လွန်ခဲ့တဲ့ သုံးနှစ်က ဒီနေ့(၁၁-၀၁-၂၀၀၆)

မှတ်မှတ်ရရ သူဒီတစ်ခေါက်ပြန်လာတော့ ၂၀၀၆ ခုနှစ်ဒိုင်ယာရီအဟောင်းလေးတစ်အုပ်ပါလာသည်.။ ၂၀၀၇ နှင့် ၂၀၀၈ ခုနှစ်များမှာ ဒိုင်ယာရီမရေးဖြစ်တော့။ အိန္ဒိယနိုင်ငံတောင်ပိုင်း ချန်ဒရာပူရ်မြို့မှ ဗာရာဏသီမြို့အပြန် ရေးလက်စ ၂၀၀၇ ဒိုင်ယာရီစာအုပ်ပါသည့်လက်ဆွဲအိပ်ကို အလစ်အငိုက်အလှူခံသွားကတည်းက မရေးဖြစ် တော့ခြင်းပင်။ဒိုင်ယာရီစာအုပ်နှင့်အတူ မဟတ္တမဂန္ဓီကြီး၏ သစ္စာဂဟ( Satyagraha)လမ်းစဉ်နှင့် Aung San of Burma စာအုပ်များလည်း ပါသွားသည်။ ဆွဲချယူငင်သွားသည့် ပုဂ္ဂိုလ်အတွက်တော့ စိတ်မကောင်းလှ။ စာအုပ်မှလွဲ၍ ငနဲသားခမျာမှာ တွက်ခြေကိုက်ဖွယ်မမြင်။

နံနက်ခင်းပိဋကတ်ဆိုင်ရာအင်္ဂလိပ်စာသင်တန်းလေးပြီးသည်နှင့် သူ့အိပ်ရာဘေးတွင် အသင့်တွေ့ရသည့် ၂၀၀၆ ခုနှစ်ဒိုင်ယာရီအဟောင်းလေးကို လှန်လှောမိသည်။ လွန်ခဲ့တဲ့သုံးနှစ်က ဒီနေ့မှာ သူဘာတွေများ လုပ်နေခဲ့ပါလိမ့်။


၂၀၀၆ ခုနှစ် ဇန်န၀ါရီလ ၁၁ ရက်
(၁၃၆၇ ခုနှစ်ပြာသိုလဆန်း ၁၃ ရက်) ဗုဒ္ဓဟူးနေ့

ထိုင်နေကျ သမိုင်းဂုံးကျော်တံတားအဆင်းက ဂျီအီးစီလက်ဘက်ရည်ဆိုင်လေးမှာ လူစုံထိုင်ဖြစ်ကြသည်။ မထေရ်ကြီး(ဦးထေရိန္ဒ(မဟာဝိဇ္ဇာသီရိလင်္ကာ)ယခုမြောက်ဒဂုံရွှေကျွန်းဆရာတော်)၊ကိုဉာဏ်စိုး(အရှင်ဉာဏိန္ဒ
(မဟာဝိဇ္ဖာ)တိပိဋကပါဠိမြန်မာအင်္ဂလိပ်အဘိဓါန်ပြုစုရေး)၊ရှင်သကျ (အရှင်သကျ (၀ိဇ္ဇာနှစ်ထပ်ကွမ်း) ယခုပခုက္ကူ)နှင့် ကျိုင်းတုံမှ တပည့်များ။ အစ္စလာမ်အစ်နေ့၊ ထေရ၀ါဒတက္ကသိုလ်ပိတ်သည်ထင်၍ မသွားဖြစ်။ကျောင်းတက်ပျင်းတာလည်း ပါသည်။

