ဗုဒ္ဓ၏အမြဲတမ်းလပြည့်ညများ

(၁)

လပြည့်ညကို ဘယ်လိုလှိုင်းပုတ်သံတွေနဲ့ ကြိုဆိုရမှာပါလိမ့်။ ဗုဒ္ဓခြေတော်ရာထင်းထင်းရှိလေသည့် ချစ်စွာသော လပြည့်ညများစွာထဲက တစ်ည၊ အော် ယနေ့ညသည် ကဆုန်လပြည့်ည...။
ဗုဒ္ဓအရှင်၏ ဖြစ်တော်စဉ်သည် “အမြဲတမ်းလပြည့်ညများ”ဖြင့် ထူးခြားစွာ လှပ၀ိုင်းစက်နေတတ်လေသည်ပဲ။

ဝါဆိုလပြည့်
(မဟာပဋိသန္ဓေဓါတ် ကိန်းဝပ်သောနေ့)

ကဆုန်လပြည့်
(ဖွားမြင်သောနေ့)

ဝါဆိုလပြည့်
(တောထွက်သောနေ့)

ကဆုန်လပြည့်
(သစ္စာသိမြင် တဏှာစင်သောနေ့)

ဝါဆိုလပြည့်
(ဓမ္မစကြာတရားဦးဒေသနာဟောကြားသောနေ့)


ကဆုန်လပြည့်
(မဟာပရိနိဗ္ဗာန်စံဝင်သောနေ့)

(၂)
ဓမ္မဂင်္ဂါမော်ဒန်တောရဟု သင်းပျံ့လေသည့် ပန်းစုံတောလေး၏ နံနက်ခင်းလေပြည်မွှေးကို သူရှိုက်သည်။ သည်ရက်ပိုင်းများတွင် မိဂဒါဝုန်နေထွက်ချိန်က တင်းမာရဲရင့်လွန်းလှသည်။ ဒီဂရီမြင့်မားသည့် အပူချိန်ကို ထမ်းပိုးလာရသည့် နေရောင်ခြည်သည် ငြင်သာမှုမရှိစွာ အဆောတလျှင်ပင် သူ့အခန်းပြတင်းတံခါးလေးပေါ် ကျဆင်းလာတတ်သည်။

မျက်နှာသစ်ပြီးသည်နှင့် အင်တာနက်စာမျက်နှာများထဲ ဖြတ်သန်းကာ ဗုဒ္ဓအရှင့်ဂုဏ်သတင်းစာမျက်နှာများထဲ ၀င်ရောက်ဖြစ်သည်။ ထူးခြားသော နေ့မြတ်သမယတွင် ဓမ္မမိတ်ဆွေများပေးပို့သည့် ဗုဒ္ဓအရှင်၏ ပုံရိပ်တော် မေးလ်များကို ဖူးမျှော်ရသည်က ကြည်နူးပျော်ရွှင်ဖွယ်ကောင်းသည်။

ထိုမိတ်ဆွေများပေးပို့သော ဗုဒ္ဓအရှင်၏ လပြည့်ညပုံရိပ်များနှင့် နှစ်လိုဖွယ်ရာနေ့ရက်များဆီ မျှော်ငေးနေမိ သေးတော့၏။

(၃)
လပြည့်ညကို ဘယ်လိုလှိုင်းပုတ်သံများနှင့် ကြိုရမှာပါလဲ တဲ့။ ကမ်းကို မြင်နေလေပြီပဲ။

အင်ကြင်းပန်းရနံ့ကို လွမ်းခြင်း

အင်ကြင်းပန်းဆိုတာ ဗုဒ္ဓ၀င်စာအုပ်ထဲက ဒဏ္ဍာရီဆန်လွန်းတဲ့ ပန်းအဖြစ်သာ မြတ်နိုးခဲ့ဖူးတာ။ မြန်မာနိုင်ငံမှာနေတုန်းက အောက်ရပ်ညာကြေ ဒေသစုံအောင် ပရိယတ်ဆရာအဆူဆူရဲ့ ခြေမှုံတွေကိုပဲ ရနံ့အဖြစ် ခံစားခဲ့ရလေတော့ အင်ကြင်းပန်းဆိုတာ အဝေးကြီးပါ။ ပိတောက်ပန်းပွင့်ချိန်တွေကိုတောင် လွဲလွဲချော်ချော်ဖြစ်ခဲ့ရသူပါ။

ဘာပဲဖြစ်ဖြစ် မဇ္ဈိမကိုပြန်လျှောက်ခွင့်ရတဲ့အခါမှ အင်ကြင်းပန်းတွေက ဝေလို့လှလို့ ကြေလို့မွလို့ပါပဲ။
ဘုရားရှင်ဖွားတော်မူရာ လုမ္ဗိနီမှာလည်း အင်ကြင်းတွေက ဝေလို့။
ဘုရားရှင်နောက်ဆုံးမြတ်သောထွက်သက်တော်ဝန်းကျင်မှာလည်း အင်ကြင်ပန်းတွေက ကြေလို့မွလို့ပေါ့။
ဗုဒ္ဓအရှင်ရဲ့ စဦးနေ့ရက်ကို အင်ကြင်ပန်းရနံ့တွေက သင်းပျံ့ခဲ့သလို နောက်ဆုံးနေ့ရက်တွေမှာလည်း အင်ကြင်းတွေက ဝေခဲ့ပါသတဲ့။ ကုသိနာရုံမှာ ဗုဒ္ဓကို လွမ်းဆွတ်တသသူတိုင်း အင်ကြင်းတောထဲမှာ မျက်ရည်တွေ ဝေ့၀ဲလွင့်ကြွေခဲ့ကြရတာချည်း။ တကယ်လွမ်းဖို့ကောင်းခဲ့တာပါ။
ဘုရားရှင်က မွေးဖွားတုန်းကလည်း အင်ကြင်းပင်အောက်မှာ။ မဟာပရိနိဗ္ဗာန်စံတော်မူတော့လည်း ဒီအင်ကြင်းပင်အောက်မှာပဲတဲ့။

ဗုဒ္ဓစာပေတွေမှာ အင်ကြင်းနဲ့ပတ်သက်လို့ရှားရှားပါးပါး ကြေကွဲစရာဇာတ်လမ်းလေးတော့ ရှိခဲ့ဖူးတာပါပဲ။
“ရွေသုံးရံခြယ် ကြာရိပ်လယ်မှာ ရယ်ကာမောကာ မျက်နှာငွေလ ရွှင်ပပနဲ့ ခင်မ ၀မ်းမြောက်ပါလေတော့” ဆိုတဲ့ စာဆိုတော် ဦးပုညရဲ့ စာသားလေးက အမှတ်ထင်ထင်ရှိခဲ့ဖူးပါတယ်။ ဆဒ္ဒန်ဆင်မင်းဇာတ်မှာ အင်ကြင်းပန်းတစ်ခိုင်နဲ့ အသည်းကွဲခဲ့ရတဲ့ စူဠသုဘဒ္ဒါနဲ့ သူမရဲ့ အာဃာတတွေကြားဘ၀စတေးခဲ့ရတဲ့ အလောင်းတော်အတွက် မျက်ရည်သီသီဝေ့ခဲ့ရဖူးပါတယ်။

