တရုတ်နိုင်ငံမှာ ဗုဒ္ဓဦးခေါင်းတော်တွေ့ရှိပြီ

ဦးခေါင်းရတနာဓါတ်တော်ကြုတ်

ဒီရက်ပိုင်းအတွင်းမှာ တရုတ်နိုင်ငံရဲ့ ဗုဒ္ဓဘာသာနဲ့ပတ်သက်တဲ့ လှုပ်ရှားမှုတွေက အံ့မခန်းတွေ ဖြစ်နေခဲ့ပါတယ်။ ကွန်မြူနစ်ပါတီကြီးစိုးတဲ့ တရုတ်နိုင်ငံကြီးမှာ ဗုဒ္ဓဘာသာကို နေရာတစ်နေရာ အခိုင်အမာပြန်ပေးနေပြီဆိုတဲ့ သတင်းလေးကိုလည်း ဘလော့မှာ ဖော်ပြခဲ့ဖူးတာ မှတ်မိကြပါလိမ့်မယ်။ ပြီးခဲ့တဲ့လကလည်း အိန္ဒိယသမ္မတကြီး ကိုယ်တိုင် တရုတ်နိုင်ငံပြည်သူတွေအတွက် ဆန်ချီစေတီပုံတူ ဗုဒ္ဓဘုရားကျောင်းတော်တစ်ခု လက်ဆောင် နှင်းအပ်ကာ ဖွင့်လှစ်ပေးခဲ့ပါသေးတယ်။

လွန်ခဲ့တဲ့ ကြာသပတေးနေ့ကတော့ တရုတ်ပြည်သူသန်းပေါင်းများစွာဟာ တရုတ်နိုင်ငံကွန်မြူနစ်ပါတီကြီးရဲ့ ဆယ်စုနှစ်ငါးခုကြာအောင် ဘာသာမဲ့ဥပဒေနဲ့ စည်းမျဉ်းများကန့်သတ်ခဲ့ရာ တရုတ်ပါလီမန်အဆောက်အဦရဲ့ မဟာခန်းမကြီးထဲမှာ ကပြတဲ့ နိဗ္ဗာန်၊ ကံတရားနဲ့ သံသရာစတဲ့ ဗုဒ္ဓ၀င်နဲ့ ဗုဒ္ဓဓမ္မဆိုင်ရာ သရုပ်ဖော်ကကွက်တွေကို ကြည့်ရှုခွင့်ရခဲ့ကြပါတယ်။ ဒါဟာ တရုတ်နိုင်ငံရဲ့ စီးပွားရေးပြုပြင် ပြောင်းလဲမှု နောက်ပိုင်းမှာ ကြီးကျယ်တဲ့ ဘာသာရေးလမ်းဖွင့်မှု အသွင်လက္ခဏာတစ်ခုပါပဲတဲ့။

တရုတ်ဗုဒ္ဓဘာသာအသင်းကြီးရဲ့ ဒုတိယဥက္ကဋ္ဌဖြစ်သူ ရှူချင်းက “ ဗုဒ္ဓဘာသာဟာ တရုတ်နိုင်ငံရဲ့ ယဉ်ကျေးမှု အစိတ် အပိုင်းတစ်ခုပါပဲ၊ တရုတ်နိုင်ငံပြည်သူတွေဟာ စီးပွားရေးပြုပြင်ပြောင်းလဲမှု နှစ်သုံးဆယ်နောက်ပိုင်းမှာ ရုပ်ပိုင်းဆိုင်ရာကြွယ်ဝမှုကို ခံစားနေကြရပါပြီ၊ အခု သူတို့လိုနေတာ ဘ၀ရဲ့ ဘာသာရေးအနှစ်သာရတွေကို ပိုင်ဆိုင်ကြဖို့ပါပဲ” လို့ ပြောခဲ့ပါတယ်။

