မစိုးရိမ်နိဒါန်း

(၁)
မစိုးရိမ်တိုက်သစ်ဆရာတော်ဘုရားကြီး အရှင်ရာဇဓမ္မာဘိဝံသ၏ သက်တော်(၇၅)နှစ်ပြည့်အထိမ်းအမှတ်သြ၀ါဒကထာများ စာအုပ်ကြီးကို ဗာရာဏသီဆောင်းတစ်ည ဖတ်ခွင့်ရခဲ့သည်တွင် မစိုးရိမ်အလွမ်းဆောင်းပါးအချို့ကို ရေးဖြစ်ခဲ့သည်။ အင်တာနက်စာဖတ်ပရိသတ်၏ အားပေးမှုကို ရခဲ့၏။
ဆက်ရေးချင်စရာအတွေးများ အုံကျင်းဖွဲ့နေသည့်တိုင် အခြားအားထုတ်ဖွယ်ကိစ္စများနှင့် ရှုပ်ထွေးကာ ကီးဘုတ်နှင့် မစိုးရိမ်အတွေး ဝေးနေခဲ့ရသည်။

သို့သော် မိတ်ဆွေရဟန်းတော်အချို့က စာအုပ်လေးအဖြစ်ဖန်တီးပေးလျှင် အွန်လိုင်းနှင့် ထိတွေ့ခွင့် မရနိုင်သည့် စာဖတ်ပရိသတ်အတွက် အကျိုးများနုိုင်သည် ဟု သညာပေးကြသဖြင့် လွန်ခဲ့သောနှစ်က ကျောင်းဒကာလှသီတာမိသားစု၏ မတည်အလှူငွေနှင့် မိတ်ဆွေရဟန်းတော်အရှင်ညာဏိန္ဒ(ထေရ၀ါဒတက္ကသိုလ်)၏ စီမံမှုဖြင့် ဘုတ်အုပ်ပါးပါးလေးအဖြစ် ထုတ်ဝေခဲ့ဖူးသည်။

စာဖတ်သူများလက်ထဲ စာအုပ်လေး၏ စီးပျံ့နှုန်းမည်မျှ ရှိသည်မသိရသော်လည်း အကြည်နူးရဆုံးဆုလဒ်တစ်ခုအဖြစ် ဆောင်းပါးများ၏ အဓိကပုဂ္ဂိုလ်ကျေးဇူးရှင်မစိုးရိမ်တိုက်သစ်ဆရာတော်ကြီးအား
ထိုစာအုပ်လေးကို ဆက်ကပ်ခွင့်ရခဲ့ခြင်းဖြစ်သည်။

အံ့သြဖွယ်ကောင်းစွာ ဆရာတော်ကြီးက မူရင်းဆောင်းပါးများကို (တပည့်ဥပါသိကာတစ်ဦးက ဒေါင်းလုဒ် (Download)ဆွဲဆက်ကပ်သဖြင့် )ဖတ်ရှုပြီးဖြစ်နေခြင်းပင်..။ ခေတ်မီတော်မူပါပေစွ..။
လွန်ခဲ့သောနှစ်က ဆရာတော်ဘုရားကြီးကို ၀င်ရောက်ဂါရ၀ပြုမိချိန် ''မင်းလားကွ ဓမ္မဂင်္ဂါ'' ဟူသော နှုတ်ခွန်းဆက်စကားတော်သည်လည်း
လွန်မင်းစွာ ချီးမြှောက်လိုက်ခြင်းဟု ဂုဏ်ယူပီတိဖြစ်ရပါသည်။

(၂)
မစိုးရိမ်အ၀န်းအ၀ို်င်းက မြတ်နိုးစရာကောင်းပါသည်။ လွတ်လပ်စွာ ပညာသင်ကြားလိုသော စာသင်သားရှင်ပျိုရဟန်းပျိုများအတွက် အနှောင်အဖွဲ့ကင်းလှသော ရိုးရာစာသင်တိုက်ကြီးတစ်တိုက်ဖြစ်သည်။ အရည်အချင်းကိုသာ ထက်အောင်သွေးနိုင်လျင်
ထိုက်သူယူစေ စနစ်ကို အတိအကျကျင့်သုံးသောကြောင့် အနာဂတ်သေသေချာချာရှိသောအဖွဲ့အစည်းတစ်ရပ်အဖြစ်လည်း ကိုးစားနိုင်ပါသည်။
ရာစုသစ်စီးကြောင်းထဲ နောက်ကျမကျန်ရစ်ဖို့  စနစ်သစ်ပရိယတ်ပညာရေးစီမံကိန်းများကို စမ်းသပ်မိတ်ဆက်ပေးနေပြီ ဟု သိရသည့်အတွက် သာသနာ့ခံတပ်ကြီးအဖြစ်သာမက ရှေ့တန်းချီသာသနာ့တပ်တော်ကြီးအဖြစ်လည်း အားတက်စရာမြင်တွေ့ရပြန်ပါသည်။

ဤစာစုများကို ရေးဖြစ်ခဲ့ခြင်း၏ အဓိကအကြောင်းတရားသည် မစိုးရိမ်ပရိဝုဏ်အတွင်း နှစ်ပေါင်းရာချီကြာအောင် ကျင့်သုံးအောင်မြင်ခဲ့ပြီးသည့် မစိုးရိမ်ဆရာတော်ဘုရားကြီး ဦးသူရိယချမှတ်လမ်းပြတော်မူခဲ့သည့် ထပ်တူနေရာပေးတတ်ခြင်းသမာနတ္တတာသင်္ဂဟတရားမြတ်ကို ပူဇော်လိုခြင်းပင်ဖြစ်ပါသည်။

ယနေ့သာသနာ့နယ်ပယ်တွင် ပရိယတ်ဖြစ်စေ၊ ပဋိပတ်ဖြစ်စေ ကျော်ဇောထင်ရှားသည့်
ဆရာတော်ကြီးများ မျက်ကွယ်ပြုသွားသည်နှင့် ရုတ်တရက်ပြိုကျပျက်စီးသွားသောကျောင်းတော်ကြီးအချို့ကို နှမျောဖွယ်ရာ မြင်တွေ့ ကြားသိကာ သံဝေဂယူဖူးကြပါလိမ့်မည်။ ဆရာတော်ကြီးများက သက်ရှိထင်ရှားကာလတွင် ပုခုံးအနားထား အားကိုးရလောက်သည့် ဆက်ခံသူကို မရွေးချယ်ခဲ့ခြင်း (သို့မဟုတ်)အရွေးချယ်ခံပုဂ္ဂိုလ် မမွေးမြူနိုင်ခဲ့ခြင်း ချို့တဲ့ခဲ့သည်မှာ ထင်ရှားလှသည်။ မစိုးရိမ်တွင် ထိုကဲ့သုို့သော အားနည်းချက်မရှိပါ။
အရည်အသွေးရှိအောင် မွေးမြူကာ နေရာပေးအပ်ရန် ဖွဲ့စည်းပုံအခြေခံဥပဒေဖြစ်သည့် ကတိက၀တ်စာတမ်းကြီး ခိုင်ခိုင်မာမာရေးဆွဲထားလေသည်။ ပုဂ္ဂိုလ်ရေးခင်မင်မှု၊ဆွေမျိုးသံယောဇဉ်စသောအရာများကြောင့် နေရာပေးခြင်းက အဖွဲ့အစည်း၊ဂုိုဏ်းဂဏနှင့် နိုင်ငံအုပ်ချုပ်ရေးများကို အဓိက ဆွေးမြေ့ကြေမွသွားစေနိုင်သည့် သံချေးတက်လွယ်သော အရာအစစ်ဖြစ်သည်။
မစိုးရိမ်သည် သံချေးမတက်သေး…။

(၃)
မကြာမီမှာ မစိုးရိမ်တိုက်သစ်ဆရာတော်ဘုရားကြီး သက်တော်(၈၀)ပြည့်တော်မည်။
နှစ်ပေါင်းများစွာ ပရိယတ္တိစာပေသီလကို ဖြည့်ကျင့်တော်မူခဲ့သည့် ဆရာတော်ကြီးအား ထောင်ပေါင်းများစွာသော တပည့်များက ထိုက်တန်သောဂုဏ်ပြုခြင်းဖြင့် ပူဇော်ကြလေမည်။ ဆရာမြတ်၏ ခြေမှုန်ကို အတူနမ်းရှိုက်ခဲ့ကြဖူးသူ တပည့်ဟောင်းတပည်သစ်များ ပြန်ဆုံကြမည့် ညနေကိုပင် သတ်မှတ်ခဲ့ကြပြီ။
ထိုသို့သော ညနေဆီ စိတ်စောနေခဲ့၏။ ငယ်မူငယ်သွေးနေ့ရက်များအကြောင်း မိတ်ဆွေရဟန်းတော်များနှင့် အထွေထွေသာကစ္ဆာဖြစ်ကြဦးမည် ထင်ပါသည်။

ထိုသို့သော ညနေအတွက် အမှတ်တရအဖြစ် မစိုးရိမ်အလွမ်းစာစုလေးများကို စာအုပ်အဖြစ် ဝေငှချင်သည်။
သို့ဖြင် ဤဘုတ်အုပ်ငယ်လေးကို စီစဉ်ဖြစ်ပါသည်။
သြစတေးလျနိုင်ငံ၊ဆစ်ဒနီမြို့တော်မှ ဥပါသိကာဒေါ်သီတာဆွေက စာအုပ်ရေ(၄၀၀၀)ရုိုက်နှိပ်လှူဒါန်းရန် ကုသိုလ်တာဝန်ယူမည်ဖြစ်၍ စိတ်လက်ပေါ့ပါးစရာကောင်းလှသည်။

နေရီရီစာအုပ်တိုက်ပိုင်ရှင် ဒေါ်နီနီနိုင်ကတော့ လေးမြတ်ဖွယ်ကောင်းလှသည့် မစိုးရိမ်သာသနာ့အရေးအရာများကို အများသူငါ ကြည်ညိုခွင့်ရအောင် ဖြန့်ချီခွင့်ပေးဖို့ လျှောက်ထားပြန်ပါသည်။
စာရေးဆရာတစ်ဦးအနေဖြင့် ကိုယ့်ရေးထားသည့်စာပေလက်ရာကို များများဖတ်လေ..များများကြိုက်လေဥပါဒါန်ပိုးက ကုိုက်တတ်လေသမို့ ကန့်ကွက်ဖွယ်အကြောင်းမမြင်။

ဤစာအုပ်ငယ်လေးနှင့် ပတ်သက်၍
မစိုးရိမ်အလွမ်းစာစုများရေးသားရန် အကြံပေါက်စေသော  
မစိုးရိမ်တိုက်သစ်ဆရာတော်ဘုရားကြီး၏ စိန်ရတုသြ၀ါဒကထာများဘုတ်အုပ်ထူထူကြီးကို ဖန်တီးပုံဖော်ခဲ့သည့် မစိုးရိမ်တိုက်သစ်နာယကဆရာတော်အရှင်က၀ိန္ဒာဘိဝံသအား မှတ်တမ်းတင်အပ်ပါကြောင်းနှင့် မစိုးရိမ်တိုက်သစ်တွင် ပညာသင်ကြားခွင့်ရစေရန် စီမံအပ်နှံပေးခဲ့ရုံသာမက အစစအရာရာစောင့်ရှောက်တော်မူခဲ့သည့် ကျေးဇူးရှင်ဆရာမြတ် အရှင်ဇနက(ကြာပို့ရွာ၊ခင်ဦးမြို့နယ်၊စစ်ကိုင်းတိုင်းဒေသကြီး)အား
 လေးမြတ်စွာ ဂါရ၀ပြုလိုက်ပါကြောင်း...။

ဓမ္မဂင်္ဂါ
@အရှင်ဝိစိတ္တသာရ
ဧည့်ပါမောက္ခ
ပါဠိစာပေဌာန
ဗဟိုတိဘက်လေ့လာရေးတက္ကသုိုလ်
ဗာရာဏသီမြို့၊အိန္ဒိယနိုင်ငံ
(စာအုပ်မိတ်ဆက်နိဒါန်း..... )

ဗြဟ္မစိုရ်လက်သီးချက်များ

(၁)
သူ့ဘ၀မှာ လက်သီးတွေ အများကြီးမဖြတ်သန်းဖူးပါ..။
ငယ်စဉ်ကျောင်းသားကိုရင်ပေါက်စလေးဘ၀က ကျောင်းသားကြီး ကိုရင်ကြီးများ၏့  ကြီးနိုင်ငယ်ညှင်းလက်သီးအချို့ကို စပ်ဖျင်းဖျင်းခံစားခဲ့ဖူးသော်လည်း ယခုအချိန်မှာတော့ မှတ်မှတ်ရရနာကျင်မှုရယ်လို့ မထင်ကျန်တော့..။ ထို့နောက် ရုပ်ရှင်ပိတ်သားပြင်ပေါ်က ဘရုစ်လီ၏ ဒေါသလက်သီး၊ လက်ဝှေ့ကြိုးဝိုင်းထဲက မိုဟာမက်အလီ၏ အံ့ဘနန်းလက်သီး...။ မိုက်တိုင်စံ၏ သံမဏိလက်သီး.....။ တရုတ်သိုင်းဝတ္ထုများကို ဖတ်မိချိန်မှာတော့ မဟာအတွင်းအားလက်သီး...။
ထို့သို့လျှင် အနုပညာလက်သီး၊ကိုယ်ခံပညာလက်သီးနှင့် စိတ်ကူးယဉ်လက်သီးများ...။

မင်းတုန်းမင်းကြီးနှင့် ငါးခြောက်ပြားအကြောင်း ဖတ်ရသည့်အခါ သူ့ဘ၀တစ်လျှောက်လုံး အသိဥာဏ်မျက်လုံးမီးပွင့်များ မကြာခဏ
ဖျပ်ကနဲ ဖျပ်ကနဲ လင်းသွားစေလေ့ရှိသော ဗြဟ္မစိုရ်လက်သီးချက်များကို သတိရနေတတ်ပါသည်။
မင်းတုန်းမင်းကြီးကတော့ သိုမှီးသိမ်းဆည်းရန် တာဝန်ပေးထားသည့် ငါးခြောက်ပြားပျောက်ဆုံးမှုကြောင့် ဆရာဘုန်းတော်ကြီး၏ ကျောပြင် ဗျောတင်အပြစ်ပေးမှု ကြိမ်လုံးဝင့်သံတရွှမ်းရွှမ်းအောက်တွင် အလူးလူးအလဲလဲ...။
 နိုင်ငံ့ဥသျှောင်ဘုရင်မင်းမြတ်အဖြစ်သို့  ရောက်သည့်တိုင် ကျောပြင်ပေါ်က ကြိမ်လုံးအရှိုးရာများက ထင်းထင်းကြီးကျန်နေသေးသည်..တဲ့..။ တတိယမြန်မာနိုင်ငံတော်၏ နောက်ဆုံးထွက်သက်ကာလတွင် နယ်ချဲ့ ဗြိတိသျှတို့နှင့်  မတိုးမဆုတ်သာလှသော စစ်ရေး၊သံတမန်ရေး စသည်များသာမက ရှုပ်ထွေးပွေလီလှသော နန်းတွင်းအရေးအရာများကိုပါ ဆရာဘုန်းတော်ကြီး၏ ကြိမ်လုံးဝင့်သံများကပေးသော သင်ခန်းစာဖြင့် ကျော်လွှားနိုင်ခဲ့သည်မှာ ထင်ရှားလှပါသည်။ 
သူကိုယ်တိုင်ကရော.....။
ယခုနှစ်ဆောင်းတစ်ရွာ၊နှင်းတစ်မြို့ရာသီတွင် သက်တော်(၈၀)ပြည့်တော်မူမည့်  မစိုးရိမ်တိုက်သစ်ဆရာတော်ကြီး၏ ဗြဟ္မစိုရ်လက်သီးချက်များက ဘ၀နှိုးစက်သံများအဖြစ် လိုက်လံစောင့်ရှောက်နေသလို ခံစားရမြဲဖြစ်ပါသည်။ ငယ်စဉ်က စာသင်ဘက်သီတင်းသုံးဖော်များရှေ့တွင် မျက်နှာပျက်စရာကောင်းသည် ဟု ထင်မှတ်ခဲ့မိသော်လည်း
ယခုသူကိုယ်တိုင်ဆရာဘ၀ရောက်ချိန်မှာတော့ ဆရာတော်ကြီး၏ လက်သီးချက်များတွင် ဗြဟ္မစိုရ်ရနံ့ကို ရှိုက်မိကာ
ထိုလက်သီးချက်များကိုပင် တမ်းတဂုဏ်ယူနေမိပြန်တော့သည်။
အော် ဗြဟ္မစိုရ်လက်သီးချက်များ...။

သူသည် များသောအားဖြင့် အချိုးပြေလှသော စာသင်သားငယ်တစ်ပါးမဟုတ်ခဲ့..။ ထောင့်မကျိုးလှသော အမူအရာ၊ အသွင်အပြင်စရိုက်ကို ပိုင်ဆိုင်ကာ
ပိပြားရိုးစင်းစွာ ကျင့်သုံးနေထိုင်ရလေမည့် လောကုတ္တရာပတ်ဝန်းကျင်တွင် တစ်ခုမဟုတ်တစ်ခုတော့ မှားနေတတ်ခဲ့သည်။
မိတ်ဆွေများထံ အစောပိုင်းရေးသားခဲ့သော ပေးစာများတွင် အမှားများစွာဖြင့် ဟု သူကိုယ်တိုင်က ကျေနပ်စွာ လက်မှတ်ထိုးခဲ့သည်။
ဘယ်လောက်များ ကြောင်လိုက်တဲ့ မောင်ရှင်ငတိလေးပါလဲ.။
မည်သို့ဆိုစေ အမှားနည်းနိုင်သမျှ နည်းစွာ ၀ိနည်းစည်းကမ်းများ၏ ပဲ့ပြင်မှုကို လိုက်နာတတ်သော အချွန်အမွန်သာသနာ့ဝန်ထမ်းရှင်ရဟန်းတစ်ပါးဖြစ်လာစေရန် ဆရာမြတ်အဆူဆူတို့ကတော့ နည်းလမ်းအသွယ်သွယ်ဖြင့် ထိန်းကျောင်းပေးခဲ့ကြသည်သာ..။

ထိုပဲ့ထိန်းပုဂ္ဂိုလ်မြတ်တို့တွင် မစိုးရိမ်တိုက်သစ်ဆရာတော်ကြီးကတော့ ခပ်စပ်စပ်သြ၀ါဒ၊ သို့မဟုတ် ထိထိမိမိလက်သီး..သို့မဟုတ် စူးစူးအောင့်အောင့်ဖနောင့်တို့ဖြင့် လမ်းကြောင်းတည့်မတ်ပေးတတ်မြဲဖြစ်ပါသည်။ အမေရိကားတွင် နေထိုင်သီတင်းသုံးနေသည့် စာဆိုတော်ရဟန်းတစ်ပါးဖြစ်သူ အရှင်ဥာဏိကာဘိဝံသကတော့ ဆရာတော်ကြီး၏ ဖနောင့်ကို လွမ်းစွာ ရွှေဖနောင့်ပိုင်ရှင် ဟူသော အက်ဆေးတစ်ပုဒ်ဖြင့် မစိုးရိမ်အတိတ်ဆီ ပြန်ပြေးဝင်လာတာ မြင်လိုက်ရသည်။

သူအတွက်ကတော့  လက်သီးမှ တကယ့်လက်သီး...။
ထိချက်မှန်လှသော ၊ စူးစူးနစ်နစ် ရှိလှသော ဗြဟ္မစိုရ်လက်သီးချက်များ..။



(၂)

၁၉၈၈ ခုနှစ် ၀ါဆိုဦးကာလတွင် သူက မစိုးရိမ်တိုက်သစ်၏ နာရီသံချောင်းခေါက်သံနှင့် မန္တလေး၏ နံနက်စောစောဘုံလောင်းဆွမ်းခံချိန်များဆီ ခိုလှုံနေခဲ့သည်။ အသက်(၁၄)နှစ်...။ပရိယတ္တိသာသနဟိတသာသနာလင်္ကာရသာမဏေကျော်ဖြစ်ရေး အိပ်မက်လမ်းဖောက်ကာ ပိဋကတ်စာအုပ်ထူထူကြီးများကို ထမ်း၊ သင်ရိုးအဆန်းများကို ကျက်မှတ်ပျော်ရွှင်နေခဲ့ပါလေသည်။
သို့သော် ထိုအိပ်မက်က မလုံခြုံခဲ့ပါ..။ ဆိုရှယ်လစ်မိုးသားတိမ်လိပ်များ ပြိုဆင်းကျလာသည်။ သွေးမြစ်ကြီးက မျက်ရည်ပင်လယ်အဖြစ် စီးဆင်းလာခဲ့သည်။ ပြည်သူတို့၏ ငိုရှိုက်သံများက ကျောင်းကန်ဝိဟာပရိဝုဏ်နံရံအတွင်းရှိ စာချစာသင်ရှင်ရဟန်းမြတ်တို့၏ စာအံကျောင်းများဆီ ပဲ့တင်လာခဲ့သည်။
ထိုနှစ်က ဒီမုိုကရေစီ ဆိုသော စကားလုံးအသစ်ကို သူ  ကြားနာခဲ့ရသည်။

 လောကီမပွားစီးဘဲ လောကုတ္တရာမတည်နိုင်...။ လောကီမငြိမ်းချမ်းတော့လျှင် လောကုတ္တရာလည်း နွမ်းပါးသွေ့ခြောက်ရမြဲပင်ဖြစ်တော့သည်။ ပြည်သူနှင့် ရှင်ရဟန်းတို့ကြားတွင် ပါးလျသော်လည်း မာကျောခိုင်ခံ့သည့် သာသနာဟူသောဓမ္မကြိုးမျှင်တစ်ချောင်းက နှလုံးသားချင်း..။ ဝေဒနာက္ခန္ဓာချင်း မြဲမြံအောင် ချိတ်ဆက်ထားလေသည်။