ဘာပဲဖြစ်ဖြစ် အင်ကြင်းပန်းတွေကတော့ ပွင့်နေကြဦးမှာပါ။
ကြေကွဲစရာပဲဖြစ်ဖြစ် အံ့ချီးဖွယ်ရာပဲဖြစ်ဖြစ် အင်ကြင်းပန်းရနံ့ကို ရှူရှိုက်သူရဲ့ ဝေဒနက္ခန္ဓာပေါ်မှာပဲ ထင်ကျန်နေပါလိမ့်မယ်။

တစ်ဆက်တည်း တွေးမိတာက လပြည့်နေ့တွေ အကြောင်းပါ။
ဗုဒ္ဓအရှင်ရဲ့ အရေးကြီးတဲ့ လပြည့်နေ့တွေဟာ လနှစ်လနဲ့ သက်ဆိုင်နေတာပါ။
ဝါဆိုလပြည့်နဲ့ ကဆုန်လပြည့်တွေပါပဲ။
ဒီမှတ်တမ်းလေးကြည့်ရင် ထင်ရှားပါတယ်။

ဝါဆိုလပြည့်- ပဋိသန္ဓေတည်နေတော်မူပါတယ်။
ကဆုန်လပြည့်- မွေးဖွားတော်မူပါတယ်။


ဝါဆိုလပြည့်- တောထွက်တော်မူပါတယ်။
ကဆုန်လပြည့်- ဘုရားအဖြစ်ကို ရောက်ရှိတော်မူပါတယ်။

ဝါဆိုလပြည့်-ဓမ္မစကြာတရားဦးကို ဟောတော်မူပါတယ်။
ကဆုန်လပြည့်-မဟာပရိနိဗ္ဗာန်စံတော်မူပါတယ်။

ဗုဒ္ဓအရှင်မြတ်ရဲ့ အထိမ်းအမှတ်လို့ ပြောရမယ့် အင်ကြင်းပင်နဲ့ လမြတ်နှစ်ပါးနဲ့ ပတ်သက်ပြီး ရုက္ခဗေဒပညာရှင်တွေနဲ့ နက္ခတ္တဗေဒပညာရှင်တွေ ဆက်တွေးကြဖို့ပါ။

ဒါပေမယ့် အရေးကြီးဆုံး သဗ္ဗညုတအသိမြတ်ကို ရတော်မူတဲ့ အချိန်မှာ အေးရိပ်ပေးခဲ့တဲ့ မဟာဗောဓိညောင်ပင်မြတ်ကိုလည်း စဉ်းစားရမှာပါ။
ဒါကတော့ ဆက်ပြီးဆွေးနွေးချင်စရာပါပဲ။

အမြိုက်လမ်းညွန်

စက်တင်ဘာလက တော်တော်လေးနီးနေပါပြီ။ သြဂုတ်လမှာတော့ မိုးကြွင်းမိုးကျန်တွေ ရှိနေသေးသလို ဘုရားရှင်နောက်ဆုံးစံတော်မူရာ အရပ်မှာ ရေလွှမ်းမိုးမှု အချက်ပေးသံတွေက ဆူညံနေတုန်းပါ။ နောက်လဆိုရင်တော့ ရာသီဥတုကလည်း မိုးသားတိမ်တိုက်တွေ ကင်းစင်သွားပြီမို့ ခရီးတစ်ခုကို စတင်မယ်ဆိုရင် မှန်းသလောက် ပေါက်နိုင်တဲ့ အနေအထားကို ရောက်တော့မှာ ဖြစ်ပါတယ်။

အိန္ဒိယနိုင်ငံက ဗုဒ္ဓအရှင်ရဲ့ ခြေရာနောက်လိုက်ပြီး ပရမတ္တအရောင်တွေ တလက်လက် တောက်ပခဲ့ရာနေရာတွေကို မြတ်နိုးကြည်ညိုစွာ လျှောက်လှမ်းလိုသူတိုင်းအတွက် ဘုရားဖူးခရီးစတင်သင့်တဲ့ အချိန်ကောင်းပါပဲ။(တကယ်တော့ ဗုဒ္ဓဘာသာဝင်တိုင်း ဒီလိုစိတ်ထားရှိကြတာ သေချာလှပါတယ်။ ဂုရုကွေးကြီးပြောသလို ဖွတ်ကလိဒင်္ဂါး ငွေယားလေးသာရှိရင် ဘုရားဖက်တရားဖက်ရောက်ကြတဲ့ ကျုပ်တို့အမျိုးရင်းကြီးတွေအတွက်တော့ အထူးပြောဖွယ်မလိုဘူးပေါ့။)

ဘုရားရှင်ပွင့်တော်မူရာ ဗုဒ္ဓဂယာအနီးမှာ ရည်ရွယ်ချက်မွန်မြတ်စွာနဲ့ ဖွင့်လှစ်ထားတဲ့ ဂယာလေဆိပ်ဟာလည်း နိဗ္ဗာန်ဆိပ်ကူးတံတားထိုးတော့မှာဖြစ်ပါတယ်။ ဂယာလေဆိပ်က ဘုရာဖူးရာသီတွေမှာပဲ ဖွင့်လှစ်တတ်ပါတယ်။

မြန်မာနိုင်ငံကလာကြမယ့် ဘုရားဖူးခရီးသည်တွေ အတွက်တော့ ဘုရားဖူးခရီးသွားအေဂျင်စီတွေရဲ့ တခုတ်တရ၀န်ဆောင်မှုတွေနဲ့ အေးအေးချမ်းချမ်း အစီအစဉ်တကျ ဖူးမျှော်နိုင်ကြမှာ ဖြစ်ပေမယ့် နိုင်ငံတကာမှာ ရောက်နေကြတဲ့ သူတော်စင်တွေအတွက်တော့ ဘုရားဖူးခရီးစဉ်တစ်ခုဖြစ်လာဖို့ အဆက်အသွယ်ကောင်းလေးတွေ လိုအပ်လှပါတယ်။

ဥရောပလို အမေရိကလို ယုတ်စွအဆုံး အဖရိကတိုက်ထဲက တောနက်ကြီးတွေထဲပဲ ဖြစ်ဖြစ် ပိုက်ဆံငွေကြေးရှိရင် လမ်းပြကောင်းတစ်ယောက်နဲ့အတူ အလွယ်တကူ သွားလာဖြတ်သန်း နိုင်ပေမယ့် အိန္ဒိယနိုင်ငံဆီကို ဦးတည်လာတဲ့ သံဝေဇနိယဘုရားဖူးခရီးကတော့ ဘာသာရပ်အသစ်တစ်ခုပါ။

