20 March, 2010

ပါရဂူဆွမ်းကျွေးများ

ဒေါက်တာအရှင်စန္ဒိမာ(ကန့်ဘလူ)


ဒေါက်တာအရှင်သာသန(ပျော်ဘွယ်)

ဖုန်းတစ်ချက်ဝင်လာရင် ဆွမ်းစားရပြီမှတ်။ ဒီရက်ပိုင်းတွေမှာ ဗာရာဏသီမြို့ကြီးဟာ အလှတရားတွေ စိပ်လာ သလိုပဲ။ ပါရဂူတန်းရဟန်းတော်တွေ တစ်ပါးပြီးတစ်ပါး ကျမ်းတင်ကြ၊ Viva(လူတွေ့စစ်ဆေးခြင်း)တွေ ထိုင်ကြနဲ့ ကျောင်းသားဘ၀ကို နိဂုံးချုပ်ဖို့ ကြိုးစားနေကြတာကိုး။ ပါမောက္ခကြီးတွေစုဝေးရာအခန်းကပြုံးပြုံးကြီးထွက်ထွက် လာတဲ့ မိတ်ဆွေရဟန်းတော်တွေအတွက် မုဒိတာပွားဖို့သူက အဆင်သင့်ဖြစ်နေတတ်ပါတယ်။

သူ့မိတ်ဆွေ ရဟန်းတော်တွေကလည်း ပါမောက္ခဂုရုကြီးတွေရဲ့“ဘန္တေဂျီ အဘိ ပီအိတ်ခ်ျဒီ ဟိုးကယားဟဲ (ဘန္တေကြီးအခု ပါရဂူတန်းပြီးသွားပြီ)” ဆိုတဲ့ နောက်ဆုံးကွန်ဂရက်လေးရှင်းလုပ်လိုက်တဲ့အသံကို ထပ်ထပ်ကြား နေကြဟန်ပါပဲ။ ဘာပဲဖြစ်ဖြစ် ပါရဂူဘွဲ့ရရဟန်းတော်တွေရဲ့ဆွမ်းကျွေးကတော့အရသာအရှိဆုံးဖြစ်မယ်။ ရဟန်း တော်အချင်းချင်းကပ်တဲ့ဆွမ်းက စားရခဲဘိခြင်း။

ပြီးတော့ ရွှေပြည်ကြီးကို ပြန်ရင် တွေ့ဖို့အရေး တကူးတကခွင့်တောင်းရ လောက်အောင် အလုပ်များကြမယ့် ပုဂ္ဂိုလ်ကြီးတွေ ဖြစ်ကြတော့မှာမို့ လက်အုပ်တချီချီနဲ့ ဆွမ်းကပ်နေတဲ့ မိတ်ဆွေရဟန်းတော်တွေကို အားရပါးရ ချီးမြောက်ရပေမှာပ။ တရားပါရဂူတွေမို့ တရားလည်းဟောစရာ မလိုဘူး၊ မေတ္တာသုတ်လေး အားထည့်ပြီး အကြွေးမတင်အောင် ရွတ်ဖတ်ပေးကြရုံလေး ပါပဲ။

ဒီလအစောပိုင်းမှာ ကြွဖြစ်တဲ့ ပါရဂူဆွမ်းကျေးက နှစ်ပွဲတိတိပါ။ ပထမပွဲက ဒေါက်တာအရှင်စန္ဒိမာ၊(ကန့်ဘလူ) ဒေါက်တာအရှင်သီရိန္ဒ(ရေဖြူ)နှင့် ဒေါက်တာအဂ္ဂါနန္ဒ(မြိုင်)တို့ရဲ့ကုသိုလ်တော်။ ဒုတိယပွဲကတော့ ဒေါက်တာ အရှင်သာသန(ပျော်ဘွယ်)ရဲ့ကုသိုလ်တော်ပါပဲ။

ဗာရာဏသီဟိန္ဒူတက္ကသိုလ်ကြီးနဲ့သမ္ပုဏ္ဏာနန္ဒသက္ကဋတက္ကသိုလ်ကြီးတွေမှာ တက်ရောက်ပညာသင်နေတဲ့ ဗာရာဏသီတစ်မြို့လုံးကရဟန်းတော်တွေ စုစည်းခွင့်ရအောင်၊ သာသနာအရေးတွေ နွှေးခွင့်ရအောင် ဆောင်ရွက်ပေးရာရောက်တဲ့ ဒီလိုဆွမ်းကျွေးတွေကို များများကြိုရမယ်။ (အဟမ်း၊)