ပြည်သူ့အသံကို အမြဲနားစွင့်လေ့ရှိကာ ပြည်သူ့ဒုက္ခကို စာနာတော်မူလေ့ရှိသော ဆရာတော်ကြီးများ ဦးဆောင်သည့် မစိုးရိမ်သည် ပြည်သူများနှင့် သွေးအမျိုးအစား၊ဝေဒနာအမျိုးအစား တူမျှကြောင်း ပြသခဲ့လေသည်။ သံဃာတော်များ နေပူကြဲကြဲ လမ်းမများပေါ် ပြည်သူများနှင့် တစ်သွေးတစ်သားတည်း ရောနှောသွားသည်။
သို့နှင့် ပရိယတ္တိစာသင်ခန်းများ ယာယီပိတ်ထားရတော့သည်။( သို့သော် လုံးဝပိတ်လိုက်သည်တော့ မဟုတ်ပေ။
အရေးပေါ်ကိစ္စများ မရှိလျင် စာအံစာကျက်ခြင်းကိုတော့ အားထုတ်ကြရသည်။ )
အုပ်ချုပ်ရေးယန္တရာများ ပြိုလဲကျနေပြီဖြစ်သော မန္တလေးမြို့ပြတွင် ပြည်သူတို့၏ အသက်အိုးအိမ်ကို အခြားကျောင်းတိုက်မှ သံဃာတော်များနှင့် ညီညွတ်တိုင်ပင်ကာ တရားဓမ္မလက်နက်ဖြင့် ကာကွယ်ပေးခဲ့ရလေသည်။ လေးပြင်လေးရပ်သံဃာတော်များက မန္တလေးမြို့တော်ကြီးကို နေ့နေ့ညည စောင့်ရှောက်ပေးခဲ့ကြပါသည်။
ထို့ကြောင့်ပင် မန္တလေးသည် ပင်ကိုယ်ဥပဓိမပျက်ဘဲ သံဃာ့အရိပ်ဖြင့် ရှစ်လေးလုံးကာလကြီးကို ဖြတ်သန်းနိုင်ခဲ့သည်။
သို့သော် ရုတ်ရုတ်သဲသဲကာလကြီးတွင် လုံခြုံရေးသတိရှိစွာ အချက်ပြသံချောင်းခေါက်သံများဖြင့် အမှတ်သညာထားရှိရပါသည်။
သံချောင်းခေါက်သံကြားသည်နှင့် သံဃာတော်များ စုဝေးရောက်လာကာ ပြဿနာအရပ်ရပ်ကို တိုင်ပင်ညှိနှိုင်းဖြေရှင်းတော်မူကြရမြဲဖြစ်သည်။


ထိုနှစ်က သူသည် မစိုးရိမ်တိုက်သစ်ဝင်ပေါက်ရှိ ဓမ္မသီတဂူကျောင်းဆောင်(အပေါ်ဆုံးထပ်)တွင် ကျောတစ်ခင်းစာ နေရာတစ်ခု ရပါသည်။
ဆရာတော်အရှင်ရာဇဓမ္မာဘိဝံသက အလယ်ထပ်ရှိ အခန်းလေးတွင် သီတင်းသုံးလျက်ရှိပါသည်။ ထိုစဉ်က သီတဂူဆွမ်းစားကျောင်းဆောင်မပြီးသေးသည့်အတွက်  သီတဂူကျောင်းစာသင်သားသံဃာတော်များ၏ သပိတ်စင်ကို အပေါ်ဆုံးအထပ်၏ လှေကားထိပ်တွင် ထားရှိပါသည်။ စာသင်သားသံဃာနှင့်
သပိတ်စင်က မျှတမှုမရှိ၍ သပိတ်စင်အဆင့်တိုင်းတွင် နံပါတ်ရေးထိုးထားကာ
စီနီယာစာသင်သားများ၏ သပိတ်များကို ပထမဦးစားပေးထားခွင့်ပြုပါသည်။ ကျန်သည့် နေရာလွတ်တွင် ဂျူနီယာစာသင်သားတို့၏ သပိတ်များ ထားကြရသည်။
သူ့လို ကိုရင်ချာတိတ်လေးများ၏ သပိတ်ကိုတော့ သပိတ်စင်၏ ခေါင်မိုးပေါ်တွင် ၀ါရင့်စာသင်သားရဟန်းတော်ကြီးများက တင်ပေးကြသည်။ အကန့်မရှိ..။ နေရာမရှိ..။ သပိတ်ပြန်ချလျင်လည်း ထိုရဟန်းတော်ကြီးများ၏ အကူအညီမပါဘဲ ချဖို့ မလွယ်...။ သပိတ်စင်က အမြင့်ကြီး...။

(မစိုးရိမ်တိုက်သစ်၏ ကျောင်းဒကာကျောင်းဒကာမများက သံဃာတော်များ နေထုိုင်ရန် ကျောင်းဆောင်ဆောက်လုပ်လှူဒါန်းသည့်အခါ ဆွမ်းစားဆောင်ကိုလည်း ပူးတွဲ ဆောက်လှူမြဲဖြစ်ပါသည်။ ထိုအချိန်က မိမိတို့ သက်ဆိုင်ရာကျောင်းများ၏ ဆွမ်းစားဆောင်တွင် သပိတ်စင်နှင့် ဆွမ်းစားစားပွဲများ စီစဉ်ထားလေ့ရှိကာ သီခြားဆွမ်းဘုန်းပေးကြရပါသည်။  ယခုလို ကျောင်းတိုက်ကြီိးတစ်ခုလုံးသီတင်းသုံးနေကြသော သံဃာတော်အပါးသုံးထောင်ခန့် စုပေါင်းဆွမ်းဘုန်းပေးနိုင်သည့် ဓမ္မမဟိဒ္ဓိကျောင်းဆောင်ကြီးမဆောက်ရသေးပါ။)

ရှစ်လေးလုံးအရေးအခင်းကာလကြီးက နေ့နေ့ညည လှုပ်လှုပ်ခတ်ခတ်ရှိလှသည်။ ကြွပ်ဆတ်ဆတ်နိုင်လှသော အခြေအနေအရပ်ရပ်ကို
မစိုးရိမ်တိုက်သစ်မဟာနာယကဆရာတော်ကြီးများက ထိန်းသိမ်းတော်မူနေကြရသည်။
ငယ်ရွယ်တက်ကြွသော မတစ်ထောင်သား ရှင်ငယ်၊ရဟန်းငယ်တို့ ၏ စိတ်ဓါတ်ရေးရာနိုးကြားမှုကို လမ်းကြောင်းမလွဲအောင် စောင့်ကြည့်ကြပ်မတ်နေရသည့် အချိန်လည်းဖြစ်သည်။
အထိန်းအသိမ်းမတတ်လျင် ပေါက်ကွဲသွားနိုင်သည်ကို ဆရာတော်အရှင်ရာဇဓမ္မာဘိဝံသက သတိရှိနေခဲ့ပါသည်။ သို့အတွက် သီတင်းသုံးနေကျ ဓမ္မဒါယာဒကျောင်းဆောင်မှ ကျောင်းတိုက်ကြီးတစ်ခုလုံး၏ အ၀င်အထွက်ကို စောင့်ကြည့်ထိန်းသိမ်းနိုင်မည့် ဓမ္မသီတဂူကျောင်းဆောင်တွင် ယာယီသီတင်းသုံးတော်မူလျက်ရှိပါသည်။

တစ်ညသ (၁၀ ) နာရီခန့်အချိန် နောက်တစ်ရက်ဥပုသ်နေ့နံနက် ဘုံလောင်းဆွမ်းတိုးရန်အတွက်  သူက စိတ်စောစွာ သပိတ်ပြင်ထားဖို့ ၀ီရိယပိုမိသည်။
သပိတ်စင်ခေါင်မိုးပေါ်က သပိတ်ကို ကိုယ့်အားကိုယ်ကိုးကာ တက်ယူမိလေသည်။  ကံဆိုးချင်တော့ သူ့သပိတ်အနားတွင် နို့ မှုန့်ခြောက်ဗူးကြီးတစ်လုံး ရှိနေခဲ့သည်။
သပိတ်ကို မမှီမကမ်း လှမ်းဆွဲလိုက်သည်နှင့် နိုမှုန်ခြောက်ဗူးကြီးက ပြုတ်ကျလာတော့သည်။
သူ အသက်ရှူရပ်သွားမလား အောင့်မေ့ရအောင် ထိပ်ပြာသွားသည်။ သွားပြီ...။
 နို့မှုန့်ခြောက်ဗူးကြီးက သပိတ်စင်ပေါ်မှ လှေကားထိပ်ကွန်ကရိကြမ်းခင်းပေါ်သို့  ဂလွမ် သံ ကျယ်လောင်စွာ ပေးပြီးသည်နှင့်
သီတဂူကျောင်းဆောင်သုံးလွှာလှေကားထစ်များမှ တဆင့် ဂလွမ် ဂလွမ် ဂလွမ်သံများအဆက်မပြတ်မြည်ဟည်းလိမ့်ဆင်းသွားကာ
တိတ်ဆိတ်နေသော စာသင်သားသံဃာတော်များ၏ အိပ်ရာဝင်ညချမ်းကို လှုပ်နိုးလိုက်သည်။  အချက်ပြသံချောင်းခေါက်သံကြားရသည့်ပမာ
အိပ်စက်ရန်ပြင်ဆင်နေကြပြီဖြစ်သော စာသင်သားသံဃာတော်များ ကျောင်းဆောင်အသီးသီး၏ အပြင်သို့ ထွက်လာကြသည်။

ထိုနို့ခြောက်ဗူးကြီးက ဒုတိယအလွှာရှိ ဆရာတော်၏ အခန်းရှေ့ကြမ်းပြင်ပေါ်တွင် ရပ်တံသွားလေသည်။ တတိယအလွှာမှ စာသင်သားရဟန်းသာမဏေများလည်း ခြေမကိုင်မိ၊ လက်မကိုင်မိ..။ အားလုံး၏ အကြည့်စူးစူးများက တရားခံဖြစ်သော သူ့ထံမှာ....။ သူ့ရင်ထဲတွင် ထိုအခိုက်အတံ့ကာလလေးမှာပင် ကမ္ဘာဖျက်မိုးကြီးရွာ၊ ကမ္ဘာဖျက်မီးကြီးလောင်၊ ကမ္ဘာဖျက်လေကြီး တိုက်ခတ်နေတော့သည်။ မှောင်အတိကျလျက်..။ ခြေလှမ်းတို့လည်း မရွေ့..။ ပြေးစရာလည်း မြေမရှိ...။
ထိုအချိန်မှာပင် ဆရာတော် တက်လာတော့သည်။
ဘယ်နွားတုန်း...။
တရားခံက ရှာစရာမလိုပါ..။ လှေကားထိပ်တွင် သပိတ်ပိုက်ကာ ကြောင်အ အ ရပ်နေသော သူ့ကို တွေ့သွားသည်။
ခွပ် ကနဲ မြည်သံစွဲအလင်္ကာသည် သူ့ မျက်လုံးတွင် နာကျင်လင်းပွင့်သွား၏။
ဒီနွားက မနက်မှ လုပ်ရင် ရသားနဲ့....။
လက်သီးတစ်ချက်နှင့် စကားတစ်ခွန်း.....။ ဒီမျှသာ ...။
ပြဿနာကို ပုံကြီးမချဲ့တတ်သော ဆရာတော်၏ ဆုံးမနည်းနာကို ယခုတွေးကြည့်တော့ အလွန်လှပသေသပ်လှသည်ကို ကြည်ညိုဖွယ်ရာမြင်ရသည်။
ဘာမှမဟုတ်ဘူး...ကိုယ့်နေရာကိုယ်ပြန်အိပ်ကြ....။
သံဃာတော်များ ကျောင်းဆောင်အသီးသီးသို့  ငြိမ်ဆိတ်စွာ ပြန်လည်ဝင်ရောက်ကျိန်းစက်သွားကြသည်။
အော် ကျေးဇူးကြီးမားလှသော ဗြဟ္မစိုရ်လက်သီး...။


(၃)
ရှစ်လေးလုံးအရေးတော်ပုံကြီး၏  အညွန့်ကို ချိုးလိုက်သည့်နှယ် စစ်အုပ်ချုပ်ရေးအောက်သို့ မန္တလေးမြို့ကြီး ပြားပြားဝပ်ကျရောက်သွားသည်။
စစ်မြေပြင်ကြီးသဖွယ် မြို့လုံးအနှံ့ စစ်သားများ၊ စစ်ယန္တရားများဖြင့် ဖုံးလွှမ်းနေတော့သည်။ သူ့ဘ၀တွင် သည်လို ထူထပ်များပြားသော စစ်အရောင်အသွေးကို ပထမဆုံးမြင်ဖူးခြင်းဖြစ်သည်။ မစိုးရိမ်တိုက်သစ်ကျောင်းပရိဝုဏ်၏ တံတိုင်းအပြင်ဘက်တွင် ရုပ်ရှင်မြင်ကွင်းထဲမှ ရန်သူ့စခန်းသိမ်းတိုက်ပွဲဆင်နေကြဟန် စစ်သားများ တရွေ့ရွေ့ချဉ်းကပ်နေကြသည်ကို သီတဂူကျောင်းဆောင်အပေါ်ထပ်မှ လှမ်းမြင်နေရသည်။ ကျောင်းတိုက်ကြီး၏ မလှမ်းမကမ်းမှ အသံချဲ့စက်ဖြင့် မခုခံကြဖို့  သတိပေးကြေငြာချက်များ ဖတ်ကြားနေသည်ကို မကြာခဏကြားနေရသည်။ ထိုအချိန် ဆရာတော့်သြ၀ါဒက ကိုယ့်အလုပ် ကိုယ်လုပ်ကြ...။

သံဃာတော်များကတော့ မိမိတို့ နေ့စဉ်တာဝန်ကိုသာ ပုံမှန်မပျက်ဆောင်ရွက်နေကြသည်။ စစ်သားများ ထူထူထပ်ထပ်ဝိုင်းရံပတ်ထားသော လမ်းများကို ဖြတ်ကာ ဆွမ်းခံကြွမြဲကြွနေကြသည်။ အစစ်အဆေး အတားအဆီများကတော့ မြို့လုံးအနှံ့သံဃာတော်များ ကြုံတွေ့နေရသည်။ အရေးအခင်းကာလသပိတ်စခန်းဦးဆောင်ခဲ့ကြသူများကို ရှာဖွေဖမ်းဆီးနေကြပြီ။ ကျောင်းတိုက်ကြီးများကိုလည်း ၀င်ရောက်ရှာဖွေကြတော့မည် ဟု သတင်းထွက်နေပြီ။ နေ့နေ့ ညည ဘယ်တော့ ၀င်မည်မသိ..။
ရပ်ရွာက မိဘဆွေမျိုးများကလည်း စိတ်ပူနေကြရော့မည်။ သို့နှင့် မစိုးရိမ်တိုက်သစ်အပါအ၀င် စာသင်တိုက်ကြီးများက
စာသင်သားသံဃာတော်များ မိမိတို့ ရပ်ရွာသို့ ပြန်လိုက ပြန်ကြရန် ခွင့်ပေးတော်မူခဲ့ကြသည်။

မန္တလေးမြို့ရှိ စာသင်သားသံဃာတော်များ ရပ်ရွာသို့  တရုန်းရုန်းပြန်ကြလေပြီ။ရထားလမ်းများ ပိတ်ထားသဖြင့် ကားဖြင့်သာ ပြန်ကြရမည်။ ကားခတွေက ဈေးကြီးနေပြီ။ သူ့လက်ထဲတွင် ဘတ်စ်ကားစီးဖို့ ဖွတ်ကလိဒင်္ဂါးက မရှိ..။ ဆိုရလျင် သူ့ကို ခေါ်လာသော ဆရာ့လက်ထဲမှာလည်း မရှိ..။ အခြားစာသင်သားများ သိမ်းဆည်းထုပ်ပိုးနေချိန်မှာ သူတို့ အဖွဲ့ (ဆရာ၊ဆရာ့ညီကိုရင်နှင့် သူ)က ငြိမ်ကုပ်နေကြရသည်။ အိမ်လွမ်းဂါထာရွတ်ပွားခွင့် မရှိ..။ စာသင်သားသံဃာတော် ရာနှင့်ချီသီတင်းသုံးနိုင်သည့် ဓမ္မသီတဂူကျောင်းဆောင်ကြီးတစ်ခုလုံးတွင် သူတို့နှင့် ဘ၀တူ လက်ကျန် (၁၅)ပါးမျှသာ ယောင်ချာချာ..။ အပေါ်ဆုံးထပ်မှာ ငါးပါးမျှသာ..။

စာအံသံ၊ စာပို့ချသံတို့  ဖြင့် အသံမစဲခဲ့သော မစိုးရိမ်တိုက်သစ်ကြီးသည် တဒင်္ဂငြိမ်ဆိတ်နေသလုို ဆွမ်းခံကိုယ်တော်များဖြင့် ဥဒဟိုစည်ကားလှသော စိန်ပန်းရပ်ကြီး၏ နံနက်ခင်းများသည်လည်း သာသနာရောင်ပါးလျကာ ခြောက်ကပ်နေတော့သည်။ သည်တော့ သူတို့လို လက်ကျန်ကိုယ်တော်ကြီး ကိုယ်တော်လေးများကို စုပြုံကာ ဆွမ်းလောင်းကြသဖြင့် သပိတ်လျှံနေသည်။ သို့သော် မပျော်...။ ရွာပြန်ချင်နေကြသည်။
ဆရာတော်အရှင်ရာဇဓမ္မာဘိဝံသကတော့ ဆွမ်းခံပြန်လာသည့် တပည့်များ၏ ဆွမ်းလျှံသပိတ်များကို ကြည့်ကာ
 အေး ခေတ်မကောင်းပေမယ့် ဆွမ်းတော့ လောင်းကြသား ဟု မုဒိတာစကားမြွက်ကာ အားပေးတော်မူလေ့ရှိ၏။

မည်သို့ဆိုစေ သူ့နိသျည်းဆရာက မည်သို့မည်ပုံ ၀တ္ထုငွေရှာဖွေလာသည်မသိ၊ ဆရာတပည့်များ ငွေစကြေးစလေးကို စစ်စစ်ကုပ်ကုပ်သုံးစွဲကာ ရွာပြန်ခွင့်ရခဲ့ကြသည်။
မန္တလေးမှ ရွှေဘိုလိုင်းကား၊ ရွှေဘိုမှ ခင်ဦးကြုံကား.။ ခင်ဦးမှ ကန့်ဘလူသို့..ခြေလျင် ။ ကားစုတ်ကို လမ်းပဲ့ပေါ်တွင် စီး၊ ခရီးမတွင် ခြေလျင်တသွယ် လွမ်းဖွယ်မကောင်းချေတကား..။
သို့နှင့် မစိုးရိမ်နှင့် ဝေးနေခဲ့သည်မှာ ပထမကြီးတန်းအောင်မြင်ပြီးသည်အထိပင်..။ သည်ကြားကာလတွင် မစိုးရိမ်သို့ တစ်ခေါက်ပြန်ရောက်သေးသော်လည်း  နိုင်ငံ့အရေးအရာများက တစ်နေ့ထက်တစ်နေ့ တိမ်တောင်သဖွယ် မင်းရေးကျယ်ဖြစ်နေခဲ့ကာ မိဘများကလည်း  မြို့ပြတွင် စာဆက်လက်သင်ရန် စိတ်မချသဖြင့် နယ်စာသင်တိုက်လေးများမှာသာ ကျင်လည်နေခဲ့ရသည်။ သာမဏေကျော်အိပ်မက်လည်း ပျက်ခဲ့တော့၏။ ပထမကြီးတန်းကိုပင် တဘုန်းဘုန်းကျပြီးမှ အောင်လာခြင်းဖြစ်သည်။


(၄)
နယ်မြို့လေးတွင် ပထမကြီးတန်းအောင်မြင်ပြီးမှ  ငယ်သံယောဇဉ်ဖြင့် မစိုးရိမ်တိုက်သစ်သို့  ပြန်လည်ခိုဝင်ခဲ့ပါသည်။
အသက် (၁၈)နှစ်...။
ထိုအချိန်တွင် ဆရာတော်အရှင်ရာဇဓမ္မာဘိဝံသက နရသိန်တောရတွင် ၀ိပါက်ကြမ္မာ မလွတ်သာခဲ့ ဖြစ်နေတော်မူရရှာဆဲ..။
သူ ရဟန်းခံရန် ရက်နီးကပ်လာသောအခါမှသာ ဆရာတော့်ခမျာ ၀ိမုတ္တိသုခကို ခံစားတော်မူရခြင်းဖြစ်ပါသည်။
သူ့ရဟန်းခံပွဲသို့ ဆရာတော့်ကို တခုတ်တရပင့်ဖိတ်ခဲ့သေးသည်။ သို့သော် အကြောင်းမတိုက်ဆိုင်၍ ဆရာတော်မကြွနိုင်ခဲ့။ ရဟန်းခံဖိတ်စာမှာတော့ အရှင်ရာဇဓမ္မာဘိဝံသ၏ တပည့် ဟု ထည့်ခွင့်ရသည်ကိုပင် ဂုဏ်ရည်သတ္တိကြီးမားလှပါပြီ။
သူ့ရဟန်းခံပွဲတွင် ရွှေကျင်သာသနာပိုင်ညောင်ရွှေကံကြီးဆရာတော်ဘုရားက ပထမကမ္မ၀ါစာဆရာအဖြစ် ချီးမြှောက်တော်မူခဲ့၏။ သာသနာပိုင်ဆရာတော်ကြီးက
မစိုးရိမ်တိုက်သစ်ဆရာတော်၏ တပည့်မှန်းသိတော်မူသည့်အတွက် '' ဦးဇင်းတို့ ဆရာ ဦးရာဇဓမ္မကို မစိုးရိမ်ဆရာတော်ကြီးဦးသုရိယနောက်က လိုက်လိုက်လာတာ တွေ့ဖူးတယ်.။ လူပုံချောခပ်ထက်ထက်ပဲ'' ဟု မိန့်မြွက်ချီးကျူးတော်မူပါသည်။

ထိုရဟန်းခံမှ အပြန် ၀ါဆိုဦးကာလတွင် ဆရာတော်၏ အခြားလက်သီးဆုကို ဆွတ်ခူးခွင့်ရခဲ့ပြန်ပါသည်။
သူ နယ်မြို့လေးမှ မန္တလေးသို့  ပြောင်းရွှေ့လာသောအခါ စိန်ပန်းရပ်ထဲတွင် ဆွမ်းခံကြွခဲ့သည်။ စိန်ပန်းရပ်ကြီးက ကျယ်၊ နှစ်ပေါင်းလည်း ကြာပြီမို့ ရပ်ကွက်အမည်များကို သေချာမမှတ်မိတော့..။
နေမင်းကျောင်းတိုက်ထဲမှ ဖြတ်ကာ သီတဂူကျောင်းအမကြီးအိမ်ရှေ့ကို ကျော်၊ လမ်းကြားလေးထဲသို့ တိုးဝင်၊ ထိုမှ စိန်ပန်းလမ်းမကြီးတလျှောက်ရှိ ရပ်ကွက်လေးထဲ ကြွ..။ နောက်ဆုံး ၀ိဇ္ဇာလင်္ကာရကျောင်းပေါက်တည့်တည့်သို့ ပြန်ခေါက်..။ ဒီလောက်ပဲ မှတ်မိတော့သည်။