တရုတ်နိုင်ငံခြားရေးဝန်ကြီးဌာနကတော့ “ဒီကပွဲကြီးဟာ နတ်ပြည်မိုးကောင်းကင်နဲ့ မြေကြီးဆက်စပ်နေတဲ့ ဘ၀အကြောင်းအခြင်းအရာ အရှေ့တိုင်းစကြာဝဠာအယူအဆကို ပုံဖော်ခြင်းပါပဲ ” လို့ ဖော်ပြခဲ့ပါတယ်။ ထူးခြားတာက ဘေဂျင်းမြို့တော်စည်ပင်က ဒီကပွဲကို ဦးဆောင်ကျင်းပခဲ့တာဖြစ်သလို ဒီကပွဲနဲ့ ပတ်သက်ပြီးလည်း “ ဒါဟာ ကွန်ဖြူးရှပ်ဝါဒ၊ဗုဒ္ဓ၀ါဒနဲ့ တာအိုဝါဒအမြင်တွေနဲ့ လူသားပြဿနာကို အဖြေရှာခြင်း ”လို့ ဖွင့်ဟခဲ့တာပါ။ “ဒါဟာ ကွန်မြူပါတီတာဝန်ရှိသူတွေဆီက ထွက်လာဖို့ခက်တဲ့ စကားပါပဲ ”လို့ သတင်းစာတွေက အံ့သြဘနန်းရေးသားကြပါသေးတယ်။

ပိုပြီးထူးခြားတဲ့ သတင်းကတော့ တရုတ်နိုင်ငံမှာ ဗုဒ္ဓဦးခေါင်းတော်အစစ်တွေ့ရှိခြင်းပါပဲ။
၂၀၀၈ ခုနှစ်မှာ ဆုန်မင်းဆက်(အေဒီ ၉၆၀-၁၂၇၉)က ဆောက်ခဲ့တဲ့ နန်ကျင်းချန်ကင်းဘုရားကျောင်းပျက်ထဲက ဒီဗုဒ္ဓဦးခေါင်းမဏိတော်ကို တွေ့ရှိခဲ့တာဖြစ်ပါတယ်။ ဘုရားကျောင်းဆောင်ရဲ့ အောက်မှာ ဦးခေါင်းခွံရိုးပါရှိတဲ့ သစ်သားစေတီတော်ကြုတ်ကို တွေ့ရှိခဲ့တာပါ။ သုတေသီတွေဟာ ငွေကြုတ်ထဲမှာ မြုတ်နှံထားတဲ့ ရွှေကြုတ်တော်ပါဝင်တဲ့ “အသောကမင်းတရား၏ ရတနာ (၇)ပါးစေတီတော်” လို့ ရေးထားတဲ့ ကမ္ဗည်းစာတိုင်ကိုလည်း တွေ့ရှိခဲ့ကြပါတယ်။

ဓါတ်တော်ကြုတ်ဟာ တရုတ်နိုင်ငံမှာ တွေ့ရှိသမျှဓါတ်တော်ကြုတ်တွေထဲမှာ အကြီးဆုံးနဲ့ အကောင်းမွန်ဆုံးလို့ ဆိုပါတယ်။ ဗုဒ္ဓဘာသာပညာရှင်တစ်ယောက်က ဒီဓါတ်တော်ကြုတ်မှာ ဆန်းကြယ်ရှုပ်ထွေးတဲ့ နည်းပညာတွေကို တွေ့မြင်ရပါတယ်လို့ဆိုပါတယ် ။ ဓါတ်တော်ကြုတ်ကို ရွှေ၊ငွေ၊ စန္ဒကူးသားတွေနဲ့ ပေါင်းစပ်ပြု လုပ်ထား တာဖြစ်ပြီး ဦးခေါင်းတော်ကိုတော့ ရွှေတံတင်း(သေတ္တာ)ငယ်လေးထဲမှာ ရေမွှေးပုလင်းတစ်ခုနဲ့ အတူ ကျနသေချာစွာ သိမ်းဆည်းထားခြင်းဖြစ်ပါတယ်။ ဓါတ်တော်ကြုတ်ကို စိန်ပွင့်ပေါင်းလေးရာ့ငါးဆယ်ကျော် စီခြယ်ထားပါသေးတယ်။နန်ကျင်းပြတိုက်ရဲ့ ရှေးဟောင်သုတေသနအကြီးအကဲနဲ့ ပညာရှင်တစ်ဦးဖြစ်သူ ချိဟိုင်နင်းကတော့ “ ဒါဟာ ကမ္ဘာမှာ တစ်ခုတည်းသာ ရှိတဲ့ သကျမုနိအရှင်ရဲ့ ဦးခေါင်းတော်မြတ်ဖြစ်ပြီး အသောကဘုရင်မင်းမြတ်က တရုတ်နိုင်ငံနဲ့ ကမ္ဘာအရပ်ရပ်ကို ပေးပို့တဲ့ ဓမ္မပဏ္ဏာဓါတ်တော်တွေထဲက အစိတ်အပိုင်းတစ်ခုပါပဲ”လို့ ဆိုပါတယ်။

