05 January, 2010

ရဟန်းတစ်ပါးဆီက ဘာတွေမျှော်လင့်ထားပါလိမ့်

(၁)

နေရဉ္ဇရာမှတ်တမ်းနဲ့တွဲဖတ်ဖို့ပါ။

ခုတစ်လော ဗုဒ္ဓဂယာကပြန်လာကတည်းက နေရဉ္ဇရာမှတ်တမ်းကို တိုစိတိုစိရေးဖြစ်ခဲ့ပါတယ်။ ရေးစရာတွေအများကြီးပါ။ သာသနာတော့်အရေးကို သာသနာထဲက ပုဂ္ဂိုလ်တွေက ပိုသိပါတယ်။ ဒါပေမယ့် ယိုပေါက်ထွက်ပေါက်လေးတွေ သတိမပြုမိတာလေးတွေ ရှိနေတာကိုလည်း ၀န်ခံရမှာပါ။

စိတ်ဝင်စားမိတာက သာသနာပြုတွေအနေနဲ့ မိမိတို့ဉာဏ်အလင်းပွင့်သမျှ။ လက်လှမ်းမီသမျှ သာသနာ့အရေးအရာတွေ မြှင့်တင်ကြရင်း အမျိုးသားရေးနဲ့ လောကအရေးတွေကိုပါ ဆောင်ရွက်နေကြတာ လိုအပ်ချက်နဲ့ ဖြည့်ဆည်းချက်အံဝင်မှုရှိပါသလားဆိုတာပါပဲ။

လွန်ခဲ့တဲ ၂၀၀၈ ခုနှစ်ဆီက ရွှေပြည်ကြီးဆီအပြန်မှာ ရင်းနှီးတဲ့မိတ်ဆွေဒကာတစ်ယောက်နဲ့ “ လိုအပ်ချက်နဲ့ ဖြည့်ဆည်းချက်အံဝင်မှု” အကြောင်းဆွေူးနွေးဖြစ်ခဲ့ပါတယ်။ မိတ်ဆွေဒကာက ဓမ္မရေးရာမှာ နှံ့စပ်သိမြင်သလို သဒ္ဓါအားကြီးတဲ့ ခေတ်ပညာတတ်တစ်ယောက်လည်း ဖြစ်ပါတယ်။ နောက်ဆုံးတော့ “ရဟန်းတစ်ပါးဆီက ဘာတွေမျှော်လင့်ထားပါသလဲ” ဆိုတဲ့ မေးခွန်းလေးကို ရေးပေးလိုက်ပါတယ်။
နောက်တစ်လလောက်မှာတော့ မိတ်ဆွေဒကာရဲ့အဖြေစာရွက်လေးရောက်လာပါတယ်။
အဲဒီအဖြေစာရွက်လေးကို ဖတ်ပြီး စာရေးဆရာမြင့်မြတ်ဆွေကတော့ ၂၀၀၈ ခုနှစ်ထုတ် MMWAI အဋ္ဌမနှစ်ပတ်လည်စာစောင်မှာ“ ဘွဲ့ဒီဂရီနောက်ကွယ်က စာဖြေခန်း” ဆိုပြီး ဆောင်းပါးတစ်ပုဒ်ရေးခဲ့ဖူးပါတယ်။

(၂)

မိတ်ဆွေဒကာရဲ့ အဖြေစာရွက်လေးကို မူရင်းအတိုင်း ဖော်ပြလိုက်ပါတယ်။ စာဖတ်သူတွေအနေနဲ့ မြင်ထားတာလေးတွေ ရှိရင် ပို့ပေးကြဖို့ပါ။ လိုနေတာတွေနဲ့ ပိုသွားတာမျိုးကိုလည်း ထောက်ပြကြဖို့ပါ။