သူ့သပိတ်ကို ဂရုစိုက်သော ဆွမ်းခံအိမ်နှစ်အိမ်ရှိသည်။ ကုန်သည် ဦးစောကိုလေး+ဒေါ်သိန်းသိန်းဌေးနှင့် တွင်ခုံလုပ်ငန်းလုပ်သည့် ဦးအေး+ဒေါ်ကြည်တို့ဖြစ်သည်။ ကံကောင်းထောက်မစွာ နောက်ဆုံးအိမ်နှစ်အိမ်လည်း ဖြစ်နေသဖြင့် သူ့ဆွမ်းဟင်းခွက်များ လစ်ဟင်းနေလျင် ဖြည့်စွက်လောင်းလှူတတ်ကြသည်။
မိုးရာသီ သရက်သီးများလှိုင်လှိုင်သီးသော တစ်နေ့တွင် ဖြစ်သည်။ သူ့ဆွမ်းခံအိမ် (၈)အိမ်ရှိရာ ပထမ(၆)အိမ်က ပေါ်ဦးပေါ်ဖျားသဘောဖြင့် ဆွမ်းတစ်ယောင်းမနှင့် သရက်သီးတစ်လုံးစီလောင်းလိုက်ကြသည်။ ဒီသရက်သီးတွေနဲ့ ဆွမ်းဘယ်လို စားရပါ့...ဒုက္ခ..။ သတ္တမမြောက်အိမ်ရောက်တော့ ဒေါ်သိန်းသိန်းဌေး၏ မိခင်ကြီးက ဆွမ်းပုဂံပြားတစ်ချပ်နှင့် သရက်သီးလှလှတစ်လုံး ကိုင်ကာ ရောက်လာပြန်တော့သည်။ ဘုရားရေ..။
အရှင်ဘုရား ဦးဦးဖျားဖျား ဘုန်းပေးရအောင် သရက်သီးချိုတယ်ဘုရာ့ တဲ့..။
ဒီနေ့ တော့ အံ့သြစရာပဲ တစ်ခြားဒကာမကြီးတွေလည်း ဒကာမကြီးနဲ့  အတွေးချင်းထပ်နေကြပြီဗျ... ဟု သူက စကားဖွင့်ရလေတော့၏။
သို့မှသာ သပိတ်ကို ဖွင့်ကြည့်... အဲ ဟုတ်ပေသား ဟု..အိမ်တွင် ချက်သော ဆွမ်းဟင်းအချို့ကို ခူးခပ်လောင်းလှူသော ဟူ၏။
နောက်ဆုံးဖြစ်သည့် ဦးအေးတို့ အိမ်ကတော့ သူ့အတွက် လက်ဘက်ရည်ပူပူတစ်ခွက်နှင့် ကွမ်းတစ်ယာအသင့်ပြင်ပေးထားမြဲဖြစ်ပါသည်။

သတ္တမဆွမ်းခံအိမ်မိသားစုသည် သာမဏေဘ၀ဖြင့် ဓမ္မာစရိယတန်းတက်နေသော သူ့ကို ရဟန်းဒကာအဖြစ် ချီးမြှောက်ထောက်ပံ့လိုကြ၏။
သို့သော် ကြိုတင်မလျှောက်ထားခဲ့ကြ..။  တောင်ကြီးမြို့မှ ရွာဆွေမျိုးရပ်ဆွေမျိုးမိသားစုကို ရဟန်းဒကာဒကာမများအဖြစ် အသိအမှတ်ပြုလက်ခံလိုက်သဖြင့် နေ့ကောင်းရက်သာရွေးချယ်၊ ပရိက္ခရာပစ္စည်းများပင် ၀ယ်ယူပြီးကြလေပြီ။ ထိုအချိန်မှာမှ ထိုမိသားစုက ရဟန်းးခံခွင့်တောင်းကြခြင်းဖြစ်သည်။ သင်္ကန်းပရိက္ခရာများလည်း ၀ယ်ယူပြီးဖြစ်ကြောင်း၊ အရှင်ဘုရားအံ့သြသွားအောင် ခုမှ ခွင့်တောင်းကြကြောင်း စသည် လျှောက်ထားကြလေသည်။ သို့သော် ချဉ်ပေါင်ကို ကာပြန်၊ ၀က်သားကို ခြေကန်ရုန်းလို့ မဖြစ်တော့ပြီ။ စိတ်မကောင်းကြီးစွာ ငြင်းပယ်ရတော့သည်။
သို့နှင့် ရဟန်းခံပွဲအတွက် ၀ယ်ယူထားသော ပရိက္ခရာသင်္ကန်းများသည် ၀ါဆိုသင်္ကန်းများအဖြစ် ပြောင်းလဲသွားရ၏။

ထိုဝါဆိုသင်္ကန်းကပ်လှူပွဲသို့ မစိုးရိမ်ကျောင်းတိုက်(ဟောင်း)၊ ပိဋကနျူပဒေသဆရာတော် ဦးကောဝိဒါဘိဝံသ(အမေရိကားမှာ ပျံလွန်တော်မူသော သာသနာ့ဥသျှောင်ဆရာတော်ကြီး)နှင့် မစိုးရိမ်တိုက်သစ်ဆရာတော်အရှင်ရာဇဓမ္မာဘိဝံသတို့ကိုယ်တိုင် ကြွရောက်တော်မူကြမည်။
ကြွရမှာက မနက်စောစောအရုဏ်ဆွမ်း...။

 သူ အိပ်ရာ မနိုးမှာ စိုးသွားသည်။ ညဦးကတည်းက အဆင်သင့်ဖြစ်စေရန် ၀တ်ရုံသင်္ကန်းတစ်စုံကို အသင့်ပြင်ထားသည်။
လာပင့်သည့်အချိန်မှာ သူ မနိုးသည့်တိုင် အခြားတစ်ပါးပါးက အလွယ်တကူ နှိုးနိုင်စေရန်  ကြပ်ညပ်နေသောကျောင်းဆောင်အတွင်းခန်းထဲ ၀င်မအိပ်ဘဲ အပြင်ဘက်လသာဆောင်တွင် ဖျာတစ်ချပ်ခင်းကာ အိပ်သည်။ နိုးမှ နိုးပါ့မလား အတွေးက နှိပ်စက်၏။  ထင်သည့်အတိုင်း တကယ်လည်း မနိုးခဲ့...။
လာရောက်ကြိုသော ကားကလည်း ကျောင်းရှေ့ ပိတောက်ပင်အောက်သို့ ရောက်နေပြီ၊ ဆရာတော်ကလည်း အသင့်ဖြစ်နေပြီ။ သူ့ကို လိုက်ရှာသည့် ကိုယ်တော်တွေက ခါတိုင်းအိပ်နေကျ နေရာမှာ ရှာကြသည်။ မတွေ့..။ ဖြစ်ချင်တော့ လသာဆောင်မှာလည်း အိပ်တုန်းက သူတစ်ပါးတည်းပေမယ့် သူအိပ်ပျော်သွားသည်နှင့် သူ့ဘေးမှာ သင်္ကန်းခေါင်းမြီးခြုံကာ ၀င်ထိုးအိပ်သည့် မောင်ရှင်များက လေးငါးပါးဖြစ်နေပြန်သဖြင့် ရှာရဖွေရခက်သွားသည်။
နောက်ဆုံးသင်္ကန်းခြုံတွေ ဆွဲခွာ ရှာပါမှ သူ့ကို တွေ့သွားကြသည်။

သူ့ကို နှိုးသည့် ကိုယ်တော်ကြီးက
ထ ထ...ဟကောင်...မင်းတော့မလွယ်ဘူး...။ ဆရာတော် စောင့်နေတာ ကြာလှပေါ့..။
ဘေးမှာ အသင့်ချထားသည့် သင်္ကန်းကို အိပ်ချင်မူးတူးလဲကာ ပြေးရသည်။
ပိတောက်ပင်အောက် ရောက်ရောက်ချင်း ခွပ် ကနဲ အခါမဲ့လျှပ်စီးလက်သွားသည်။
မျက်နှာတွင် ပူထူသွားကာ တရားဓမ္မတစ်ခုခု ရလိုက်သည် ထင်၏။ ဆာတိုရီ(Satori)....:D
ဒီ နွားက ဘယ်ရောက်နေတုန်း...။ အဆင်သင့်ပြင်မထားဘူး..။ ကဲ ကြွ...။
လက်သီးတစ်ချက် စကားတစ်ခွန်း...။
ထိုနေ့က အခြားဂုိုဏ်းမှ ဆရာတော်များက ဆွမ်းတစ်ဝိုင်း၊ သူကတော့ သာသနာ့အကျော်အမော်ဆရာတော်ကြီးနှစ်ပါးနှင့် ဆွမ်းတစ်ဝို်င်းတည်း...။
ကြောက်ရွံ့ရိုသေလွန်းသော စိတ်ဖြင့် နောက်တော်ပါးက ရုတ်တရက်လိုက်ခဲ့ရသောကြောင့် မျက်နှာသစ်ချိန်မရလိုက်ဘဲ ဆရာတော်ကြီးများနှင့် ဆွမ်းတစ်ဝိုင်းတည်း ထိုင်စားခဲ့ရသည်ကို တွေးမိတိုင်း ကြက်သီးထနေဆဲ...။

မည်သို့ဆိုစေ...
ဆရာတော့်လက်သီးများ၏ အရှိန်အဟုန်တွင် ဗြဟ္မစိုရ်ထိချက်များပါနေသည်ကို ခံစားရဆဲပင်။

ဆရာတော်ဘုရား၏ ဗြဟ္မစုိုရ်လက်သီချက်များအား ပူဇော်ဂါရ၀ဖြင့်
တပည့်

ဓမ္မဂင်္ဂါ
@အရှင်ဝိစိတ္တသာရ
ဧည့်ပါမောက္ခ
ဗဟိုတိဘက်လေ့လာရေးတက္ကသိုလ်
ဗာရာဏသီမြို့၊ ဥတ္တရာပရာဒေ့ရ်ှပြည်နယ်
အိန္ဒိယနိုင်ငံ
(၄၊၁၂၊၂၀၁၂)

မစိုးရိမ်အလွမ်း(၇)

ရဟန်းတစ်ပါးအတွက် အမှတ်တရကျောင်းသင်္ခန်း

(၁)

မိဂဒါဝုန်နံနက်ခင်းသည် မိုးစွပ်စိုမှုမရှိတော့သော်လည်း စိမ်းလန်းတောက်ပနေသည် ။ တိဘက်တက္ကသိုလ်ပရိဝုဏ်အတွင်းရှိ မြူးတူးခုန်ပေါက်မတတ် ယိမ်းထိုးနေသည့် သစ်ပင်ပျိုများကြားတွင် သူ ဖြတ်လျှောက်မိသောအခါ သူ့ခြေလှမ်းများသည်ပင် သွက်လက်စိုရွှမ်းလာသယောင်ထင်ရသည်။ သစ်ပင်များကို ရဟန်းတစ်ပါးဖြစ်သော သူက မြတ်နိုးရပါသည်။

သစ်ပင်သည် ရဟန်း၏ မှီရာ ဟု ဗုဒ္ဓအရှင်က ရဟန်းအားလုံးကို သညာပေးလိုက်သည်။ ရဟန်းတစ်ပါး အဖြစ်ခံယူလိုက်သည့်နေ့မှ စ၍ သစ်ပင်ရင်းကို ကျောင်းအမှတ်ဖြင့် နေနိုင်ရပေမည် တဲ့..။ ရဟန်းတစ်ပါးသည် တိုင်းသားပြည်သူတို့၏ ၀န်ထုပ်ဝန်ပိုးမဖြစ်စေရ..။ ရဟန်းတစ်ပါးကသာ လောကသားအားလုံးအတွက် ဓမ္မ၀န်ဆောင်ပုဂ္ဂိုလ်အဖြစ် စွန့်လွှတ်ရဲရင့်ရမည် ဟူသော မူကို အသေချမှတ်ခဲ့ခြင်းဖြစ်သည်။

သို့သော်လည်း ဗုဒ္ဓအရှင်နှင့် မဟာသာဝကအဆက်ဆက်တို့၏ ဓမ္မ၀န်ဆောင်မှုကို ကျေးဇူးတုန့်ပြန်လိုသော ပြည်သူတို့က ခမ်းနားပြည့်စုံသော ကျောင်းတော်ကြီးများကို ဆောက်လုပ်လှူဒါန်းခဲ့ကြသည်သာ။ ထိုကျောင်းတော်ကြီးများသည်ပင် ဓမ္မ၀ိဇ္ဇာလယခေါ် တက္ကသိုလ်ကြီးများအဖြစ် စည်ပင်လာရသည်။ သက်ဆိုင်ရာတိုင်းပြည်နှင့် လူမျိုးအတွက် ဓမ္မအသိနှင့် ယဉ်ကျေးမှုတို့ သီးပွင့်ရာ ပညာသစ်ပင်ကြီးများဖြစ်လာရသည်။

ခေတ်အဆက်ဆက် မြန်မာ့ရေမြေတွင် ဗုဒ္ဓဓမ္မ၏ ယဉ်ကျေးမှုအရိပ်များဖြင့် ငြိမ်းချမ်းအေးမြခဲ့ရလေသည်မှာ ထိုဝိဇ္ဇာလယကျောင်းတော်ကြီးများ၏ ကျေးဇူးပင်ဖြစ်လေသည်။

မည်သို့ဆိုစေ သစ်ပင်ရင်းကို ကျောင်းအမှတ်ဖြင့် သီတင်းသုံးရလေသော နေ့ရက်တို့ ကုန်ဆုံးသွားပြီဟု မဆိုလိုပေ။ သူကိုယ်တိုင် အရိပ်ခိုခဲ့ဖူးသော သစ်ပင်လေးတစ်ပင် ရှိခဲ့ဖူးပါသည်။

ဓမ္မသီတဂူကျောင်းဆောင်

(၂)

သူ မန္တလေးမြို့တွင် ပညာသင်ယူရန်စဉ်းစားလိုက်သောအခါ မစိုးရိမ်တိုက်သစ်ကို မျက်စိကျသွားသည်။ မိမိကိုယ်ကိုယ်အာမခံချက်(အတ္တသမ္မာပဏိဓိ)သာ ပေးရသော သံဃိကကျောင်းတိုက်ကြီးတစ်တိုက်၏ အရိပ်အငွေ့ကို အပြည့်အ၀ခံစားရသည် ဟု ယုံကြည်သောကြောင့်ဖြစ်သည်။ သို့နှင့် မစိုးရိမ်တိုက်သစ်၊ဓမ္မသီတဂူကျောင်းဆောင်တွင် နေထိုင်ခွင့်ရရန် လျှောက်ထားဖြစ်ခဲ့သည်။

မစိုးရိမ်တိုက်သစ်တွင် ပညာသင်ကြားလိုသော ရှင်ငယ်ရဟန်းငယ်တစ်ပါးသည် မိမိကိုယ်တိုင် နာယကဆရာတော်ကြီးထံ ချဉ်းကပ်ကာ ပညာသင်ကြားရန် နေထိုင်ခွင့်ပြုစေလိုကြောင်း လျှောက်ထားနိုင်သည်။ မိဘဆရာသမားများ လိုက်လံအပ်နှံဖွယ် မလို..လှူဖွယ်ပစ္စည်းမလို.။ မိမိကိုယ်တိုင် ပညာသင်ယူလိုကြောင်းအာမခံမှုသာ လိုပေလိမ့်မည်။

ပရိယတ္တိပညာရေးလောကတွင် ကျော်ဇောကိတ္တိကြီးမားလှသည့် ကျောင်းတိုက်ကြီး၏ တံခါးဝသို့ စာသင်သားရဟန်းသာမဏေတို့ နှစ်စဉ် စုပြုံတိုးဝှေ့နေကြသည်။ သို့အတွက် ကျောင်းဒကာဒကာမများက သဒ္ဓါတရားထက်သန်စွာ ကျောင်းဆောင်အသစ်များ တိုးတက်ဆောက်လုပ်နေကြသည့်တိုင် စာသင်သားသံဃာနှင့် မမျှဖြစ်ကာ နေရာအခက်အခဲကတော့ ရှိနေမြဲဖြစ်သည်။ (သူ ပထမဆုံးမစိုးရိမ်စာသင်သားဖြစ်ခွင့်ရသောနှစ်က သံဃာငါးရာမျှသာ ရှိသော စာသင်တိုက်ကြီးသည် ယခုနှစ်တွင် သံဃာသုံးထောင်ခန့်သီတင်းသုံးလျက်ရှိသည်ဟု သိရသည်။)

ကဆုန်လပြည့်ကျော်တစ်ရက်နေ့တွင် စာသင်သားအသစ်များကို စတင်လက်ခံသည်။ ကျောင်းခံမိတ်ဆွေ ရဟန်းသာမဏေ တစ်ပါးရှိလျင်တော့ တွန့်ဆုတ်ဖွယ်မရှိဘဲ နာယကဆရာတော်ကြီးတစ်ပါးပါးထံ ၀င်ရောက် လျှောက်ထားရုံသာ ဖြစ်သည်။ သူကတော့ ကံကောင်းထောက်မစွာပင် သူ့ကိုယ်စား ဦးဆောင်လျှောက်ထားပေးမည့် စီနီယာရဟန်းတော်များရှိနေခဲ့ပါသည်။

မည်သို့ဆိုစေ သံဃာတော်များအတွက် ရည်စူးဆောက်လုပ်ထားသော သံဃိကကျောင်းသည် သံဃာတော်များအတွက် ဖြစ်ရမည် ဟူသော မူကို မြတ်နိုးတော်မူကြသည့် နာယကဆရာတော်ကြီးများက စည်းကမ်းနှင့် ညီညွတ်သောစာသင်သားငယ်တို့ကို အမြဲကြိုဆိုခဲ့ပါသည်။

သို့သော်

(၁) ၀ါမဆိုမီ သတ်မှတ်ထားသော အတန်းနှင့် သက်ဆိုင်သည့် စာများကို အလွတ်အာဂုံ(Oral Test) ပြန်ဆိုရမည်။

(၂)ဤကျောင်းတိုက်ကြီးတွင် နေထိုင်သမျှ မိမိအား ကောင်းဆိုးနှစ်တန် အာမခံပေးနိုင်မည့် ပုဂ္ဂိုလ်နှစ်ပါးရှိရမည်။ ဟူသော စည်းကမ်းချက်ကိုတော့ လိုက်နာရပေမည်။ ထိုအချက်များပျက်ကွက်ပါက ၀ါဆိုခွင့် မပေး ဟု သတ်မှတ်ထားသည်။

ပထမအချက်ထက် ဒုတိယအချက်က ပို၍ အရေးကြီးသည်။ သတ်မှတ်ထားသောစာကို ၀ါဆိုပြီးမှလည်း ပြန်ဆိုနိုင်သည်။ သိုသော် အာမခံပေးမည့် ပုဂ္ဂိုလ်မရှိလျင်တော့ မစိုးရိမ်စာသင်သားဖြစ်ရန် မျှော်လင့်ချက်မဲ့သွားသည်။

ကဆုန်လပြည့်နေ့မှ ၀ါဆိုလပြည့်နေ့အထိ နှစ်လတာကာလအတွင်း စာသင်သားအသစ်သည် အာမခံပေးမည့် ပုဂ္ဂိုလ်မျက်စိကျလောက်အောင် အပိုးကျိုးစွာ နေထိုင်တတ်ရပေမည်။ စာဝါလိုက်ခြင်းနှင့် ဘုရားဝတ်ပြုခြင်းတွင် ပုံမှန်တက်ကြွပြရသည်။း)

အာမခံမည့်ပုဂ္ဂိုလ်များသည် ပထမကြီးတန်းအောင်မြင်ပြီး အစိုးရဓမ္မာစရိယနှင့် သကျသီဟဓမ္မာစရိယတန်းတွင် ပညာသင်ယူနေသူများဖြစရမည်။ ပထမကြီးတန်းအောင်မြင်ပြီးသော ရှင်သာမဏေသည်ပင် အာမခံပုဂ္ဂိုလ်ဖြစ်ခွင့်ရှိသည်။

သူကိုယ်တိုင် ရှင်သာမဏေဘ၀ဖြင့် ပထမကြီးတန်းအောင်မြင်ပြီးသည့်အခါ အာမခံပုဂ္ဂိုလ်ဖြစ်လာသည်။ ၀ါမဆိုမီရက်များတွင် သူ မျက်နှာပွင့်လှသည်။ ဆွမ်းခံမကြွမီ နံနက်တိုင်း စိန်မေတ္တာကဖေး မင်းမင်းလက်ဘက်ရည်ဆိုင်များသို့ စာသင်သားအသစ်များက မိတ်ဖွဲ့ကာ ဖိတ်ခေါ်ကြသည်။

သို့နှင့် ၀ါဆိုလပြည့်နေ့ အာမခံပုဂ္ဂိုလ်ခေါ်သည့်အခါ စာသင်သားအသစ်များက သူ့ကို လက်ညှိုးထိုးကြတော့သည်။ စာသင်သားအသစ်များက ရှင်သာမဏေများသာမဟုတ်၊ ဆယ်ဝါပြည့်တင်းပြီးသော မထေရ်ရဟန်းကြီများလည်း ပါဝင်နေသည်။ ထိုစဉ်က ဓမ္မသီတဂူနာယကဆရာတော် (ယခုမြောက်ဒဂုန်မစိုးရိမ်တိုက်သစ်ဆရာတော်)က မျက်လုံးဝင့်ကာ သူ့ကို ကြည့်သည်။ ''ဟကောင် မင်း ဒါကြီးတွေကို နိုင်အောင် ထိန်းနိုင်ပါ့မလား'' တဲ့ ။

''ဖြစ်ပါတယ် '' ဟု သူက ပြန်လျှောက်ထားသောအခါ အားလုံးပွဲကျသွားသည်။

ပိတောက်ပင်နှင့် ရေးချမ်းစင်

(၄)

သူ့အတွက် အာမခံချက်ပေးခဲ့သော စီနီယာရဟန်းတော်နှစ်ပါးရှိခဲ့သည်။ မှတ်မှတ်ရရ အရှင်သုစရိတ(ငါန်းဇွန်)နှင့် အရှင်ဇနက (ခင်ဦး)တို့ဖြစ်သည်။ ထိုအာမခံရဟန်းတော်နှစ်ပါးသည် သူ့အား အချိန်မရွေး ဆုံးမနိုင်သည့် (နားရင်းအုပ်နိုင်သည့်) ပါဝါရှိသည်။ အပြစ်တစ်စုံတရာမကျူးလွန်အောင် ထိုရဟန်းတော်များက ထိန်းကျောင်းပေးရသည်။

