16 August, 2013

ရဟန်းနှင့် အက်ဖ်အိုစီ


ရဟန်းနှင့် အက်ဖ်အိုစီ
--------------
(၁)
လွန်ခဲ့သော ၀ါဆိုလဆန်းက သူ့ ခန္ဓာတစ်ကိုယ်လုံး တုန်ခိုက်နေသည့်အတွက် အရေးပေါ်ဆေးခန်းလေးတစ်ခုဆီ သူ ပြေးဝင်လာခဲ့သည်။ မြောက်ဥက္ကလာကုန်းကျော်တံတားအဆင်းက မြမြင့်မိုရ် ဆိုသောဆေးခန်းလေး...။
ချမ်းပါတယ်ဆိုမှ ရန်ကုန်မိုးက အနတ္တဖြစ်စွာ ထီးတစ်ချောင်းကို တောင်းဆိုနေသေးသည်။
သူနှင့် အတူ ကပ္ဗိယတစ်ဥိးကို အပါခေါ်လာခဲ့၏။ လူနာငါးယောက်ခန့် စောင့်ရဦးမည်ဖြစ်၍ ကပ္ဗိယကိုယ်တိုင်မောင်းလာသောအငှားယာဉ်ထဲမှာပဲ ထိုင်နေခဲ့သည်။ လူနာတစ်ဦးစီအတွက် ၁၅ မိနစ်ခန့် ထက် အချိန်ပိုယူသော ဆရာဝန်ကို သူ စိတ်ရှည်ရပါမည်။ နောက်ထပ် ဆေးခန်းတစ်ခုခု ဆက်ရှာမည်ဆိုလျင် ဒကာမျိုးကြီး၏ ကျောက်စာကို ပြန်ဖတ်နေရတော့မည်။ ဒီက စောင့်နေသူ...။

သူ့ အလှည့်ကျ၍ ဆေးခန်းလေးထဲ ၀င်သွားတော့မှ “အကူသူနာပြုဆရာမလေး ၀ါဆိုပွဲအမီ မိဘအိမ်ပြန်သွားလို့ တပည့်တော်မတစ်ယောက်တည်း ဖြစ်နေလို့ ကြာနေရတာ ” ဟု ရှင်းပြသော ဆရာဝန်မလေး၏ အချိန်ပိုခြင်းကို နားလည်သွားပါသည်။ လူနာကိုလည်း စမ်းသပ်ရ၊ ဆေးထိုးပေးရသော ဆရာဝန်၏ လုပ်ငန်းစဉ်အပြင်
နေ့နေ့ညညသောက်ရမည့် ဆေးများကို စိတ်ရှည်စွာ ရွေးချယ်ထုပ်ပိုးပေးနေသော ဆရာဝန်အမျိုးသမီးငယ်သည်
သူ မျှော်လင့်ထားသလိုပင် ဆောင်ရွက်တော့မည့် အရိပ်အယောင်တွေ့နေရသည်။
ရောဂါအခြေအနေက ဆေးတစ်လုံးထိုးရုံမျှဖြင့် ပျောက်ကင်းနိုင်မည်ဖြစ်သော်လည်း ဆေးပတ်လည်အောင် သောက်ဖို့ သေချာစွာ မှာနေလေသည်။ ပြီးတော့ သူက သွေး အနည်းငယ်လည်း တိုးနေပြန်သေးသတဲ့..။
ဆရာဝန်မလေးက ဆေးများကို ထုပ်ပိုးကာ ကပ္ဗိယလက်ထဲသို့ ပေးအပ်နေစဉ်မှာပင် သူ ခပ်သွက်သွက် ထွက်လာခဲ့သည်။
ကပ္ဗိယကို အာဏာကုန်လွှဲအပ်ခဲ့ပြီပဲ..။
ကပ္ဗိယက ကားကို စက် နှိုးလုိုက်ရင်း “အက်ဖ်အိုစီ တဲ့ ဘုရား” ဟု လျှောက်တော့ သူ့ ထင်မြင်ချက်မှန်ကန်သွားခဲ့ပါသည်။

