18 June, 2010

စင်ကာပူကဘာသာကူးပြောင်းသူများ

ဒီနေ့ မနက်ခင်းမှာတော့ စင်ကာပူနိုင်ငံထုတ် စထရိတ်တိုင်းမ်စ်သတင်းစာကြီးကို ကောက်ကိုင်လိုက်ပါတယ်။ (အင်တာနက်စာမျက်နှာပေါ်မှာပါ၊) ကော်ဖီတစ်ခွက်တည်းသာ ရှိတဲ့ နံနက်စာဟာလည်း ကျေနပ်ဖွယ်ရာပါပဲ။ သတင်းစာမျက်နှာပေါ်က ဖိလစ်လင်း၊ တိုးလီ ဟွန်းနဲ့ ရှင်းအိုင်ပင်းတို့ရဲ့ ဘာကြောင့်စွန့်ခွာကြလဲ(Why we left)ဆိုတဲ့ စင်ကာပူက ဘာသာကူးပြောင်းကြသူများအကြောင်းဆောင်းပါးဟာ ကော်ဖီတစ်ခွက်နဲ့ လိုက်ဖက်တဲ့ ဗာရာဏသီနံနက်စာဖြစ်သွားခဲ့ပါတယ်။ ရေးထားတာကတော့ ကျယ်ဝန်းပါတယ်။ အတိုချုပ်လေးပဲ ပြောပြပါ့မယ်။

တာအိုဘာသာကနေ အခြားဘာသာကူးပြောင်းရခြင်းရဲ့ အဓိက အကြောင်းတရားတွေကတော့ ရိုးရာဆုတောင်း ၀တ်ပြုမှုတွေဟာ တိုးပွားများပြားလာတဲ့ လူမှုရေးရာတွေကို အဖြေရှာမပေးဘူးဆိုတဲ့ ခံစားမှုကနေ ဖြစ်ပေါ် လာခြင်းပါပဲတဲ့။

အရောင်းကိုယ်စားလှယ် ဂျိုဗင်း ဆင်း(၄၈ နှစ်)ကတော့ အလုပ်အကိုင်နဲ့ ကလေးနှစ်ယောက်တာဝန်တွေရဲ့ ဖိအားတွေများလာချိန်လွန်ခဲ့တဲ့ ကိုးနှစ်က ဗုဒ္ဓဘာသာကို ကူးပြောင်းခဲ့တာပါ။ ဆင်းက အဲဒီအချိန်တုန်းက သူမမှာ ဖြစ်ပေါ်နေတဲ့ မေးခွန်းတွေအတွက် သူမ မူလကိုးကွယ်နေတဲ့ ဘာသာတရားမှာထက် ဗုဒ္ဓဘာသာမှာပဲ အဖြေတွေ့ခဲ့တယ်လို့ ပြောပြပါတယ်။

ကျွန်မမှာ ဘ၀နဲ့ ပတ်သက်တဲ့ သံသယတွေ မေးခွန်းတွေအများကြီးရှိနေခဲ့တာပါ။ အံ့သြစရာပါပဲ ကျွန်မဖတ်မိတဲ့ ဗုဒ္ဓဘာသာကျမ်းစာတွေမှာ အဖြေတွေ သွားတွေ့ခဲ့တာရှင့်။ သူမက နတ်ကိုးကွယ်မှုကို အခြေခံတဲ့ တာအို ဘာသာထက် ဗုဒ္ဓတရားတော်တွေက သူမကို ပိုမိုစိတ်ကျေနပ်မှုပေးတယ်လို့လည်း ထပ်လောင်း ပြောပြ ပါသေးတယ်။

ဗုဒ္ဓဘာသာရဲ့ အနှစ်သာရက ကျွန်မတို့ဟာ ကျွန်မတို့ ပြုလုပ်တဲ့ ကံတွေရဲ့ အကျိုးဆက်ကို ခံယူကြရမယ် ဆိုတာပါပဲ။ အဲဒီတရားတော်က ကျွန်မတို့ဘ၀ကို လွှမ်းမိုးအုပ်ချုပ်နေတဲ့ တန်ခိုးရှင်ရှိတယ်၊ ကျွန်မတို့ဟာ အဲဒီတန်ခိုးရှင်ရဲ့လက်အောက်မှာ ကူကယ်ရာမဲ့ဖြစ်နေကြတယ်ဆိုတဲ့ မျက်နှာဖုံးကြီးကို ဆွဲခွာပစ်လိုက်တာပါပဲ။

လူမှုဗေဒပညာရှင် တွန် ချီး ကျိယွန်ကတော့ သူ့ရဲ့ဘာသာတရားကို ရာရှင်ခွဲခြင်းဆိုတဲ့ စာအုပ်မှာ ဘာသာ အမျိုးမျိုးလက်ခံတဲ့ စင်ကာပူဟာ အပြောင်းအလဲတွေအများကြီးကို လက်ကမ်းနေသလို ဒီနေ့ စင်ကာပူ နိုင်ငံပြည်သူတွေဟာလည်း ယုံကြည်ကိုးကွယ်မှုနဲ့ပတ်သက်ပြီး မျက်စိမှိတ်လက်ခံတာမျိုးကို မနှစ်သက်ကြတော့ ဘူးလို့ ဖော်ပြထားပါတယ်။

ဗုဒ္ဓဘာသာနဲ့ ခရစ်ယန်ဘာသာတို့ရဲ့ လူမှုရေးအသွင်လက္ခဏာတွေက လူငယ်ထုကို စွဲဆောင်နိုင်တယ်လို့ ပြောတဲ့ အမျိုးသားပညာရေးသိပ္ပံက အင်္ဂလိပ်ဘာသာစကားနဲ့ စာပေကထိကဖြစ်သူ ဒေါက်တာဖီးလစ်ချူးရဲ့ စကားကတော့ မှတ်သားစရာပါ။ ဒေါက်တာချူးက ၁၂ နှစ်ကနေ ၁၈ နှစ်ကြားရှိ လူငယ်လေးတွေရဲ့ ဘာသာကူးပြောင်းမှုကို နှစ်နှစ်ကြာအောင်လေ့လာခဲ့တဲ့ သူမရဲ့ သုတေသနကို ကိုးကားပြီးတော့ ပြောပြခဲ့တာပါ။

လူငယ်တွေအနေနဲ့ ဘာသာတရားရွေးချယ်ရာမှာ သူတို့ရွေးချယ်လိုက်တဲ့ ဘာသာတရားရဲ့ သွန်သင်ချက် တရားနဲ့ ဒဿနအမြင်တွေထက် လူမှုရေးအသွင်လက္ခဏာတွေကိုပဲ အဓိကထားကြပါသတဲ့။ လူငယ်တွေက ပိုင်ဆိုင်ချင်ကြတာလေ။ သူတို့က ဘာသာရေးတရားတွေထက် မိတ်ဆွေရှာနေကြတာပါ လို့ သူမပြောပါတယ်။

ဓမ္မဂင်္ဂါ
၁၉-၀၆-၂၀၁၀

မူရင်းစာမျက်နှာ


1 comment:

kopain said...

သတင်းစာက စင်ကာပူ၊ ကော်ဖီ ဘယ်ကလည်းမသိ။