နေရာလမ်းညွှန်ထက် အမြိုက်လမ်းညွှန်က ပိုအရေးကြီးပါတယ်။ အမြိုက်ဆိုတာ အမရိတ(amrita) ဆိုတဲ့ သက္ကတစကားကို မွေးစားထားတာပါ။ ပါဠိလိုတော့ “အမတ” ပါပဲ။ အမတဆိုတာ မသေခြင်းလို့ အဓိပ္ပါယ်ရသလို နိဗ္ဗာန်ကို ရည်ညွှန်းကြောင်းလည်း သိကြမှာပါ။ ဘုရားရှင့်သာသနာ ထွန်းကားပွင့်လန်းရာ အထိမ်းအမှတ်နေရာတွေအတွက် နေရာအနှံ့ လမ်းညွှန်ဆိုင်းဘုတ်တွေ ရှိလေတော့ လက်ညှိုးတစ်ချောင်းညွှန်ပြလိုက်ရုံနဲ့ ပြည့်စုံသွားနိုင်ပါတယ်။ ဘယ်နေရာက ဘာလို့ လွယ်လွယ်ပြောလိုက်ရင် ပြီးသွားနိုင်ပါတယ်။

ဘုရားရှင်ကတော့ သမိုင်းပညာရှင်တွေလို လကမ္ဘာစူးစမ်းသူတွေလို ကောက်ချက်အမျိုးမျိုးချပြီး ဘာတရားမှလည်းမရ ဘာသံဝေဂကိုမှလည်း မဆည်းပူးဖြစ်တဲ့ ဘုရားဖူးတွေကိုတော့ သံဝေဇနိယလေးဌာနတရားကို ဟောလိုခဲ့မှာ မဟုတ်ကြောင်းသေချာလှပါတယ်။
ကိုယ်တော်မြတ်လျှောက်ခဲ့တဲ့ လမ်းမှာ ကိုယ်တော်အရှင်ဘာတွေ ဟောခဲ့သလဲ။ ဘယ်လို ကျင့်ကြံစေလိုခဲ့သလဲ စတဲ့ ဓမ္မနွှယ်တဲ့ အတွေးတွေနဲ့ ဘုရားဖူးခြင်းကိုသာ ချီးမွှမ်းအားရတော်မူပေလိမ့်မယ်။

''HE WHO SEES THE DHAMMA, SEES ME,
HE WHO SEES ME, SEES THE DHAMMA.''

ဘာပဲဖြစ်ဖြစ်ပေါ့ လွန်ခဲ့တဲ့ နှစ်က အမေရိကတိုက်မှာ နေထိုင်ကြတဲ့ သာသနာ့မိခင်မိသားစုရဲ့ အဖေကြီး အမေကြီးနှစ်ယောက်အတွက် ဘုရားဖူးခရီးစဉ်တစ်ခုကို ရေှးဆွဲပြီး အမြိုက်ခရီးသွားဖော် အဖြစ် ပါရမီဖြည့်ခဲ့ဖူးပါတယ်။

သူတို့အတွက် ရေးဆွဲဖြစ်တဲ့ ဘုရားဖူးခရီးစဉ်လေးကို မျှဝေလိုက်ပါတယ်။ လိုအပ်ရင် နည်းမှီစဉ်းစားနိုင်အောင်ပါ။ ခရီးစဉ်ထဲမှာ ဗုဒ္ဓဂယာကို ပိုပိုသာသာလေး ရက်သတ်မှတ်ပေးထားပါတယ်။ ဘုရားပွင့်ရာ မြေမြတ်မဟာမှာ အေးအေးလူလူ ဘာဝနာတစ်ခုခုကို ပွားများနိုင်တာပေါ့။
တစ်ခုတော့ ရှိပါတယ်။၊ အိန္ဒိယရောက်မှတော့ ကမ္ဘာ့အံဖွယ်တစ်ပါးလို့ သတ်မှတ်ထားတဲ့ တပ်ခ်ျမဟာလ်ကိုလည်း ခရီးစဉ်ထဲ ထည့်ပေးရတာပါ။ ကလေးတွေက သူတို့သိတာက စမေးရင် ဖြေနိုင်ရမယ်လေ။ ပြီးမှ ဘုရားဖူးခရီးစဉ်အကြောင်းနဲ့ ဗုဒ္ဓ၀င်ကို ဆက်ပြောကြတာပေါ့။.

Dear Religious Brother & Sister

This is the itinerary for the Buddhist Circuits

(18/19-10.2008 ) (from US to India)

(20.10.2008) (New Delhi Sight-Seeing)and (at 6:00 pm we take train to Varanasi)
နယူးဒေလီမြို့တော် လည်ပတ်ခြင်း

(21.10.2008)(Varanasi where the Buddha delivered his first Dhamma)

(22.10.2008) (Varanasi Sightseeing)
ဗာရာဏသီ ( ဓမ္မစကြာတရားဦးဟောရာနှင့် ဂင်္ဂါမြစ်ကမ်းပါးရှုခင်း)

(23.10.2008) from this day early morning, we begin to go by car to (Savatthi where the Buddha stayed for 25 years)
ဗုဒ္ဓရှင်တော်မြတ်သီတင်းသုံးခဲ့ရာ သာဝတ္ထိပြည်မွန် ဇေတ၀န်ကျောင်းတော်ရာနှင့် ကောသလမင်း၏ မြို့တော်ဟောင်း

(24.10.2008) (Lumbini where there the Buddha was born ) Noted that it is situated in Nepal
ဘုရားအလောင်းတော်ဖွားမြင်ရာ လုမ္ဗိနီသာမော အင်ကြင်းတော

(25.10.2008) ( Kusinagara where the Buddha passed away)
ဘုရားရှင်နောက်ဆုံးလျောင်းစက်ရာ ကုသိနာရုံ အင်ကြင်းစုံ

(26.10.2008) (Vasali and Pattana the kindom of Asoka)
ဗုဒ္ဓသာသနာပြုမင်းဧကရာဇ်အသောက၏ နန်းတော်ရာဖြစ်ခဲ့ဖူးသည့် ယနေ့ခေတ် ဘီဟာပြည်နယ်မြို့တော် ပတ္တနားနှင့် ဒုတိယသင်္ဂါယနာတင်ရာ ဝေသာလီ

(27.10.2008 ) (Rajagriha the Kindom of Bimbisara ) (Nalanda University)
ဗိမ္ဗိသာရမင်း၏ မဂဓတိုင်းမြို့တော် ရာဇဂြိုဟ်မှ ဗုဒ္ဓ၀င်နေရာများနှင့် နာလန္ဒာတက္ကသိုလ်