ဖတ်လက်စ ၀တ္ထုကို ဆက်ဖတ်ဖြစ်သည်။ မောင်ထွန်းသူဘာသပြန်သည့် A.J. Cronin ၏ The Keys of The Kingdom ၀တ္ထုဖြစ်၏။ ခရစ်ယန်ဘုန်းတော်ကြီးတစ်ပါး၏ ပုံရိပ်ကောက်ကြောင်း၊ခရစ်ယန်ဘုန်းတော်ကြီး ဖရန်စစ်ချစ္စဟိုးလ်၏ငယ်စဉ်ဘ၀မှကြီးရင့်အိုမင်းသည်အထိ ဘ၀..။ဗုဒ္ဓဘာသာရဟန်းအဖွဲ့အစည်းနှင့်တူလှသည့် ဖြစ်ရပ်များ။ ဖွဲ့စည်းတည်ဆောက်ပုံများ..။ဘုရားသခင်၊ ကောင်းကင်ဘုံစသည် ခန့်ငြားသည့်စကားလုံးများကို သုံးစွဲနေကြသော်လည်း ဘုရားသခင်ကို ဆန့်ကျင်၊ကောင်းကင်ဘုံနှင့်ဝေးကွာနေကြသော ရဟန်းများ...။

ဖရန်စစ်ကတော့ ဘုရားသခင်အကြောင်းပြောချင်မှပြောမည်။ ကောင်းကင်ဘုံကို မျှော်လင့်ချင်မှ မျှော်လင့်မည်။ သို့သော် သူက လူသားအားလုံးအပေါ်မှာ ဗြဟ္မစိုရ်တရားထားသည်။ အမှန်တရားကို မြတ်နိုးသည်။ အကောင်းဆုံးဖြစ်အောင် နေထိုင်သည်။ ဖရန်စစ်ကို နားလည်ပေးနိုင်သည့် ကျောင်းအုပ်ဆရာဘုန်းတော်ကြီး ရပ်စတီးမက်၊ စိတ်ထားဖြူစင်စွာ အသက်စွန့်၍ သူတစ်ပါးကို ကူညီတတ်သော အရက်သမားဆရာဝန် ဒေါက်တာဝီလီတူးလော့၊ ဖရန်စစ်ကို အထင်သေးရာမှ လေးစားကြည်ညိုသွားသော သီလရှင်လေးမာရီယာ၊ ကျော်ကြားမှု၊ပကာသနနှင့် ကြွယ်ဝပြည့်စုံမှုနောက်သို့ တကောက်ကောက်လိုက်နေသော ဓမ္မကထိက အန်ဆယ်လ်မီလေး။

ဝတ္ထုဆရာ၏ “ အလွန်တရားဟောကောင်းသည့်ပုဂ္ဂိုလ်တစ်ဦးအဖြစ် ထင်ရှားကျော်ကြားလာသော မီလေးအား ကြောင်များနှင့် ဘုန်းကြီးများကို မွေးစားလေ့ရှိကြသော လူချမ်းသာအပျိုကြီးများက မွေးစားခဲ့ကြသည်” ဟူသော အတို့အထောင်လေးက ပြုံးချင်စရာကောင်းသည်။( စာ-၃၅၇)

ဖရန်စစ်နှင့် ဆရာဝန်ဝီလီတူးလော့တို့၏ နောက်ဆုံးဇာတ်ဝင်ခန်း...။
ပလိပ်ရောဂါ ကွယ်ပျောက်လုလု အချိန်လေးမှာမှ လူနာများနှင့် လုံးထွေးရစ်ပတ်ကိုယ်ကျိုးစွန့်ကုသခဲ့သဖြင့် ပင်ပန်းနွမ်းနယ်နေပြီဖြစ်သော ၀ီလီတူးလော့ထံ ပုလိပ်ရောဂါဆိုးကြီးက ကံဆိုးလွန်းစွာ ကျရောက်လာခဲ့ လေသည်။ သူက အရက်ကြိုက်သော်လည်း လူကောင်း၊ စိတ်စေတနာဖြူစင်သူ၊ ပြီးတော့ ဘုရားသခင်ဆိုတာကို နောက်ဆုံးအချိန်ထိ ယုံကြည်မသွားခဲ့၊