ကျောင်းတိုက်ကြီး၏ နာယကဆရာတော်များက စာသင်သားတစ်ပါးကို အပြစ်ကျူးလွန်သည်ဟု ယူဆကာ ကျောင်းတိုက်မှ နှင်ထုတ်လျင် အာမခံပုဂ္ဂိုလ်များက လျှောက်ထားကယ်တင်ခွင့်ရှိသည်။ (ကြီးမားသော ပြစ်မှုများကို ကျူးလွန်ခဲ့လျင်တော့ ဖြေဆေးမရှိပေ၊) သို့သော် အာမခံပုဂ္ဂိုလ်များက စကားမနာခံဟု ယူဆသော စာသင်သားကို ''အာမမခံနိုင်တော့ပါ'' ဟု နာယကဆရာတော်များအား လျှောက်ထားလျင် နာယကဆရာတော်များသည်ပင် လက်ခံပိုင်ခွင့်မရှိပေ။

အာမခံစီနီယာပုဂ္ဂိုလ်များ၏ အခြားတာဝန်တစ်ခုမှာ ဂျူနီယာစာသင်သားငယ်၏ ပညာရေးကို အရေးထားရခြင်းဖြစ်သည်။ ကျောင်းတိုက်မှ ပို့ချပေးသော အတန်းများတွင် နောက်မကျစေရန် ထိုစီနီယာရဟန်းတော်များက စာသင်သားငယ်အား အပိုကျူရှင်ပေးရသည်။

ထိုအာမခံရဟန်းတော်နှစ်ပါးတွင် အရှင်ဇနကသည် သူ့မှီရာနိသျည်းဆရာဖြစ်သည်။ သူ့ပညာရေးအတွက် စာပုံမှန်ပို့ချပေးရုံသာမက ဆွမ်းကွမ်းအဆင်ပြေအောင်ပါ စီမံပေးခဲ့သည် ။ ကျေးဇူးတွေ ဘယ်လို ကျေအောင်ဆပ်ရပါ့..။

(၅)

ဝါဆိုလပြည့်နေ့တွင် မစိုးရိမ်စာသင်သားတရားဝင်ဖြစ်သွားသည်နှင့် နေရာချထားပေးသည်။ သူနေထိုင်ရာ ဓမ္မသီတဂူကျောင်းဆောင်အပါအ၀င် မစိုးရိမ်တိုက်သစ်ကျောင်းဆောင်များက အတွင်းပိုင်းအကာအရံမရှိသော ဟောလ်(Hall)ခန်းများသာဖြစ်သည်။ (ဓမ္မဒီပကျောင်းဆောင်တစ်ခုသာ တက္ကသိုလ်အဆောင်ကဲ့သို့ အခန်းဖွဲ့ထားသည်း)

လေးဘက်လေးတန် နံရံခေါင်းပြုထားသော နေရာများကို နှစ်ချို့စာသင်သားများအတွက် ဦးစားပေးသည်။ ခေါင်းရင်းမှာ သေတ္တာထားခွင့်ရသည်။ အလယ်ကွက်လပ်တွင် စာသင်သားအသစ်များကို နေရာချပေးသည်။ သေတ္တာထားစရာနေရာမရှိ။ မြေအောက်ခန်းထဲမှာ သွားထားရသည်။ ဓမ္မသီတဂူကျောင်း၏ မြေတိုက်ခန်းက စာသင်သားများ၏ သေတ္တာများဖြင့် ပြည့်နေသည်။

စာသင်သားအသစ်တစ်ပါးအနေဖြင့် ၀ါဆိုလပြည့်မရောက်မချင်း အဆင်ပြေသလို နေရသည်။ ကျောင်းခံမိတ်ဆွေစာသင်သားရှိလျင်တော့ ကပ်ရပ်နေထိုင်ကာ အဆင်ပြေနိုင်သည်။ အစိမ်းသက်သက်ဆိုလျင်တော့ ညပိုင်း အားလုံးအိပ်စက်ဖို့ နေရာယူပြီး ကွက်လပ်ကျန်သည့်နေရာကို ချောင်းရသည်။ ကွက်လပ်မကျန်တော့ဘူးဆိုလျင်တော့ လှေကားထိပ်မှာ သို့မဟုတ် ၀ရံတာမှာ ..။ နောက်ဆုံးတော့ ကျောင်းရှေ့က ပိတောက်ပင်လေးအောက်မှာ..။

သူ့အတွက် ဓမ္မသီတဂူကျောင်းဆောင်(တတိယထပ်) အလယ်ပိုင်းတွင် ပထမဆုံး ကျောတစ်ခင်းစာနေရာရပါသည်။ သူ့ထံသို့ အာဂန္တုတစ်ပါပါးးကြွလာလျင်တော့ သူ့အိပ်ရာကို ပေးကာ သူကိုယ်တိုင်ကတော့ ပိတောက်ပင်ရိပ်လေးဆီ ပြေးရပါလေသည်။ ပိတောက်ပင်လေး၏ ကွပ်ပျစ်လေးပေါ်တွင် သုံးပါးခန့်တော့ အိပ်လို့ ရတတ်သည်။

တခါတရံ ကိုယ့်ထက်ဝီရိယကောင်းသော မောင်ရှင်များရှိနေလျင်တော့ လူမနေသော ဆောက်လက်စ ဆွမ်းစားကျောင်းဆောင်ပျဉ်ပုံကြား တိုးဝှေ့ အိပ်ရပါလေမည်..။

သစ်တစ်ပင်ရင်း ၀ါးတစ်ပင်းရင်း ဟူသော ဝေါဟာရကို သူလည်း နားလည်ခဲ့ဖူးလေသည်။

ဓမ္မဂင်္ဂါ

(၂-၉-၂၀၁၁)

မစိုးရိမ်အလွမ်း(၆)

(၁)
၁၉၈၇ ခုနှစ် မစိုးရိမ်တိုက်သစ်ကို ရောက်ရောက်ချင်းမှာပဲ လင်္ကာတိုလေးတစ်ခုကို အမိအရမှတ်သားရပါတယ်။ “ကိုသီတိုက်သစ်က” တဲ့။ မစိုးရိမ်တိုက်သစ်ရဲ့ တစ်ခုတည်းသော ဖုန်းနံပါတ်လေးပါ။ အက္ခရာသင်္ကေတအရ ၂၆၇၆၂ ။ သဘာဝကျတဲ့မှတ်သားချက်လေးပါပဲ။ မစိုးရိမ်တိုက်သစ်ဆရာတော်ဘုရားကြီးရဲ့ ဘွဲ့တော်က ဦးသီရိန္ဒမို့ “ကိုသီ(ဦးသီရိန္ဒ) တိုက်သစ်က(မစိုးရိမ်တိုက်သစ်က)။” ဖုန်းနံပါတ် ၂၆၇၆၂ ။

ခုချိန်ထိလည်း “ကိုသီတိုက်သစ်က”ဆိုတဲ့ ဖုန်းနံပါတ်(၂၆၇၆၂) လေးက လွန်တော်မူရှာပြီဖြစ်တဲ့ ဆရာ တော်ကြီးရဲ့ ဂုဏ်ကျေးဇူးတွေကို အောက်မေ့အမှတ်ရဖွယ် မြတ်နိုးစရာဝေါဟာရလေးအဖြစ်စွဲထင်နေပါသေး တယ်။ စာသင်သားတွေ အချင်းချင်းတွေ့ဆုံမိတ်ဖွဲ့ကြတဲ့အခါ လိပ်စာအပြန်အလှန်လှဲလှယ်ကြပြီဆိုရင် “ကိုသီ တိုက်သစ်က” ဆိုတဲ့ ဖုန်းနံပါတ်လေးပေးရတော့တာပါ။

သူမစိုးရိမ်တိုက်သစ်ကို ရောက်ဦးစနှစ်တွေမှာ သံဃာတော်ငါးရာကျော်(ခုသုံးထောင်ကျော်)သီတင်းသုံးနေတဲ့ နာမည်ကျော်စာသင်တိုက်ကြီးရဲ့ တစ်လုံးတည်းသောဖုန်းလေးပါပဲ။ ဆက်သွယ်ရေးလမ်းကြောင်းတွေ ပိတ်ရင်း ဖွင့်ရင်းနဲ့ မပွင့်တပွင့်ဖြစ်လာခဲ့တဲ့ ဒီနေ့ခေတ်မှာတော့ ကမ္ဘာနဲ့ မပြိုင်နိုင်သေးပေမယ့် ယခင် မန္တလေးထက် နှာတစ်ဖျား သာခဲ့ပြီဆိုတာ သေချာနေမှာပါ။ ဟိုတုန်းကတော့ ဖုန်းလေးတစ်လုံးတည်း။ မစိုးရိမ်သွေးနဲ့ နီးသူတွေ ရဲ့ ရင်ထဲမှာ “ကိုသီတိုက်သစ်က”၊ဖုန်းနံပါတ်၂၆၇၆၂။

(၂)

ရှေးခေတ်မြန်မာမှုနယ်ပယ်နဲ့ သာသနာတော်လောကမှာ အကြောင်းအရာတစ်ခုခုကို မှတ်တမ်းတင်တဲ့အခါ အရေအတွက်ဂဏန်းနံပါတ်တွေကို အက္ခရာသင်္ကေတတွေနဲ့ အလွယ်မှတ်သားလေ့ရှိဖူးပါတယ်။ “အုတ်ကျစ် ကျော်အေး၊ မန္တလေး”“ လှည်းဝင်ရိုးသံ၊ တညံည၊ံ ပုဂံဘုရားပေါင်း။”ဆိုတာမျိုးလေးတွေပါ။ မမေ့တော့ဘူးပ။

မန္တလေးသာသနာ့တက္ကသိုလ်နေ့ရက်တွေဆီက မိတ်ဆွေရဟန်းတော်တစ်ပါးကိုလည်း အမှတ်ရနေမိပါသေး တယ်။ သာသနာ့တက္ကသိုလ်ပြဌာန်းကျမ်းစာတွေထဲက ပိဋကတ်စာပေသမိုင်းသင်ရတဲ့အခါ ကျမ်းပြုဆရာတော် တွေရဲ့ အတ္ထုပ္ပတ္တိမှာပါတဲ့ မွေးသက္ကရာဇ်နဲ့ ကျမ်းပြုနှစ်၊ ကျမ်းပြီးနှစ်တွေ မှတ်ဖို့ ကြိုးစားရပါတယ်။ စာမေးပွဲနီးပြီ ဆိုရင် သက္ကရာဇ်မှတ် အတိုကောက်သင်္ကေတစာတိုလေးတွေ ပလူပျံအောင် ထွက်လာတတ်ပါတယ်။ ကိုယ်မှတ် တတ်သလို အာတွေ့သလို သင်္ကေတလင်္ကာလေးတွေ စာချိုးလေးတွေ ရေးပြီးတော့ မှတ်ကြတာပါ။ ရဟန်းတော် များရဲ့ စာကျက်နည်းတစ်မျိုးပါပဲ။

သူ့မိတ်ဆွေရဟန်းတော်ကတော့ စာတွေမှတ်သားတဲ့အခါ ငယ်သံယောဇဉ်နာမည်လေးတစ်ခုကို ပင်တိုင်ထားပြီး အသုံးပြုလေ့ရှိ ပါတယ်။ အေးအေးမာဆိုတဲ့ ငယ်ကျွမ်းဆွေလေးက ပိဋကတ်စာပေ သမိုင်းမှတ်စုရဲ့ အထင်ရှားဆုံးနာမည်တစ်ခု ဖြစ်လာပါတော့တယ်။ “အေးအေးမာမာ၊ မိတ္ထှီလာ ၊ ရွာမှာသပြေကုန်း” ဆိုတာမျိုးပါ။ ပဉ္စမသံဂါယနာပွဲတော်မှာ အကြီးအမှူးဆရာတော် အဖြစ်ဆောင်ရွက် တော်မူခဲ့တဲ့ မင်းတုန်းမင်းတရားကြီး အကိုးကွယ်ခံဘုရားကြီးဆရာ တော်ရဲ့ မွေးနှစ်နဲ့ ဇာတိရွာအကြောင်းလို့ ထင်ပါတယ်။ ၁၁၅၅ ခုနှစ် မိတ္ထီလာမြို့နယ်၊ သပြေကုန်းဆိုတဲ့ရွာလေးမှာ မွေးဖွားခဲ့တယ်ပေါ့။ (အေး=၁၊အေး=၁၊ မာ=၅၊မာ=၅)။

သင်ရတဲ့ပိဋကတ်စာပေသမိုင်းထဲမှာ သက္ကရာဇ် ၁၁၀၀ နှောင်းပိုင်းကို ကိုယ်စားပြုတဲ့ ကုန်းဘောင်ခေတ် စာဆိုတွေရဲ့ အတ္ထုပ္ပတ္တိတွေကို ကျက်မှတ်ရတဲ့အခါ မိတ်ဆွေရဟန်းတော်က သူ့စိတ်ကြိုက်(၁) ဂဏန်းတွေကို “အေး” ဆိုတဲ့ စကားလုံးနဲ့ အစားထိုးဖို့ ကြိုးစားတော့တာပါ။ “ဥသြအော်မည် ကုန်းဘောင်တည်” ဆိုတာ ကိုတောင် “ အေးသုံးခါ၊ မာတစ်ချက်၊ ကုန်းဘောင် တည်ပန္နက်။” ဆိုတာမျိုး လုပ်ခဲ့တဲ့အထိ ဥပါဒါန် မှတ်စုလေးပြုစု ခဲ့ရှာပါသေးတယ်။ ခုတော့ ပြုစုသူမိတ်ဆွေရဟန်းတော်လည်း ဈာန်သမာပတ်ကစားရင်း စွန်ကြိုးနဲ့ ထိလို့ ပြတ်ကျသွားရှာပါပြီ။

(၃)

ဒီလပိုင်းအတွင်း တိဘက်တက္ကသိုလ်မှာ ပါဠိသင်တန်းစဖွင့်တော့ သင်တန်းမှာ မြန်မာလူမျိုးတွေရဲ့ အမည်ပေး ပုံ ဓလေ့ထုံးတမ်းလေးအကြောင်း မိတ်ဆက်ဖြစ်ပါတယ်။ပါဠိအက္ခရာတွေကို ရေးချပြရင်းနဲ့ပါ။ ရွှေပြည်ကြီးစီတီဇင် တွေကတော့ နေ့နံသင့်နာမည်ပေးပုံတွေကို ကျွမ်းဝင်ပြီး သားမို့ ရှင်းပြဖွယ်မလိုပေဘူးပ။ တိဘက် တက္ကသိုလ် စာသင်ခန်းထဲက တပည့်သာဝကတွေကိုတော့ သေသေချာချာရှင်းပြဖြစ်ပါတယ်။ သာဝကလေးတွေကလည်း စိတ်ဝင်စားကြတယ်။

အ အာ ဣ ဤ ဥ ဦ ဧ သြ= တနင်္ဂနွေနေ့
က ခ ဂ ဃ င= တနင်္လာနေ့
စ ဆ ဇ ဈ ည=အင်္ဂါနေ့
ဋ ဌ ဍ ဎ ဏ တ ထ ဒ ဓ န= စနေနေ့
ပ ဖ ဗ ဘ မ=ကြာသပတေးနေ့
သ ဟ =သောကြာ
( အင်း ခုမှပဲ လက်ကွက်ပြန်ကျင့်ပြီးသားဖြစ်တော့တယ်)

ဒါပေမယ့် အမေးအမြန်းထူတတ်တဲ့ သူ့သာဝကလေးတွေဆီက “ထေရ၀ါဒဖြစ်ပြီး ဘုန်းကြီးရဟန်းတွေကိုယ်တိုင် က ဘာဖြစ်လို့ နေ့နံသင့်နာမည်တွေ စဉ်းစားရွေးချယ်ကြသလဲ၊ ဘယ်ခေတ်က ဒီယဉ်ကျေးမှု စတင်ခဲ့သလဲ ” ဆိုတဲ့ မေးခွန်းတွေ တက်မလာတာတော့ ကံကောင်းသွားတယ်။ သူကိုယ်တိုင်လည်း စာသင်ခန်းထဲက ထွက်လာမှ တွေးမိလို့။ သာသနာ့တက္တသိုလ်ဂုရုကြီးတစ်ပါးကလည်း ဒီလိုအတွေးမျိုးလေး လမ်းစခဲ့ဖူးတာ မှတ်သားဖူးပါရဲ့။ဂုရုကြီးကိုယ်တိုင်က မေးခွန်းနားမှာပဲ ကပ်ဆင်းသွားတာမို့ သူကိုယ်တိုင်လည်း အဖြေမှတ်တိုင် ထိ မလိုက်ခဲ့မိတော့ဘူး။

(၄)
အော် နေ့နံသင့်အက္ခရာသင်္ကေတလေးတွေနဲ့ မှတ်ထားမိတဲ့ ဖုန်းနံပါတ်လေး။ “ကိုသီ တိုက်သစ်က” “ ၂၆၇၆၂”။ သူ့အတွက်တော့ ဒီဖုန်းလေးက အများကြီးအလုပ်မလုပ်ခဲ့ရရှာပါဘူး။ နေခဲ့တဲ့ လေးနှစ်တာအတွင်းမှာ သုံးကြိမ်လောက်ပဲ သူ့နာမည်ကို ဖုန်းလေးက ရှာခဲ့ဖူးတာပါ။ စာသင်သားတွေအများကြီးကြားထဲမှာ ဖုန်းခေါ်သံပိုင်ရှင်ကို မတွေ့တွေ့အောင် လိုက်ရှာပေးတဲ့ ဖုန်းစောင့်ကိုယ်တော်ကြီးကိုယ်တော်လေးတွေက လည်း ကျေးဇူးတင်စရာပါ။ ဆရာတော်ကြီးသီတင်းသုံးတဲ့ ကျောင်းမှာ ဖုန်းကရှိတာမို့ လိုတိုရှင်း ပြောရလေ့ရှိပါတယ်။ ကြူတာ မူတာ နွဲ့တာ လှည့်တာများ အလျင်းမရှိစေရ။

တကယ်ပါပဲ ဒီဖုန်းလေးက စာချစာသင်သံဃာတော်အရှင်တွေရဲ့ ပုဂ္ဂလိကအရေးအရာတွေအတွက်သာမက သာသနာတော်အတွက်၊ တိုင်းပြည် အတွက်ပါ အများကြီးအလုပ်လုပ်ခဲ့ရကြောင်း သမိုင်းရေး ထိုးနိုင်ခဲ့ပါတယ်။

မစိုးရိမ် တိုက်သစ်မှာ နာယကဆရာတော်ကြီးသုံးပါး စီမံအုပ်ချုပ်တော်မူကြောင်း စကားစပ်မိတိုင်း ပြောပြခဲဖူးပါပြီ။ သိက္ခာတော်အကြီးမားဆုံးဆရာတော်ကြီး ဦးသီရိန်(အဂ္ဂါဘိဓဇ)က နိုင်ငံတော်သံဃ မဟာနာယကအဖြစ်နဲ့ ရန်ကုန်ကမ္ဘာအေးမှာ သာသနာရေးတာဝန်နဲ့ သွားရောက်သီတင်းသုံးရလေ့ရှိပါတယ်။ ဒုတိယဆရာတော် ဦးနာယကတော့ အသံတော်တိတ်စွာ အေးအေးချမ်းချမ်းပဲ စာပေနဲ့ မွေ့နေလေ့ရှိပါတယ်။

တတိယသက်တော်အငယ်ဆုံးဆရာတော်ဦးရာဇဓမ္မ(ယခုလက်ရှိဆရာတော်ကြီး)ကတော့ ထက်မြက်ခေတ်မီစွာ လောကဓမ္မနှစ်ဌာနလုံးကို ဦးဆောင်လေ့ရှိပါတယ်။ မန္တလေးမြို့ရဲ့ သြဇာအရှိဆုံးဆရာတော်များစာရင်းမှာ ထင်းထင်းကြီး ရေးထွင်းရမှာပါ။ ဒါကြောင့်လည်း ဆိတ်ဖလူးနံ့တို့ နရသိန်တို့ဆိုတဲ့ ဝေါဟာရတွေနဲ့ ရင်းနှီးကျွမ်း ၀င်ခဲ့ရတာဖြစ်မှာပါပဲ။

ဆရာတော်အရှင်ရာဇဓမ္မရဲ့ သြ၀ါဒကောက်နှုတ်ချက်လေးကို ပြန်လှန်ဖြစ်ပါတယ်။

“အေး အဲဒီ သုံးပါးက ညီညီညွတ်ညွတ်နဲ့ တက်ညီလက်ညီ သာသနာပြုတယ် ဟုတ်လား၊ အဲသလို သာသနာပြုလို့ ဒီတိုက်ကြီး ဒီလောက်တိုးတက်လာတာ ဟုတ်လား၊ အဲဒါ ဘေးက ဘယ်လောက်ထိအောင် အနှောက်အယှက်တွေပေးကြသလဲဆိုတော့ ဟိုအရေးအခင်းကိစ္စ(ရှစ်လေးလုံးကို ရည်ညွှန်း)တုန်းက တိုက်သစ် က ဘုန်းကြီးဦးသီရိန်ကို လက်မခံတော့ဘူး၊ သူက ရန်ကုန်ရောက်နေတာကိုးကွ၊ ဟုတ်လား၊ ရန်ကုန်ရောက် နေတော့ တိုက်သစ်က ဘုန်းကြီးဦးသီရိန်ကို လက်မခံတော့ဘူးတဲ့၊ ဒါ နိုင်ငံရေးပယောဂ၊”

နိုင်ငံရေးပယောဂဆိုတာ နိုင်ငံရေးချည်းမထင်နဲ့ အုပ်ချုပ်သူလူတန်းစားပါကောင်းပါလိမ့်မယ်။ အေး ဒီအုပ်ချုပ်သူလူတန်းစားဆိုတာ စည်းစည်းလုံးလုံးနဲ့ ညီညွတ်နေတာ အင်မတန်ကြောက်တာပေါ့ ဟုတ်လား၊အေး ကွဲပြားမှ၊ ဒါက ဗြိတိသျှအစိုးရအဆက်ဆက် ဒီအတိုင်းပဲကွ၊ ဟုတ်လား၊ မကွဲကွဲအောင် သူတို့က လုပ်မှာ၊”

“အဲဒီတော့ ဘုန်းကြီးဦးသီရိန်က ရန်ကုန်မှာ ၀ါဆိုတယ်၊ ၀ါဆိုတော့ မစိုးရိမ်တိုက်သစ်က ဘုန်းကြီး ဦးသီရိန်လက်မခံဘူးတဲ့။ ဒါကို မြို့ထဲ လျှောက်လွှင့်တယ် ဟုတ်လား၊ သူတို့ကသာ လက်မခံဘူး လွှင့်နေတာ၊ ငါနဲ့ ဘုန်းကြီးဦးသီရိန်က ဖုန်းအဆက်သွယ်အမြဲတမ်းရှိတယ်။ ဟေ့ ဘယ်လိုလုပ် ဘယ်လိုလုပ်၊ ဟုတ်တယ်မဟုတ်လား သူကလည်း၊ ငါကလည်း ဘာတွေ လုပ်ထားတယ်၊ ဘယ်လိုလုပ်ထားတယ်ပေါ့၊ အဲလိုဖုန်းအဆက်အသွယ်က အမြဲတမ်းရှိတယ်၊ဟုတ်လား၊”