(28.10.2008) to (2.11.2008)(Bodh Gaya where the Buddha attained the Enlightenment)
ဗုဒ္ဓအရှင် သဗ္ဗညုတရွှေဥာဏ်တော်ကိုရရှိရာ မဟာဗောဓိညောင်ပင်၊ နေရဉ္ဇရာမြစ်ကမ်းပါးနှင့် ဥရုဝေလတော

(2.11.2008) (from Boodh Gaya to Delhi by train)
ဂယာမှသည် ဒေလီမြို့တော်သို့

(4.11.2008) ( Taj Mahar the world wonder)
တပ်ခ်ျမဟာလ်သို့

At that night my Dagagyi and Dagamagyi will take the flight to US( 5.11.2008 12:30 am)that is Midnight of (4.11.2008)

With Metta

UZIN

Noted

Four Samvejaniya places are ;

1)Lubini(23.10.2008) (Phwar)

2)Bodh Gaya(25.10.2008) (Pwint)

3)Varanasi(21.10.2008) (Haw)

4)Kusinagara(23.10.2008) (San)

ဆုတောင်း။ ဘုရားရှင်နှင့်တွေ့ပါစေသော်

Man-made ကမ္မဿကာ

မှတ်စု (၃)

သွာက္ခာတော ဘဂ၀တာ ဓမ္မော၊
စရထ ဗြဟ္မစရိယံ
သမ္မာ ဒုက္ခဿ အန္တကိရိယာယ။

တရားဓမ္မကို ကောင်းစွာ ဟောပြအပ်ပြီ။
ဆင်းရဲခြင်းကို အဆုံးသတ်ဖို့ အကျင့်မြတ်ကို မှန်ကန်စွာ ကျင့်သုံးကြ။

ဗုဒ္ဓ


ဒီနေ့ရက်တွေမှာ ဗာရာဏသီဟာ ရွှေပြည်တော်ဆီက အညာကျေးလက်လို မိုးလေးတစ်ဖြောက်ဖြောက်ကျနေတတ်ပါတယ်။
(အများကြီးလည်း ရွာလေ့မရှိဘူး)
ခုတော့ ရွာသမျှလေးနဲ့ပဲ
အေးစိမ့်ကြည်မြနေသမို့ ဘယ်မှ မသွားဘဲ စာအုပ်တွေနဲ့တိတ်တိတ်လေး ငြိမ်ကုတ်နေဖြစ်ပါတယ် ။
အတူနေ သီတင်းသုံးဖော်နှစ်ပါးကလည်း စာဂျပိုး(ကြမ်းပိုး) တွေမို့ စာဖတ်ရတာ တွင်ကျယ်ရုံမကဘဲ လွန်ထွက်သွားလို့ မြန်မာပြည်က ၀ယ်လာတဲ့ စာအုပ်တွေ ကြောင်ပုဇွန်စားဖြစ်သွားပါတယ်။
(အမှန်က စိတ်ကူးချိုချို စာပေက ထုတ်ဝေတဲ့ မြန်မာဝတ္ထုတို ၂၀၀၆-၇-၈ ပေါင်းချုပ် သုံးအုပ်တည်းပါ) မြန်မာဝတ္ထုတိုကောင်းတွေ ငတ်နေတာ ကြာပြီမို့ ဖတ်ပြီးသားကိုပဲ ထပ်ထပ်ဝါးမိပါရဲ့။

သရော်တာလေးတွေ ဖတ်ရတဲ့အခါ အနည်းငယ်မျှ ပြုံးခွင့်ရပေမယ့် တကယ့်မျက်ရည်တွေနဲ့ ရေးထားတဲ့ စကားလုံးတွေကတော့ ရဟန်းတစ်ပါးရဲ့ နှလုံးသားကိုတောင် မြိမြစွာ ပွတ်သပ်နိုင်စွမ်းရှိပါတယ်။ လက်သမားဆရာတစ်ယောက်က သစ်သားအကြမ်းထည်ကို ကော်ပတ်နဲ့ တိုက်စားနေသလိုမျိုး ဒါမှမဟုတ် ပန်းရံဆရာတစ်ယောက်က အင်္ဂတေကြမ်းကြမ်းကို သံလျက်နဲ့ ရှပ်တိုက်ဆွဲလိုက်သလိုမျိုးပေါ့။

ရဟန်းတစ်ပါးရဲ့ သုတနယ်နိမိတ်အလွန်က လူတွေ တကယ့် လူစစ်စစ်တွေရဲ့ ကမ္ဘာလုံးဆိုင်ရာ သောကငရဲခန်းတွေထဲမှာ အနာဂတ်ကလည်း မီးဟုန်းဟုန်းတောက်နေပါရောလား။
“သဗ္ဗေသတ္တာ ကမ္မဿကာ။” ဆိုတဲ့ နိယာမကြီးထဲမှာ ကူကယ်ရာမဲ့ ပိတ်မိနေကြတော့တာပဲ ထင်ပါရဲ့။
လူတွေကိုယ်တိုင် စနစ်တကျ လုပ်ထားတဲ့ man-made ကမ္မဿကာအမဲစက်ကြီးတွေက ဆင်းရဲမွဲတေမှု နံရံတွေပေါ်မှာ ညစ်ထေးပေကျံလို့ပါပဲ။

ဗုဒ္ဓအရှင်ကတော့ မိန့်လိုက်ပါပြီ။
“ဆင်းရဲခြင်းကို အဆုံးသတ်ဖို့ အကျင့်မြတ်ကို မှန်ကန်စွာ ကျင့်သုံးကြ။” တဲ့။

လောကုတ္တရာနယ်တစ်ခုတည်းရည်ညွှန်းတာတော့ မဟုတ်ပါဘူး။
ဘုရားရှင်ပွင့်ထွန်းပေါ်ပေါက်လာခြင်းရဲ့ ရည်ရွယ်ချက်မှာ လောကဟိတ လောကသုခအသံတွေ
ကြည်ကြည်မြမြရှိနေခဲ့ပါတယ်။ လူတိုင်းကိုယ်စီ အကျင့်မြတ်ဗြဟ္မစိုရ်တရားတွေနဲ့ man-made ကမ္မဿကာတွေကို ကျော်လွှားနိုင်ကြရင် ဆင်းရဲမွဲတေမှု ဂရပ်မျဉ်းတွေ ထိုးဆင်းကျသွားနိုင်ပါတယ်။

ခုတော့
ဘာပဲဖြစ်ဖြစ် သူ့လည်း စာရေးဆရာကြီးအေဂျေ ခရိုနင်ရဲ့
ရဲတိုက်ဝတ္ထုထဲက ဇာတ်ကောင် အင်ဒရူးမေဆင်ရဲ့ မိတ်ဆွေခွဲစိတ်ဆရာဝန်လို
“ ဘုရားသခင်ရဲ့ အလိုတော်အတိုင်းပါပဲဗျာ ” လို့
သူတတ်ယောင်ကား ခွဲစိတ်လိုက်လို့ သေသွားတဲ့ လူနာရဲ့ ဇနီးသည်ကို ခပ်တည်တည်ပြောလိုက်သလိုမျိုး “သဗ္ဗေသတ္တာ ကမ္မဿကာ” လုပ်နေရဦးမှာ စိတ်မသက်သာစရာပါပဲ။