အလွတ်သဘောဆက်ကပ်ကြတဲ့ မွေးနေ့ဆွမ်း၊ မိခင်ဖခင်တွေကို ရည်မှန်းပြီးဆက်ကပ်ကြတဲ့ ဆွမ်းတွေလည်း ရှိနိုင်သေးတာမို့ စုပေါင်းဆွမ်းစားကြွရေးကော်မတီတစ်ရပ်အနေနဲ့ အနုမောဒနာပြုရန် အသင့်ရှိပါကြောင်းတဲ့။ မိတ်ဆွေရဟန်းတော်တစ်ပါးကတော့ မှတ်ချက်ပေးပါတယ်။

(တကယ်လည်း ဒေါက်တာအရှင်စန္ဒိမာရဲ့ ပါရဂူ ဆွမ်းကျွေးနောက်ရက်မှာ ဖြူးဆရာတော်ကြီးရဲ့သားတပည့် ယခုဖြူးဆရာတော်အရှင်အဂ္ဂ၀ရကဆွမ်းလှူခဲ့သေးသကိုး)

ဒီနေ့ ညနေကလည်း ပါရဂူတန်းကျောင်းသားစဖြစ်တဲ့ လွန်ခဲ့တဲ့သုံးနှစ်လောက်အလိုကတည်းက အများပေး ဒေါက်တာဘွဲ့ရပြီးတဲ့ ဓမ္မဂင်္ဂါရဲ့ချစ်လှစွာသော မိတ်ဆွေအရှင်နေမိန္ဒကို တကယ်ကွန်ဂရက်ကျူလေးရှင်းလုပ်ခွင့် ရလိုက်ပါပြီ။ ငါ့ရှင်ဒေါက်တာ ဆွမ်းကျွေး ဘယ်တော့ကြွရလေမည်နည်း။

ဖော်ပြတဲ့ပုံတွေကတော့ ဒေါက်တာပူပူနွေးနွေးတွေကို ဧည့်ခံစားပွဲပေါ်တင်ချင်တဲ့ ဓမ္မဂင်္ဂါနဲ့ ဧည့်ပါမောက္ခပူပူ လောလောဓမ္မဂင်္ဂါကို လွှတ်ချလို့မရတဲ့ ဒေါက်တာများပါ (ဗွေမယူကြလေနဲ့ ငါ့ရှင်တို့၊ ဘယ်နေရာရောက် ရောက် မခေါ်မပြော မလုပ်ကြလေနဲ့၊ တည်းစရာခိုစရာမရှိရင် တံခါးလာခေါက်မှာ စိတ်ချ)

5 comments:

မော်ကွန်းသစ် said...

ဒေါက်တာ ဓမ္မဂင်္ဂါလည်း ဘယ်တော့ဖြစ်မတုန်းဘုရား။ ရောက်တဲ့နေရာက ကြွလိုက်ချင်မိသေး။

ကောင်းမြတ်မွန် said...

ဘုန်းဘုန်း ပါရဂူကြီးကို တကယ်ကွန်ဂရက်ကျူလေးရှင်းလုပ်ခွင့် ရချင်နေပီ.။

သီတဂူ အရှင်ကောဝိဒသိရီ said...

ဘယ်နေ့ကြွရောက် ချီးမြောက်ပေးရမလဲ၊ အဆင်သင့်နော်၊ ပါရဂူကြီးများအား အဝေးကနေပဲ congratulation လုပ်လိုက်ပါတယ်ဘုရား။

Anonymous said...

ဒေါက်တာ စန္ဒိမာကို မနက်ဖြန်က သတိယနေပါတယ်။ ပြောပေးပါဦး။ ဒေါက်ဖြစ်သွားလို့ ဂုဏ်ယူပါတယ်လို့။

မမင်း said...

သာဓု၊ သာဓု၊ သာဓု။ Congratulations! သာသနာတော်အတွက် အရမ်းပဲအားတက် ဝမ်းသာမိပါတယ်ဘုန်းဘုန်း ဘုရား။ အသက်ရှည်ကျန်မာစွာ သာသနာပြုနိုင်ပါစေသော်။