ကိုရင်လက္ခဏကိုပြန်တွေ့ပြီ(၄)

(၇)
ကဗျာများကို စုစည်းပြီးတော့ စာအုပ်လေးဖြစ်အောင် သူလုပ်ဆောင်ရပါသည်။ ဦးကဉ္စနက လိုအပ် သည့်အရာများ ကို ပံ့ပိုးပေးသည်။ ထိုစဉ်က သူတို့မြို့လေးတွင် ကွန်ပြူတာမရှိသေး။ ပုံနှိပ်တိုက်လေးတော့ ရှိသည်။ ပုံနှိပ်ရန်အထိလည်း သူတို့က စဉ်းစားမထားပါ။ ၀ါသနာတွန်းအားနှင့် စိတ်အယားပြေရုံမျှ လက်ရေးစာအုပ်လေးအဖြစ်သာ ဖန်တီးကြမည်။

ဦကဉ္စနက သူ့ဆီကို ဂက်စတဲန်နာ(Getstetner)ဖယောင်းဖောက်စက္ကူများ နှင့် စတိုင်လပ်စ် (Stylus) စူးချွန်လေး ၀ယ်လာပေးသည်။ သူက တစ်ခါမှ မမြင်ဖူးသော အရာများကို ကြည့်နေသည်။ “ ငါ့ရှင် ကိုယ်တိုင် လက်ရေးနဲ့သာ ရေးပေတော့။ ငါ့ရှင်က ပန်းချီလည်း ဖြစ်တော့ သရုပ်ဖော်ပုံလေးတွေလည်း နည်းနည်းပါး ရေးခြစ်လိုက်ဦးပေါ့”။

ဘုန်းတော်ကြီးကျောင်းပညာရေးနှင့် ယဉ်ပါးခဲ့ရသည့် စဦးပိုင်း သူ့လက်ရေးမှာ ၀ိုင်းစက်နေသည်။ ဆရာအောင်သင်း၏ ကံ့ကူလက်လှည့် စာအုပ်ထဲက ဆရာစိန်လိုပင် သူ့ငယ်ဆရာဘုန်းတော်ကြီးက လက်ရေးဝိုင်းဝိုင်းရေးဖို့ အထူးဂရုစိုက်သင်ကြားပေးခဲ့သည်။ သူက ကာတွန်းရုပ်ပြစာအုပ်များထဲက လက်ရေး ချွန်ချွန်လေးများကို ချစ်နေခဲ့ပါသည်။ တစ်ခုသောနွေရာသီတွင် ဒုလ္လဘရဟန်းဝတ်လာသည့် ဆယ်တန်းကျ ကျောင်းသားကြီးတစ်ဦးက ထိုပန်းစာလုံးရေးနည်းကို သူ့အား သင်ပေးသွားခဲ့သည်။ ဘုန်းတော်ကြီးက သူ့လက်ရေးအသစ်ကို ကြည့်ရဟန်မတူပါ။

သို့သော် နွေရာသီကျောင်းပိတ်ရက်တိုင်း သူတို့ကျောင်းမှာ ဖွင့်လေ့ရှိသည့် ဗုဒ္ဓဘာသာယဉ်ကျေးမှုသင်တန်းကို စီနီယာရဟန်းတော်များမရှိခိုက် တစ်ရက်နှစ်ရက်ခန့် သူဝင်သင်ခွင့်ကြုံလျှင် သင်တန်းသူများက “ ကိုရင် လက္ခဏ လက်ရေးမိုက်တယ်ဟေ့”တဲ့။ သူမို့ ရှေ့က သင်ပုန်းကြီးပေါ်မှာ သင်ခန်းစာရေးနေပြီဆိုလျှင် နောက်ကနေ “ဘယ်စာလုံးကတော့ ဘယ်လို” အော်ဟစ်နေကြသည်။ (အလယ်တန်းကျောင်းသူ အများစုဖြစ်သော ယဉ်ကျေးမှုသင်တန်းသူများက သူနှင့် သက်တူ ရွယ်တူများမို့ သူ့ကို မကြောက်ကြပါ။ သူကလည်း ဆရာဘုန်းတော်ကြီးကို ကြောက်၍သာ သင်နေရသည်။ မျက်နှာလည်းပူရုံမက နားရွက်များပါပူသော သင်တန်းခန်းမထဲသို့ ၀င်မလာချင်ပါ။ သို့သော် စာသင်သည့် ဗီဇကိုတော့ ထိုသင်တန်း လေးမှာပဲ အစပျိုးနိုင်ခဲ့ ပါသည်။ )

(၈)