“နောက်ဆုံး မင်းတို့ပြောပြမယ်၊ (၇-၈-၈၈)နေ့က တိုက်ဟောင်း(မစိုးရိမ်ကျောင်းတိုက်ကြီး)ထဲမှာ ဦးညိုဝင်း(မန္တလေးတိုင်းပြည်သူ့ကောင်စီဥက္ကဋ္ဌ)ကို ဖမ်းထားတာ၊ အဲဒီဖမ်းထားတာ ငါက ကမ္ဘာအေးက ဖုန်းဆက်မှ သိရတာ၊ သိကို မသိဘူး၊ ဒီမှာက ငါက စာအံခိုင်းပြီးတော့ စာသင်သားတွေ စစ်နေတာဟုတ်လား၊ စာသင်သားတွေ ပြည့်ရဲ့လား၊ စာအံကျောင်းမှာ စုံရဲ့လားဆိုပြီးတော့ စစ်နေတာ၊ ကမ္ဘာအေးက ဖုန်းဆက်လို့ ကိုညိုဝင်းဖမ်းခံရတယ် ဆိုတာငါသိရတာ၊ ဟာ ဘာကြောင့်ဖမ်းတယ်ညာရယ် မသိသေးဘူး၊ သိအောင် တိုက်ဟောင်းသွားပြီးတော့ “ အဆိုးထဲက သက်သာသောအဆိုးဖြစ်အောင် လုပ်မယ်” ငါဒီလောက်ပဲ တာဝန်ယူပါတယ်။

အဲ ကောင်းပြီ၊ လုံးဝကောင်းလာပါစေ့မယ်လို့ တာဝန်မယူဘူး၊ အဆိုးထဲက သက်သာသော အဆိုးဖြစ်အောင် လုပ်ပါ့မယ်။ ဟုတ်လား၊ အဲသလို ပြန်လိုက်တယ် ဖုန်း။” ကမ္ဘာအေးကပြီးတော့ တိုင်းကောင်းစီမောင်ဘတူ ဗိုလ်မှူးဘတူ၊ သူကအတွင်းရေးမှူးမဟုတ်လား၊ မောင်ဘတူက ငါ့ဆီ ဖုန်းဆက်ပြန်ရော၊ “ ဆရာတော်ဘုရား တပည့်တော်တို့ ဥက္ကဋ္ဌတော့ အဖမ်းခံထားရတယ်ပေါ့၊ ဆရာတော်ကြည့်ပြီးတော့ ရှင်းပေးပါဦး၊”

“ အေး ငါလည်း ခုပဲ ရန်ကုန်က ဖုန်းရလို့ ငါ အခုပဲ သွားမယ်၊ ဆယ်မိနစ်လောက်တော့ ကြာတယ်၊ ဒီအတွင်းမှာ မင်းတို့ကလည်း စိတ်လိုက်မာန်ပါ မလုပ်နဲ့၊ ငါ အဆိုးထဲက သက်သာသော အဆိုးဖြစ်အောင် လုပ်ပေးမယ် ဟုတ်လား၊ အဲဒီလိုပြောပြီးတော့ သွားလိုက်တယ်။ သွားလိုက်တော့ အကုန်ရှင်းသွားတယ်ဆိုပါစို့ကွာ”

“ဆိုလိုရင်းက ဘေးကသာ ၀ိုင်းပြီးတော့ မြှောက်ပေးတယ်၊ တိုက်ကြီးကွဲအောင် လုပ်နေတယ်၊ ဒို့သုံးပါးက လုံးဝမကွဲဘူး၊”

(၅)
အော် “ကိုသီတိုက်သစ်က”။ ဖုန်းနံပါတ်လေး ၂၆၇၆၂ ၊ ရှစ်လေးလုံးအရေးတော်ပုံကြီးစတော့မယ့် တစ်ရက်အလိုမှာ မန္တလေးမြို့ကြီးမီးဟုန်းဟုန်းတောက်သွားစေနိုင်တဲ့ သွေးမျက်ရည်မြစ်ကြီးစီးသွားနိုင်တဲ့ အခြေအနေကို ထိန်းသိမ်းပေးနိုင်လိုက်တဲ့ တယ်လီဖုန်းလေး။

ဒါပေမယ့် ဆရာတော်ကတော့ အဲဒီအရေးအခင်းပြီးတဲ့အချိန်မှာ သီးသန့်ပင့်ခေါ်ရာဆီ ကြွခဲ့ရရှာပါတယ်။ နေလနက္ခတ်တွေ လည်ပတ်မှုကင်းရာ ကမ္ဘာမြေပြားရာဆီ။ The world is flat. ကသိုဏ်းကို သုံးနှစ်တာမျှ တကိုယ်တော်စီးဖြန်းခဲ့ရှာပါတယ်။

ဒီအကြောင်းလေးကို ဆရာတော်က အမှတ်ရစွာ ပြောပြပါသေးတယ်။

“ အဲဒီနောက် ငါက ရှေးဘ၀တုန်းက ကုသိုလ်တွေလုပ်ခဲ့တော့ ထောင်ထဲရောက်သွားရော၊ ကုသိုလ်လုပ်လို့ ထောင်ထဲရောက်သွားတာ၊ ဟုတ်လား၊ မင်း“ ဗောဓိပင်ပျိုးလို့ ပေါင်ကျိုးတယ်” ဆိုတာကြားဖူးလား၊ ဗောဓိပင်စိုက်ရင် ကုသိုလ်ရမှာကွ၊ အဲဒါ ပေါင်ကျိုးသတဲ့၊ အဲဒါတစ်ခြားမဟုတ်ဘူးကွ၊ ဗောဓိပင်ပျိုးတဲ့ ကုသိုလ်ခံလို့ ပေါင်ပဲ ကျိုးတာတဲ့၊ ဗောဓိပင်သာ မပျိုးဘူးဆိုရင် သေကို သေမှာကွ၊ အေး ငါလည်း ဗောဓိပင်ပျိုးလို့ ပေါင်ကျိုးတာဟုတ်လား၊”

“ အေး ငါက လူထုလည်းပဲ သတ်တာဖြတ်တာတွေ မဖြစ်အောင် ပြောတယ်၊ အာဏာပိုင်အဖွဲ့အစည်းတွေလည်း ပြောတယ်ပေါ့ကွာ၊ သူတို့လည်းပဲ ပြောတယ်၊ မင်းတို့ ရမ်းမပစ်နဲ့၊ လူထုကိုလည်း သိပ်ပြီးတော့ မင်းတို့မစော်ကားကြနဲ့ ဟုတ်လား၊ အဲလိုဆိုရင် အကုန်လုံး ဒုက္ခဖြစ်ကုန်မယ်၊ ငါလည်း လူထုလည်း ပြော၊ အထက်အာဏာပိုင်အဖွဲ့လည်း ပြောတယ်၊ အဲဒီတော့ ငါ့ငြိမ်းချမ်းအောင် လုပ်တဲ့ပုဂ္ဂိုလ်ပဲ ဆိုပြီး ဦးစောမောင်တို့က ထောင်ချတယ်ပေါ့ကွာ၊ ကိုစောမောင်လက်ထက်မှာ၊ ဒါ မောင်ခင်ညွန်ရဲ့ ကုသိုလ် ကောင်းမှုဟုတ်လား၊”

(၆)
ဘာပဲဖြစ်ဖြစ် အဲဒီ တယ်လီဖုန်းလေး ရှိနေဦးမှာပါ။

မစိုးရိမ်အလွမ်း(၅)

မစိုးရိမ်မှာနေတဲနှစ်တွေမှာ အလုပ်နဲ့ ညီညွတ်မှုဆိုတဲ့စကားလုံးနှစ်လုံးကို အမြဲကြားရလေ့ရှိပါတယ်။ မစိုးရိမ် ဆရာတော်ဘုရားကြီးဦးသူရိယယုံကြည်စိတ်ချစွာ လွှဲအပ်တော်မူခဲ့တဲ့အတိုင်း နာယကဆရာတော်သုံးပါးက ညီညွတ်မျှတအောင် ကျောင်းတိုက်ကြီးရဲ့လုပ်ငန်းစဉ်တွေကို ပုခုံးနဲ့ရော နှလုံးသားနဲ့ပါ ထမ်းတော်မူခဲ့ကြလို့ မစိုးရိမ်တိုက်သစ်ရဲ့ နှစ်ငါးဆယ်ခရီးဟာ မြန်မာနိုင်ငံသာသနာအတွက် မန္တလေးစာမျက်နှာမှာပါ အကျိုးဆက်ကောင်းတွေကို မွေးမြူစိုက်ပျိုးနိုင်ခဲ့ကြပါတယ်။

နာယကဆရာတော်သုံးပါး ညီညွတ်စွာ အလုပ်လုပ်ပုံနဲ့ပတ်သက်ပြီး ဆရာတော်အရှင်ရာဇဓမ္မက ဆရာတော်အရှင်နာယကာဘိဝံသ လွန်တော်မူခြင်းအထိမ်းအမှတ်ပွဲတွေမှာ ဒီလိုပြန်ပြောင်းပြောပြတတ်ပါတယ်။

“မစိုးရိမ်တိုက်သစ်တည်ထောင်တာက (၁၃၁၆)ခုနှစ်မှာ----။ (၁၃၂၀) မှာတော့ ခုပျံတော်မူတဲ့ ဦးနာယက ဒီမစိုးရိမ်တိုက်သစ်ကိုပြောင်းတယ်။ သူကတော့သကျသီဟအောင်ပြီးပြီးချင်း မစိုးရိမ်တိုက်သစ်ပြောင်းသွားတယ်။ မစိုးရိမ်တိုက်ကြီးမှာ စာမချဘူး။ နောက် (၁၃၂၇)မှာတော့ ဘုန်းကြီးဦးသီရိန်-----။ ဘုန်းကြီးဦးသီရိန်ကတော့ မစိုးရိမ်တိုက်ကြီးမှာ ၁၀ နှစ်လောက်စာချခဲ့တယ်။ (၁၃၂၈)ကျတော့ ငါက မစိုးရိမ်တိုက်သစ်ကို ပြောင်းပြီး စာချတယ်။ မစိုးရိမ်တိုက်ကြီးမှာတော့ (၅)နှစ်တိတိစာချခဲ့တယ်။ အဲဒီ (၁၃၂၈)ငါပြောင်းတဲ့နှစ်တုန်းက တစ်တိုက်လုံးမှ သံဃာ (၆၃)ပါးပဲ ရှိတယ်။------။”

“အဲ ငါပြောင်းတော့ ဆရာတော်ဘုရားကြီးက----“မင်း မစိုးရိမ်တိုက်သစ်ကို စာသင်တိုက်ပုံစံဖြစ်အောင် အနည်းဆုံးသံဃာ(၂၀၀) လက်ခံ ”အဲဒီလို အမိန့်ရှိတယ်။ အဲဒီတုန်းက အဆောက်အဦနဲ့ဆိုရင်တော့ သံဃာနှစ်ရာလောက်ပဲ နေလောက်မှာပါပဲ---။အခုတော့ သံဃာနှစ်ထောင်ကျော်ရှိလာတယ်။ ကျောင်းတွေ လည်း တိုးလာတယ်။ ----ဘာဖြစ်လို့ တိုးတက်လာသလဲဆိုရင် ဒီနာယကကြီးသုံးပါး ညီညီညွတ်ညွတ်နဲ့ သာသနာပြုလုပ်ငန်းလုပ်ကြတဲ့အတွက် ဒီတိုက်တာကြီးဟာ သံဃာတွေလည်း တိုးလာတယ်။ ကျောင်တွေလည်း တိုးလာတယ်။ ဒီတော့ ဘယ်လုပ်ငန်းမဆို ညီညွတ်ရေးဟာ အင်မတန်လိုအပ်တယ်။”

မစိုးရိမ်တိုက်သစ်ဆိုတာဟာ သာသနာလောကမှာ ညီညွတ်မှုရဲ့ ပြယုဂ်ဖြစ်ကြောင်း အလုပ်တွေနဲ့ သက်သေပြခဲ့တာပါ။ ဘယ်သူခွဲခွဲ ဒို့မခွဲဆိုတာကို စာလုံးမဲကြီးတွေနဲ့ ဖော်ပြစရာမလိုပဲ ကာယသာမဂ္ဂီ စိတ္တသာမဂ္ဂီတရားတွေနဲ့ လက်တွေ့ကျင့်သုံးခဲ့တာသေချာခဲ့ပါတယ်။ ညီညွတ်မှုဟာ အင်အားဖြစ်ပါတယ်။
အဲဒီအင်အားကို ထိတ်ပြာေ၀၀ါးသူတို့လည်း ရှိခဲ့ဟန်တူပါတယ်။ ညီညွတ်မှုကို ဖြိုခွဲရင် အင်အားဟာ ပြိုလဲရမှာပါပဲ။ ဗုဒ္ဓခေတ်က အနောက်နိုင်ငံရောမ ခေါမတို့နဲ့ အပြိုင် ဒီမိုကရေစီစနစ်ကို ကျင့်သုံးပြီး ညီညွတ်စည်းလုံးပါတယ်ဆိုတဲ့ ဂဏနိုင်ငံတော်ဝေသာလီဟာ ဝေဿကာရအမတ်ကြီးရဲ့ သွေးခွဲမှုကြောင့် မဂဓနိုင်ငံခြေဖ၀ါးအောက်ရောက်ကာ ပျက်သုဉ်းသွားခဲ့ရဖူးပါတယ်။

အရေးအရာတွေ ရှုပ်ထွေးကျယ်ပြန့်လှတဲ့ ရွှေပြည်ကြီးမှာ မစိုးရိမ်ဟာ အင်အားစုကြီးတစ်ရပ်ဖြစ်နေခဲ့ပြန်ပါရော။ တကယ်တော့ မစိုးရိမ်ဟာ သာသနာအတွက် ခံတပ်ကြီးသာ ဖြစ်ပါတယ်။ ဘာပဲဖြစ်ဖြစ် အင်အားနဲ့အောင်မြင်မှုဟာ မုဒိတာပွားတတ်သူအဖို့ လက်ခုပ်တီးဖို့ကောင်းပေမယ့် တစ်ခါတစ်ရံ အတွေးကျဉ်းမြောင်းသူတို့အတွက်တော့ မျက်စိစပါးမွှေးစူးစရာပါ။

“ ဒို့မစိုးရိမ်တိုက်သစ်နဲ့ပတ်သက်ပြီး ဘေးက ပြောကြတယ်ပေါ့။ တစ်ချို့က ဘွဲတွေနဲ့--- ဆရာတော်ဦးသီရိန်အုပ်စု ဆရာတော်ဦးနာယကအုပ်စု ဆရာတော်ဦးရာဇအုပ်စု အဲဒီလိုသုံးတာလဲရှိတယ်။ တစ်ချိုက အရှေ့အုပ်စု အနောက်အုပ်စု အလယ်အုပ်စုတဲ့ ---။ ဘယ်လိုပဲ အုပ်စုအနေနဲ့ သုံးသပ်သည်ဖြစ်စေ ဒို့ဒီအထဲမှာနေတဲ့ လူကြီးသုံးပါးအပါအ၀င် အားလုံးသောနာယကအဖွဲ့က အုပ်စုသဘောရှိမှ မရှိဘဲ..ညီညီညွတ်ညွတ်သာသနာပြုကြတယ်။ ”

လုံးဝအုပ်စုသဘောမထားဘဲ ညီညီညွတ်ညွတ်သာသနာပြုကြတဲ့အတွက် ဒီတိုက်ကြီးက တိုးတက်လာတာ။ သူတို့ဘေးကပြောသလို အုပ်စုသဘောရှိနေရင် သဘောထားတွေ ကွဲလွဲနေရင် ဘယ်နည်းနဲ့မှ ဒီတိုက်မတိုးတက်ဘူး။ ဘာဖြစ်လို့တုန်း ၊ သဘောထားကွဲတယ်ဆိုတာ ရန်ဖြစ်တာပဲ။ -----အပြင်က အဲဒီအသုံးအနှုံးတွေဟာ မသိလို့သုံးတာလည်း ဖြစ်ချင်ဖြစ်မယ်၊ သို့မဟုတ် ဘေဒဥပါယ်အနေနဲ့ သုံးတာလည်း ဖြစ်နိုင်တယ်။ ဘေဒဥပါယ်ဆိုတာ တစ်ဦးနဲ့တစ်ဦးမတည့်အောင် ခွဲပစ်တာ.................သူတို့ ရည်ရွယ်ချက်ဘယ်လိုပဲ ရှိရှိပေါ့၊ ---နာယကတွေက ညီညီညွတ်ညွတ်နဲ့ ဆောင်ရွက်ကြမယ်ဆိုရင် ဒီတိုက်ဟာ ဒီထက်ဒီ တိုးတက်မှာပဲ။”

မစိုးရိမ်ရဲ့ပြတင်းဖွင့်သံများထဲမှာ အလုပ် အလုပ်ဆိုတဲ့အသံတွေသာ မည်ဟည်းနေတတ်ပါတယ်။ ကိုယ့်ဆွမ်းကိုယ်ခံစားပြီး အလုပ်လုပ်တဲ့ဆရာတော်တွေပါပဲ။ မန္တလေးဆိုတာက ဘာမှ လာဘ်လာဘ မျှော်ကိုးစရာရှိတာမှ မဟုတ်လေပဲ။ စာချဆရာတော်ဆိုတဲ့ ပီတိလေးကို ချိုနေကြတာပါ။ပရိယတ္တိသာသနာဆိုတဲ့ အရိပ်အောက်မှာ ရပ်နေရတာကို ကြည်နေကြတာပါ။

လွန်တော်မူသွားပြီဖြစ်တဲ့မစိုးရိမ်တိုက်သစ်ပထမမဟာနာယကဆရာတော်ကြီးအရှင်သီရိန္ဒမဟာထေရ်ဟာ နိုင်ငံတော်သံဃမဟာနာယကအဖွဲ့မှာ ဒုတိယဥက္ကဋ္ဌတာဝန်လို ကြီးလေးမြင့်မောက်တဲ့တာဝန်ကြီးကို ထမ်းပြီး နိုင်ငံတော်ရဲ့အဆင့်မြင့်ဆုံးဘွဲ့တံဆိပ်တော်တွေဖြစ်တဲ့ အဂ္ဂမဟာပဏ္ဍိတနဲ့ အဘိဓဇမဟာရဋ္ဌဂုရုဘွဲ့တွေကို ရရှိတော်မူတဲ့ဆရာတော်ကြီးဖြစ်ပေမယ့် သက်တော်ရှစ်ဆယ်လွန်တော်မူခါနီးအထိဆွမ်းခံဝတ်ကို ဖျက်တော် မမူခဲ့ပါဘူး။

သံဃမဟာနာယကတာဝန်ထမ်းဆောင်ဖို့ ရန်ကုန်ကမ္ဘာအေးကုန်းမြေကို ကြွရောက် သီတင်းသုံးပြီး မန္တလေးကို ပြန်ရောက်တာနဲ့ အချိန်မီသေးရင် သပိတ်ကို ပြန်ပိုက်ပြီး ဆွမ်းခံကြွတော်မူလေ့ရှိတာပါ။ အနေအထိုင်လည်း သိုသိပ်တော်မူလွန်းလို့ ဒကာ ဒကာမတွေက နှစ်ရှည်လများဆွမ်းခံကြွနေတဲ့ ဆရာတော်ကြီးကို အလွန်နာမည်ကျော်တဲ့ မစိုးရိမ်တိုက်သစ်ဆရာတော်ကြီးလို့ မသိကြပါဘူးတဲ့။ ရုပ်မြင်သံကြားမှာ သတင်း စာတွေမှာ ဖူးတွေ့ရပါမှ မနက်တိုင်း သပိတ်ကြီးပိုက်ပိုက်ပြီး အိမ်ရှေ့ကို အရောက်ကြွတော်မူလာတတ်တဲ့ ကိုယ်တော်ကြီးဟာ မစိုးရိမ်ဆရာတော်ကြီးပါလားလို့ ဆရာတော်ကြီးရဲ့ ရိုးဂုဏ်ကို ကြည်ညိုမကုန် အောင်ဖြစ်ကြရတာပါ။ စာသင်သားလောကမှာတော့ မစိုးရိမ်တိုက်သစ်ဆရာတော်ကြီးဆွမ်ခံကြွခြင်းဆိုတဲ့ ခေါင်းစဉ်နဲ့ ပြောမကုန်တဲ့ချစ်စရာပုံပြင်လေးတွေ ကိုယ်စီရှိနေကြပါတယ်။

ဆွမ်းခံကြွဖို့ အိမ်သီးခြားမရှိတဲ့ကိုရင်ပေါက်စလေးတွေ ရဟန်းငယ်တွေဟာ လမ်းဆုံလေးခွမှာ ရပ်ပြီးလောင်းတဲ့ ဘုံဆွမ်းကို တိုးကြရပါတယ်။ ဘုံဆွမ်းဆိုတာက နေ့စဉ် ဘယ်သံဃာပဲ ကြွကြွလောင်းတာမို့ ဟင်းကောင်းကောင်းလောင်းဖို့ဆိုတာမဖြစ်နိုင်ပါဘူး။ တစ်ခါတစ်ရံ သဒ္ဓါပေါက်ပြီးလောင်းတဲ့သူပေါ်လာရင်တော့ အဲဒီဆွမ်းလောင်းမှာ သံဃာတွေ တိုးတိုးဝှေ့ဝှေ့ဖြစ်လေ့ရှိပါတယ်။ မန္တလေးသူ မန္တလေးသားတွေတော့ မြင်ယောင်မိကြမှာပါ။

အဲဒီလိ်ုမျိ်ုး ဆွမ်းလောင်းတွေက ဟင်းကောင်းတတ်ပါတယ်။ အဲဒီလိုနေ့မျိုးမှာ အမြဲတမ်းဆွမ်းခံကြွတဲ့ မစိုးရိမ်ဆရာတော်ကြီးကို ကိုရင်လေးတွေက မျက်မှန်းတန်းမိပြီး ရင်းနှီးနေလေတော့ “ ဦးဇင်းကြီး ဦးဇင်းကြီး ဟိုနားမှာ ၀က်သားလောင်းနေတယ်” ဆ်ိုပြီး သင်္ကန်းစအတင်းဆွဲပြီးခေါ်ကြတော့တာပါတဲ့။ ဆရာတော်ကြီးကို သူတို့က မစိုးရိမ်တိုက်သစ်ဆရာတော်ကြီးလို့ သိမှ မသိရှာကြလေပဲ။ ဆွမ်းဟင်းသက်သက်တွက်မဟုတ်ဘဲ ရှေးရှေးဘုရား ရဟန္တာအရိယာအရှင်မြတ်တွေကျင့်မြဲ ဆွမ်းခံဝတ်ကို ကျင့်သုံးတော်မူတဲ့ ဆရာတော်ကြီးလို့မသိရှာကြလေပဲ။ ဆရာတော်ကြီးက သည်းခံတော်မူကာ သူတို့ဆွဲခေါ်ရာနောက်ကို လိုက်ပါလေ့ရှိပါသတဲ့။