မိဂဒါဝုန်ဂျန်းရှင်း

မှတ်စု (၂)

ပဉ္စ၀ဂ္ဂီရဟန်းတို့သည် အဝေးမှ ကြွတော်မူလာသောမြတ်စွာဘုရားကို မြင်ကြ၍ “ ငါ့သျှင်တို့ လာဘ်များခြင်းငှါကျင့်၍ ကမ္မဌာန်းလုပ်ငန်းမှ ထွက်သော လာဘ်များခြင်းငှါ လှည့်လည်သော ဤရဟန်းဂေါတမသည် ကြွလာ၏။ ထိုရဟန်းဂေါတမကို ရှိမခိုးရ၊ ခရီးဦးမကြိုရ၊ ထိုရဟန်းဂေါတမ၏ သပိတ်သင်္ကန်းကို လှမ်းမယူရ၊
(သို့ရာတွင် )နေရာကိုကား ထားထိုက်၏။ ရဟန်းဂေါတမသည် အကယ်၍ အလိုရှိလျှင် ထိုင်လိမ့်မည်။” ဟု အချင်းချင်းကတိက၀တ်ပြုကုန်၏။ မြတ်စွာဘုရားရှင်သည် ပဉ္စ၀ဂ္ဂီရဟန်းတို့ထံ ချဉ်းကပ်တော်မူသော် ပဉ္စ၀ဂ္ဂီရဟန်းတို့သည် မိမိတို့ ကတိက၀တ်ဖြင့်မတည်နိုင်ကုန်ပဲ........

ဝိ၊မြန်၊၃၊၁၃။)

(က)

မိဂဒါဝုန်တောအစပ်ကို ချဉ်းကပ်လာတဲ့ ဗုဒ္ဓအရှင်ကို အဝေးက မြင်တဲ့အခါ ပဉ္စ၀ဂ္ဂီတွေ တိုင်ပင်ဆွေးနွေးကြပါတယ်။ ရဟန်းဂေါတမကို ရှိမခိုးကြနဲ့၊ မကြိုဆိုကြနဲ့၊ သပိတ်သင်္ကန်းတွေ လှမ်းမယူကြနဲ့၊ ဒါပေမယ့် နေရာလေးတော့ ခင်းပေးထားလိုက်ပါ၊ သူထိုင်ချင်လည်း ထိုင်လိမ့်မပေါ့တဲ့၊
အဲဒီ “ဒါပေမယ့်”ထဲမှာ မေတ္တာအရိပ်အေးအေးလေးကို လှမ်းပြီး ခိုလိုက်မိပါတယ်။

သူတို့အမြင်မရှင်းဖြစ်နေတာက ရဟန်းဂေါတမပါ။ လာဘ်လာဘပေါများအောင် လှည့်လည်နေတယ်လို့ သူတို့ထင်နေတဲ့ ရဟန်းဂေါတမကို သူတို့ကြည့်မရကြပါဘူး၊ သူတို့ခေတ်စံချိန်စံညွှန်းအရ အဆင့်မြင့်ဆုံး တပအကျင့် (ဒုက္ကရစရိယာ) အကျင့်ကို ခြောက်နှစ်ခြောက်မိုးအကျင့်ကြီး ကျင့်ခဲ့ပြီးခါမှ ကျောခိုင်းကာ အကျင့်တစ်ပါးကို မွေးစားယူလိုက်တဲ့ ရဟန်းဂေါတမကို သူတို့စိတ်ကုန်သွားခဲ့ကြပါပြီ။
ဒါကြောင့်လည်း
ဥရုဝေလမှာ ပြတ်ပြတ်သားသားလမ်းခွဲခဲ့ကြတာပါ၊
ကတ္တီပါလမ်းခွဲ သို့မဟုတ် သံမဏိလမ်းခွဲပါ။

ဒါပေမယ့် သူတို့မျက်စိအောက်မှာ လူလားမြောက်ခဲ့တဲ့ တစ်မြေတည်းနေ တစ်ရေတည်းသောက် ခတ္တိယမင်းသားလေး သိဒ္ဓတ္ထကိုတော့ သံယောဇဉ်အမျှင်တန်းနေကြတုန်းပါ။
“နေရာလေးတော့ ခင်းထားလိုက်ပါ၊ သူထိုင်ရင်လည်း ထိုင်လိမ့်မပေါ့ ” တဲ့။
ကပိလ၀တ်သွေးက နွေးနေကြတုန်းပါ။

ဗာရာဏသီရဲ့ ညနေချမ်းတွေမှာ မဂဒါဝုန်ကို ဖြတ်လျှောက်ပြီး ပဉ္စ၀ဂ္ဂီရဟန်းတွေက မြတ်စွာဘုရားရှင်ကို ကြိုဆိုရာအထိမ်းအမှတ်အဖြစ် တည်ထားကိုးကွယ်တဲ့ ချောက်ခန္ဒီစေတီပရိဝုဏ်ထဲ ထိုင်မိတဲ့အခါတိုင်း ဒီမြင်ကွင်းလေးကို မြင်ယောင်ကာ လွမ်းလည်း လွမ်းမိ၊ ပြုံးလည်း ပြုံးမိ၊ မျက်ရည်လည်း စို့ခဲ့မိပါတယ်။

ပါရမီရှင်ကြီးတွေရဲ့ စိတ်လှုပ်ရှားဖွယ်ရာ နောက်ဆုံးပုထုဇဉ်ဇာတ်သိမ်းခန်းထဲ မျောပါနေခဲ့မိတာပါ၊
ဘုရားရှင်ကိုတောင် စိတ်ကောက်ခွင့်ရအောင် ပါရမီထူးတဲ့ ပုဂ္ဂိုလ်ကြီးတွေကိုလည်း ပျော်ပျော်ကြီး ဦးညွတ်မိပါသေးတယ်။

(ခ)

ဗုဒ္ဓအရှင်တကယ်ရောက်လာတော့လည်း သူတို့မနေနိုင်ခဲ့ကြပါဘူး။ ရှိမခိုးကြနဲ့။ မကြိုဆိုကြနဲ့ ။ သပိတ်သင်္ကန်းတွေ လှမ်းမယူကြနဲ့ ဆိုတဲ့ ကတိက၀တ်တွေ အကုန်ပျက်ယွင်းသွားတော့တာပါပဲ။ သူတို့ အထင်အမြင်လွဲမှားနေသလို ဗုဒ္ဓအရှင်က လာဘ်လာဘပေါများအောင် လှည့်လည်နေတဲ့ ကမ္မဌာန်းလူထွက်တစ်ယောက်မှ တကယ်မဟုတ်ခဲ့လေပဲ။