သူသာ ရဟန်းတစ်ပါးဖြစ်မလာခဲ့လျှင် ပန်းချီဆရာတစ်ယောက်ဖြစ်လာလိမ့်မည်။ ငယ်စဉ်ကလေးဘ၀ ရွာဦးကျောင်းစာသင်ဇရပ်လေးတွင် ကျောက်သင်ပုန်းကို ကိုင်ခွင့်ရကတည်းကပင် သူက အရုပ်ကလေးများကို ရေးခြစ်နေတတ်ခဲ့သည်။ သူ့ဘေးမှာ အားပေးနေသည့် အတန်းဖော်များလည်း ရှိနေခဲ့ပါသည်။ အခြားအားကစားများတွင် အဖြစ်မရှိသော သူ့အတွက် ကျောင်းဆင်း ချိန်များတွင် ပန်းချီအရုပ်လေးများ ရေးခြစ်ကာ သူ့ပရိသတ်အခိုင်အမာကို ဖျော်ဖြေနေ တတ်ခဲ့သည်။ ကလေးဘ၀က ရေးခြစ်ခဲ့သော ပန်းချီအရုပ် ကလေးများက အလွန်ရယ်ဖွယ်ကောင်းမှာပါပဲ။ သူက ကြောင်လိုလို ကြွက်လိုလို ပုံလေးကို အောက်က “ကျား” ဟု ရေးလျှင် “ကျား”ဟု လိုက်အော်တတ်သော သူ့အမများနှင့် သူ့အတန်းဖော်များကို သတိရနေမိသေးသည်။

ကျောက်သင်ပုန်းမှ ဗလာစာအုပ်သို့ ကူးပြောင်းရသောအခါတွင်တော့ သူ့ပန်းချီဝါသနာက ဆရာဘုန်း တော်ကြီး၏ ကြိမ်လုံးနှင့် အလွန်နီးကပ်သွားသည်။ သူ့မှတ်စုစာအုပ်တွင် ပန်းချီတစ်ပုံတွေ့လေတိုင်း ကြိမ်လုံးဝင့်သံ တစ်ခါကြားရတော့သည်။ သူက သင်ရိုးစာအုပ်ထဲမှာပါ ရေးခြစ်မိတော့ ကျောစိမ့်အောင် အဆော်ခံ ရဖူးသည်။ အားပါးပါး ခုထိ နာဆဲ။ ဘာပဲဖြစ်ဖြစ် ဆရာဘုန်းတော်ကြီးမသိအောင် ဗလာ စာအုပ်အလွတ်များကို သိုဝှက်ကာ ရုပ်ပြပန်းချီများနှင့် မဂ္ဂဇင်းသရုပ်ဖော်ပုံများကို ကူးခြစ်သည်။ သင်ယူလေ့လာစရာမရှိဘဲ ဟိုခြစ်ဒီခြစ်ဖြင့် ပုံတူခဲပန်းချီများရေးတတ်ခဲ့သည်။

(သို့သော် ရဟန်းဖြစ်ပြီးသည့်နောက်ပိုင်းကာလများတွင်တော့ ပိဋကတ်သင်ရိုးညွှန်တန်းများနှင့် ဘာသာစကား သင်တန်းများဆီ ညွတ်ကိုင်းသက်ဝင်သွားသည့်အတွက် ပန်းချီရေးခြင်းကို စွန့်လွှတ်လိုက်ပါသည်။ ၀ါတော်ခြောက်ဆယ်ကျော်မှ ပန်းချီပြန်ရေးတော့မည်။ ၀ိမုတ္တိလစ်ဘရယ်ဆေးသားများ...း))

(၉)
ဖယောင်းဖောက်စက္ကူပေါ်တွင် စတိုင်းလပ်စ်စူးချွန်လေးကို ကလောင်သဖွယ်အသုံးပြုကာ ရေးခြစ်ဖို့ ဦးကဉ္စနက သူ့ကို သင်ပြသည်။ ပထမတစ်ရွက်တော့ သူဖြုံးပစ်လိုက်သည်။ နောက်စာရွက်များကိုတော့ ကလောင်စူး ချွန်လေးဖြင့် သူအသား ကျအောင် ရေးတတ်သွားသည်။ ကဗျာလေးများကို အကန့်အကန့် လက်ရေး အမျိုးမျိုးဖြင့် သူရေးသည်။ ပန်းချီသရုပ်ဖော်ပုံများကိုတော့ မဂ္ဂဇင်းစာမျက်နှာများပေါ်က ပန်းချီသိန်း ရွှေကြည်၊ရွှေစိုးဟန်နှင့် တဂိုးမျိုးတို့၏ ကောက်ကြောင်းများကို တုပကာ ကူးချသည်။ ဗဂျီအောင်စိုးကြီး၏ ပုံများကိုလည်း စိတ္တဇပန်းချီဆိုပြီး နည်းနည်းပါးပါးထိလိုက်သေးသည်။ ဘာမှတော့ နားမလည်။

သို့ဖြင့် သူ့ကဗျာစာအုပ်အကြမ်းထည်လေးပြီးသွားခဲ့ပါသည်။ ဘယ်မှာ ဘယ်လိုထုတ်ကြမည်နည်း။