ဒါပေမယ့် ဆရာတော်ကြီးဟာ သာသနာတော်အရေးအရာနဲ့ပတ်သက်လာရင်တော့ ဘယ်သူ့မျက်နှာမှ ထောက်ထားလေ့မရှိခဲ့ပါဘူး။ ဆရာတော်ကြီးရဲ့ သီလ သမာဓိ ပညာနဲ့ပတ်သက်ပြီး ရွှေစင်အစစ်ဖြစ်ကြောင်း မှတ်ကျောက်တွေ ရှိခဲ့ပါတယ်။ သံဃမဟာနာယကတာဝန်တွေ မအားလပ်တဲ့ကြားက စာပေပို့ချမှုကိုလည်း လွန်တော်မူခါနီးကာလထိ မပျက်ကွက်ခဲ့ပါဘူး။ ဆရာတော်ကြီးဟာ အလွန်ခံရခက်တဲ့အူမကြီးကင်ဆာရောဂါကို သမာဓိမပျက်ရင်ဆိုင်နိုင်ခဲ့တာကိုလည်း ကုသပေးတဲ့ ဆရာဝန်ကြီးများက အံသြကြည်ညိုခဲ့ကြပါသတဲ့။

သူကိုယ်တိုင်လည်း ဆရာတော်ကြီးလွန်တော်မမူမီ တစ်လလောက်အလိုမှာ ရန်ကုန် ဂျပန်ဆေးရုံကြီးမှာ နောက်ဆုံးဖူးခြင်းနဲ့ ဖူမျှော်ခွင့်ရခဲ့ပါတယ်။ သက်တော်ရှစ်ဆယ်အရွယ်တော်နဲ့မလိုက်အောင် ၊ ခံစားနေရတဲ့ ရောဂါဝေဒနာနဲ့ ကင်းကွာနေသယောင် အေးမြတည်ကြည်နေတဲ့မျက်နှာတော်ကို ဖူးခွင့်ရလိုက်တာပါ။ သတင်းစာတစ်စောင်ကို ဖတ်နေတဲ့ကြားက ဆရာတော်ကြီးရဲ့ ထုံးစံအတိုင်း တပ်ထားတဲ့မျက်မှန်ကို ကျော်ကြည့်ပြီး ဂါရ၀ပြုမှုကို အသိအမှတ်ပြုတော်မူခဲ့ပါတယ်။ နောက်တစ်လအကြာ စင်ကာပူနိုင်ငံက ဆေးဝါးကုသအပြီးအပြန်မှာ လွန်တော်မူခဲ့ပါတယ်။ ဆုံးရှုံးလေစွ ။

မစိုးရိမ်တိုက်သစ်ဆိုတာက အဲဒီလို ကိုယ့်ဆွမ်းကိုယ်ခံစားပြီး ကိုယ့်သမာဓိနဲ့ကိုယ် သာသနာကိုသာ အာရုံစိုက်တော်မူတဲ့ ဆရာတော်ကြီးက ဦးဆောင်ခဲ့တာဆိ်ုတော့ တိုးတက်ရပြီပေါ့။ ဒီအပင်စိုက်မှတော့ ဒီအသီးသီးပြီပေါ့။ အဲဒီအသီးက ချိုလည်း ချိုပါတယ်။ချွင်းချက်တော့ ရှိသပေါ့။ ဆရာတော်အရှင်နာယကကတော့ ကျန်းမာရေးအရ ဆွမ်းခံမကြွပါဘူး။ ဆရာတော်အရှင်ရာဇဓမ္မကတော့ ဆရာတော်ကြီး ဦးသီရိန်နဲ့ စာချုပ်ရှိလို့ ဆွမ်းခံမကြွတာလို့ စာသင်သားတွေ လက်ဆင့်ကမ်းကာ မြတ်မြတ်နိုးနိုး ပြောလေ့ရှိပါတယ်။

“ မစိုးရိမ်တိုက်သစ် တိုးတက်တာက ၀ါဒဖြန့်ကောင်းလို့မဟုတ်ဘူး၊ ဟုတ်လား၊ အလုပ်လုပ်လို့။ ၀ါဒဖြန့်ကောင်းလို့တိုးတက်တယ်ဆိုတဲ့တိုက်ကတော့ ၀ါဒဖြန့်နိုင်တုန်း၊ ၀ါဒဖြန့်တာကို ဒကာ ဒကာမတွေက ယုံကြည်တုန်း ....အဲဒီအချိန်မှာပဲ တိုးတက်မှာ။ ၀ါဒမဖြန့်နိုင်တော့ဘူး၊ ၀ါဒဖြန့်တာကို ဒကာဒကာမတွေက ၀ါဒဖြန့်တာပါလို့ အသိဉာဏ်ဝင်သွားပြီဆိုရင် အဲဒီတိုက်ဟာ ကျဆုံးသွားတာ။


အလုပ်လုပ်လို့တိုးတက်ဆိုတာကတော့ အလုပ်လုပ်နေသေးရင် အမြဲတမ်းတိုးတက်မှာ ။ဒို့တိုက်က ၀ါဒဖြန့်စရာမလိုဘူး။ နောက်နှစ် နှစ်ငါးဆယ်ပြည့်မယ်။------------ဘယ်စာရေးဆရာဆီကမှ ဆောင်းပါးမတောင်းဘူး။ ကိုယ့်ဟာကိုယ် မစိုးရိမ်တိုက်သစ်အကြောင်း စာအုပ်လေးထုတ်မယ်။ ဆရာတော်ကြီးရဲ့ ထေရုပ္ပတ္တိပြန်ထုတ်မယ်၊ အဲဒီလောက်ပဲ လုပ်မှာ ကြီးကြီးကျယ်ကျယ်လဲ မလုပ်ဘူး။ ဘယ်သူ့ဆီကမှလဲ အလှူမခံဘူး။ မကောင်းဘူးလား။

စာသင်သားတွေ မင်းတို့------နောက်နှစ် နှစ်ငါးဆယ်ပြည့်ကဆုန်လပြည့်နေ့လုပ်မယ် ၊ နှစ်ငါးဆယ်ပြည့် ဘုန်းကြီးဦးသီရိန် တစ်နှစ်ပြည့် ----ကိုယ့်စားရိတ်နဲ့ကိုယ်လာ၊ ကိုယ့်ဆွမ်းကိုယ်စား ၊အခမ်းအနားတက် ၊မကောင်းဘူးလား၊ ရှင်းသလား မရှင်းဘူးလား ------အခမ်းအနားကည ညပဲလုပ်မှာ တရားပွဲနဲ့ ဟောပြောပွဲလေးဒါပဲ လုပ်မယ် ။”
(၁၃၆၄-၅ ခုနှစ် မဟာနာယကဆရာတော် ဦးနာယကာဘိဝံသ အထိမ်းအမှတ်ပွဲများတွင် ပေးသောသြ၀ါဒ)

မစိုးရိမ်အလွမ်း(၄)

မစိုးရိမ်တိုက်သစ်ဆိုတာက မစိုးရိမ်ကျောင်းတိုက်(ဟောင်း)ကြီးကိုတည်ထောင်ပြီး အဲဒီရွှေရောင်တ၀င်းဝင်း ကျောင်းတော်ကြီးအတွင်းမှာပဲ နှစ်ပေါင်းများစွာ စာပေပရိယတ်ကို ကမ္ဘာနဲ့ချီအောင် လင်းစေနိုင်ခဲ့တဲ့ အဂ္ဂါဘိဓဇမစိုးရိမ်ဆရာတော်ကြီး ဦးသူရိယအတွက် အေးအေးလူလူသီတင်းသုံးဖို့ရည်ရွယ်ဖြစ်တည်လာတဲ့ ကျောင်းတိုက်ပါပဲ။ (မစိုးရိမ်ကျောင်းတိုက်ကြီးနဲ့ပတ်သက်ပြီး “ယခင်စာသင်တိုက် ယခုတက္ကသိုလ်” မှာ တို့ထိရေးသားခဲ့ပြီး။)

ဆဋ္ဌသံဂါယနာကို ဦးဆောင်ပြီး အထက်တန်းသာသနာ့တာဝန်တွေကို ရွံ့ရွံချွန်ချွန်ထမ်းဆောင်ခဲ့တဲ့ မစိုးရိမ်ဆရာ တော်ဘုရားကြီးဟာ ဘုန်းကံလည်း ကြီးမားတော်မူလေတော့ အေးအေးလူလူနေဖို့ ရည်ရွယ်ထားတဲ့ မစိုးရိမ်ကျောင်းအသစ်ရဲ့ ပရိဝုဏ်ထဲမှာ ကျောင်းဒကာကျောင်းဒကာမတွေက နေ့ချင်းညချင်း ကျောင်းတွေ ဆောက်လုပ်လှူဒါန်းကြပါတော့တယ်။

ဒီနေရာမှာ မစိုးရိမ်တိုက်သစ်ရဲ့ ပထမဆုံးကျောင်းဒကာဦးတောနဲ့ ကျောင်းဒကာမဒေါ်နိုင်တို့ရဲ့အကြောင်း ကလည်းစိတ်ဝင်စားစရာပါ။ မစိုးရိမ်ဆရာတော်ဘုရားကြီးဟာ မစိုးရိမ်ကျောင်းတိုက်ကြီးမှာ စာပေပို့ချနေ ပေမယ့် ရံဖန်ရံခါဆိုသလို စစ်ကိုင်းတောင်က နံ့သာချောင်မှာ တောရိပ်တောင်ရိပ်ခိုလေ့ရှိပါတယ်။ ဒုတိယကမ္ဘာစစ်ကြီးဖြစ်တဲ့အခါမှာတော့ မန္တလေးမှာ နေထိုင်သီတင်းသုံးလို့မဖြစ်တော့တာမို့ စစ်ကိုင်း တောင်ရိုးက အဲဒီနံ့သာချောင်မှာပဲ စစ်ဘေးခိုရင်း သုံးနှစ်တာ သီတင်းသုံးတော်မူခဲ့ရပါတယ်။

သစ်ဆိမ့်ချောင်မှာ စစ်ဘေးခိုနေတဲ့ ဦးတော+ဒေါ်နိုင်တို့ဟာ မစိုးရိမ်ဆရာတော်ဘုရားကြီးကို ဆည်းကပ်ခွင့်ရခဲ့ကြတာပါ။ ဆရာတော်ကြီးရဲ့ ဆွမ်းကွမ်းဝေယျာဝစ္စကို နေ့စဉ်အနီးကပ် ဆောင်ရွက်ခွင့် ရခဲ့ကြတာမို့ ဆရာတော်ကြီးရဲ့ သိက္ခာသုံးပါးအရိပ်က ကျောင်းဒကာကျောင်းဒကာမလောင်းတွေရဲ့ နှလုံးသား ပေါ်မှာ အေးမြစွာ ထိုးကျခဲ့တာပါ။ မစိုးရိမ်ဆရာတော်ကြီးဆိုတာက ပွင့်ပွင့်လင်းမိန့်တော်မူတတ်သလို ရိုးရှင်းစွာလည်း နေတော်မူတတ်တာကိုး။

သက်တော်(၉၆)နှစ်မွေးနေ့တော်မှာ “ ငါတော့ အသက်ကိုးဆယ့်ခြောက်နှစ်ရှိပြီ၊ ဘာတရားထူးမှ မရသေးဘူးဗျား” လို့ ရိုးရိုးကြီးမိန့်တော်မူတာကို လူပျံတော်ပတ္တမြားဦးမောင်မောင်က ဒီလိုလျှောက်ထားခဲ့ပါတယ်။” ဆရာတော် ဘာတရားထူးမှ မရပေမယ့် ပုထုဇဉ်ရဟန်းတစ်ပါးအနေနဲ့ အနီးကပ်အကိုးအကွယ်ခံနိုင်တဲ့ဆရာတော်ပါဘုရား” တဲ့။ သြော် အံသြဖွယ်ရှိပေစွ..။

ဒုတိယကမ္ဘာစစ်ကြီးပြီးတာနဲ့ မစိုးရိမ်ဆရာတော်ကြီးကလည်း ကျောင်းတိုက်ကြီးမှာ ပြန်လည်သီတင်းသုံးကာ စာပေပို့ချမပျက်ရှိတော်မူခဲ့သလို ဦးတော+ ဒေါ်နိုင်ဇနီးမောင်နှံတို့ကလည်း ဂေါဝိန်ဆိပ်ကမ်းမှာ ဆန်ဆိုင်လေးဖွင့်ကာ စီးပွားရှာခဲ့ရာမှ (၇) နှစ်(၈) နှစ်ခန့်အတွင်းမှာပဲ မန္တလေးမြို့ ဆန်ကုန်သည်လောကမှာ ထင်ရှားလောက်အောင် စီးပွားဖြစ်ခဲ့ကြပါတယ်။

စီးပွားဖြစ်ထွန်းလာတဲ့အခါ သူတို့ဇနီးမောင်နှံရဲ့ ပထမဆုံးစိတ်ကူးက မစိုးရိမ်ဆရာတော်ဘုရားကြီးကို ကျောင်းဆောက်လှူဒါန်းဖို့ပါပဲ။ ခက်တာက မစိုးရိမ်ကျောင်းတိုက်ကြီးမှာ ကျောင်းဆောက်ကိုးကွယ်စရာမြေကွက်လပ်မကျန်တော့ပါဘူး။ ပြီးတော့ မစိုးရိမ်ကျောင်းဒကာမိသားစုကလည်း မစိုးရ်ိမ်ကျောင်းတိုက်ကြီးကို တစ်ဦးတည်းမူပိုင်ဆောက်လုပ်ပြီး ကျောင်းရှိသံဃာတွေကိုလည်း ပစ္စည်းလေးပါးနဲ့ မညှိုးငယ်ရအောင် စိတ်ကြိုက် ထောက်ပံ့ လှူချင်ကြတာ ကလား။ အဲဒီတော့ မစိုးရိမ်ဆရာတော်ကြီးက ကျောင်းသစ်ကန်သစ်အတွက် နေရာပရိဝုဏ်အသစ်ကို ရှာဖွေပေးခဲ့ပါတယ် ။

မစိုးရိမ်ဆရာတော်ကြီးကို ယုံကြည်ကိုးစားတော်မူတဲ့ လားရှိုးဆရာတော်ဦးကေသရက သူပိုင်ဆိုင်တဲ့ ဒိုင်ဝန်ကျောင်းမြေကွက်ကို ကန့်သတ်ပြီး ယခုမစိုးရိမ်တိုက်သစ်နေရာအကွက်ကြီးကို လှူဒါန်းခဲ့ပါတယ်။ အဲဒီနေရာအသစ်မှာ ဦးတော+ဒေါ်နိုင်မိသားစုတို့က ဓမ္မဒါယာဒကျောင်းဆောင်သစ်ကို စတင်ဆောက်လုပ်လှူဒါန်းခဲ့ရာက မစိုးရိမ်တိုက်သစ်ရဲ့ နိဒါန်းပွင့်ခဲ့တော့တာပါ။ ကျောင်းဒကာမိသားစုတို့က ကျောင်းအရင်ဆောက်လုပ်ပြီးမှ နေဖို့အိမ်ဆောက်ကြပါသတဲ့။ တိုက်အိမ်သစ်တက်မင်္ဂလာကျင်းပတဲ့နေ့မှာပဲ အဲဒီတိုက်နဲ့အတူ ခြံမြေကိုပါ မစိုးရိမ်တိုက်သစ်သံဃိကအဖြစ် ရေစက်ချလှူဒါန်းခဲ့ကြပြန်ပါသတဲ့။

အဲဒီလို ဦးတော+ဒေါ်နိုင်တို့ကို အတုလိုက်ပြီး အိမ်ကို ကျောင်အမှတ်နဲ့ လှူသူတွေများစွာရှိပါတယ်။ ဒါပေမယ့် မစိုးရိမ်ဆရာတော်ကြီးက တစ်သက်နေဆိုပြီး ပြန်လည်စွန့်ခဲ့တာချည်းပါပဲ။

ဦးတော+ဒေါ်နိုင်တို့အုတ်မြစ်ချလိုက်တဲ့ မစိုးရိမ်တိုက်သစ်ရဲ့ ပရိဝုဏ်ထဲမှာ ကျောင်းဒကာဒကာမတွေက ကျောင်းတွေ အဆက်မပြတ်ဆောက်လုပ်လှူဒါန်းကြတော့တာပါ။ ဓမ္မကို အထွတ်တင်တဲ့ကျောင်းတွေ အစီအရီပေါ်လာပါတော့တယ်။

ဓမ္မဒါယာဒ( ၁၃၁၆)

ဓမ္မကာမ( ၁၃၁၇)

ဓမ္မဒီပ (၁၃၁၈)

ဓမ္မသုခ(၁၃၁၈)

ဓမ္မာဘိမတသာသနသောဘိဏီသိမ်တော်(၁၃၂၀)

ဓမ္မ၀ိနယရံသီ(၁၃၂၇) စသည် စည်ပင်ထွန်းကားလာခဲ့ပါတယ်။

မစိုးရိမ်ရဲ့လှပတဲ့အစဉ်အလာထဲမှာ ကျောင်းအမည်ပေးတာလည်း တစ်ခုအပါအ၀င်ဖြစ်ပါလိမ့်မယ်။ မစိုးရိမ်ကျောင်းတိုက်(ဟောင်း)မှာ ရှိတဲ့ကျောင်းဆောင်တွေရဲ့နာမည်တွေမှာ နယူပဒေသဆိုတဲ့စကားလုံးလေးတွေကို နောက်ဆက်တွဲထည့်လေ့ရှိပါတယ်။ ပါဠိနယူပဒေသ၊ သာသနနယူပဒေသ၊ပိဋကနယူပဒေသဆိုတာမျိုးပေါ့။ နယူပဒေသဆိုတာ နည်းဥပဒေပေါ့လေ။ ပိဋကတ်ဆိုင်ရာနည်းဥပဒေတွေ သင်ကြားပို့ချပေးရာကျောင်းတော်လို့ ဆိုချင်တာပါ။ မစိုးရိမ်တိုက်သစ်မှာ ရှိတဲ့ကျောင်းတွေကို နာမည်ပေးတဲ့အခါမှာတော့ ဓမ္မကို ရှေ့တင်လိုက်ပါတယ်။

မစိုးရိမ်တိုက်သစ်မြေနေရာက အကွက်အကွင်းအလွန်ကျပါတယ်။ တိုက်သစ်ရဲ့ တောင်ဘက်မျက်နှာစာမှာ ဒိုင်ဝန်ကွင်းကျောင်းကြီးကို ရှည်မျောမျောမြွေကြီးတစ်ကောင်ပတ်ခွေထားသလိုပါပဲ။ တိုက်သစ်ကိုတော့ သင်္ဂဇာချောင်းက ပတ်ခွေထားပြန်ပါတယ်။ ကျောင်းတိုက်ကြီးအတွင်းမှာ မင်းလမ်းမကြီးက တစ်ခုတည်းပဲ ရှိပါတယ်။ မင်းလမ်းမကြီးရဲ့ လက်ဝဲလက်ျာမှာ ကျောင်းဆောင်တွေ စီစီရီရီခမ်းနားစွာ တည်ဆောက်ထားလေရဲ့။

သူ မစိုးရိမ်တိုက်သစ်ကို ရောက်တဲ့အချိန်မှာတော့ ကျောင်းတိုက်ကြီးအတွင်း ဓမ္မရှေ့သွားကျောင်းဆောင်သစ်တွေနဲ့ ဝေဆာနေခဲ့ပါပြီ။ ကျောင်းတိုက်ကြီးရဲ့ အလယ် လမ်းမကြီးရဲ့ လက်ျာဘက်မှာ လန်ဒန်မြို့တော်က ဘစ်ဘင်းနာရီ စင်ကြီးရဲ့ပုံတူ နာရီစင်ကြီးကို တွေ့လိုက်ရတာနဲ့ပဲ ရင်သပ်ရှုမောဖြစ်သွားရတာပါ။

(အပေါ်မှာဖော်ပြထားတဲ့နာရီစင်က မစိုးရိ့မ်ကျောင်းတိုက်ဟောင်းက နာရီစင်အိုကြီးပါ) တစ်ခါတုန်းက အင်္ဂလန်နိုင်ငံသား တစ်ယောက်နဲ့ စကားပြောဖြစ်တော့ မစိုးရိမ်ကနာရီစင်အကြောင်းပြောပြတဲ့အခါ သူ့မိတ်ဆွေက ပြုံးပါတယ်။ ကိုယ့်အထွာနဲ့ကိုယ်တော့ ကြီးကျယ်တာပါပဲ။ မြန်မာနိုင်ငံမှာတော့ သူတွေ့ဖူးသမျှနာရီစင်တွေထက် မစိုးရိမ်တိုက်သစ် နာရီစင်က ခန့်ခန့်ထည်ထည်ရှိပါတယ်။ ထားပါ။

မစိုးရိမ်တိုက်သစ်က စကတည်းကိုက လှတာပါ။ နေရာလှသလို လုပ်ငန်းအစပျိုးတာလည်း လှပါတယ်။ မစိုးရိမ်ဆရာ တော်ဘုရားကြီးက မစိုးရိမ်ကျောင်းတိုက်ကြီးထဲက အသစ်လွင်ဆုံး အတက်ကြွဆုံး မျိုးဆက် သစ်စာချရဟန်းတော် သုံးပါး ကို ရွေးချယ်ပြီးစာသင်တိုက်တစ်ခုတည်ထောင်ဖို့တာဝန်ပေးအပ်တော်မူခဲ့ပါတယ်။ အရှင်သီရိန္ဒ၊ အရှင်နာယကနဲ့ အရှင်ရာဇဓမ္မဆိုတဲ့ ရဟန်းပျိုသုံးပါးပါ။ သကျသီဟဓမ္မာစရိယအောင်မြင်ပြီးစ အနာဂတ်သာသနာအမြင်သစ်တွေနဲ့ ကြီးကြီးကျယ်ကျယ်စီမံကိန်းတွေကို အိပ်မက်မက်လို့ ကောင်းတဲ့အရွယ်မှာ တကယ့်လုပ်ငန်းခွင်ထဲကို ဆရာတော်ဘုရားကြီးက အမျှော်အမြင်ကြီးစွာ ဆွဲခေါ်နေရာပေးလိုက်တာပါ၊ ဒီလိုလေးလည်း မှာတော်မူပါသေးသတဲ့၊

