ဓမ္မဂင်္ဂါမွေးနေ့

လွန်ခဲ့တဲ့ နှစ်က ဇူလိုင်လ ၂၇ ရက်နေ့မှာ အိပ်မက်အသစ်တွေကို ထွန်ယက်ဖို့ အိပ်မက်ဟောင်းတွေကို ဖြိုချပြီး လေယာဉ်ပေါ်တက်ခဲ့တယ်။ မဇ္ဈိမကို ခြေချဖြစ်တော့ တက္ကသိုလ်တစ်ခုမှာ ပါရဂူဘွဲ့အတွက် ကျမ်းပြုခွင့် ရတယ်၊ (တကယ်တော့ သူဝင်မိတဲ့ ဗာရာဏသီသက္ကတတက္ကသိုလ်၊ ဗုဒ္ဓဒဿန (बुद्धादर्शन) ဆိုတဲ့ ဌာနက နိုင်ငံခြားကျောင်းသားလိုချင်နေတဲ့ အချိန်နဲ့တိုးသွားလို့ ရတာပါ။ ဒါပေမယ့် လူတွေ့စစ်ဆေးခြင်း (विवा वोचे ) မှာ သင်ယူလေ့ကျက်ဖူးတဲ့ အဘိဓမ္မာကျမ်းစာအချို့ကို ပါဠိလိုရော အင်္ဂလိပ်လိုပါ နည်းနည်းပါးပါး တီးခေါက်ပြရတာမျိုးလေးတော့ ရှိပါတယ်။)

ပိုပြီး ကံကောင်းသလို ဖြစ်သွားတာက ဗာရာဏသီတိဘက်တက္ကသိုလ်ရဲ့ ပါဠိဌာနမှာ ဧည့်ပါမောက္ခအဖြစ် ဖိတ်ကြားခံခဲ့ရတာပါ။ ဒါလည်း သူ့ရယ်လို့ နာမည်တပ်ဖိတ်ကြားတာမဟုတ်ပါဘူး၊ သူ့မိတ်ဆွေရဟန်းတော် ဒေါက်တာအရှင်စန္ဒိမာကို တက္ကသိုလ်ဒုတိယအဓိပတိက ပါဠိဘာသာနဲ့ ထေရ၀ါဒအဘိဓမ္မာကို အင်္ဂလိပ်လိုသင်နိုင်တဲ့ မြန်မာရဟန်းတော်တစ်ပါးလိုချင်တယ်လို့ ကမ်းလှမ်းတာနဲ့ ဒေါက်တာအရှင်စန္ဒိမာက သူ့ကို လက်ညှိုးထိုးတာပါ။

ဘာပဲဖြစ်ဖြစ် လွန်ခဲ့တဲ့ နှစ်က ဒီအချိန်မှာ တစ်ရုံးဝင်တစ်ရုံးထွက် သွားလာနေခဲ့ရတာကို အမှတ်ရနေမိပါတယ်။ သူ့ကို အစစအရာရာ ဦးဆောင်ကူညီပေးခဲ့တဲ့ ဒေါက်တာ အရှင်စန္ဒိမာကိုလည်း ကျေးဇူးတင်ကြောင်း ပြောရင် ပေါ့သွားမှာစိုးလို့ ဒီအတိုင်းပဲ လေးပင်အောင် ထားလိုက်ပါတယ်။ အဲဒီလုပ်ငန်းစဉ်တွေထဲ နေပူလိုက် မိုးရွာလိုက် ဗာရာဏသီသံသရာနဲ့ အတူလည်ပတ်နေစဉ် ကွန်းခိုစရာပေးပြီး မငြီးမငြူကျွေးခဲ့တဲ့ မစ္စတာပါရဂူနဲ့ ကိုရင်တို့ကိုလည်း ထိုနည်းလည်းကောင်းပါပဲ။ သူကတော့ ကုန်ဘောင်ခေတ်က အမတ်ကြီးဦးပေါ်ဦးလို ဟိုပြော ဒီပြော တသောသောနဲ့ စာဖတ်သလိုလို ဘာလိုလိုနဲ့ အချိန်တန် ထစားလုပ်ခဲ့တာပါ။ (ညဉ်လေးပေါ့၊)

ဒီကြားထဲ မစ္စတာပါရဂူရဲ့ လက်ပ်တော့ကို ပိုင်ရှင်ထက် အချိန်ပိုအောင် ၀င်သုံးလိုက်ပါသေးတယ်။ အဲဒီမှာ အကျိုးရှိရာ ရှိကြောင်း လုပ်နေတယ်လို့ ကွန်ပြူတာပိုင်ရှင်မုဒိတာပွားနိုင်အောင်စင်ကာပူမှာတုန်းက လက်ဆော့ပြီး ဖွင့်ထားမိတဲ့ (အင်္ဂလိပ်ဘာသာစာတမ်းတစ်စောင်ကလွဲပြီး ဘာမှလည်း မရေးရသေးတဲ့) ဓမ္မဂင်္ဂါကို အသက်သွင်းဖို့ ကြိုးစားဖြစ်ပါတယ်။ (တကယ်လည်း မိတ်ဆွေရဟန်းတော်က စာပေသမားမို့ သူ့ကို လွှတ်ထားလိုက်ပါတော့တယ်)

ဟောဒီရောက်လာတော့မယ့် သြဂုတ်လကြီးထဲမှာပါပဲ။ ပထမဆုံးတင်ဖြစ်တဲ့ ပို့စ်က ဟုပေယျလွဲချော်မှုပါ၊ မဇ္ဈိမနေ့ရက်တွေကို ပြန်ကောက်ယူဖို့ ကြိုးစားမိပါတယ်။ ဘာပဲဖြစ်ဖြစ် သြဂုတ်လထဲက တစ်ရက်ရက်ဟာ ဓမ္မဂင်္ဂါမွေးနေ့ပါပဲ။ ဒီတစ်နှစ်အတွင်းမှာ သူဘာတွေ ရေးခဲ့မိပါလိမ့်။ ဘ၀ဇာတိရဲ့ ကျဉ်းမြောင်း လှောင်ပိတ်တဲ့မွေးဖွားမှုကနေ ဓမ္မဇာတိရဲ့ လွတ်မြောက်ငြိမ်းချမ်းတဲ့ မွေးဖွားမှုဆီ .....။

အပေါ်မှာ ဖော်ပြထားတဲ့ ပေချပ်လေးကတော့ သူမဇ္ဈိမကို ထွက်ခါနီး သူ့မိခင်ကြီးကိုယ်တိုင် သားမောင်ပဉ္ဇင်းကို မျက်ရည်ဝဲ၀ဲနဲ့ ပေးလိုက်တဲ့ သူ့ဇာတာမှတ်တမ်းလေးပါ။ လွမ်းလို့ ဖော်ပြလိုက်ပါတယ်။

ဓမ္မဂင်္ဂါ
၃၀-၀၇-၂၀၁၀

မွေးနေ့များသို့......။
ဓမ္မဂင်္ဂါ စီးဆင်းခွင့်အတွက် ကမ္ဘာမြေနှင့် ဗြဟ္မစိုရ်နေ့ရက်များကို ကမ္ပည်းထိုးလိုက်ပါကြောင်း....။ဘလော့မွေးနေ့သာ ဖြစ်ပါကြောင်း...။