-ဒကာ ဒကာမတို့၏ ကိုးကွယ်ဆည်းကပ်မှုကို ခံယူကြရကုန်သော ရဟန်းတော်တို့သည် ဒကာ ဒကာမတို့အား ပြန်လည်ကျေးဇူးပြုနိုင်ရန်အတွက်-
(၁) ခရီးသွားဟန်လွဲ ပေါ်ပေါက်လာသော သွားလာနေထိုင် စားသောက်ရေး အခက်အခဲများကို ကူညီဖြေရှင်းပေးနိုင်ပါသလော။

(၂)လူမှုရေးပဋိပက္ခများကို တရားတော်နှင့် အညီ ဖြေရှင်းပေးနိုင်ပါသလော။(ရွာအမှုဘုန်းကြီးပတ်ခံနိုင်ပါသလော။)

(၃)ရွှင်ပြုံးသောစိတ်နှလုံးနှင့် ချဉ်းကပ်လှူဒါန်းလာသူများကို ပိုမိုရွှင်လန်းလှူဒါန်းလာအောင် ဟောကြားပေးနိုင်ပါသလော။

(၄)နာကျင်သောစိတ်နှလုံးဖြင့် ချဉ်းကပ်လှူဒါန်းလာသူများကို နာကျင်သောခံစားချက်များယူပစ်သလိုပျောက်ကင်းသွားအောာင် ဟောကြားပေးနိုင်ပါသလော။

(၅)လင်မယား၊သမီးရည်းစား၊မောင်နှမစသောကြားဝင်ခက်ခဲသည့် ပြဿနာများကို တင်ပြလာသောအခါ မိမိအယူအဆမပါ တရားသဘောသက်သက်ဖြင့် ယထာဘူတကျအောင် သွန်သင်ဆုံးမပေးနိုင်ပါသလော။

(၆)လောကီကို မမုန်း လောက္တုရာကို မကျင့်သုံးနိုင်သေးသူများအား ရ၄င်းတို့လိုလားသောလောကီကာမဂုဏ်ချမ်းသာများပြည့်စုံနိုင်ပြီး တရားတော်နှင့် ညီညွတ်သည့် မျက်မှောက်အကျိုးပေးနိုင်သော နည်းလမ်းကောင်းများကို ညွှန်ကြားပြသပေးနိုင်ပါသလော။

(၇)လူမျိုးခြားဘာသာခြားနှင့်တိုက်ရိုက်ထိတွေ့ဆက်ဆံနေရသူများအား အယူဝါဒရေးရာ ဖိနှိပ်ခြင်းမခံရလေအောင် ခိုင်မာသည့် အခြေခံအယူအဆများတည်ဆောက်ပေးနိုင်ပါသလော။

(၈)သိပ္ပံဘာသာရပ်များကို သင်ကြားတတ်မြောက်ထားသူများအား သိပ္ပံအယူအဆအရလက်ခံရန်ခက်ခဲသော ဗုဒ္ဓဘာသာအယူအဆများကို သိပ္ပနည်းကျရှင်းလင်းသောဥပမာများဖြင့် ခိုင်မာအောင် ရှင်းပြပေးနိုင်ပါသလော။

(၉)ဗေဒင်မေး၊ယတြာချေလုပ်တတ်သူများအား မှန်ကန်သောဒါနမှု၊သီလမှု၊ဘာဝနာမှုတို့ဖြင့် အစားထိုးလုပ်ဆောင်တတ်လာစေဖို့ ညွှန်ကြားပြသဆုံးမပေးနိုင်ပါသလော။

(၁၀)ရဟန်းသံဃာတော်များအား ဖူးတွေ့ရန်စိတ်မ၀င်စားသော(သို့)ကြောက်ရွံ့နေသော(သို့) အချိန်မပေးလိုသောသူများကို ရုပ်ရှင်အနုပညာရှင်များကို တွေ့ချင်မြင်ချင်အားပေးချင်သလို စိတ်မျိုးပေါ်ပေါက်လာအောင် ဆောင်ရွက်ပေးနိုင်ပါသလော။