“မဖြစ်ဘူးဆိုတဲ့စကားငါ့မပြောရ၊ ဦးဇင်းတို့ သုံးပါး သာသနာကြီးပွားအောင်လုပ်ကြ၊ ငါကိုယ်တိုင်အားပေးနေသည်၊ ငါတို့လုပ်ခဲ့တုန်းက အားပေးသူမရှိခဲ့ဘူး ။” တဲ့။ ပြီးတော့လည်း “ ကိုယ့်ကိုယ်ကို သိလှပြီ တတ်လှပြီဟု ဘယ်ခါမှ မထင်လေနဲ့ လက်ျာတော်ရံအရှင်သာရိပုတ္တရာကိုယ်တော်ကြီးသော်မှ နိဗ္ဗာန်ရောက်မည့်ပုဂ္ဂိုလ်ကို ဗြဟ္မာ့ပြည်ရောက် ကြောင်းတရားဟောမှား၍ ဘုရားရှင်ပြင်ဆင်ဟောရသေးသည် ” လို့ ဆက်ပြီး ဆရာအသစ်တွေကို တပ်ထွက်မိန့်ခွန်းတိုတိုမိန့်ခဲ့ပါသေးသတဲ့။

ဆရာတော်ကြီးအတွက် အေးအေး လူလူ ငြိမ်းငြိမ်းချမ်းချမ်းသီတင်းသုံးဖို့ ဆောက်လှူထားတဲ့ကျောင်းဆောင်တွေကို ပရိယတ်သာသနာ အတွက် ငဲ့ကွက်တော်မူခဲ့ပါတယ်။ ဆရာတော်ကြီးက မျိုးဆက်သစ်အားကို အထူးယုံကြည် တော်မူခဲ့သလို နေရာပေးတတ်ခြင်းဆိုတဲ့ သမာနတ္တတာကျင့်ဝတ်ကိုလည်း ဖြည့်ဆည်းတော်မူ လေ့ရှိပါတယ်။ ဒါကြောင့်လည်း မစိုးရိမ်တိုက်ကြီးတွေ ဒီနေ့တိုင်အောင်မြင်နေခြင်းပဲဖြစ်ပါတယ်။

စာသင်သားသံဃာ နှစ်ရာလောက်သာမျှော်မှန်းတာဝန်ပေးခဲ့တဲ့ဆရာတော်ဘုရားကြီးသာ စာချစာသင်သံဃာတော် သုံးထောင်ဝန်းကျင်လောက်နဲ့ စည်ပင်နေတဲ့မစိုးရိမ်တိုက်သစ်သာသနာကိုသာ တွေ့ရမယ်ဆိုရင် အနှိုင်းမဲ့ပီတိနဲ့ အကြိမ်ကြိမ်သာဓုခေါ်တော်မူမှာပါပဲ။ နေရာပေးတတ်တော့လည်း နေရာကို သေသေချာချာကြီးကို ယူခဲ့ကြတာကလား။

မစိုးရိမ်ဆရာတော်ကြီးက သူကိုယ်တိုင် သကျသီဟအသင်းကြီးက ကျင်းပပြုလုပ်တဲ့ဓမ္မာစရိယစာမေးပွဲကို အောင်မြင်တဲ့ စာချဆရာတော်တစ်ပါးဖြစ်လေတော့ မစိုးရိမ်ကျောင်းတိုက်မှာ ပညာသင်ယူခဲ့ပြီး သကျသီဟဓမ္မာစရိယဖြစ်လာတဲ့ ရဟန်းတော်မှန်သမျှကို စာချအဖြစ်သာမက နာယက(ပါမောက္ခ)အဖြစ်ပါခန့်အပ်ပြီး ကျောင်းဆောင်တစ်ခုရဲ့ ကျောင်းထိုင်တင်မြှောက်လေ့ရှိပါတယ်။

အသက်သိက္ခာတို့ လုပ်သက်တို့ မလိုအပ်ပါဘူး။ အရည်အသွေးနဲ့ စွမ်းဆောင်ရည်ကိုသာ ရှုမြင်တော်မူလေ့ရှိတာပါ။ သက်တော်ငယ်ငယ်နဲ့ သကျဓမ္မာစရိယကိုယ်တော်လေးတွေ မစိုးရိမ်မှာ နာယကအဖြစ်တာဝန်ထမ်းဆောင်နေကြတာ အားတက်စရာပါပဲ။ တိုးတက်အောင်မြင်နေတဲ့ နိုင်ငံတကာတက္ကသိုလ်ကြီးတွေ အဖွဲ့အစည်းကြီးတွေ ကျင့်သုံးနေတဲ့ ဥပဒေသကို ဆရာတော်ကြီးက ကျင့်သုံးပြီးသားဖြစ်နေခဲ့တာပါ။ ဘုရားရှင်ရဲ့ သမာနတ္တတာလမ်းစဉ်က ခေတ်အဆက်ဆက်အသုံးတည့်နေမှာပါပဲ။ ဆွေမျိုးသံယောဇဉ်နဲ့ မစိုးရိမ်မှာကျောင်းထိုင်နာယကဖြစ်ဖို့တော့ မဖြစ်နိုင်ပါဘူး။

အဲဒါနဲ့ပတ်သက်ပြီး ကျေးဇူးတော်ရှင်မစိုးရိမ်ဆရာတော်ဘုရားကြီးရဲ့ ဇာတိရွာ မတ္တရာမြို့နယ်၊ပေါက်ဝဲရွာက သကျသီဟဓမ္မာစရိယအောင်မြင်တဲ့ ရဟန်းတော်အရှင်ကောဏ္ဍညရဲ့ ဂုဏ်ပြုပွဲမှာ ဆရာတော်အရှင်ရာဇဓမ္မက ကျေးဇူးရှင်ဆရာတော်ဘုရားကြီးနဲ့ပတ်သက်ပြီး ခုလို မှတ်မှတ်ရရပြောခဲ့ပါတယ်။

“ဒီသကျသီဟစာမေးပွဲဟာ ၁၂၆၅ ခုနှစ်က စတင်ကျင်းပခဲ့တယ်။-------အဲဒီစတင်ကျင်းပတဲ့နှစ်မှာပဲ ဟောဒီပေါက်ဝဲရွာ ဇာတိ ဒို့ရဲ့ဆရာတော်ဘုရားကြီး ဦးသူရိယ အောင်မြင်ခဲ့တယ်။ ဒါက စာသင်တန်း၊ နောက် ---၁၂၆၉ ခုနှစ်မှညာ သကျသီဟစာချတန်းကို အောင်မြင်ခဲ့တယ်။(မှတ်ချက် သကျသီဟစာမေးပွဲတွင် စာသင်တန်းနှင့် စာချတန်းဟုနှစ် တန်းရှိသည်) ---မင်းတို့ဆရာတော်ကြီး ဘယ်လောက်နာမည်ကြီးလဲဆိုတော့ ဘယ်လ်ဂျီယန်နိုင်ငံမှာ ထုတ်ဝေတဲ့ Who is who in the world လို့ခေါ်တဲ့ ကမ္ဘာမှာနာမည်ကြီးတဲ့ပုဂ္ဂိုလ်တွေ ဘယ်သူလဲဆိုတဲ့ စာအုပ်ထဲမှာ ဒို့ဗမာနိုင်ငံက ဟောဒီပေါက်ဝဲဇာတိဖြစ်တဲ့ ဆရာတော်ကြီးတစ်ပါးတည်း ပါတယ်။ အဲသလောက်နာမည်ကျော်တဲ့ဆရာတော်ကြီး---။

ပေါက်ဝဲရွာဇာတိဖြစ်တဲ့ ဆရာတော်ဘုရားကြီးက သူအသက်ထင်ရှားရှိတုန်းက သူ့ပေါက်ဝဲတို့ သမင်ခြံတို့က ဦးဇင်းလေးတွေကို သကျသီဟအောင်စေချင်တယ်----ဘာဖြစ်လို့လဲ ဒို့မစိုးရိမ်တိုက်သစ်တို့-- တိုက်ဟောင်းတို့ဆိုတာ သကျသီဟအောင်မှ နာယကအဖြစ်အသိအမှတ်ပြုတယ်၊ကျောင်းအပ်တယ်၊ ------ဒါပေမယ့် တစ်ပါးမှ မအောင်ဘူး၊

လူဆိုတာ ပုထုဇဉ်ဖြစ်တော့ ဒေသစွဲက ရှိတယ်ကွ။ တိုက်တာမှာ စည်းကမ်းလုပ်ထားတော့ ---- သကျသီဟမအောင်တော့ ကျောင်းအပ်လို့လည်း မရဘူး။ အောင်မယ့်အောင်တော့ ဆရာတော်ကြီးရဲ့ သက်တော် (၁၂၀) တိတိပြည့်တဲ့နှစ်(၁၃၆၁) ခုနှစ်ကျမှ မောင်ကောဏ္ဍည မင်းတို့ပေါက်ဝဲရွာဇာတိ ဦးဇင်းတစ်ပါးက သကျသီဟအောင်မြင်လာတယ်။ ဒီတော့ ဒို့ကလဲပဲ ဆရာတော်ကြီးနည်းအတိုင်းပဲ ဒီနှစ်ဝါဆိုလမှာပဲ သူ့ကို ကျောင်းအပ်လိုက်တယ်။”

သြော် မှတ်ဖွယ်မှတ်ရာပါတကား။

တစ်မျိုးသားလုံး တစ်သာသနာလုံးကျင့်သုံးထိုက်သောစံနမူနာပါတကား။

အရည်အချင်းတွေ မွေးမြူကြ၊

စွမ်းဆောင်ရည် တွေ ထက်အောင် သွေးကြ၊

ထိုက်သူ ယူစေ စနစ်ကို ကျင့်သုံးကြပေါ့လေ။

သာဓု သာဓု သာဓု အကြိမ်မီလျံ။

မစိုးရိမ်အလွမ်း(၃)

တကယ်တော့ သူက မစိုးရိမ်တိုက်သစ်တံခါးဝကြီးကို သုံးကြိမ်တိတိ ၀င်လိုက်ထွက်လိုက် လုပ်ခဲ့တာပါ။ ၁၉၈၈။ ၁၉၉၀။ ၁၉၉၃။ ခုနှစ်တွေမှာပါ။ ဘယ်အကြိမ်ကြိမ်ပဲဖြစ်ဖြစ် ဆရာတော်အရှင်ရာဇဓမ္မရဲ့ ပုံရိပ်က မပြောင်းလဲ ခဲ့ပါဘူး။ စာအုပ်ထူထူကြီးတွေထမ်းလို့..၊ ကျွဲကော်မျက်မှန်ထူထူကြီးတပ်လို့…၊ တစ်ဝက်တစ်ပျက်ဖွင့်ထားတဲ့ ပုသိမ်းထီးကို ဆောင်းလို့ ပါပဲ။ရာသီအကန့်တွေသာ ပြောင်းမယ် ။ ဆရာတော်ကတော့ မစိုးရိမ်တိုက်သစ်ရဲ့ မင်းလမ်းမကြီးအတိုင်း အမြဲသီတင်းသုံးရာ ဓမ္မဒါယာဒကျောင်းဆောင်ကနေ နေ့သန့်စင်ရာ ဓမ္မသီတဂူကျောင်းဆောင်ဆီကို နေ့စဉ်မပျက် လျှောက်လာတတ်တာပါ။

ပထမတစ်ခေါက်တွေကတော့ ဆရာတော်ကြီးထမ်းလာတတ်တဲ့ စာအုပ်ကြီးတွေက အလှမ်းဝေးလွန်းလှပါတယ်။ ဆရာတော်ကြီးက သူထမ်းလာတဲ့ စာအုပ်ထူထူကြီးတွေကို ဓမ္မသီတဂူအဆောင်အလယ်ထပ်က စာကြည့်စားပွဲမှာ ထိုင်ပြီး ဖတ်လေ့ရှိပါတယ် ။

နောက်ဆုံးအခေါက်ဝင်ဖြစ်တဲ့နှစ်မှာတော့ ဆရာတော်ကြီးဖတ်နေတဲ့ စာအုပ်ထူထူကြီတွေရဲ့ ခေါင်းစဉ်လောက်ကိုတော့ သူက စောကြောမိပါပြီ။ ချိန်းဘားအင်္ဂလိမ်အဘိဓာန်စာအုပ်ကြီးနဲ့ အိန္ဒိယလွတ်လပ်ရေးခေါင်းဆောင်ကြီး မစ္စတာနေရူးရဲ့ ကမ္ဘာ့သမိုင်းစောင်းငဲ့ကြည့်ခြင်းဆိုတဲ့ စာအုပ်ထူထူကြီးနှစ်အုပ်ကိုတော့ မှတ်မှတ်ရရရှိနေခဲ့တာပါ။

သူကိုယ်တိုင်လည်း အဲဒီနှစ်တွေမှာ စာကြမ်းပိုး(ဂျပိုး)လိုလို ဂိုက်ဖမ်းပြီး အင်္ဂလိပ်စာကိုလည်း ထော့နဲ့ထော့နဲ့ လေ့လာတဲ့အပိုင်းကို ရောက်နေခဲ့ပါပြီ။ ဂရမ်မာစာအုပ်တွေ ကောင်းတယ်ဆိုသမျှ ၀ယ်ဖတ် သင်တန်းတွေ ကောင်းတယ်ဆိုသမျှ ၀င်တက်လုပ်နေခဲ့တာပါ။ မြတောင်ကျောင်းက ဘုန်းတော်ကြီးထံမှာ နှစ်ရက်ခန့်၊ ငွေတောင် တိုက်က ဘုန်းကြီးအိုကြီးဆီမှာ တစ်ပတ်ခန့်။ ၃၅ အေလမ်းပေါ်က ဖားသားလဖုန်းကျောင်းက ခရစ်ယန် ဘုန်းတော်ကြီးထံမှာ တစ်လခန့် စသည်စသည်..။

သင်တန်းတွေကို သူက အကြာကြီးမတက်ဖြစ်ခဲ့တာက ရွာဦးဘုန်းတော်ကြိးသင်ပေးလိုက်တဲ့ အင်္ဂလိပ်စာဓါတ်ခံလေးကို အားပြုပြီး အခြေခံအင်္ဂလိပ်စာအုပ်လေးများကို အကူမပါပဲ ဖတ်နိုင်ခဲ့တာကြောင့်ပါ။ တက်မိတဲ့ သင်တန်းတွေကလည်း အင်္ဂလိပ်စာအခြေခံအားနည်းကြတဲ့ သာသနာ့ဝန်းထမ်းအများစုအတွက် ရည်ရွယ်တာဖြစ်လေတော့ အခြေခံကို ကျော်ခွချင်တဲ့ သူ့အတွက် ဖားသားလဖုန်းကျောင်းက ဘုန်းတော်ကြီးရဲ့ သင်ပြမှုကတော့ အဆင်ပြေခဲ့ပါသေးတယ်။ ဒါပေမယ့် သာသနာ့တက္ကသိုလ်ဝင်ခွင့်စာမေးပွဲအောင်စာရင်းမှာ သူ့အမည်ပါလာလေတော့ နန်းတော်ရှေ့ ဇာတ်လမ်းဇာတ်ကွက်တွေဆီ ပညာသင်နှစ်အသစ်တွေဆီ ဆက်လက်ခုတ်မောင်းခွင့်ရခဲ့ပြီးနောက်ပိုင်း ခရစ်ယန် ဘုန်းတော်ကြီးရဲ့ စေတနာစာသင်ခန်းလေးနဲ့ ဝေးခဲ့ရတော့တာပါ။ ကျေးဇူးတင်ပါတယ် ဖာသာ။

ဘာသန္တရ(နိုင်ငံခြားဘာသာစကား) ကို အရူးအမူးဖြစ်စွာ.. စာပေမှန်သမျှ အထူးအားဖြင့် မော်ဒန်စာပေလှုပ်ရှားမှုမှန်သမျှ စောင့်ကြည့်ကာ ဓမ္မသီတဂူကျောင်းရှေ့က ပိတောက်ပင်လေးအောက်မှာ ကဗျာတွေအကြောင်းပြောဖြစ်ခဲ့ဖူးပါတယ်။ တကယ်တော့ သူနဲ့ စာပေအကြောင်း စာအုပ်တွေအကြောင်း ကြုံတိုင်းပြောဖြစ်ခဲ့တဲ့ မိတ်ဆွေစီနီယာ ရဟန်း တော်တစ်ပါးတော့ ရှိခဲ့ဖူးပါရဲ့။ သူ့မိတ်ဆွေရဟန်းတော်ကို မိုက်ကယ်လ်ကြီးလို့ ခေါ်ခဲ့ကြသလို သူ့ကိုလည်း မော်ဒန်တွေ ဒန်လွန်းလို့ မော်ဒန်ကြီးလို့ နစ်ခ်နိမ်းပေးခဲ့ကြပြန်ပါတယ်။ဒါပေမယ့် မော်ဒန်ဆိုတာ ဘာလဲအမေးကိုတော့ သူမဖြေနိုင်ခဲ့ပါလေ။

တကယ်တော့ အဲဒါဟာ ကိုယ့်ကိုယ့်ကို ဟုတ်လှပြီထင်ပေမယ့် မစိုးရိမ်တိုက်သစ်ကြီးရဲ့ စည်းမျဉ်းတွေအပေါ်မှာ သစ္စာဖောက်ခဲ့သလို ကိုယ်တိုင်ရွေးချယ်ထားတဲ့ ကိုယ့်ပညာရေးလမ်းကြောင်းကိုလည်း မရိုးမသားလုပ်ခဲ့တာပါပဲ..။ သူက အဲဒီနှစ်တွေမှာ သကျသီဟစာသင်တန်းမှာ စာရင်းသွင်းထားတာပါ ။ ကမ္ဘာ့သာသနာပြုအကျော် ဆရာတော်ကြီး အရှင်သေဋ္ဌိလရဲ့ ဆရာဖြစ်တဲ့ နာမည်ကျော်အရှင်အာဒိစ္စ၀ံသ( နောင်ဆရာကြီး ဦးအောင်မြတ်ထွဋ် ) မျှော်မှန်းခဲ့ဖူးသလို မစိုးရိမ်အ၀န်းအ၀ိုင်းမှာ နာယကစာချဖြစ်ရေးအိပ်မက်တွေ မက်ခဲ့သေးတာပါ။ ဒါပေမယ့် သူက မရိုးသားခဲ့ပါဘူး။

တကယ်တော့ ကိုယ်ဘာလိုတယ်ဆိုတာ အကဲမဖြတ်နိုင်ခဲ့တာလည်း ဖြစ်ပါတယ်။

“မင်းတို့ခေတ်က ကိုယ့်ပညာရေးကိုတောင် မင်းတို့ အလေးမထားဘူး။ ပညာသင်တဲ့ပုဂ္ဂိုလ်ဆိုတာ ဗောဓိရာဇ ကုမာရသုတ်(မ၊၂၊၂၂၇)မှာ ဘုရားရှင်က ဟောထားတယ်။

ဗောဓိရာဇကုမာရက ပထမမေးတယ်ပေါ့ကွာ။ အရှင်ဘုရား မဂ်ဖိုလ်ရချင်ရင် ဘယ်နှစ်ရက်လောက် နေရင်ရမှာတုန်း။ ကတ်သီးကတ်သတ်မေးတဲ့မေးခွန်းပါကွ၊ ဒီတော့ သူက ရိုးသားမှုရှိတယ်ဆိုရင်ကတော့ (၇)နှစ်ပေါ့။ (၇)လပေါ့။သို့မဟုတ် (၇) ရက်ပေါ့ကွာ။ ရိုးသားမှုရှိဖို့တော့ လိုတယ်။ ဒီအားထုတ်တဲ့ပုဂ္ဂိုလ်က ရိုးသားမှုရှိရင်ကတော့ ဒါ မြန်မြန်ရတာပဲပေါ့။

ဗောဓိမင်းသားကို ဘုရားရှင်က ပြန်မေးတယ်၊ မင်းလည်းကွာ ဆင်အတတ်တွေ မြင်းအတတ်တွေ သူများ သင်ပေးနေ တာပဲ။ ကဲ အဲဒီသင်ပေးနေတော့ မင်းမှာလဲ တပည့်တွေ အများကြီးရှိတာပဲကွ။ အဲဒီတပည့်တွေထဲမှာ မရိုးသားတဲ့ တပည့်ကို မင်းပညာတတ်အောင် သင်နိုင်ရဲ့လား။ ဟာ အရှင်ဘုရားမရဘူး။ မရိုးသားရင်တော့ ဘာပညာမှ သင်လို့မရဘူး။

အေးအဲဒါမှတ်ထား။ ဒါကြောင့် ပညာသင်တယ်ဆိုတာ မင်းတို့လောကီပညာပဲသင်သင် လောကုတ္တရာပညာပဲသင်သင် ရိုးသားမှုက အင်မတန်လိုတာ၊ ခုမင်းတို့က အဲဒီအင်္ဂါရပ်သိပ်ချို့တဲ့နေကြတာ။ နေရာတကာလျှောက်ညာနေကြတယ်။”

“ဟိုတစ်နေ့က ပြောခဲ့တဲ့ ဟဲလင်ကဲလားဆိုတဲ့အမျိုးသမီးလေးဆိုတာ မျက်စိကန်းနေတာပဲ။ ဒါပေမယ့် မျက်မမြင်စာနဲ့ စိတ်ဝင်စားမှုရှိတော့ကို ပညာသင်တော့ တတ်သွားတာပဲ။ ဘီအေတွေ ဘာတွေ အောင်သည်အထိ ---ပညာတတ်သွားတယ်။ သူက မျက်စိမမြင်ပေမယ့် ပညာရေးမှာ စိတ်ဝင်စားတယ်။ ရိုးသားတယ်။ တကယ်ပညာတတ်ချင်တဲ့ အဲဒီစိတ်ထားရှိတယ်။ ….မင်းတို့အခြေအနေက သူ့ထက်အများကြီးသာတယ်၊ ဒါပေမယ့် မရိုးသားတော့ ပညာအတတ်နည်းတာပဲ။”