ဒုက္ကရစရိယာခြောက်နှစ်ခြောက်မိုးကျင့်လို့ အကျိုးမဖြစ်ထွန်းမှန်းသိတဲ့အခါ အကျင့်ဟောင်းကို စွန့်ခွာလို့ ကိုယ်ကာယကျန်းမာရေးမျှတအောင် နီးစပ်ရာရွာလေးတွေမှာ ဆွမ်းခံစားရင်း ပဋိပဒါအမှန်ကို ခံယူကျင့်သုံးခဲ့ခြင်းပဲ ဖြစ်ပါတယ်။ ဗုဒ္ဓအရှင်နဲ့ ပဉ္စ၀ဂ္ဂီရဟန်းတို့ကြားထဲမှာ ခိုင်လုံနွေးထွေးတဲ့ မေတ္တာအကြောင်းပြချက်တွေ ရှိနေခဲ့ပါတယ်။


ဘုရားရှင်ရဲ့ အတွေးစိတ်အစဉ်ကို ကြည်ညိုကြည့်လိုက်စမ်းပါဦး။
“ငါးယောက်အစုရှိကုန်းသော ပဉ္စ၀ဂ္ဂီရဟန်းတို့သည် ငါ့အား ကျေးဇူးများကုန်၏။ ယင်းပဉ္စ၀ဂ္ဂီငါးဦးတို့သည် ပဓာနအလုပ်ကို အားထုတ်နေသောငါ့ကို လုပ်ကျွေးဘူးကုန်၏။
ငါသည် ပဉ္စ၀ဂ္ဂီရဟန်းတို့အား တရားဦးကို ရှေးဦးစွာ ဟောရမူကောင်းလေစွ ” ဟု အကြံဖြစ်တော်မူပြန်၏။ တဲ့။

ဓမ္မစကြာတရားနဲ့ အနတ္တဒေသနာတော်ဖြစ်ထွန်းပေါ်ပေါက်လာခြင်းရဲ့ အရင်းအမြစ်တွေ အကြောင်းပြောကြတဲ့အခါ ဗုဒ္ဓအရှင်နဲ့ ပဉ္စ၀ဂ္ဂီရဟန်းတို့ရဲ့ ကျေးဇူးသစ္စာနဲ့ မေတ္တာတရားကိုလည်း သိပ်သည်းစွာ တို့ထိကြရမှာ ဖြစ်ပါတယ်။

(ဂ)

မိတ်ဆွေရဟန်းတစ်ပါးပါပဲ။
စာပေဖတ်ရှုလေ့လာမှု။ ပရိယတ်သုတေသနပြုခြင်းနဲ့ ပိဋကတ်အိုး ကွဲအောင် စာအုပ်ပုံတွေကြားထဲ ဗိုင်းရပ်စ်ပိုးတစ်ကောင်လို ခေါင်းရော ရင်ဘတ်ရော တိုးဝင်မြှုတ်နှံထားတဲ့ကိုယ်တော်ပါ။ ပြောရရင်တော့ သူ့ကိုယ်စား အားနာပါတယ်။ သူဖတ်နေတဲ့ ပိဋကတ်စာပေကိုသာ တွယ်ဖက်တတ်သူမို့ ဓမ္မကထိကတွေရဲ့ တရားကို နာယူခဲပါတယ် ။

ဒါပေမယ့် တစ်ရွာနေ ငယ်ပေါင်းမိတ်ဆွေရဟန်းက နိုင်ငံကျော်ဓမ္မကထိကဖြစ်လာပါတယ်။ ဘာပဲဖြစ်ဖြစ် အထင်တကြီးမဟုတ်ပေမယ့် ဇာတိစွဲ ပုဂ္ဂိုလ်စွဲလေးကြောင့် သူ့မိတ်ဆွေရဲ့ တရားကို နာယူဖြစ်ပါတယ်။
အဲဒီတရားနာပြီးတာနဲ့ သူရွာပြန်ပြေးဖြစ်တာပါပဲတဲ့ ၊ အမေ့ကို သတိရလို့တဲ့ ။
သူ့မိတ်ဆွေဟောတဲ့တရားက မိဘကျေးဇူးကို လင်းပစေတဲ့ တရားပါ။
သူနဲ့တွေ့တော့ ပြောဖြစ်ပါတယ်။ “ ငါ့ရှင်လည်း စာတွေ ဖတ်နေတာ မိဘကျေးဇူးတွေ သိနေတာပဲ။ ဒီတရားနာရမှ ထူးထူုးခြားခြား ”ဆိုတော့ “သူဟောတာက ပိုလွမ်းစရာကောင်းသကွာ” တဲ့။ အထင်အမြင်လွဲမှားမှုနဲ့ အထင်အမြင်ဝေးကွာမှုတွေကို မေတ္တာတရားက ဆက်ပေးနိုင်ပါတယ်။

ခုလည်း ပုဂ္ဂိုလ်ခင်လို့တရားမင်တာပါ။ ဒီလိုမှ မဟုတ်ရင် လွဲသွားနိုင်ပါတယ်။
ဒါကြောင့်လည်း မိဂဒါဝုန်ကို ပိုပိုလွမ်းတာပါ ။
မနက်ဖြန်မနက်မှာ မိဂဒါဝုန်ဂျန်းရှင်းကို သွားပြီး ပူတီနှစ်ချပ်နဲ့ ကြာရေတစ်ခွက်သောက်ပြီး လွမ်းဖြစ်ဦးမှာပါ။

ဟုပေယျလွဲချော်မှု

''ငါ့သျှင် သင်ဝန်ခံသည့်အတိုင်း အဆုံးမရှိသော ဥာဏ်နှင့်ပြည့်စုံ သော မာရ်ငါးပါးကို အောင်သော ဘုရားဖြစ်ထိုက်ပါသလော" ဟု (မေးရာ )
"ဥပက အာသဝေါတရားကုန်ခြင်းသို့ ရောက်သော ငါကဲ့သို့ ပုဂ္ဂိုလ်တို့သည် စင်စစ်ဇိနမည်ကုန်၏။ ငါသည် ယုတ်မာသော အကုသိုလ်တရားတို့ကို အောင်အပ်ပြီးဖြစ်သောကြောင့် ဇိန မည်၏" ဟု (မိန့်တော်မူ၏)။
ဤသို့မိန့်တော်မူသော ဥပကတက္ကတွန်းသည် " င့ါရှင် ဟုတ် ပေရာ၏" ဟုဆိုကာ ဦးခေါင်းကို ညိတ်လျက် လမ်းဖယ်၍ သွား လေ၏။
(၀ိ၊မြန်။၃၊၁၃၊)



