ခေတ်သစ်အသောက(သို့မဟုတ်)မော်ဒန်ဘုရားလောင်း

အိန္ဒိယနိုင်ငံမှာ ပျောက်ကွယ်သွားတဲ့ ဗုဒ္ဓအရှင်ရဲ့ တရားဓမ္မတွေကို ဖော်ထုတ်တဲ့ လှုပ်ရှားမှုတွေ နှစ်ဆယ်ရာစုအစောပိုင်းမှာ စတင်ခဲ့ပါတယ်..။ သီဟိုဠ်နိုင်ငံသားအနာဂါရိကဓမ္မပါလဆိုတဲ့ ပုဂ္ဂိုလ်ကြီးက ဗုဒ္ဓအရှင်သစ္စာသိမြင်ရာ မဟာဗောဓိစေတီတော်အပါအ၀င် မမေ့အပ်တဲ့သံဝေဇနိယဋ္ဌာနတွေကို ဗုဒ္ဓဘာသာဝင်တွေရဲ့ လက်ထဲပြန်ရောက်ဖို့ သက်စွန့်ကြိုးပမ်းခဲ့သလို အိန္ဒိယပါဠိပညာရှင်ရဟန်းတော်များဖြစ်တဲ့ အရှင်အာနန္ဒာကောသလ္လာယန၊အရှင်ဇာဂဒိသကဿပနဲ့ အရှင်ရာဟုလာသံကစ္စာယန(ကမ္ဘာကျော်စာရေးဆရာရာဟုလာသံကစ္စည်း)တို့ကလည်း ပိဋကတ်စာပေတွေကို မိခင်ဘာသာနဲ့ ပြန်ဆိုကြ၊ ပိဋကတ်အခြေခံသုတရသစာပေတွေကို တီထွင် ရေးသားကြနဲ့ ဗုဒ္ဓသာသနာအတွက် အားတက်စရာခြေလှမ်းတွေကို စတင်ခဲ့ကြပါတယ်..။

အရှေ့တိုင်းစာပေတွေကို ဆည်းပူးလိုကြတဲ့ ဗြိတိသျှအုပ်ချုပ်ရေးအရာရှိတွေ၊ အနောက်တိုင်းသား သုတေသီတွေကလည်း ပါဠိသက္ကတ ပြာကတစတဲ့ စာပေတွေကို ဆည်းပူးရင်း အာရှတိုက်ရဲ့ အလင်းရောင်လို ကမ္ဘာကျော်ကဗျာမျိုးနဲ့ သိဒ္ဓတ္ထလို ထင်ရှားတဲ့ ၀တ္ထုမျိုးတွေကို ရေးသားပြီး ဗုဒ္ဓအရှင်နဲ့ မဇ္ဈိမဒေသကို လူသိစေခဲ့တယ်။

အဲဒီလှုပ်ရှားမှုတွေကြားထဲက ဒေါက်တာအမ်ဘေဒကာ(DrB.R.Ambedkar) ဆိုတဲ့ ဇာတ်နိမ့်ခေါ်င်းဆောင်ကြီးရဲ့ မိရိုးဖလာဟိန္ဒူဘာသာတရားကို ကျောခိုင်းစွန့်လွှတ်ပြီး ဗုဒ္ဓအရှင်ရဲ့ သာဝကအဖြစ်ခံယူလိုက်ခြင်းဟာ ယနေ့ခေတ်အိန္ဒိယနိုင်ငံရဲ့ ဗုဒ္ဓဘာသာသမိုင်းကို အသစ်ရေးဖို့ ဖြစ်လာခဲ့ပါတယ်..။ အမ်ဘေဒကာဗုဒ္ဓဘာသာဆိုတဲ့ ဝေါဟာရတစ်ခုလည်း တိုးပွားလာခဲ့ပါတယ်..။

ဇာတ်ခွဲခြားစနစ်နဲ့ အယူစွဲကိုးကွယ်မှုတွေ ကြီးထွားလွန်းလှတဲ့ အိန္ဒိယပြည်ကြီးမှာ ဇာတ်နိမ့်(Dalit)တွေအတွက် တိရိစ္ဆာန်တစ်ကောင်ထက် တန်ဖိုးမမြင့်ခဲ့လေဘူး။ ပညာသင်ယူခွင့်၊ ဘုရားကျောင်းတက်ရောက်ခွင့်၊ ယုတ်စွ အဆုံး အများပြည်သူပိုင်ရေတွင်းရေကန်သောက်သုံးခွင့်တောင် မရခဲ့ရှာတဲ့ ဇာတ်နိမ့်တွေရဲ့ဘ၀ပုံရိပ်မည်းကြီးက ထူးချွန်ထက်မြက်တဲ့ အမ်ဘေဒကာရဲ့ ရင်ထဲမှာ စွဲမြဲနာကျင်နေခဲ့ပါတယ်..။

စာသင်ကျောင်းတွေမှာ ဇာတ်မြင့်တွေနဲ့ တန်းတူရည်တူ ပညာသင်ယူခွင့်မရတဲ့ကြားထဲက အမ်ဘေဒကာဟာ အမေရိကန်နိုင်ငံ၊ ကိုလမ်ဘီယာတက္ကသိုလ်နဲ့ အင်္ဂလန်နိုင်ငံ၊လန်ဒန်စီးပွားရေးကျောင်းတွေက ဥပဒေနဲ့ ဘောဂဗေဒပညာရပ်တွေကို ပါရဂူမြောက်အောင် ဆည်းပူးနိုင်ခဲ့တယ်။

ပြည်တော်ပြန်တာနဲ့ အမ်ဘေဒကာဟာ ဇာတ်နိမ့်တွေရဲ့ ဘ၀လွတ်မြောက်ရေးနဲ့ လူသားပီပီ ဇာတ်မြင့်ဟိန္ဒူများနဲ့ တန်းတူရည်တူအခွင့်အရေးရဖို့အတွက် တိုက်ပွဲများစွာ ၀င်ခဲ့တယ်။ မဟတ္တမဂန္ဓီကြီးနဲ့ ထိပ်တိုက်တွေ့ရတဲ့အထိ ပြဿနာတွေကြီးထွားခဲ့တယ်။ ဂန္ဓီကြီးက ဇာတ်နိမ့်ဇာတ်မြင့်ရယ်လို့ မခွဲခြားဘဲ တစ်သားတည်း ညီညွတ်ဖို့ ဆော်အော်ခဲ့သလို အမ်ဘေဒကာကလည်း ဟိန္ဒူချင်းတူပေမယ့် ဘယ်တုန်းက ဇာတ်နိမ့်တွေအပေါ်မှာ ဇာတ်မြင့်တွေက အရေးပေးခဲ့ဖူးသလဲ လို့ မေးခွန်းထုတ်ခဲ့ပြီး ဇာတ်နိမ့်တွေ သီးခြားမဲဆန္ဒပေးခွင့်ရဖို့ ကြိုးစားခဲ့တယ်။

အဲဒီလို ခါးသီးတဲ့ တိုက်ပွဲဝင်ကာလတွေမှာပဲ ဟိန္ဒူဘာသာရဲ့ မမျှတတဲ့ ဇာတ်စနစ်ကြီးကို စိတ်ပျက်ပြီး '' ငါဟာ ဟိန္ဒူတစ်ယောက်အဖြစ်မွေးဖွားခဲ့ပေမယ့် ဟိန္ဒူတစ်ယောက်အဖြစ် မသေဘူး'' လို့ ကြေငြာခဲ့တယ်။ ဘာသာတရားအသီးသီးက အမ်ဘေဒကာကို ဖိတ်ခေါ်ခဲ့ကြပေမယ့် ဗုဒ္ဓအရှင်ရဲ့ ဓမ္မကိုသာ စိတ်တိုင်းကျခဲ့တယ်။
ဇာတ်နိမ့်များအတွက် တိုက်ပွဲဝင်နေတဲ့အချိန်မှာပဲ အိန္ဒိယပြည်ကြီးရဲ့ လွတ်လပ်ရေးတိုက်ပွဲမှာလည်း အခြားခေါင်းဆောင်ကြီးများနဲ့ အတူ ဦးဆောင်မှုပေးခဲ့တယ်။

လွတ်လပ်တဲ့ အိန္ဒိယပြည်ကြီးအတွက် အခြေခံဥပဒေကြီးကို ဦးဆောင်ရေးဆွဲခဲ့တဲ့ ပထမဆုံးသောတရားရေးဝန်ကြီးအဖြစ် ဥဒါန်းတွင်ခဲ့တယ်။ အိန္ဒိယရဲ့ အလံတော်က ဓမ္မစက်ဝန်းနဲ့ နိုင်ငံတော်တံဆိပ်က အသောကခြင်္သေ့ကြီးလေးကောင်အမှတ်အသားတွေဟာ အမ်ဘေဒကာရဲ့ ဗုဒ္ဓအဆုံးမအရိပ်အငွေ့လွှမ်းနေတဲ့ လက်ရာတွေ ဖြစ်တယ်လို့ ဆိုကြပါတယ်..။

၁၉၅၆ ခုနှစ်မှာတော့ ဒေါက်တာအမ်ဘေဒကာဟာ နောက်လိုက်ဇာတ်နိမ့်ပေါင်းငါးသိန်းနဲ့ အတူ ဗုဒ္ဓသာဝကအဖြစ်ခံယူခဲ့ပါတယ်..။ အသောကခေတ်အိန္ဒိယလို ဗုဒ္ဓဓမ္မတွေ ပြန့်ပွားစေရမယ် လို့ လည်း ခံယူချက်ထားခဲ့ပါတယ်..။ ၀မ်းသာဂုဏ်ယူဖို့ ကောင်းတာက ဒေါက်တာအမ်ဘေဒကာကို သရဏဂုံချီးမြှင့်တဲ့ ဆရာတော်က ကုသိနာရုံရခိုင်မြန်မာဆရာတော်ကြီး ဦးစန္ဒြမဏိဖြစ်နေတာပါပဲ..။ ဒေါက်တာအမ်ဘေဒကာရဲ့ အတ္ထုပ္ပတ္တိကို ရုပ်ရှင်၊ဂီတ၊စာပေ၊ကဗျာတွေနဲ့ မှတ်တမ်းတင်ဂုဏ်ပြုခဲ့သလို အိန္ဒိယနိုင်ငံအနှံ့အပြားမှာ အနောက်တိုင်းဝတ်စုံဝတ်၊မျက်မှတ်ထူထူတပ်၊ ဥပဒေစာအုပ်ကြီးရင်မှာပိုက်ပြီး လက်ညှိုးထိုးနေဟန် ရုပ်တုကြီးတွေကိုလည်း ထုဆစ်ထားကြပါသေးတယ်။
ဒေါက်တာအမ်ဘေဒကာကို မော်ဒန်ဘုရားလောင်း(Modern Bodhisatva) လို့ ရည်ညွှန်းပြောဆိုရေးသားနေကြတာကိုလည်း မှတ်သားရပါကြောင်း..။

ဒေါက်တာအမ်ဘေဒကာဗုဒ္ဓဘာသာခံယူပွဲဗီဒီယိုကလစ်ရန်