“ဒို့ခေတ်တုန်းက ဗောဓိရာဇကုမာရသုတ်မှာ ဟောတဲ့အတိုင်း ရိုးသားကြတယ်။ ကိုယ့်ပညာကိုယ်သင်မှ ရမယ်။ အဲသလို ရိုးသားတယ်။ ----ဒို့ခေတ်မှာ ဘုရားဝတ်တက် စည်းမျဉ်းလုပ်ဖို့မလိုဘူး။ စာအံကျောင်းတက်ရမယ်ဆိုတဲ့ စည်းမျဉ်းလိုပ်ဖို့မလိုဘူး။ သူစာနဲ့သူအံနေကြတာပဲ။ မင်းတို့ခေတ်မှာ အဲလိုဖြစ်ဖို့လိုတယ်။ အဲသလို ဖြစ်မှ မင်းတို့သာသနာလည်း တိုးတက်မှာ။ တိုင်းပြည်လည်းတိုးတက်မှာ ။ ဒီအတိုင်းသာ လူပျင်းတွေချည်းသာ ဖြစ်နေရင်တော့ ဒို့သာသနာလည်း မတိုးတက်ပါဘူး။ တိုင်းပြည်လည်း မတိုးတက်ပါဘူး။”( ၁၃၆၆ ခု ၊ ဒုတိယ၀ါဆိုလပြည့်နေ့ သြ၀ါဒ)

သကျသီဟစာမေးပွဲဆိုတာက နေ့နေ့ညည သင်ခန်းစာတွေနဲ့ လုံးနေရတာပါ။ စာတွေခက်လွန်းလို့ ပုစ္ဆာထုတ်တဲ့ ဆရာတော်တွေရဲ့ အာဘော်တွေက နက်လွန်းလို့ အောင်မြင်သူရာခိုင်နှုံးအနည်းဆုံးစာမေးပွဲမို့ ရှေးဆရာတော်ကြီးတွေက လူသတ်ပွဲလို့တောင် ပြောပြီး ကန့်ကွက်တာတွေ ရှိခဲ့ဖူးပါတယ်။ ဒါပေမယ့် ပါရမီနဲ့ ကံဉာဏ်ဝီရိယပြည့်စုံတဲ့ သူ့မိတ်ဆွေ အချို့ကတော့ အဲဒီတောင်ကို ကျော်ဖြတ်နိုင်ခဲ့ကြပါတယ်။

သူကတော့ သကျသီဟခေါင်းစဉ်အောက်မှာ မဖြစ်မနေတက်ရမယ့် စာဝါတွေ တာဝန်ကြေတက်၊ အပတ်စဉ်စာမေးပွဲ တွေကို တစ်ပွဲထိုးကျက်ကာ ဒဏ်မကျအောင် ဖြေဆိုလို့ တကယ့်တကယ်တော့ သူက အေဘီစီတွေနဲ့ ဂန္ထ၀င်တွေ မော်ဒန်တွေနဲ့ …….ရောထွေးပျော်မွေ့နေခဲ့တာပါ။

ဒီလိုနဲ့ မစိုးရိမ်မှာ လေးနှစ်ကြာခဲ့ပေမယ့် စာမေးပွဲဆိုလို့ ဘာတစ်ပွဲမှ မအောင်ခဲ့ပါဘူး..။

ဘာပဲဖြစ်ဖြစ် ကိုယ့်ရွေးချယ်တဲ့လမ်းကိုတော့ လွမ်းလောက်အောင် လျှောက်ဖြစ်ခဲ့ပါတယ်။ သကျသီဟစာဖြေခန်းကိုတော့ နောက်ထပ်နှစ်တွေ အများကြီးကျန်သေးပေမယ့် ကိုယ့်ကိုယ်ကိုယ် ရိုးသားဖို့အချိန်မီခဲ့ပါတယ်။ သူနဲ့သဟဇာတကျမယ့် တက္ကသိုလ်စာသင်ခန်းတွေကို ရွေးချယ်လိုက်တာပါ။

သြော်မော်ဒန်လွန်နေ့ရက်များ....။

မစိုးရိမ်အလွမ်း(၂)

မစိုးရိမ်တိုက်သစ်ကို သူရောက်တော့ ၁၉၈၈ ရုတ်ရုတ်သဲသဲကာလကြီးမှာပါ။ ဆရာတော်ဦးရာဇဓမ္မဆိုတာကို မျှော်လင့်ထားတာနဲ့တစ်ခြားစီ ဖူးတွေ့ခွင့်စတင်ရရှိခဲ့ပါတယ်။ မစိုးရိမ်နဲ့စပ်သမျှသံဃာတော်တွေရဲ့ စကားဝိုင်းမှာ အမြဲဘာသာရပ်တစ်ခုအဖြစ်ရပ်တည်နိုင်တဲ့ ဆရာတော်တစ်ပါးရဲ့ ပုံရိပ်ကို သူက ပန်းချီအနုပညာကို မြတ်နိုးသူပီပီ ပုံဖော်ထားခဲ့ပြီးသားပါ။ ထောင်ထောင်မောင်းမောင်း မတ်မတ်မားမားပေါ့။ ဆရာတော်က စာပေနဲ့သီလတင်မက အရေး အရာတော်တော်များများကိုလည်း ဖြေရှင်းတတ်ပါသေးသတဲ့။.

သူတကယ်တွေ့ခဲ့တဲ့ အရှင်ရာဇဓမ္မဆိုတာက ပိန်ပိန်ပါးပါး။ ၀တ်ထားတဲ့သင်္ကန်းက တွန့်ခေါက်ချိုး။ ဆောင်းထားတဲ့ ပုသိမ်ထီးကို တစ်ဝက်မဖွင့် ကုပ်ကုပ်လေးဆောာင်းလို့ မစိုးရိမ်တိုက်သစ်ကြီးရဲ့ တစ်ခုတည်းသောကျောင်းလမ်းမကြီးကို မော့မော့မင်းမင်းလျှောက်လာတတ်တာ လွမ်းစရာပါပဲ ။ ပြီးတော့လည်းသိန်းဖေမြင့်တို့တပ်တဲ့ မျက်မှန်မျိုးတပ် ဆင်ထားပါတယ်။ အသံကတော့ သူ့လိုကိုရင်လေးတစ်ပါးအတွက် ဥပမာပေးစရာမရှိအောင် ထူးခြားခဲ့တာ သေချာခဲ့ပါတယ်။ နောင်အခါကျမှ ဘယ်သူနဲ့မှ မတူတဲ့ အသံပိုင်ရှင်မှန်းသိရပါတယ်။

လွန်တော်မူရှာပြီဖြစ်တဲ့ မစိုးရိမ်တိုက်သစ်ပထမဆရာတော်ဘုရားကြီး အရှင်သီရိန္ဒာဘိဝံသ(နိုင်ငံတော်သံဃမဟာ နာယ ကဒုတိယဥက္ကဌ၊ အဂ္ဂမဟာပဏ္ဍိတ၊ အဘိဓဇမဟာရဌဂုရု) ရဲ့ မှတ်တမ်းမှာ ရေးမှတ်သွားတာလေးက ကျေးဇူးရှင်ကြီးနှစ် ပါးကြား မျက်ရည်စို့စရာပါပဲ။ သူဆိုရင်တော့ ဘာပဲဖြစ်ဖြစ် အရိယာတစ်ခြမ်းလောက်ဖြစ်နေရင်တောင်မှ ငိုချင်ရက်လက်တို့ဖြစ်စရာပါ။ ဆရာတော်ဘုရားကြီး ဦးသီရိန္ဒရဲ့မှတ်တမ်းထဲမှာ ဆရာတော်ရေးမှတ်သွားတာလေးက

“ဆရာတော်ဘုရားကြီးသည် (ဆရာတော်ဘုရာကြီးဆိုသည်မှာ ဆဋ္ဌသင်္ဂါယနာပွဲတွင် ဦးဆောင်တော်မူခဲ့သည့် အဂ္ဂါဘိဓဇ မစိုးရိမ်ဆရာတော် ဦးသူရိယကို ဆိုလို၏) ဆွမ်းစားပင့်ဖိတ်သောအခါတို့တွင် ဦးရာဇဓမ္မကို သီလပေးရေ စက်ချတရားဟေားစမ်းကြည့်ခိုင်းသည်။ ဦးရာဇဓမ္မ၏ သီလပေးရေစက်ချဟောပြောမှုများကို ဆရာတော်ဘုရားကြီး ကျေနပ်နှစ်သက်သဖြင့် “တစ်ချို့တစ်ချို့ဂိုဏ်းတွေက အဟောအပြောလေး ကျက်ထားတာကွ၊ ချောမောအောင် လုပ်တတ်တယ်။ ဒို့သုဓမ္မာတွေ ချောမောအောင်မလုပ်တတ်ဘူး” ဟုအမိန့်ရှိသော ဆရာတော်ဘုရားကြီးသည် ဦးရာဇဓမ္မ ရောက်ချိန်မှစ၍ အထက်ပါပြောဆိုမှု အသံတိတ်ပြီး ကိစ္စရပ်ပေါ်လာတိုင်း ဦးရာဇဓမ္မကို လက်မလွတ်တော့ဘဲ အမြဲတမ်း ခေါ်ဆောင်သွားတော်မူသည်။ အခြားပုဂ္ဂိုလ်တို့အသံသည် ကြည်သည်မြသည်ဟု ထူးခြားမှုရှိတတ်သည်။ ဦးရာဇဓမ္မ၏ အသံကား ကြည်သည် မြသည်ဟု ဆိုရရုံသာမက သူတစ်ပါးထက် ထူးကဲပြီး ပီသမှုပိုသည်၊ ထိုကဲ့သို့ ပီသမှုပိုသည်ကို ဦးရာဇဓမ္မကိုယ်တိုင် သိသည်မထင်၊ မိမိက အထူးဂရုပြုထား၍ သိရသောအရာဖြစ်သည်။” တဲ့။

ဒီဆရာတော်ကြီးနှစ်ပါးဆိုတာက ငယ်သူငယ်ချင်းတွေဖြစ်ကြသလို အသက်ကနှစ်နှစ်လောက်ပဲကွာတာဆိုပဲ။ ဆရာတော်ဦးသီရိန်ဆိုတာက စီနီယာပါ။ ဂျှူနီယာရဟန်းတော်တစ်ပါးရဲ့ အားသားချက်ကို ရှုမြင်နေခဲ့တာကလည်း သာသနာတော်မှာ ပုထုဇဉ်ရဟန်းတွေရဲ့ဖြူစင်မှုပြယုဂ်ကို ထင်ထင်ရှားရှားပြခဲ့တဲ့ ကျေးဇူးတော်ရှင်အဂ္ဂါဘိဓဇ မစိုးရိမ် ဆရာတော်ကြီး ဦးသူရိယရဲ့ ခြေမှုံတွေကို နမ်းရှိုက်လိုကြတဲ့တပည့်တွေမို့သာပါ။

ဘာပဲဖြစ်ဖြစ် မစိုးရိမ်တိုက်သစ်က ဆရာတော်တွေကို သူ့အနေနဲ့ တစ်ခါတစ်ရံ ခပ်ပါးပါး၊ တစ်ခါတစ်ရံမှာတော့ မထူမပါး …..။ အဲဒီနှစ်မှာပဲ သူအနေနဲ့ တကယ်သေနတ်သံနဲ့ ဒီမိုကရေစီဆိုတဲ့စကားလုံးကို ကြားခဲ့ဖူးခဲ့တယ်။

အဲဒီနှစ်က သူ့အသက်က ၁၄ နှစ်မပြည့်တတ်သေးပါဘူး။ ဖြေထားတဲ့ စာမေးပွဲကတော့ ပထမလတ်တန်း။ ဒါပေမယ့် အဲဒီနှစ် ပါဠိပထမပြန်စာမေးပွဲမှာ သူကျခဲ့ပါတယ်။ သူက စာမေးပွဲကျပေမယ့် မစိုးရိမ်တိုက်သစ်မှာတော့ လူရာဝင်ခဲ့ပါသေးတယ်။ သကျသီဟအသင်းကြီးက ကျင်းပမယ့် သာမဏေကျော်စာမေးပွဲမှာ ၀င်ရောက်ဖြေဆိုဖို့ စာရင်းသွင်းဖြစ်ခဲ့ပါရဲ့။ အဲဒီနှစ်က မစိုးရိမ်တိုက်သစ်မှာ သာမဏေကျော်စာမေးပွဲဖြေမယ့်ကိုရင်လေးတွေဆိုတာက လက်ချိုးရေတွက်လို့ ရနေခဲ့ပါသေးတယ်။

အဲဒီအချိန်က မစိုးရိမ်ဟာ အခုလို သံဃာတွေ ပေါက်ကွဲလုမတတ် မဖြစ်ခဲ့သေးပေမယ့် အောင်မြင်တဲ့ စာသင်တိုက်ကြီးတစ်တိုက်အဖြစ် ဘုရားအလိုတော်ကျနေခဲ့ပါပြီ။ ပဓာနမဟာနာယကဆရာတော် အရှင်သီရိန္ဒ၊ နာယကဆရာတော်များဖြစ်တဲ့အရှင်နာယက၊ အရှင်ရာဇဓမ္မဆိုတာကလည်း မစိုးရိမ်တိုက်သစ် ဆိုတာဘာလဲဆိုတဲ့ မေးခွန်းကို အဖြေတစ်ခုတည်း ထုတ်ခဲ့ကြသူတွေပါပဲ။

မဟာနာယကဆရာတော်ကြီးတွေသုံးပါးလုံးနဲ့ ပတ်သက်မိတော့လည်း ဆရာတော်ကြီးတွေက ချစ်စ်စရာ။ဘာပဲဖြစ်ဖြစ် မဟာနာယကဆရာတော်ကြီးနှစ်ပါးအကြောင်းတော့ နောက်မှပဲ လွမ်းပါရစေ။ ပြီးတော့ ဆရာတော်ကြီးနှစ်ပါးက ခုတော့ ဂုဏ်သတင်းမျှသာ ရုပ်ကြွင်းအဖြစ်ကျန်တော့တာကလား။

ဒီတော့လည်း အနီးဆုံးဆရာတော်ကြီးကိုပဲ လွမ်းလက်စမပျက် လွမ်းပါရစေဦး။ ဆရာတော်ကြီး အနားမှာ ရှိရင်တော့ “ဒီနွားက မအိပ်သေးဘူးလားဗျာ” လို့ လုပ်ချင်လုပ်နေဦးမှာ။

ဆရာတော်အရှင်ရာဇဓမ္မက သူ့တပည့်တွေ စာအုပ်ဖတ်တာကို သိပ်ကြိုက်လေ့ရှိပါတယ်။ဒါပေမယ့် သူ့ခမျာ တပည့်တွေလည်း စာဖတ်စေချင်၊ လောကုတ္တရာကလည်း လျောမကျစေချင်။ ပြီးတော့ ရာစုသစ်ကြီးထဲမှာလည်း နုံနုံအအမကျန်ရစ်စေချင်နဲ့ ရှည်ရှည်လျားလျားသြ၀ါဒတွေ ပေးဖြစ်ခဲ့ပါတော့တယ်။

“ကဲ ကနေ့ စက်တင်ဘာ ၁၀ ရက် ၊ မနက်ဖြန်ခါ စက်တင်ဘာ ၁၁ ရက် အဲဒီတော့ အမေရိကန်မှာ World Trade Center ဆိုတဲ့ အဆောက်အဦကြီး အဖျက်အဆီးခံရတာ မနက်ဖြန်ဆို ၂၀၀၂ စက်တင်ဘာ (၁၁)ရက်ဆိုတော့ တစ်နှစ်ပြည့် သွားပြီပေါ့။ အခုဘယ်လိုဖြစ်တုန်း၊ ဟိုတစ်နေ့က ဗြိတိန်က ၀န်ကြီးတစ်ယောက်က ဆောင်းပါးလေးရေးတယ်၊ အဲဒါကြီးကို ဖျက်မယ်ဆိုတာ အမေရိကန်ကြိုတင်သိတယ်။ သိပေမယ့် -----ဒါကြီးမပျက်ပျက်အောင် လုပ်တာတဲ့ဗျာ။ အဲဒါကြီး ဖျက်မှ အီရတ်တို့ အာဖဂန်နစ္စတန်တို့ကို အရေးယူလို့ရမှာကိုးကွ၊ -----------။

အေးမင်းတို့လည်း နိုင်ငံခြားသတင်းဖတ်မှာလည်း မဟုတ်ဘူး။ ငါကတော့ ဖတ်တယ်။ နိုင်ငံခြားသတင်းပဲ ဖတ်တယ်၊ ပြည်တွင်းသတင်းမဖတ်ဘူး၊ ပြည်တွင်းသတင်းကဘာထူးတာမှတ်လို့ ပဂိုးဒါးရယ် ဆိုးဂျားရယ်၊ဒါတွေပဲ ဥစ္စာ၊-----------------။အစိုးရတစ်ခုဆိုတာ ဆူစေပူစေချင်ရင် ဆူအောင်ပူအောင် ဖန်တီးတာတို့ ဘာတို့ ဒါမျိုးတွေ ရှိတတ်ပါတယ်။---------------။

မင်းတို့စာတွေ ဖတ်တာကောင်းပါတယ်။ ဒါပေမယ့် မင်းတို့ စာဖတ်ပြီးတော့လည်းဗဟုသုတလည်း မရှိဘူး။ -------။ ကာတွန်းလောက်ဖတ်တာကိုး၊ အဲဒီတော့ လူတွေလည်း သွားတော့ ကာတွန်းလိုသွား၊ ရေးတော့လည်း ကာတွန်းလက်ရေးဖြစ်ကုန်ရော။”“စာဖတ်တယ်ဆိုတာ ဗဟုသုတအတွေ့အကြုံတွေ များအောင်လို့ စာဖတ်ဖို့ လိုတယ်၊ ခုတော့ မင်းတို့ဥစ္စာ ဖေတော့မောင်တော့လောက် ဖတ်တာ၊ ၀တ္ထုတောင်မှ အချစ်မပါရင် ၀တ္ထုမပီသဘူးထင်တယ်။ ဖတ်ကို မဖတ်တော့ဘူး။

မင်းတို့ ဟိုကောင်မတစ်ယောက် ရေးတောင်ရေးတယ် Living Together အားကြီး သူက ဦးစားပေးရေးတာ။ ဟေ့ကောင်တွေ လစ်ဗင်းတူဂဲသားဆိုတာ သိလား၊( မသိပါဘုရား) လင်မယားမဟုတ်ဘဲနဲ့ အတူတူနေတာကွ ဟုတ်လား၊ ------။အတူတူနေချင်လို့ လင်မယားမဟုတ်ဘဲနဲ့ လင်မယားလို အတူတူအိပ်ရတာ၊ အဲဒါကို လစ်ဗင်းတူဂဲသားခေါ်တယ်။ အဲဒါကို ဦးစားပေးရေးတဲ့ စာရေးဆရာမတစ်ယောက်ရှိတယ်ပြောတာပဲ၊ ငါတော့ တစ်ခါမှ မဖတ်ဖူးသေးဘူး။ သူ့နာမည်လည်း ငါကြားတောင်မကြားဖူးပါဘူး။ အေးမင်းတို့က အဲဒါမျိုးတွေပဲ အဖတ်များတယ်။”

“ ဒီတော့ စာဖတ်တာကောင်းပါတယ်။ ကိုယ့်ကို ဗဟုသုတပေးမယ့် စာပေမျိုးကို ရွေးချယ်ပြီးတော့ အားလပ်တဲ့ အချိန်တိုင်းမှာ မင်းတို့ဖတ်ရတယ်၊ စာအံကျောင်းတို့ဘာတို့မှာ အဲဒီမဂ္ဂဇင်းတို့ ဘာတို့ ယူလာရင် ဒို့ကတော့ နှင်ထုတ်မှာပဲ။”

(၁၃၆၅ ခု တော်သလင်းလပြည့်နေ့ သြ၀ါဒ)

ဟိုးလွန်ခဲ့တဲ့ ဆယ်စုနှစ်အလွန်ကာလများဆီ ပြန်လည်ကာ သူ့အတွေးတွေ ဆန်တက်သွားခဲ့ သွားပါတယ်။ မစိုးရိမ် တိုက်သစ်နားက ဗေဒါလမ်းဆိုတဲ့ စာအု့ပ်ဆိုင်လေးမှာ ဆိုင်ပိုင်ရှင် ဒကာကြီးသိုမှီးထားတဲ့ အမြတ်တနိုးစာအုပ်တွေ လက်သိပ်ထိုးငှားပေးလို့ တိုးတိုးတိတ်တိတ်ဖတ်ခဲ့ရတာတွေ အမှတ်ရမိသေးတော့။

ဘာပဲဖြစ်ဖြစ် တက္ကသိုလ်ဘုန်းနိုင်ရဲ့ နွေကန္တာဦး ကိုတော့ဖြင့် ဓမ္မသီတဂူအလယ်ထပ်မှာ ညလုံးပေါက်ဖတ်ခဲ့ဖူးပါလေရဲ့။ ၀ါဆိုဖယောင်တိုင်ကြီး တစ်တိုင်ကို စွန့်စွန့်စားစားထွန်းပြီးတော့ပေါ့လေ။

မစိုးရိမ်ထုံးစံက ည ၁၂း၀၀ ဆိုရင် ကျောင်းတိုင်းမီးပိတ်ရတာပါ။ အပိုစာကျက်ချင်တဲ့ ကိုယ်တော်များအတွက်တော့ ကျောင်းလမ်းမကြီးတွေပေါ်က မာကျူရီမီးသီကြီးတွေက လောက်လောက်လန်းလန်းရှိနေခဲ့ပါတယ်။

သူကတော့ အိပ်ရာအ၀င်မှာ နုနုငယ်ငယ်တို့ သာစည်မြို့စွန်က ရွာမွန်သာရွာလေးကို ၀ါဆိုဖယောင်းတိုင်ကြီး တစ်တိုင်နဲ့ ရောက်အောင်သွားပစ်ခဲ့တာပါ။ ကံကောင်းချင်တော့ သူနေတဲ့တစ်ထပ်လုံးက သတိမပြုလိုက်မိပါဘူး။ သတိပြုမိတာက ဆရာတော် အရှင်ရာဇဓမ္မတစ်ပါးသာရှိခဲ့ပါတယ်။

“အေး ညက မင်းတို့ အထပ်မှာ မီးထွန်းတာ တွေ့တယ်၊ နောက်တစ်ခါတွေ့ရင် နှင်ထုတ်မယ်” ။

ဆရာတော်ဘုရား သည်းခံပါ ဖျာ့။ တပည့်တော်ပါဘုရား။

အဲဒါထက် တောင်ကြီးမြို့ ကို တစ်နှစ်တစ်ခါ လည်ပတ်လေ့ရှိတဲ့ သူ့အတွက် သာစည်မြှို့အလွန်က ရွာမွန်သာရွာလေးကို ဟိုင်းဝေးမီနီဘတ်စ်လေးနဲ့ ဖြတ်ကျော်ရလေတိုင်း ကိုဘခက်တို့ ညွန့်မေတို့နဲ့ စကားပြောချင်တဲ့ ရောဂါ ရရှိခဲ့ပါတော့တယ်။

သြော် အမျှ အမျှ