(က)

သစ္စာလေးပါးတရားမြတ်ကို ထိုးထွင်းသိမြင်ပြီး သဗ္ဗညုတဉာဏ်တော်ဆိပ်ကမ်းကို တက်လှမ်းတော်မူပြီးစ ဗုဒ္ဓအရှင်ဟာ ပိုင်ဆိုင်ပြီးဖြစ်တဲ့ အရဟတ္တဖိုလ်ချမ်းသာကို ၀င်စားပြီး ဥရုဝေလတောမြိုင်ခြေမှာ (၄၉)ရက်ကြာ သံသရာအမောဖြေတော်မူခဲ့ပါတယ်။
လေးသင်္ချေနဲ့ ကမ္ဘာတစ်သိန်းပါရမီစွန့်စားခန်းတွေနဲ့ နွမ်းတော်မူခဲ့ပြီး လေးဆယ့်ငါးဝါပတ်လုံး ဓမ္မ၀န်ထမ်းပြီး ပန်းတော်မူရဦးမယ့် အရှင်မြတ်အတွက် အဲဒီလေးဆယ့်ကိုးရက်သာ ကိုယ်ပိုင်အချိန်ရှိတော်မူခဲ့ရှာပါတယ်။

(ဒီနေ့ရက်တွေမှာလည်း ဓမ္မသုံးသပ်မှုအချိန်တွေ ဖဲ့ပြီး တပုဿ ဘလ္လိကာညီနောင်။ ဟုံဟုင်္ကပုဏ္ဏားနဲ့ သဟမ္ပတိဗြဟ္မာတို့ကို စကားအနည်းငယ်ပြောခဲ့ရရှာပါသေးတယ်)။ ဥရုဝေလ (၄၉)ရက် အပန်းဖြေစခန်းက ခွာလို့ ဓမ္မစကြာတရားနဲ့ အနတ္တဒေသနာအသစ်ကို ကြေငြာဖို့ တရွေ့ရွေ့ကြွလှမ်းနေတဲ့ ဗုဒ္ဓအရှင်ရဲ့ မိဂဒါဝုန်ခရီးလမ်းတစ်ထောက်မှာ တက္ကဒွန်းကြီးဥပကနဲ့ ဆုံတွေ့ခဲ့တာပါ။

ပရမတ္ထအလင်းပြန့်နေတဲ့ ဗုဒ္ဓအရှင်ရဲ့ ခမ်းနားတဲ့ မျက်နှာတော်နဲ့ ထည်ဝါတဲ့ ဘုရားအသရေတော်မှန်သမျှဟာ တက္ကဒွန်းကြီးဥပကရဲ့ အဇ္ဈတ္တကို ထိထိရှရှဖြစ်စေခဲ့တာ သေချာလှပါတယ်။ဒါပေမယ့် အတ္တဒိဌိနဲ့ ခေတ်အယူ ၀ါဒအဟောင်းတွေ စူးနစ်စွန်းပေနေတဲ့ ဥပကရဲ့ နှလုံးသားထဲကို နုပျိုငယ်ရွယ်လွန်းလှတဲ့ ဗုဒ္ဓအရှင်ရဲ့"ငါဟာ ဆရာမရှိ၊ အတုမရှိ၊ ပြိုင်ဘက်မရှိတဲ့ ရဟန္တာ၊ နတ်လူတို့ရဲ့ ဆရာ၊ တစ်ဆူတည်းသော ဘုရား" ဆိုတဲ့ မိတ်ဆက် စကားတွေကတော့ တိုးဝင်နိုင်ခဲ့ဟန်မရှိပါဘူး၊ သူ့နှလုံးသားနံရံဟာ ထုထဲလွန်းနေခဲ့ပါတယ်။

ခါတော်မှီဘုရားတွေ ပွက်ပွက်ထနေတဲ့ ဘီစီခြောက်ရာစု မဇ္ဈိမအခြေအနေကလည်း ဘုရားလို့ ၀န်ခံသူတိုင်းကို မယုံကြည်တတ်အောင် တွန်းအားဖြစ်ကောင်းဖြစ်နေပေလိမ့်မယ်။ ပြီးတော့ သူကိုယ်တိုင်လည်း ဘုရားရယ်လို့ ခပ်တည်တည်ပြောခွင့်ရှိနေတဲ့ အခြေအနေမျိုးမှာ ငယ်ငယ်ရွယ်ရွယ် ချောချောမောမော ရဟန်းလေး တစ်ပါးအဖြစ်သာ သူမြင်နေတဲ့ ဗုဒ္ဓအရှင်က '' တစ်ဆူတည်းသောအနှိုင်းမဲ့ဘုရား(အနန္တဇိန)'' လို့ ရဲဝံ့ပြတ် သားစွာ ၀န်ခံမိတ်ဆက်နေပေမယ့် ယုံကြည်ဖို့ တွန့်ဆုတ်ခဲ့ပါတယ်။

ဒါကြောင့်လည်း ''ဟုတ်လောက်ပါရဲ့ ကိုယ့်လူရယ် '' လို့ အဓိပ္ပါယ်ရတဲ့ '' ဟုပေယျ အာဝုသော'' ဆိုတဲ့ စကားတစ်ခွန်းကိုသာ ခပ်လွယ်လွယ်ပြောပြီး ခေါင်းတညိတ်ညိတ် လည်တခါခါ ထွက်ခွာသွားခဲ့တော့တာပါပဲ။

''ဟုတ်မှ လုပ်ပါ ကိုယ့်လူရာ'' လို့သာ ဘာသာပြန်လိုက်ရရင် ပိုပြီး မြင်ကွင်း ကြွလာလေမလား။ အာဝုသော ဆိုတဲ့ ပါဠိဝေါဟာရဟာ ကိုယ်နဲ့အဆင့်တူ သို့မဟုတ် နိမ့်ကျသူ ဂျူနီယာတစ်ယောက်ကို ရည်ညွန်းပါတယ်။ ဒီနေ့သုံးနေတဲ့ ''ကိုယ့်လူ'' စကားလုံးနဲ့ ထပ်တူပါပဲ။

(ခ)

ဒီမြင်ကွင်းလေးကို အမှတ်ရတိုင်း မိတ်ဆွေရဟန်းတစ်ပါးကို သတိရတတ်ပါတယ်။ သူက သီဟိုဠ်ကျွန်း ကိုသွားပြီး မဟာဝိဇ္ဇာဘွဲ့ယူပြီး ပြန်လာစ ခြေတကြွကြွဖြစ်နေချိန် ရွာအပြန်ခရီး ဟိုက်ဝေးကားတစ်စီးပေါ်မှာ ခရီးသွားဖော် ဒကာတစ်ဦးနဲ့ စကားပြောဖြစ်ခဲ့ပါသတဲ့။