ဖာသာဖရန်စစ်ကလည်း သူ့မိတ်ဆွေဆရာဝန်ကို ဘုရားသခင်နှင့် ကောင်းကင်ဘုံအကြောင်းမဖွင့်ဟခဲ့။ သူ့ရင်ခွင်ထဲမှာပင် ၀ီလိတူးလော့ သေဆုံးသွားခဲ့သည်။ ထိုကိစ္စကို မာသာမာရိယာက မကျေနပ်မနှစ်မြို့၊ ဘာသာမဲ့သူတစ်ယောက်ကို မကြည်ဖြူ။ သို့သော် ဖရန်စစ်ကိုတော့ တိတ်တိတ်လေးကြည်ညိုနေမိပြီ။ သူမ၏ မာနနှင့် အစဉ်အလာစွဲစိတ်က ကြည်ညိုခွင့်မပေး.။

မြို့တော်မှ ဘုရားကျောင်းများကို စစ်ဆေးရန် ၀င့်ကြွားလွန်းသည် ဖာသာမီလေးရောက်လာချိန်မှာတော့ နှိမ့်ချတတ်သည့်စိတ်၊ ဖြူသောနှလုံးသားနှင့် သိပ်သည်းလျှို့ဝှက်စွာ ခံစားမှုကို သည်းခံနိုင်စွမ်းရှိသည့် ဖရန်စစ်ကို အမှန်အတိုင်းသိမြင်သွားခဲ့သည်။ဘုရားသခင်အလိုတော်ကျနေထိုင်သူမှာ ဘယ်သူလဲ သူမတွေ့ရှိသွားခဲ့ခြင်းပင်။ ဖရန်စစ်ရှေ့မှောက်တွင် သူမဒူးထောက်လိုက်ပါသည်။

ဤ၀တ္ထုကို ဘာသာပြန်ဆိုသည့် မောင်ထွန်းသူအားကျေးဇူးတင်ပါ၏။ သူလည်း ရဟန်းတစ်ပါးပေပဲ။ တစ်ခုခု စွဲထင်ကျန်ခဲ့တာသေချာလှပါသည်။ ၀တ္ထုတစ်ပုဒ်နှင့် တစ်နေကုန်သွားသည်။

ညနေခင်း စနေ တနင်္ဂနွေ ဆွမ်းအမ ဒေါ်ခင်မျိုးသွယ်ပင့်ဖိတ်ချက်အရ တိုက်ခန်းသို့ကြွရသည်။ မနက်ဖြန် သူမခင်ပွန်းဦးခင်မောင်ချိုကွယ်လွန်တာ သုံးနှစ်ပြည့်အလှူလုပ်ရန်ဖြစ်သည်။ သူမခင်ပွန်းက မြန်မာလူမျိုး အမေရိကန်နိုင်ငံသား။ ဆရာမဒေါ်ခင်ထားဆွေနှင့်လည်းတွေ့ရသည်၊ စာအကြောင်းပေအကြောင်း ပြော ဖြစ်သေး၏။

အိမ်ကအပြန်မှာတော့ မန္တလေးသာသနာ့တက္ကသိုလ်မှာ ကျွမ်းခဲ့သည့် မိတ်ဟောင်းဆွေဟောင်းရဟန်းတော်များ။ ၀ဏ္ဏကြီး(အရှင်ဝဏ္ဏဓဇ-စာရေးဆရာအညာမြေမောင်နွေမိုး) ဒူးရှည်ကြီး(အရှင်ဝိစာရဏဉာဏ) ယုကို (အရှင်ယုဇန) တို့ဖြစ်သည်။ဝဏ္ဏကြီးနှင့် ဒူးရှည်ကြီးတို့က မြစ်ကြီးနားနှင့် ပူတာအိုသာသနာပြုဌာနများမှာ ဆက်လက်သာသနာပြုနေကြဆဲ။ယုကိုကတော့ သင်္ကန်းကျွန်းဘက်ဆီက စာသင်တိုက်လေးတစ်တိုက်မှာ စာပေပို့ချလျက် ရှိချေသည်။
လွမ်းမောစရာ မန္တလေးညများဆီ ပြန်ရောက်သွားကြ၏။