တရုတ်နိုင်ငံအစိုးရဟာ တန်ဖိုးကြီးမားလှတဲ့ ဦးခေါင်းမဏိတော်ရတနာကို နန်ကျင်းအရှေ့ပိုင်းမြို့တော်၊ ချိရှာဘုရားကျောင်းမှာ ဌပနာရေးအတွက် လွှဲပြောင်းပေးအပ်ဖို့ ရှေးဟောင်းသုတေသနအရာရှိတွေကို ခွင့်ပြုခဲ့ပါတယ်။ နိုင်ငံပိုင်ရုပ်မြင်သံကြားက လွှင့်ထုတ်ပေးတဲ့အတွက် တရုတ်ပြည်သူသန်းပေါင်းများစွာဟာ ဗုဒ္ဓအရှင်ရဲ့ ဦးခေါင်းမဏိဓါတော်ကို ဖူးမျှော်ခွင့်ရခဲ့ကြပါတယ်။

တကယ်တော့ ရှေးဟောင်းသုတေသနတွေ့ရှိမှုတွေကို များသောအားဖြင့် ဘုရားကျောင်းတွေကို အစိုးရက လွှဲပြောင်းပေးလေ့မရှိဘူးလို့ဆိုပါတယ်။ ဒီဗုဒ္ဓဦးခေါင်းမဏိဓါတ်တော်ရတနာနဲ့ပတ်သက်ပြီး အစိုးရရှေးဟောင်း သုတေသနသမားအရာရှိများဟာ သုတေသနတွေ့ရှိချက်ဓါတ်ပုံပြပွဲနဲ့ ဓါတ်တော်ဌပနာပွဲများကျင်းပဖို့ သတင်းစာရှင်းလင်းပွဲ အပါအ၀င် လုပ်ငန်းအားလုံးကို တာဝန်ယူဆောင်ရွက်နေကြပါတယ်။

ဗုဒ္ဓအရှင်ရဲ့ ဦးခေါင်းတော်အစစ်ရတနာဓါတ်တော်ကို ထိမ်းသိမ်းစောင့်ရှောက်ဖို့ ချိရှာဘုရားကျောင်းမှာ သင့်လျော်တဲ့ အပူဒီဂရီပေးထားတဲ့ အထူးကြုတ်တစ်ခုမှာ ပူဇော်ထားရှိမှာ ဖြစ်ကြောင်း အစိုးရမီဒီယာက ဖော်ပြထားပါတယ်။

ဒါပေမယ့် အသောကမင်း(ဘီစီ ၂၆၉-၂၃၂)နဲ့ ဆုန်မင်းဆက်(၉၆၀-၁၂၇၉)နဲ့ကြားထဲမှာ နှစ်ပေါင်းတစ် ထောင်နှစ်ရာလောက်ကွာနေတာရယ် ၊ အဲဒီကွာဟနေတဲ့ နှစ်တွေအတွင်းမှာ ဒီဦးခေါင်းတော်မြတ်ကို ဘယ်မှာ ထိန်းသိမ်းစောင့်ရှောက်ထားတယ်ဆိုတာတော့ မသဲကွဲဘူးလို့ အိန္ဒိယတိုင်းသတင်းစာက ရေးသား ထားပါကြောင်း။


မူရင်းစာမျက်နှာ(၁)
မူရင်းစာမျက်နှာ(၂)
မူရင်းစာမျက်နှာ(၃)
မူရင်းစာမျက်နှာ(၄)