ဘယ်ကလာသလဲ ဘယ်ကိုသွားမလဲ မေးခွန်းတွေကို မျှော်လင့်နေသူပီပီ သီရိလင်္ကာနိုင်ငံက မဟာဝိဇ္ဇာ ဘွဲ့ယူပြီးပြန်လာခဲ့ခြင်းဖြစ်ကြောင်း၊ ယခု မွေးရပ်မြေ မိဘဆွေမျိုးများထံ ပြန်ကြွမည်ဖြစ်ကြောင်း၊ မကြာမီ ပါရဂူဘွဲ့အတွက် အိန္ဒိယနိုင်ငံသို့ ကြွရောက်မည်ဖြစ်ကြောင်း သိုင်းသိုင်းဝိုင်းဝိုင်း ပြောပြဖြစ်ခဲ့ပါသတဲ့။

ဒါပေမယ့် ခရီးသွားဖော်ဒကာရဲ့ ဥပကဟန်အကြည့်နဲ့ တုန့်ပြန်စကားက မိတ်ဆွေရဟန်းကို ခပ်ရှိန်းရှိန်း ဖြစ်သွားစေခဲ့ပါတယ်။
“ဒါဆိုရင် ကိုယ်တော်က သဒ္ဒါ သင်္ဂြိုဟ်တွေ ရပြီပေါ့” တဲ့။
မိတ်ဆွေရဲ့ ခရီးသွားဖော်ဒကာအနေနဲ့ အမ်အေ ပီအိတ်ခ်ျဒီ ဆိုတဲ့ စကားလုံးတွေကို နားမဆန့်တာလား။
ရဟန်းတစ်ပါးကို အမ်အေ ပီအိတ်ခ်ျဒီဘွဲ့တွေနဲ့ မတွဲမိတာလား။
သဒ္ဒါ သင်္ဂြိုဟ်ကလွဲရင် ဘုန်းတော်ကြီးပညာရေးလောကကို လက်လှမ်းမမီတာလား။
ဒါမှ မဟုတ်ရင်လည်း အတုအပတွေ စားသုံးဖူးတဲ့ စားသုံးသူတစ်ယောက်လိုမျိုး စိစစ်နေတာပဲလား။ မဖြစ်နိုင် လောက်ဘူးဆိုတဲ့ အကြည့်မျိုးကိုလည်း သူခံစားလိုက်ရတယ်လို့ မိတ်ဆွေရဟန်းက ပြောပါသေးတယ်။

ကဲ ခုတော့ သာမန်စာသင်တိုက်လေးက ခပ်ရွယ်ရွယ် ကိုရင်လေးတွေကိုသာ မေးရမယ့်မေးခွန်းကို မြန်မာ နိုင်ငံမှာ အဆင့်မြင့်ပိဋကတ်စာပေတွေ သင်ယူတတ်ပွန်ပြီးကာမှ နိုင်ငံခြားက အမ်အေဘွဲ့ယူပြီး ပြန်လာတဲ့ ပီအိတ်ခ်ျဒီလောင်းလျာတစ်ပါးကို မေးခံလိုက်ရတာက “ ဒါဆိုရင် ကိုယ်တော်က သဒ္ဒါ သင်္ဂြိုဟ်တွေ ရပြီပေါ့” တဲ့။

ဘာပဲဖြစ်ဖြစ် မိတ်ဆွေရဟန်းကတော့ ဥပကရဲ့အသံကို ကိုယ်တိုင်ကြားလိုက်ရတာပါ။ ခေါင်းတညိတ်ညိတ် လည်တခါခါနဲ့ ဥပကတစ်ဦးကို အညာသွား ဟိုက်ဝေကားတစ်စီးပေါ်မှာ တကယ်တွေ့ခဲ့ရတာပါ။ ကိုယ့် အကြောင်းကိုယ် လွတ်လပ်စွာ ပြောခွင့်ရှိပေမယ့် စကားနဲ့နား အံဝင်မယ့် နေရာမျိုးမှာပဲ ပြောရမယ်ဆိုတဲ့ မှတ်ချက်လေးတစ်ခုတော့ မိတ်ဆွေရဟန်းရဲ့ ဒိုင်ယာရီစာမျက်နှာမှာ ရှိုနေနိုင်ကောင်းပါတယ်။

ခုနောက်ပိုင်းမှာတော့ မိတ်ဆွေရဟန်းက ဘွဲ့အမည်တွေ အပြည့်အစုံရိုက်နှိပ်ထားတဲ့ လိပ်စာကဒ်လေးတွေကို တစ်ပါတည်းဆောင်ယူလေ့ရှိပါသတဲ့။

(ဂ)
ဘုရားရှင်အတွက်ကတော့ နောင်တစ်ချိန် ဝင်္ကဟာရကျေးရွာသူ တောလိုက်မုဆိုးကြီးသမီး မဆာဝါနဲ့ အကြောင်းပါပြီး ကလေးတစ်ယောက်နဲ့ အိမ်ထောင်ရေး အဆင်မပြေဖြစ်တဲ့အခါမှ “ အနန္တဇိန” ဆိုတဲ့ မိဂဒါ ဝုန်လမ်းမပေါ်က မိတ်ဟောင်းဆွေဟောင်းကြီးကို မှတ်မှတ်ရရ ရှာဖွေရောက်လာမယ့် တက္ကတွန်း လူထွက်ကြီးဥပကရဲ့ အနာဂတ်နေ့ရက်များအထိ ကြိုတင်သိမြင်ခဲ့တာပါ။

ဒါကြောင့်လည်း ဘုရားဂုဏ်ပုဒ်မှန်သမျှကို တခုတ်တရထုတ်ပြခဲ့ခြင်းဖြစ်ပါတယ်။(အခု လှောင်ပြောင်သရော်မှာ တွေးတော်မူခဲ့ပေမယ့် အနာဂတ်ကိုပဲ မျှော်ကြည့်ခဲ့ခြင်းပါပဲ။)

မနက်ဖြန်မှာ ကိုယ့်အကြောင်းကိုယ်တောင် မခန့်မှန်းနိုင်တဲ့ သူလိုကိုယ့်လို ပုထုဇဉ် တစ်ယောက်အတွက်တော့ အခြေအနေ အခါအခွင့်သင့်လို့ တကယ်လိုအပ်မှသာ နားလည်ပေးနိုင်စွမ်းရှိသူတစ်ယောက်ကိုသာ ကိုယ့် အကြောင်းကိုယ် ဖော်ထုတ်ပြောကြ ဆိုကြပါစို့လား။

ဒီလိုမှမဟုတ်ရင်တော့ “ ဟုတ်မှလုပ်ပါ ကိုယ့်လူရယ် ” ဆိုတဲ့ “ ဟုပေယျ အာဝုသော” တွေ ရင်ဘတ်ပေါ်ကျိန်း စပ်စပ် ကျလာမှဖြင့်။