဒ္ဓအရှင်ရွတ်ဆိုကျူးရင့်ခဲ့သမျှ ဥဒါန်းကဗျာတွေဟာ ကိုယ်တော်ရှင်ရဲ့ ထူးခြားမြင့်မြတ်တဲ့ ဘာသာစကားအရည်အသွေး(Language Skill) မှတ်ကျောက်တွေပဲ ဖြစ်ပါတယ်။ ဗုဒ္ဓအရှင်ကို ကိုးကွယ်ရာအဖြစ်အသိအမှတ်မပြုလိုတဲ့ ဘာသာခြားတွေက တောင် ကိုယ်တော်ရှင်ရဲ့ ဓမ္မပဒကို သူတို့ရဲ့ ဘုရားကျောင်းနံရံတွေမှာ မြတ်မြတ်နိုးနိုးရေးထိုးကြလေရဲ့။ ကိုယ်တော်ရှင်ရဲ့ ဥဒါန်းကဗျာတွေက နှလုံးသားညွတ်နူးစရာတွေဖြစ်ခဲ့လေသကိုး။

2 comments:

အဖြူရောင်မေတ္တာ said...

ဘုန်းဘုန်း မင်္ဂလာပါ ဘုရား…

အနေကဇာတိ.. အစဖြာတဲ့ အဲဒီ ဘုရားရှင်ရဲ့ ဥဒါန်းတော်ကို တအားကြည်ညို မိတာဘုရား.. ပိုင်းလော့ဆရာတော် ဘုရားကြီးရဲ့ ကျေးဇူးပါပဲ ဘုန်းဘုန်း.. ဆရာတော့်ရဲ့ တရားတော်တွေထဲမှာ အဲဒီ ဥဒါန်းတော်ကို မကြာမကြာ ရွတ်ဖတ် ပူဇော်တယ် ဘုရား.. မြန်မာလို အဓိပ္ပါယ်ပါ ရွတ်ဖတ်ပူဇော်တော့.. အဲဒီ ဥဒါန်းတော်ကို ကြားနာမိတိုင်း ဘုရားရှင်ကို ကြည်ညိုပြီးရင်း ကြည်ညိုရင်းပါပဲ ဘုရား…

ဆရာတော် သံဃာတော်တွေရဲ့ ဂုဏ်ကျေးဇူးကလည်း နှိုင်းမရအောင် ကြီးမားပါပေစွ။ သံဃာ့ဂုဏော အနန္တော ပါဘုရား…။

ဒါကတော့ ဆရာမင်းသုဝဏ် ရေးစပ်ခဲ့တဲ့ ကဗျာပါ ဘုန်းဘုန်း…။
-----***-----
အိမ်ဆောက်သမား သင်ယောက်ျားကို
ဘဝများစွာ သံသရာတွင်
ငါသည် လှည့်ပတ် ရှာဖွေခဲ့။

မတွေ့ရဘဲ ဇာတိထဲတွင်
ဆင်းရဲခဲ့ရ အကြိမ်ကြိမ်။

အိမ်ဆောက်သမား အို ယောက်ျား
ခုကား သင့်ကို ငါ တွေ့ပြီ။

နောင်ခါတဖန် အိမ်ဆောက်ရန်ကို
မကြံစည်နှင့် မရတော့။

ခေါင်လျောက် ရက်မ ဟူသမျှကို
ဖြိုချ ဖျက်ချိုး ပစ်လိုက်ပြီ။

ငါ၏ စိတ်လျှင်
ပြုပြင် ကင်းရာ ရောက်ခဲ့ပါ၍
တဏှာ ကုန်ခမ်းပြီတကား။
-----***-----
ဘုန်းဘုန်းကို ကပ်ကြွားရဦးမယ်.. ဆရာမင်းသုဝဏ်က တပည့်တော်တို့ ကွမ်းခြံကုန်းသား ဘုရား.. :)

ရိုသေစွာဖြင့်

မေငြိမ်း said...

ဘုန်းဘုန်းရဲ့ Post ရော .. အဖြူရောင် မေတ္တာရဲ့ comment ကိုပါ ဖတ်ရတာ စိတ်ကြည်လိုက်တာ ...