(၁၁)ရဟန်းသံဃာတော်များနှင့် တွေ့ဆုံခိုက်တွင်မည်သို့မည်ပုံ မေးမြန်းလျှောက်ထားရမည်ကို မသိနားမလည်သူများအား မိမိကိုယ်တိုင် မေးခွန်းဖန်တီးပြဿနာတင်၍ ဖြေကြားရှင်းလင်းဗဟုသုတပေးနိုင်ပါသလော။

(၁၂)ဗုဒ္ဓဘာသာဝင်တို့က တရားတော်ကို ကျင့်သုံးနေထိုင်ရင်း ဆင်းရဲနေကာ ဘာသာခြားတို့က ဒါနမှု သီလမှုမလုပ်ဆောင်ပါဘဲလျက် ချမ်းသာနေကြသည်ကို (အတိတ်ကံကိုသာ တစ်ခုတည်းသော ညွှန်ပြရာမလုပ်ဘဲ) ဓမ္မဓိဋ္ဌာန်ကျကျ ရှင်းလင်းပြသ၍ ဆင်းရဲလွတ်မြောက်အောင် ကျင့်ကြံအားထုတ်လိုစိတ်များ သွတ်သွင်းပေးနိုင်ပါသလော။

(၁၃)သုတ္တန်ဒေသနာလာ ဇာတ်နိပါတ်တော်များကို အတုယူစရာ စံနမူနာများအဖြစ်သော်လည်းကောင်း၊ဇာတ်လမ်းပမာနားဆင်စရာအဖြစ်သော်လည်းကောင်း အမှန်တကယ်တွင်မူ ထိုဇာတ်လမ်းများကို နာကြားပြီးနောက် မဂ်ဖိုလ်အဆင့်ဆင့်ကို ဆိုက်ရောက်သည်မှာ မရေတွက်နိုင်ပါ။ သိုဖြစ်ပါ၍ ထိုဇာတ်လမ်းများတွင် ကိန်းဝပ်နေသော မဂ်ဖိုလ်အနှစ်သာရများကို ယနေ့ခေတ်တွင်မြင်သာလာအောင် အကျယ်တ၀င့် ရှင်းလင်းပြသနိုင်ပါသလော။

(၁၄)ရဟန်းတော်တို့အား ဆည်းကပ်လှူဒါန်းသဖြင့် မဂ်တရားဖိုလ်တရားကို အလွယ်တကူ ကျင့်သုံးနိုင်၍ အကျိုးများရသောမာတိကာမာတာဒါယိကာမကြီးထုံး နှလုံးမူ၍ မိမိကိုယ်တိုင်လည်း ကျင့်သုံး၊ သူတစ်ပါးကိုလည်း အလွယ်တကူ ကျင့်သုံးတတ်အောင် ညွှန်ကြားပြသပေးနိုင်ပါသလော။

(၁၅)မျိုးစေ့အပေါင်း၏ လျှင်မြန်စွာ ဖွံ့ဖြိုးရာ လယ်ယာမြေကောင်းနှင့်တူသည့် သံဃာတော်အရှင်မြတ်တို့သည် ဒါယကာ၊ဒါယိကာမတို့၏ အကျိုးကျေးဇူးကို အမြင့်မားဆုံးပေးနိုင်သူများပင် ဖြစ်သည့်အားလျော်စွာ ထိုသို့သော အကျိုးကျေးဇူးများလျင်မြန်စွာ ပေါ်ပေါက်လာအောင် ရပ်တည်ပေးနိုင်ပါသလော။


(၃)

မိတ်ဆွေဒကာက သူ့ရဲ့မေးခွန်းကို မေးခွန်းနဲ့ပဲ တုန့်ပြန်လိုက်တာပါ။ အားပါးပါး...လိုအပ်ချက်တွေကလည်းများလှပါပကော။
ရဟန်တော်တွေဆီက ဒါတွေ ဒါတွေကိုတော့ မျှော်လင့်မိပါသတဲ့။
မြင့်မြတ်ဆွေရဲ့ နိဂုံချုပ်စကားလေးပဲ ထပ်ဖြည့်လိုက်ပါရစေတော့။