ယခုနှစ်တစ်ခုလုံး သူ့ ကျန်းမာရေးက ချူချူချာချာမဟုတ်သည့်တိုင် မာမာချာချာဟုလည်း ပြောလို့ မရပါ..။ ရုတ်တရက်ဖြစ်ပေါ်တတ်သော ရောဂါများက အက်ဖ်အိုစီခလုပ်များစွာကို နှိပ်မိလျက်သားဖြစ်နေတတ်ပါသည်။
မျက်စိနာရောဂါစွဲကပ်တော့ ရွှေလမင်းဆေးခန်းမှာ ထိုင်သည့် ဆရာဝန်မလေးကလည်း အက်ဖ်အိုစီ..။
ကျောက်ကပ်နှင့် ပန်ကရိယအတွင်းရန်သူများ နှိပ်စက်၍ မျက်နှာရှုံ့မဲနေသည့်ကြား စမ်းသပ်းပေးသည့် ခွဲစိတ်ဆရာဝန်ကြီးကလည်း အက်ဖ်အိုစီ...။
အစာအိမ်နံရံတွေပေါ်က အဓိပ္ဗါယ်တွေကို ရှာဖွေပေးသည့် ဆရာဝန်ကြီးကလည်း အက်ဖ်အိုစီ...။
ရွှေပြည်ကြီး၏ ကရုဏာရွှန်းစိုလှသောအက်ဖ်အိုစီစာမျက်နှာတို့က များလှပါပကော...။

(၂)

Free of Charge အခမဲ့ ဟုအဓိပ္ဗါယ်ရသော အက်ဖ်အိုစီ (FOC)သည် သူ့လို ရဟန်းတော်များအတွက် အမြဲတမ်းဆက်နွယ်နေရသောဝေါဟာရတစ်ခုဖြစ်ပါသည်။
စင်္ကြန်လမ်းပေါ် ခပ်သုတ်သုတ် လမ်းလျှောက်နေသော သူ့အနားသုို့ ကားတစ်စီးထိုးဆိုက်ကာ “အရေးကြီးနေလားဘုရား...။တပည့်တော်ကုသုိုလ်ယူပါရစေ” ဟူသော ကြာဖူးလက်အုပ်ကို ကြုံရဖူးသည်။ “သံဃာတော်များ အခမဲ့” တဲ့..။
မသွားဘူးဗျ လမ်းခပ်သွက်သွက်လျှောက်တတ်လို့ .......။

န၀ဒေးရုပ်ရှင်ရုံ လမ်းဝမှတ်တိုင်က ရွှေမင်္ဂလာဆိုင်ကတော့ မနက်ခင်းပထမဆုံးကြွလာသောသံဃာတော်ငါးပါးကို ဒါနပြုလေ့ရှိသတဲ့..။
သူက ကြံကြံဖန်ဖန် သုံးပါးမြောက်လောက် ဖြစ်နေတတ်ပြန်သည်။ န၀ကမ္မချို့တဲ့သောစာသင်သားဘ၀ကဆိုလျင်တော့
သူ့ လိပ်ပြာလုံမည်မထင်..။ တစ်မနက်ခင်းမှာတော့ မိတ်ဆွေရဟန်းတော်တစ်ပါးက အရုဏ်ဆွမ်းကပ်ချင်သည် ဆိုကာ ထိုဆိုင်လေးကို ပင့်ပြန်သည်။ ပထမဆုံးသံဃာတော်ငါးပါးကို လှူသတဲ့င့ါရှင် ဟု အခြားမိတ်ဆွေရဟန်းတစ်ပါးက သတင်းပေးသည်။ ဟုတ်ပ အချိန်က စောနေသေးသည်။ တစ်ပါးပါးတော့ ငြိမှာ သေချာနေသည်။ လိုက်ခဲ့ပါ ဟု ဆို၍သာ လိုက်သွားရသည်။ သူ ဖြေရှင်းပုံက မဆိုးလှ..။ မထိုင်မီ ငွေရှင်းကောင်တာကို သွားသည်။ “ ဦးဇင်းတို့ ကို ဒီနေ့ အရုဏ်ကပ်မယ့်သူက ၀တ္ထုငွေလှူလိုက်လို့ နော် ..။ ငါးပါးစာရင်းထဲ မထည့်ပါနဲ့ ” တဲ့..။

တစ်ခါတရံတော့ သပြေရိပ်လို..။ ကံကောင်းခွန်နှစ်(Lucky 7)လို..။ ဝေဒနာ(Feel)၊ အရှေ့အိမ် ( Oriental House )ဆိုင်မျိုးတွေမှာ
စိတ်ကြိုက်အလုပ်အလွေးပြုရန် ရောက်နေခိုက် “ ကာလဒါနပါ ဘုရား” ဆိုတာမျိုးလည်း ကြုံရပြန်သေးသည်။
လက်စသိမ်း သြနီတပတ္တပါဏိဖြစ်သွားချိန်မှ လှူဒါန်းသွားလျင်တော့ ကိစ္စမရှိ..။ တ၀က်တပျက်နှုတ်ခမ်းဆီမစိုမီ စားပွဲထိုးလူငယ်တစ်ယောက်က ဘုန်းဘုန်းတို့ ၀ိုင်းအလှူရှင်ရှိပါသည် ဘုရား ဆိုတာမျိုး (သို့မဟုတ်) အလှူရှင်ကိုယ်တိုင်က တပည့်တော်တို့ ရှင်းခဲ့ပါပြီဘုရား ဆိုတာမျိုး ကြုံခဲ့လျင်တော့ မိုးကုတ်ဆရာတော်ကြီး၏ လေသံတော်အတိုင်း “ ဒီနေ့တော့ တော်ကြဦးစုို့” လုပ်ခဲ့ကြရပြန်သည်။

သံဃာတော်များအတွက် အက်ဖ်အိုစီအတိအကျ ကျင့်သုံးသော အောင်သုခထမင်းဆိုင်ကိုလည်း သံရုံးတစ်ခုတွင် ဗီဇာအတွက် တန်းစီရင်း ဆွမ်းချိန်မမီ၍ ရောက်သွားခဲ့ရဖူးသည်။ ဖွယ်ဖွယ်ရာရာဟင်းလျာများကို ပျူပျူငှါငှါမေးမြန်း ဆက်ကပ်ပြီးကာမှ “ ဆိုင်က လှူဒါန်းတာပါဘုရား” ဟု ရိုရိုသေသေလျှောက်ထားသည်။ ကာလဒါနအလှူခံဖို့ မဖြစ်မနေလိုအပ်သော သံဃာတော်များ ရှိနေမည်မို့ မကြွဖြစ်တော့..။

(၃)
အက်ဖ်အိုကိစ္စက ဗုဒ္ဓအရှင်လက်ထက် မဂဓတိုင်းတွင် ရှိခဲ့ဖူးသည်။
မဟာဘိသက္ကဆေးပညာကျော် နန်းတွင်းသမားတော်ကြီးဆရာဇီဝက၏ အက်ဖ်အိုစီကို ဗုဒ္ဓအရှင်နှင့် စတုဒ္ဒိသာရဟန်းသံဃာတော်များ တံခါးမရှိ ဓါးမရှိ ခံစားခွင့်ရှိသည်။
သာသနာထွန်းကားလှသော အချိန်မို့ ဆရာဇီဝက၏ တိကိစ္ဆာလယဆေးရုံတွင် ဂိလာနသံဃာများဖြင့်သာ ပြည့်နေတတ်သည်။ ရာဇဂြိုဟ်သားတို့အတွက် ဆရာဇီဝက၏ အမည်နာမဘွဲ့တံဆိပ်တော်များရေးထားသည့် ရွှေရောင်ဝင်းပသော ဆိုင်းဘုတ်တော်ကြီးကို မျှော်ငေးဖတ်ရန်မှတပါး ဆေးနံ့ခံခွင့်မရှိပြီ..။