“ထိုမေးခွန်းများကို အစစ်အမှန်ဖြေဆိုနိုင်ကြမှသာ ညှိုးနွမ်းနေဆဲဖြစ်သော နေရာဒေသ၊ပြိုကျနေသော ဗုဒ္ဓသာသနာ၊ကြွေလုဆဲသော ဓမ္မအသံများသည် အောင်လံတံခွန်လွှင့်ထူနိုင်မည်ဖြစ်ပါသည်။ ယခုထိုမေးခွန်းများကို ဝေငှလိုက်ပြီဖြစ်သည်။ ငါ့ရှင်တို့ကိုယ်တိုင်ဖြေဆိုရမည့်စာမေးပွဲကို ငါ့ရှင်တို့ကိုယ်တိုင်ပင် အမှတ်ပေးရပေလိမ့်မည်။”

5 comments:

tint said...

အဲ
အဲဒါတော့ မနိတ်သေးပါဘုရား
ရဟန်းတော်တပါးဟာ သူတတ်သင့်တဲ့  ပရိယတ္တိတတ်တယ် ။ တတ်အားသမျှ ဟောဖေါ်ရတယ်ဆိုရင်တော်လောက်ပါပြီဘုရား
သူလိုချင်တဲ့  အချက်တွေက
marriage cousellor
Psychotherapist
Counsellor
Lawyer
social adviser
economic advisor
တွေရဲ့  အလုပ်တွေဘဲဟာ ။ အဲဒါတွေ အကုန်မပြောပါနဲ့ ဘုရား တခုဘဲ သေချာ လုပ်တတ်ရင် အနောက်နိုင်ငံတခုခုမှာ ၅နှစ်နဲ့  မီလျံနာဖြစ်ဘို့  သေချာတယ်ဘုရား ။ တရားတော်တွေမှာ အဲဒီအချက်တွေမပါဘူးလို့  ပြောတာမဟုတ်ပါဘုရား ။ အဲဒီအချက်တွေကို တကယ်လူတယောက်စီပေါ်မှာ သုံးတတ်ဘို့ ဆိုတာက နှစ်ဆယ်နဲ့  ချီပြီး လေ့လာ လေ့ကျင့်ပေးပြီး လက်တွေ့ လဲ ဒါဘဲလုပ်နေမှထက်တာဘုရား
marriage cousellor ဆို တခါတွေ့  ၃၀၀ကနေ ၅၀၀ဘဲ ဘုရား ။ စကားပြောတာက နာရီဝက်ရယ် ။

ဥာဏ်လင်းထက် said...

မေးခွန်းတွေကောင်းပါတယ်။ လျှော်ညီစွာဖြေဆိုရရင်ဖြင့် အတော်ခက်ပါဘိ ငါ့ရှင်။ ဆက်သွားရင်ဖြင့် တွေ့ပါလိမ့် လိုရာ လိုရာ. တွေ။

Socretes said...

တပည့်တော်အနေနဲ့  ဆိုရင် ရဟန်းတော်တွေဟာ...အဆိုပါမေးခွန်းတွေထက် ဂန္ဓာရုံဆရာတော်ကြီးရဲ့ ကျောင်းထိုင်ဘုန်းကြီးတစ်ပါး ရှိသင့်တဲ့ဂုဏ်ရည်တွေကပိုပြီး အရေးကြီးတယ်ထင်ပါတယ်ဘုရာ။
တိုင်းခြားမှာ သာသနာပြုတာထက်
ပြည်တွင်းက တိုင်းရင်းသားဒေသတွေမှာ
သာသနာပြုဖို့ အရမ်း လိုအပ်နေတယ်ထင်ပါတယ်ဘုရား။
ပြည်တွင်းငြိမ်းချမ်းရေးကိုတည်ဆောက်ပြီးသားလည်းဖြစ်ဗုဒ္ဓရဲ့ တရားဓမ္မကိုလည်း တိုက်ကျွေးပြီးသားဖြစ်လို့  ဘုန်းတော်ကြီးသင်ပညာရေးကျောင်းတွေ နိုင်ငံနဲ့ တ၀ှမ်းကျေးရွာတိုင်းမှာတည်ထောင်နိုင်ပြီး ရပ်ရွာလူထုကို ပညာရေး၊ စည်းကမ်းနဲ့ စာရိတ္တရေးရာတွေမှာ ဦးဆောင်နိုင်တဲ့ ရဟန်းတော်တွေအဖြစ်ကို ပဲမျှော်လင့်မိပါတယ်ဘုရား...။ အထူးသဖြင့် တိုင်းရင်းသားကလေးငယ်လေးတွေကို စာသင်ပေးကြားခြင်းနဲ့ သာသနာပြုခြင်းကို
ပြုလုပ်နိုင်တဲ့ ရဟန်းတော်တွေ များများထွက်ပေါ်လာနိုင်ပါစေလို့ ဆုတောင်းမိပါတယ် အရှင်ဘုရား။

Socretes said...

ူတိုင်းရင်းသားဒေသတွေမှာ ထိထိရောက်ရောက် သာသနာပြုနိုင်တဲ့ ရဟန်းတော်တွေကိုပဲ လူငယ်တစ်ယောက်အနေနဲ့  မျှော်လင့်ပါတယ်ဘုရား။
အထူးသဖြင့် ဂန္ဓာရုံဆရာတော်ကြီး ဦးဇနကရဲ့ ကျောင်းထိုင်ဘုန်းကြီးတစ်ပါး
ရှိသင့်တဲ့အရည်အချင်းတွေနဲ့ ပြည့်စုံတဲ့ ရဟန်းတော်တွေကိုပိုမျှော်လင့်ပါတယ်ဘုရား။
ကျောင်းစောင့် ဘုရားစောင့် ရေစက်ချလောက်နဲ့ 
တနေကုန်နေကြရတဲ့ရဟန်းတွေထက်
မြန်မာပြည်တ၀ှမ်းက ကျေးရွာတွေမှာ
ပညာရေး၊ စာရိတ္တရေးနဲ့ စည်းကမ်းရေးရာတွေမှာ ဦးဆောင်နိုင်တဲ့ ရဟန်းတော်တွေကို ပိုမျှော်လင့်ပါတယ်ဘုရား

Socretes said...

ူတိုင်းရင်းသားဒေသတွေမှာ ထိထိရောက်ရောက် သာသနာပြုနိုင်တဲ့ ရဟန်းတော်တွေကိုပဲ လူငယ်တစ်ယောက်အနေနဲ့  မျှော်လင့်ပါတယ်ဘုရား။
အထူးသဖြင့် ဂန္ဓာရုံဆရာတော်ကြီးဦးဇနကရဲ
ကျောင်းထိုင်ဘုန်းကြီးတစ်ပါး
ရှိသင့်တဲ့အရည်အချင်းတွေနဲ့ ပြည့်စုံတဲ့ ရဟန်းတော်တွေကိုပိုမျှော်လင့်ပါတယ်ဘုရား။
ကျောင်းစောင့် ဘုရားစောင့် ရေစက်ချလောက်နဲ့ 
တနေကုန်နေကြရတဲ့ရဟန်းတွေထက်
မြန်မာပြည်တ၀ှမ်းက ကျေးရွာတွေမှာ ပညာရေး၊ စာရိတ္တရေးနဲ့ စည်းကမ်းရေးရာတွေမှာ ဦးဆောင်နိုင်တဲ့ ရဟန်းတော်တွေကို ပိုမျှော်လင့်ပါတယ်ဘုရား