ဖြစ်ချင်တော့ ရာဇဂြိုဟ်မှာက ရောဂါတွေ ထူပြောလာသည်။ဆရာဇီဝက၏ ဆေးရုံကို တက်ရောက်ကုသမှသာ ပျောက်ကင်းနိုင်မည်။ ဆရာဇီဝကအနေဖြင့် ဗုဒ္ဓအရှင်နှင့် သံဃာတော်များ၏ ကျန်းမာရေးအတွက်သာမက ဘုရင်ဗိမ္ဗိသာရအပါအ၀င်နန်းတွင်းသူနန်းတွင်းသားတို့၏ ကျန်းမာရေးအတွက် လည်း တော်ဝင်သမားတော်ကြီးပီပီ အမှုတော်ထမ်းရသေးသည်။ သည်တော့ ရာဇဂြိုဟ်ရောဂါသည်တို့ မျှော်တလင့်လင့်ဖြစ်ခွင့်ပင် မရှိပြီ။
သည်တော့လည်း ရောင်တစ်ထုံး အဆုံးခံကာ သာသနာ့ဘောင်ထဲဝင်ရောက်ကာ ပဇင်းလက်သစ်ကြီးတွေ ဆေးကုသမှုခံယူဖို့ တန်းစီကြလေပြီ။
အချိန်တန်တော့လည်း ဆေးစွမ်းသည့် အံ့မခန်းသမားတော်၏ လက်တွင် ရာဇဂြိုဟ်သားတို့ နာလံထကြသည်။
ဆရာဇီဝကခမျာမှာတော့ သာသနာဝန်ထမ်းတို့အရေးပေမို့ ချွေးဒီးဒီးကျပေမင့် စိတ်ထားမြင့်ကာ ပီတိဖြာရပေသည်။

သို့သော် ရာဇဂြိုဟ်လမ်းပေါ်မှာ နာလံထရဟန်းလူထွက်များကို ဟုိုနားတကွေ့...ဒီနားတကွေ့ ဆရာဇီဝကတွေ့ရသည့်အခါ ဇဝေဇ၀ါ..။ သေချာစုံစမ်းကြည့်တော့ အက်ဖ်အိုစီတန်းစီသူများ...။
သံသရာငြီးငွေ့သူများ ..သံသရာထွက်ရပ်လမ်းရှာသူများ မဟုတ်ချေပြီ..။
အော် ပါရမီကြီးရင့်သူမို့ သည်းခံနိုင်သော်ငြား သဒ္ဓါမပွားနိုင်သူတို့အတွက် ခက်ရချည့်..။

သို့နှင့် သာသနာ့ဘောင်ဝင်သောရဟန်းသစ်များကို စိစစ်လက်ခံရန် ဗုဒ္ဓအရှင်
ဥပဒေတော်ထုတ်ပြန်ရတော့သည်။
ငါ့ရှင်ရဟန်းလောင်း....
ကုဋ္ဌနူနာလက်ပရိုစီရောဂါ ကင်းရှင်းသူ ဟုတ်ပါ၏လော...
ချောင်းဆိုးရောဂါ တီဘီနာကင်းရှင်းသူ ဟုတ်ပါ၏လော
မြင်းဖုအနာ အိုင်းအမာရောဂါ ကင်းရှင်သူ ဟုတ်ပါ၏လော..
ပွေးဝဲညှင်းခရုသင်း ရောဂါ ကင်းရှင်းသူ ဟုတ်ပါ၏လော
ရူးသွပ်အနာ စိတ္တဇရောဂါ ကင်းရှင်းသူ ဟုတ်ပါ၏လော...။

အော် အက်ဖ်အိုစီတန်းစီသူများပေတကား..။

ဓမ္မဂင်္ဂါ
(၁၆-၈-၂၀၁၃)
------------------------------
ရှင်ငယ်ပဇင်းငယ်ဘ၀က စာသင်သားအချင်းချင်း တခုတ်တရပြန်လည် ဖောက်သည်ချကြည်နူးရသော အတွေ့အကြုံဖြစ်ပါသည်--အမှန်တကယ်ကတော့ အက်ဖ်အိုစီကို အလှူခံရသည့်အတွက် ရဟန်းတစ်ပါးအနေဖြင့် သဒ္ဓါတရားကို ချီးမြောက်ရာရောက်ပေသည်။

No comments: