သြစတေးလျပလပ်စ် ဥရောပခရီး (၅)

သြစတေးလျပလပ်စ် ဥရောပခရီး (၅)
========================
နယူးဆော့သ်ဝေးလ်ပြည်နယ်၊ ဆစ်ဒနီမြို့ အောချတ်လေးလမ်း၊အမှတ် (၆၅) ယင်နိုရာမြန်မာဘုန်းတော်ကြီးကျောင်းတွင် နှစ်ညကျိန်းစက်ပြီးကာမှ ဆရာတော်ဘုရားကြီးဒေါက်တာအရှင်ဇာဂရာဘိဝံသနှင့် အရုဏ်ဆွမ်းဘုန်းပေးခွင့်ရခဲ့သည်။
ဆရာတော်ကြီး၏ လက်ထောက်ဖြစ်သူ အရှင်ပညိန္ဒက သူ့ဘွဲ့အမည်ကို လျှောက်ထား မိတ်ဆက်ပေးသည်။ ပြုံချိုစွာ အသိအမှတ်ပြုတော်မူ၏။ သက်တော်ကြီးရင့်ပြီဖြစ်သော်လည်း ကျန်းမာရေးက အထုးကောင်းမွန်ဆဲပင်..။

ရဟန်းငယ်တစ်ပါးအတွက် ပရိယတ္တိနယ်ပယ်က ဖြစ်စေ၊ ပဋိပတ်ရပ်ဝန်းကဖြစ်စေ အားကျဖွယ်ရာဆရာတော်ကြီးများ၏ ပုံရိပ်အချို့ ရှိနေခဲ့ပါသည်။ ဒေါက်တာအရှင်ဇာဂရ၏ ကိုယ်ပိုင်ပဋိပတ်က သိုသိပ်အပ်သောအရာဖြစ်၍ မှန်းဆမမြင်နိုင်သော်လည်း ပြောင်ပြောင်ဝင်းဝင်းရှိလှသော ပရိယတ္တိစွမ်းရည်ကတော့ မော့ကြည့်ထိုက်အောင် မြင့်မြင့်မားမားရှိနေခဲ့ပါသည်။

တိဘက်တက္ကသိုလ်တွင် ပါဠိစာပေဆိုင်ရာဧည့်ပါမောက္ခအဖြစ်ထမ်းဆောင်ခွင့်ရခဲ့သည့်အခါ ဆရာတော်ကြီးအရှင်ဇာဂရ၏ တပည့်ဖြစ်သူ ပါမောက္ခ ဆူရိန္ဒရာကူးမားရ်နှင့် တွဲဖက်လုပ်ရသည့်အတွက် ဆရာတော်ကြီးအကြောင်း ပိုမိုသိရသည်။ မစ္စတာဆူရိန္ဒရာက နာလန္ဒတက္ကသိုလ်ကျောင်းဆင်းဖြစ်ပြီး ဆရာတော်ကြီးအရှင်ဇာဂရ၏ ကြီးကြပ်မှုဖြင့် ပါရဂူဘွဲ့ရခဲ့သည်။ ဆရာတော်ကြီးကို သက်ရှိလမ်းလျှောက်အဘိဓာန်ကြီး(Living Walking Dictionary)ဟု တင်စားခေါ်ဝေါ်သည်။ ပိဋကတ်ဆိုင်ရာဝေါဟာရတစ်ခု သို့မဟုတ် ဗုဒ္ဓဓမ္မဆိုင်ရာသုတတစ်ခု မရှင်းလင်းသည့်အခါ ဆရာတော့်အခန်းတံခါးခေါက်လိုက်လျင် အဘိဓာန်နှင့် စွယ်စုံကျမ်းများ လှန်လှောဖွယ်မလိုဘဲ သိနိုင်သည် တဲ့..။

ကမ္ဘာ့သာသနာပြုမြန်မာဆရာတော်ကြီးများတွင် ပညာရောင်ဖြင့် ကမ္ဘာ့စာမျက်နှာတွင် ထွန်းပနိုင်သည့် ဦးသေဋ္ဌိလ၊ ဒေါက်တာအရှင်ရေ၀တဓမ္မတို့နှင့် တွဲဖက်၍ ဒေါက်တာအရှင်ဇာဂရကို သိကျွမ်းခဲ့ရ၏။ နိုင်ငံခြားတွင် ဆင်းရဲပင်ပန်းစွာ အခြေချလျက် ဗုဒ္ဓအဘိဓမ္မာနှင့် ပါဠိပိဋကတ်ပြန့်ပွားရေးကို တစိုက်မတ်မတ်ရွက်ဆောင်တော်မူသည့်ဆရာတော်ကြီးများကို ငယ်စဉ်ကပင် ကြည်ညိုလေးမြတ်ခဲ့ပါသည်။

 

အမှန်တကယ်ပင် ထိုဆရာတော်ကြီးများ၏ ပညာအရည်အသွေးက ရွှေပြည်ကြီးမှာသာ သီတင်းသုံးမည်ဆိုလျင် မြင့်မားပြည့်စုံသောရွှေကျောင်းကြီးများဖြင့် ခမ်းနားဝင့်ထယ်စေနိုင်လောက်သည်.။ သို့သော် ထိုအခွင့်အရေးများကို လွှတ်ချကာ ဘာသာခြားလူမျိုးခြားများအလယ်တွင် စွန့်ဦးတည်ထွင်ရသော သာသနာပြုလမ်းကြောင်းကို ရွေးတော်မူခဲ့ကြသည်။

ဆရာတော်ကြီးအရှင်သေဌိလကိုလည်း ရှင်ငယ်ဘ၀က ခပ်ဝေးဝေးမှ လှမ်းမျှော်ဖူးခွင့်ရခဲ့သည်။ ဒေါက်တာအရှင်ရေ၀တဓမ္မ အင်္ဂလိပ်ဘာသာဖြင့် ပို့ချသော ၀ိပဿနာတရားကိုလည်း ကိုယ်တိုင်နာခဲ့ဖူးပြီ။ ယခုတော့ သူသည် လက်ရှိတာဝန်ထမ်းဆောင်ဆဲပါဠိဧည့်ပါမောက္ခငယ်ဘ၀ဖြင့် နာလန္ဒာတက္ကသိုလ်ပါဠိပါမောက္ခဟောင်းဆရာတော်ကြီး အရှင်ဇာဂရနှင့် အတူ ဆစ်ဒနီအရုဏ်ဆွမ်းကို ဘုန်းပေးခွင့်ရလေပြီ။

အရှင်ဇာဂရက သာယာဝတီခရိုင်၊မင်းလှမြိုအပိုင် အိုးသည်ကုန်းနယ် ကျည်းဖြူရွာဇာတိဖြစ်သည်။
၁၉၂၅ ခု၊ သြဂုတ်လ (၁၀) ရက်တွင် ဖွားမြင်တော်မူသည့်အတွက် သက်တော်ကိုးဆယ်နီးပါးရှိလေပြီ။ မြန်မာနိုင်ငံတွင် အဆင့်မြင့်ပရိယတ္တိစာမေးပွဲများဖြစ်သည့် သကျသီဟ၊ စေတီယင်္ဂဏနှင့် အစိုးဓမ္မာစရိယတန်းများကို ထိပ်တန်းမှ အောင်မြင်ခဲ့သည်။
အစိုးရဓမ္မာစရိယတန်းတွင် ဂုဏ်ထူးဆောင်ကျမ်းများနှင့်တကွ တစ်နိုင်ငံလုံးပထမစွဲကာ အောင်မြင်တော်မူသည့်အတွက် အဂ္ဂမဟာအကျော်ဘွဲ့နှင်းအပ်ခံရသည်။ ဓမ္မာစရိယဆရာတစ်ဆူဖြစ်သော်လည်း ပညာမရောင့်ရဲတတ်သည့် အရှင်ဇာဂရက ပခုက္ကူဆရာအဆူဆူထံတွင် အထက်တန်းပိဋကတ်စာပေများကို အလွတ်သဘောလေ့လာတော်မူခဲ့သည်။

ထိုမှ သီရိလင်္ကာနိုင်ငံတွင် ခြောက်နှစ်တာ ဘာသာစကားနှင့် သာသနာနှင့် ကမ္ဘာ့ဗဟုသုတအထွေထွေကို ဆည်းပူးခဲ့၏။ အိန္ဒိယနိုင်ငံ ဗုဒ္ဓဂယာသို့ ဘုရားဖူးသွားးရောက်သည့်အခါမှာတော့ အရှင်ဇာဂရဘ၀တစ်ဆစ်ချိုးပြောင်းသွားတော့သည်။ အသစ်ဖွင့်လှစ်တည်ထောင်လျက်ရှိသော နာလန္ဒတက္ကသိုလ်အသစ်က အရှင်ဇာဂရကို အနာဂတ်ပါဠိဂုရုလောင်းလျာအဖြစ် ကြိုဆိုနေခဲ့သည်။
ထိုတက္ကသိုလ်မှာပင် ၀ိဇ္ဇာတန်း၊ မဟာဝိဇ္ဇာတန်းနှင့် ပါရဂူဘွဲ့တို့ကို အောင်မြင်ဆွတ်ခူးခဲ့သည်။
မြန်မာရဟန်းတော်များတွင် ပထမဆုံးဒေါက်တာဘွဲ့ရရဟန်းတော်များအဖြစ် အရှင်ရေ၀တဓမ္မနှင့်အတူ ထင်ရှားလာပါသည်။ ထို့နောက် ထို့နောက်တွင် တက္ကသိုလ်စာသင်ခန်းများ၊ နိုင်ငံတကာညီလာခံများ၊ ဓမ္မစင်မြင့်များ။ ယခု ဆစ်ဒနီမြန်မာကျောင်းတွင် အေးချမ်းစွာ သီတင်းသုံးတော်မူသည်အထိ ကာလများ...။

ဆရာတော်ကြီး၏ တည်ငြိမ်းအေးချမ်းလှသော မျက်နှာတော်ဖူးရင်း အိပ်မက်တွေ အမှန်တကယ်ဖြစ်လာတာပဲ ဟု သူကျေနပ်မိသွားသည်။ ကိုယ်မိတ္တူကူးလိုသည့် မူရင်းကြီးကို တွေ့နေရသည်မဟုတ်လား...။ နိုင်ငံခြားသာသနာပြု၊ ဘာသာစကား၊ တက္ကသိုလ်ဆရာ၊ ဒေါက်တာဘွဲ့ စသော ဝေါဟာရအချို့ကို သူ တစ်စွန်းတစ်စ မိတ္တူပွားထားနိုင်ပြီ။ ဆရာတော်ကြီး၏ သီလသမာဓိပညာ သိက္ခာသုံးရပ်ကတော့ ဆိုက်ဒ်ကြီးလွန်းနေသေးသည်။ မိတ္တူကူးဖို့ ဖိုလ်ဒါ(Folder)အသစ်ဖွဲ့ရဦးမည်။

သြစတြေးလျပလပ်စ်ဥရောပခရီး (၄)

သြစတြေးလျပလပ်စ်ဥရောပခရီး (၄)
====================
ကမ္ဘာကျော်ဆိပ်ကမ်းတံတား(Harbour Bridge)ဆီ စကြာလှေဆိပ်စင်္ကြန်လမ်းအတိုင်း သူ ဆက်လျှောက်လာခဲ့သည်။ ဆစ်ဒနီညနေခင်းက ဆိပ်ကမ်းငေးသူများဖြင့် ပိုမိုသိပ်သည်းလာခဲ့၏။ တစ်နေရာမှာတော့ အဘောရီဂျင်းဂီတလုလင်တစ်ဦးက ထူးဆန်းသော လေမှုတ်တူရိယာတစ်ခုကို မှုတ်ကာ တစ်ကိုယ်တော်ဖျော်ဖြေနေသည်။ ၀ိုင်းအုံစူးစမ်းနေသော လူစုလူဝေးထဲ သူတိုးဝင်လိုက်၏။ 

 

ရှည်လျားထွေပြားလှသော တူရိယာကြီးကို သူ စိတ်ဝင်စားသွားသည်။ ဒီဂျီးရီဒူး (didgeridoo) ဟုခေါ်သော အဘောရီဂျန်းရိုးရာတူရိယာ၏ သက်တမ်းက နှစ်ပေါင်းတစ်ထောင့်ငါးရာကျော်ပြီ တဲ့..။ 

ပစိဖိတ်ဆောင်းကို ဥပေက္ခာပြုနိုင်စွမ်းသည့် အဘောရီဂျန်းကြီး၏ ရင်ဘတ်ပေါ်တွင် ရေးခြယ်ထားသောအကြောင်အကျားများက အိန္ဒိယနိုင်ငံ၊ ဂင်္ဂါမြစ်ကမ်းပေါ်က ခန္ဓာကိုယ်ကို ပြာသုတ်ကာ ၀စ်လစ်စလစ်ကျင့်ကြံနေကြသည့် ဆားဒူးကြီးများနှင့် ရိုးမှားဖွယ်ဖြစ်သည်။ ဆံင်ရှည်နှင့် ထိုအဘောရီးဂျန်းကြီးကို ရုတ်တရက်မြင်လိုက်စဉ်က အမျိုးသမီးတစ်ဦးဟု ထင်မိသော်လည်း ဒီဂျီရီဒူးကို အမျိုးသားများသာ မှုတ်ရသည် တဲ့..။ 

မှုတ်လိုက်တိုင်းတုန်ခါနေသော အဘောရီးဂျန်းကြီး၏ နှုတ်ခမ်းလွှာအလှုပ်သည်ပင် အနုပညာအားထုတ်မှုတစ်ရပ်ဖြစ်သည်။ အသက်ရှုရှိုက်ခြင်းသာ မကျွမ်းကျင်ပါက ဤတူရိယာကို အသုံးပြုနိုင်လိမ့်မထင်ပါ..။ ရိုးရာတေးသွားတစ်ပုဒ်၏ နိဂုံးသို့ ၀ိဥာဉ်များစွာက တွန်းပို့နေရသည် ဟု ထင်ရလောက်အောင် စိတ်လှုပ်ရှားဖွယ်ဂီတကို အားလုံးက မင်သက်နေကြသည်။

သို့သော် သူက တရားခန်းမတစ်ခုဆီ အချိန်မီရောက်ရန် စိတ်စောနေပြန်သည်။ အဘောရီဂျန်းလုလင်၏ လှုပ်ရှားမှုမှန်သမျှကို ဂီတဖျော်ဖြေမှုသဘောထက် သုတစုဆောင်းမှုအဖြစ်ပင် ငေးနေချိန်မရှိတော့ပါ။ သို့နှင့် ဆိပ်ကမ်းတံတားကြီးကို အဝေးမှ ဓါတ်ပုံတစ်ပုဒ်ရိုက်ယူသည်..။

 

နောက်တစ်ခေါက် ရောက်ဖို့ဆိုတာ လွယ်ချင်မှလွယ်မည်..။
အရာရာကန့်သတ်ခံထားရသော ရွှေပြည်ကြီးသားတစ်ဦးအတွက် ကမ္ဘာ့မျက်နှာကို
စိတ်ရှိတိုင်း မြင်ရဖို့ဆိုသည်မှာ ဒုလ္လဘတစ်ပါးဖြစ်နေဆဲပင်...။ လူချင်းတူတူ ခွဲခြားဆက်ဆံနေကြသော အလုံပိတ်တံခါးများ ရှိနေကြဆဲပင်..။

ဆစ်ဒနီဗဟိုမီးရထားဘူတာရုံကြီးဆီ ဘတ်စ်ကားဖြင့် ပြန်လာရ၏။ ထို့နောက် အဓိပ္ဗါယ် အသီးသီးဖြင့် နှေးလိုက် မြန်လိုက်ခြေထောက်များစွာနှင့် ၀င်ရောက်ရောနှောကာ ဘူတာ ရုံကြီးထဲ လျှောက်ရသည့်အရသာကို သဘောကျနေသေးသည်။
စင်ကာပူကို မကြာခဏရောက်နေကျမို့ ရထားများကို စာမဖွဲ့ချင်တော့ပါ..။ 

သက်သောင့်သက်သာရှိခြင်းနှင့် လူ့ဂုဏ်သိက္ခာကို အရောင်ထွက်စေနိုင်သော ပို့ဆောင်ရေးစနစ်ကိုသာ ရွှေပြည်ကြီးမှာ မိတ္တူပွားထားလိုက်ချင်သည်။ ရွှေပြည်ကြီး၏ နံနက်ခင်း အလုပ်သွားချိန်များနှင့် ညနေခင်းအိမ်ပြန်ချိန်များတွင် လူပီသခွင့်၊ စာနာခွင့်ပျောက်ဆုံးနေကြသောအမျိုးအရင်းကြီးများကို မြင်ယောင်ကာ စိတ်မသက်သာတော့ ဖြစ်ရ၏။ အက်ဖ်တာယူ (After You) မရှိသော နှစ်ကာလများစွာ နာကျင်စွာ ဖြတ်သန်းခဲ့ကြီးပြီပဲ...။
 

ဒေါ်သီတာဆွေ၏ ကားလေးရပ်ထားရာဘူတာရုံတွင် ဆင်းလိုက်ကြ၏။

ပါရမီဟု အမည်ပေးထားသော ဓမ္မရိပ်သာတစ်ခုတွင် တရားနာယူရန် အသင့်စောင့်နေကြသူများကို တွေ့ရသည်။ ဆစ်ဒနီမြို့ပြထဲက ဆိတ်ငြိ်မ်သောဓမ္မရိပ်သာလေးကို သူ ကျေနပ်သွားသည်။ မြန်မာပြည်ပွားဆရာဝန်ကြီးဇနီးမောင်နှံက မည်သူမည်ဝါအတွက်ဟူသောပုဂ္ဂလိကအဓိဋ္ဌာန်ဖြင့် မဟုတ်ဘဲ သာသနာနှင့် စပ်သော တရားဓမ္မ၀န်ဆောင်မှုအားလုံးအတွက် လှူဒါန်းထားခြင်းဖြစ်သည်။ မြန်မာ့ကျွန်းဖြင့် ပြုလုပ်ထားသောတရားဟောပလ္လင်က ခရီးသွား 

 ဟန်လွဲဓမ္မကထိကကို ဆီးကြိုနေပါသည်။  

ဤပလ္လင်ပေါ်တွင် ဓမ္မကထိကအကျော်အမော်များ၊ တိပိဋကဆရာတော်များ၊ ပရိယတ်နှင့် ပဋိပတ်ဝန်ဆောင်ဆရာတော်ကြီးများ တရားဓမ္မချီးမြှင့်တော်မူခဲ့ကြဖူးသည်။
မြန်မာနိုင်ငံက ဓမ္မာရုံကြီးများလို မကြီးမားသော်လည်း ဖိတ်ကြားထားသည့်တရားနာပရိသတ်အတွက် လုံလောက်သောအကျယ်အ၀န်းရှိသည်။
ဓမ္မကထိကနှင့် ထေရ်ကြီးဝါကြီးဆရာတော်များ နားနေရန် အခန်းများ ရှိသည်။
တရားဓမ္မကို အသံဖမ်းယူရန် ၊ တစ်ကမ္ဘာလုံးက အွန်လိုင်းတရားနာယူလိုသူများကို ဖြန့်ဝေရန် နည်းပညာအကူကိရိယာများလည်း ရှိနေလေသည်။

သူက “ မြတ်ဗုဒ္ဓ၏ ပထမဆုံးဓမ္မခရီး” အမည်ဖြင့် တရားတစ်ပုဒ်ဟောဖြစ်ခဲ့ပါသည်။
ခရီးသွားခြင်းကို ခုံမင်သူဓမ္မကထိကက ဗုဒ္ဓအရှင်၏ မိဂဒါဝုန်သာသနာပြုလမ်းညွှန်စကားကို ကိုးကားကာ ခရီးသွားလုပ်ငန်း (Tourism)ကို ဗုဒ္ဓအရှင်ကိုယ်တိုင်အားပေးတော်မူခဲ့ကြောင်း သက်သေပြကာ ဗုဒ္ဓအရှင်ပထမဆုံးကြွတော်မူရသော သာသနာပြုခရီး၏ လေးနက်မှုကို မိတ်ဆက်ပေးခဲ့ခြင်းဖြစ်ပါသည်။

ဗုဒ္ဓအရှင်က “စရထ ဘိက္ခဝေ စာရိကံ၊ ဒေသေထ ဓမ္မံ (ရဟန်းတို့ ခရီးထွက်ကြ..။ တရားဓမ္မကို ဟောပြောကြလေ ”တဲ့..။

(ဆက်ရန်)

ဓမ္မဂဂင်္ဂါ
၂၃-၄-၂၀၁၄

ဓမ္မဂင်္ဂါအွန်လိုင်းချက်တင်းဓမ္မသဘင်

မန္တလေးသာသနာ့တက္ကသိုလ်ဘွဲ့နှင်းခန်းမကြီး

၂၀၁၁ ခု ဧပြီလ ၁၄ ရက် (မဟာသင်္ကြန်တော်အကျနေ့)။ မြန်မာစံတော်ချိန် နေ့လည် ၂း၀၀ နာရီတိတိ

မန္တလေးမြို့၊ နန်းတော်ရှေ့က၊ နိုင်ငံတော်ပရိယတ္တိသာသနာ့တက္ကသိုလ် ဘွဲ့နှင်းဓမ္မာရုံကြီးထဲမှာ ဒုလ္လဘ ရဟန်းတော် အပါးသုံးရာခန့်ဟာ အသင့်နေရာယူပြီး ဖြစ်နေလိမ့်မယ်..။ ဒုလ္လဘ ရဟန်းတော် သုံးရာရှေ့မှာတော့ ပရိုဂျက်တာနဲ့ ထိုးပြဖို့ ပိတ်ကားဖြူဖြူကြီးတစ်ခု ထောင်ထားပေလိမ့်မယ်..။

သူကတော့ သူ့ရဲ့ နုတ်တ်ဘွတ်ခ်လေးကို ဖွင့်ထားလိုက်ပြီ။ အင်တာနက်ကွန်ယက်ကို ချိတ်ဆက်ကာ Gtalk ကိုလည်း အသင့်ပြင်ထားလိုက်ပြီ.။ ကော်နက်ရှင်းကောင်းနေတာ ကျေးဇူးတင်စရာပဲ..။ ဒါပေမယ့် ဗာရာဏသီမြို့တော်ရဲ့ လျှပ်စစ်မီးနဲ့ အင်တာနက်ကော်နက်ရှင်းကို စိတ်မချလို့ မိတ်ဆွေရဟန်းတော်နှစ်ပါးရဲ့ လက်ပ်တော့နှစ်လုံးကိုလည်း သူ့အခန်းထဲကို ရွှေ့ပြီး ဂျီတော့ခ်အကောင့်တ်ကို အရံဖွင့်ထားရသေးတယ်..။ တစ်ခုပျက်ရင် တစ်ခု.. ဓမ္မဒေသနာပွဲကိုတော့ အပျက်ခံလို့ မဖြစ်..။

အွန်လိုင်းချက်တင်းတရားပွဲရယ် လို့ စိတ်ကူးအတွေးရတဲ့ လက်ထောက်မော်ကွန်းထိန်း ဆရာတော်အရှင်ကုမုဒကလည်း မိုက်ခရိုဖုန်းကို ကိုင်ပြီး အသင့်စောင့်နေပြီဆိုတာ သေချာနေပြီ..။ သူ ချက်တင်းထဲမှာ ရိုက်ထည့်သမျှကို မော်ကွန်းထိန်းအရှင်က ထပ်ဆင့်ရှင်းပြမှာပါ..။ ပိုပြီးထိရောက်အောင် လိုအပ်တဲ့ ဓါတ်ပုံအချို့ကိုလည်း ပရိုဂျက်တာနဲ့ ထိုးပြမယ်..။ သူ ဗာရာဏသီ၊ မိဂဒါဝုန်လမ်းကနေ တချောက်ချောက်ရိုက်နေတဲ့ စာလုံးတွေက မန္တလေး နန်းတော်ရှေ့က ပရိုဂျက်တာပြကွက်ပေါ်မှာ တဖျောက်ဖျောက်ပေါ်နေပေလိမ့်မယ်။ စာလုံးတွေက အသံအဖြစ်ပြောင်းလဲပြီး ဓမ္မဒေသနာအသွင် ဆောင်သွားပေလိမ့်မယ်..။ ကောင်းပါဘိ အွန်လိုင်းချက်တင်း ဓမ္မသဘင်..။

'' အဆင်သင့်ဖြစ်နေပြီ အရှင်ဘုရား..အရှင်ဘုရားရဲ့ အကြောင်းလည်း မိတ်ဆက်လျှောက်ထားပြီးပါပြီ.. တရားပွဲစမယ်ဆို စလို့ ရပါပြီ..။'' ကဲတရားပွဲစပါပြီ..။ အရှင်ကုမုဒက '' မှန်ပါဘုရား၊ ဆက်ပါဘုရား..၊ ခဏစောင့်ပါဘုရား၊ '' စသည် တရားထောက်ပေးပါတယ်..။ မျက်နှာပူစရာကောင်းတဲ့ တရားကို မျက်နှာမပြဘဲ ဟောရတာ ကြုံတောင့်ကြုံခဲ..။

ဂျိန်းအထူးတရား

(ထူးတယ် လို့ သတင်းပြန်ကြားရလို့.. အထူးတရားလို့ တပ်လိုက်တာပါ..။)

''ပြည်ထောင်စုသမ္မတမြန်မာနိုင်ငံတော်၊ မန္တလေးတိုင်းဒေသကြီး၊ မန္တလေးမြို့တော်၊ နန်းတော်ရှေ့၊ နိုင်ငံတော် ပရိယတ္တိသာသနာ့တက္ကသိုလ်၊(မန္တလေး)မှာ သီတင်းသုံးနေတော်မူကြတဲ့ သင်ကြားစီမံ ဆရာတော်များကို ဂါရ၀ပြုရင်း သင်္ကြန်တော်ကာလမှာ ဒုလ္လဘသာသနာကို အရယူကြတဲ့ အရှင်မြတ်သုံးရာတို့ကို အိန္ဒိယနိုင်ငံ၊ ဗာရာဏသီမြို့တော်၊ မိဂဒါဝုန်လမ်းကနေ မင်္ဂလာပါနှစ်သစ်ဖြစ်ပါစေကြောင်း ဆုမွန်ကောင်းတောင်းရင်း ၀မ်းမြောက်ဝမ်းသာနှုတ်ခွန်းဆက်သအပ်ပါတယ်..။

ဒီအွန်လိုင်းတရားပွဲဖြစ်မြောက်အောင် ဆက်သွယ်ဆောင်ရွက်ပေးခဲ့တဲ့ လက်ထောက်မော်ကွန်းထိန်းဆရာတော် အရှင်ကုမုဒကို ကျေးဇူးတင်ကြောင်း လျှောက်ထားလိုက်ပါတယ်..။

တပည့်တော်နေတဲ့ ဗာရာဏသီဆိုတာကို မိဂဒါဝုန်တောနဲ့တွဲပြီးသိလေ့ရှိပါတယ်။ ဗုဒ္ဓဘုရားရှင် ပဉ္စ၀ဂ္ဂီငါးဦးတို့ကို ဓမ္မစကြာ တရားဦး ဟောရာအဖြစ် ဗုဒ္ဓဘာသာဝင်တိုင်းက မြတ်နိုးတသ အနုဿတိပွားလေ့ရှိကြပါတယ် ။ ဘုရားရှင်ကိုယ်တော်တိုင် နောက်ဆုံးပရိနိဗ္ဗာန်စံဝင်ခါနီးကာလမှာ ရှင်အာနန္ဒာကို မှာကြားခဲ့တဲ့ သံဝေဇနိယလေးဌာန အပါအ၀င်၊ နေရာမြတ်တစ်ခုလည်း ဖြစ်ပါတယ်။

ပြောရရင်တော့ ရတနာသုံးပါးမှာ သံဃာရတနာမွေးဖွားရာပါပဲ။ လုမ္ဗိနီကို ဘုရားရတနာ မွေးဖွားရာ(The Birth place of the Buddha) လို့ ခေါ်ကြပါတယ်။ သစ္စာလေးပါးသိမြင်ရာ ဗုဒ္ဓဂယာကိုတော့ တရားရတနာ မွေးဖွားရာ(The Birth place of Dhamma)လို့ ဂုဏ်တင်နာမည်ပေးကြပါတယ်။
ဒီတော့ ဗုဒ္ဓအရှင်ရဲ့ မဇ္ဈိမပဋိပဒါအကျင့်မြတ်ကို နှစ်ခြိုက်လက်ခံပြီး သာသနာတော်တွင်း ၀င်ရောက်လိုတဲ့ ပဉ္စ၀ဂ္ဂီ ငါးဦးတို့ကို “ဧဟိ ဘိက္ခု” ခေါ်ပြီး ရဟန်းအဖြစ်အသိအမှတ်ပြုတော်မူတဲ့ မိဂဒါဝုန်ဟာလည်း သံဃာရတနာ မွေးဖွားရာ(The Birth place of Samgha) မြင့်မြတ်တဲ့ သဘာဝသိမ်တော်ဖြစ်ပါတယ်။
စက်တင်ဘာလကစပြီး ဧပြီလအထိ ဘုရားဖူးရာသီတွေမှာတော့ မြန်မာနိုင်ငံအပါအ၀င် ကမ္ဘာနဲ့အ၀ှမ်းက ဗုဒ္ဓဘာသာတွေဟာ သံဝေဇနိယလေးဌာမှာ ဗုဒ္ဓဘုရားရှင်ကိုယ်တော်မြတ်ရဲ့ ခြေရာတော်နောက်ကို သစ္စာအငွေ့ ပြန်ကောက်ကြတဲ့အနေနဲ့ ဘုရားဖူးရောက်လာကြပါတယ် ။ ဗုဒ္ဓ ကျောင်းတော်ရာတွေမှာ ဘုရားဖူးတွေရဲ့ ပုံသဏ္ဍာန်အမျိုးမျိုးဝတ်ပြုဟန်နဲ့ စည်းဝါးနရီအမျိုးမျိုး တရားဓမ္မ ရွတ်ဖတ်သံတွေနဲ့ စည်စည်ဝေေ၀ရှိနေတတ်ပါတယ်။
တပည့်တော်ကိုယ်တိုင်လည်း သံဝေဇနိယလမ်းအတိုင်း သုံးကြိမ်တိတိလျှောက်ခဲ့ပြီးပါပြီ။ တပည့်တော်ငှါးနေတဲ့ အိမ်ခန်းလေးက မိဂဒါဝုန်တံတိုင်းနားမှာ ရှိခဲ့ဖူးတော့ နေ့စဉ်ဓမ္မတေးတွေကိုလည်း အနီးကပ်ကြား နာခွင့်ရခဲ့တာပေါ့ဘုရား ။ တစ်ခါတစ်ရံမှာတော့ သီးခြား ရောက်လာတတ်တဲ့ ဘုရားဖူးတစ်ဦးစနှစ်ဦးစကိုလည်း ဘုရားဖူးလမ်းညွှန်အဖြစ် မိဂဒါဝုန်တောထဲ အတူလျှောက်ပြီး လွန်ခဲ့တဲ့ နှစ်ပေါင်းနှစ်ထောင့်ငါးရာကျော်က ၀ါဆိုလပြည့်ည တစ်ညဆီ ရောက်အောင်ပို့ဖြစ်ခဲ့ပါတယ်။ ဘုရားရှင်က ပဉ္စ၀ဂ္ဂီရဟန်းငါးဦးကို ဓမ္မစကြာတရားတော်ဟောတော်မူတဲ့ အကြောင်း ရှင်းပြဖြစ်တာပါ..။

မိဂဒါဝုန်တောက အထွက်မှာတော့ တပည့်တော်အနေနဲ့ မဖြစ်မနေရှင်းပြရတာက ဂျိန်းဘုရားအကြောင်းပါပဲ။ အနတ္တလက္ခ ဏသုတ်ဟောတော်မူရာ ဓမ္မေခစေတီတော်ကြီးနဲ့အပြိုင် ဂျိန်းဘုရားကျောင်းတစ်ခုနဲ့ ဂျိန်းဘုရားရုပ်တုကြီးကို ဆိုက်ဆိုက်မြိုက်မြိုက်ကြီး ဖူးတွေ့လိုက်ကြရတာကိုး။

အနတ္တလက္ခဏသုတ်ဟောရာ မိဂဒါဝုန်ဓမ္မေခစေတီနဲ့ အပြိုင် ဂျိန်းဘုရားကျောင်း

ဂျိန်းဘုရားကျောင်းတွေက ဗုဒ္ဓဘုရားကျောင်းတွေရှိတဲ့နေရာတိုင်းမှာ အပြိုင်ဆောက်လေ့ရှိပါတယ်။ အကုန်လုံးက ဆင်တူရိုးမှားတွေလည်း လုပ်လေ့ရှိတာမို့ ရုပ်တုမြင်တိုင်း ဦးချချင်တဲ့ မြန်မာပြည်က ဘုရားဖူးလာကြတဲ့ အမျိုးတွေကို ဆွဲဆွဲ ထားရပါသေးတယ်။ ဟုတ်ပ သူရို့ကိုယ်တော်ကြီးကလည်း ဗုဒ္ဓနဲ့မတူတူအောင်ကို ထုဆစ်ထားတာကလား။ အဲ သင်္ကန်းမပါတာက လွဲလို့ပေါ့လေ...။

ဗုဒ္ဓဘုရားရှင်လက်ထက်က ကောသလမင်းကြီးကို ငွေတစ်သိန်းလာဘ်ထိုးပြီး ဇေတ၀န်ကျောင်းတော်နဲ့ သာဝတ္ထိမြို့တော်ကြားမှာ ကျောင်းဆောက်ခဲ့တာလည်း ဂျိန်းကိုယ်တော်ကြီးတွေပေါ့ဘုရား..။ ဘုရားရှင်နဲ့ သံဃာတော်အရှင်မြတ်တွေကို ဖူးဖို့ လာကြတဲ့ ရပ်ဝေးရပ်နီးဒကာ၊ဒကာမတွေ မျက်စိရှက်စရာ အခက်ကြုံတဲ့ အတွက် ဘုရားရှင်ကိုယ်တော်တိုင် သံဃာတော်တွေကို ဦးဆောင်ပြီး နန်းတော်ရှေ့ကို ကြွကာ ဆန္ဒဖော်ထုတ်တော်မူလို့ ကောသလမင်းကြီးက တိတ္တိတွေဆီကနေ ပြန်ဝယ်ပြီး ဘိက္ခုနီရဟန်းမတွေအတွက် ရာဇိကာရုံဆိုတဲ့ မင်းကျောင်းဆောက်လှူခဲ့တယ်လို့ မှတ်တမ်းရှိပါတယ်..။

ဂျိန်းဘုန်းကြီးများ အစည်းအဝေးအခန်းအနားမြင်ကွင်း

အသောကမင်းတရားကြီးဟာလည်း မိရိုးဖလာဂျိန်းဘာသာဝင်ဧကရာဇ်ကြီးဖြစ်ပါတယ်.။ နန်းတော်ထဲမှာ ဆွမ်းစားကြွတော်မူကြတဲ့ ဂျိန်းကိုယ်တော်ကြီးတွေရဲ့ မဖွယ်မရာအသွင်အပြင်တွေကို စိတ်ပျက်နေတဲ့ အချိန်မှာ နိဂြောဓရဟန္တာကိုရင်လေးရဲ့ အပ္ပမာဒတရားနာပြီး ဗုဒ္ဓဘာသာဝင်ဖြစ်လာခဲ့တာပါ..။
ဂျိန်းဆိုတာက ပါဠိဘာသာဇိန(Jina)ဆိုတဲ့စကားလုံးက ဆင်းသက်တာပါ။ နိုင်ငံတကာအသံနဲ့ဖတ်တော့ ဂျိန-ဂျိန်းလို့ဖြစ်သွားတာပါ။ အောင်နိုင်သူကြီးရယ်လို့ အဓိပ္ပါယ်ရပါတယ်။ သူက ဗုဒ္ဓနဲ့ခေတ်ပြိုင်ဖြစ်သလို ခတ္တိယအမျိုးအနွယ်ချင်းလည်းတူ တောထွက်တာလည်း တူပါတယ်။

ဗုဒ္ဓက ကပိလ၀တ္ထုက သကျခတ္တိယဖြစ်ပြီး ဂျိန်းကိုယ်တော်ကြီးကတော့ ဝေသာလီက နာဋခတ္တိယမျိုးပါ။ ဗုဒ္ဓအရှင်က ဇနီးနဲ့သားကို စွန့်ခဲ့သလို ဂျိန်း ကိုယ်တော်ကြီးကလည်း ဇနီးနဲ့သမီးကို စွန့်ခဲ့တယ်လို့ ဆိုပါတယ်။ တောထွက်တာချင်းတူပေမယ့် တရား သိပုံချင်းတော့  ကွဲသွားခဲ့ပါတယ်။
အင်း လွဲသွားတာပေါ့ဘုရား..။ ကိုယ်ပေါ်က အ၀တ်ကိုပါ ချွတ်ပစ်လိုက်တော့တာကိုး..။

ပိဋကတ်စာပေမှာတော့ နိဂဏ္ဌနာဋပုတ္တလို့ မှတ်တမ်းရှိပါတယ်။ တိတ္တိဆရာကြီးခြောက်ဦးထဲက ထင်ရှားသူတစ်ယောက်ပါ။ ကျန်တဲ့ တိတ္ထိဆရာကြီးတွေထက် ပိုမိုထင်ရှားပြီး ယနေ့တိုင်အောင် ကိုးကွယ်သူသုံးသန်းခန့်ကျန်နေပါသေးတယ်..။
နှစ်ဆယ့်တစ်ရာစုဆိုတာ ဘယ်အရေးအရာပဲဖြစ်ဖြစ် ပွင့်လင်းရာသီမို့ ဂျိန်းဘာသာရဲ့ ဘုရားမဟာဝီရကြီးရဲ့ အကြောင်းအရာအချို့ကို မျှဝေပေးလိုက်ပါတယ်..။

မဟာဝီရ (နိဂဏ္ဌနာဋပုတ္တ) (ဘီစီ ၅၉၉-ဘီစီ၅၂၇)

ဇိန(ခေါ်)ဂျိန်းဘာသာရေးရဲ့ ဦးဆောင်သူ မဟာဝီရ(Mahavira) ၊ဗုဒ္ဓစာပေများမှာတော့ ဂိုဏ်းဆရာကြီးနိဂဏ္ဌနာဋပုတ္တ လို့ ဖော်ပြခြင်းခံရသူ၊ ၀ရ်ဇမန လို့လည်းအမည်တွင်သူကို ဗုဒ္ဓဂေါတမ လိုပဲ အိန္ဒိယ အရှေ့မြောက်ပိုင်း ဝေသာလီမှာ ဖွားမြင်ခဲ့ပါတယ် ။

ဗုဒ္ဓထက်အသက် ၃၆နှစ်မျှ ကြီတယ် လို့ ဆိုပါတယ်။ ဗုဒ္ဓလိုပဲ မင်းညီမင်းသားတစ်ဦးဖြစ်ပြီး အသက် ၃၀အရွယ်မှာ ဇနီးနဲ့ သမီး ၊စည်းစိမ်ကိုစွန့်ကာ တရားရှာရန် တောထွက်ခဲ့ပါတယ်။

ပရ်သွနာထဂိုဏ်းသို့ ၀င်ရောက်ပြီး ရဟန်းဝတ်နဲ့ ၁၂နှစ်တိုင်တိုင် တရားအကျင့်ကို အစွန်းရောက်တဲ့ ထိကျင့်ခဲ့ပါတယ်။ ကိုယ်ပိုင်ပစ္စည်းများကို စွန့်လွတ်လိုက်တာ နောက်ဆုံး သောက်ရေခွက်တောင် မကျန်တော့တဲ့ အထိပါပဲ ။ ကိုယ်ဝတ်ကိုပါစွန့်ပြီး ကိုယ်လုံးတီးနေခဲ့ပါတယ် ။ ကိုယ်ပေါ်ကို တက်လာတဲ့ ပိုးမွှား၊ခြင်၊မှက် စတဲ့ အရာတွေကို ဖယ်ရှားခြင်း၊သတ်ဖြတ်ခြင်းတောင် မပြုခဲ့ပါဘူး ။အိန္ဒိယလို ဖုန်းစားယာစကာ ပေါများတဲ့ ဒေသမှာပင် မဟာဝီရရဲ့ အမူအကျင့်တွေက ကဲ့ရဲ့ဖွယ်ဖြစ်ခဲ့ရပါတယ် ။အသက် ၄၂နှစ်ရောက်တဲ့အခါ အကျွတ်တရားကိုရပြီ၊အလုံးစုံသိမြင်သောဥာဏ်ရပြီ လို့ ကြေငြာပြီး ကွယ်လွန်ချိန်ရောက်တဲ့အထိ နှစ်ပေါင်း ၃၀လုံးလုံး တပည့်များ၊နောက်လိုက်များကို တရားဟောပြောခဲ့တယ်။ဘီစီ ၅၂၇ မှာ ကွယ်လွန်တဲ့အခါ ကြည်ညိုသူတပည့်တပန်း အများအပြား ကျန်ရှိခဲ့ပါတယ်။

မဟာဝီရရဲ့ ဟောပြောချက်များကတော့ ဗုဒ္ဓ၀ါဒ၊ဗြဟ္မဏ၀ါဒများနဲ့ ဆင်တူတယ်လို့ အကြမ်းဖျင်းဆိုနိုင်ပါတယ်။

လူသေပြီးနောက် ဘ၀တစ်ပါးသို့ရောက်တယ် ။ဒါပေမယ့် လူ့ဘ၀သို့ ပြန်ရောက်ချင်မှရောက်မယ် အဲဒီလိုဖြစ်ရတာကတော့ ဂျိန်းဘာသာဝင်တို့ရဲ့ ယုံကြည်မှုဖြစ်တဲ့ ကာရ်မ(Karma)အရဖြစ်တယ်။ ဗုဒ္ဓလက်ကိုင်ပြတဲ့ ကံနဲ့ မတူတာကတော့ ဂျိန်းတို့က ယခုဘ၀ပြုသမျှသော အကြောင်းတရားတွေဟာ နောက်ဘ၀ရောက်မှသာလျှင် အကျိုးပြုတယ်လို့ ယုံကြည်တဲ့အတွက်ကြောင့်ပဲဖြစ်ပါတယ် ။

အကုသိုလ်တရားတွေကို ချုပ်ငြိမ်းစေရန်အတွက်၊တဏှာကိုပယ်နိုင်ရန်အတွက် အလွန်ခြိုးခြံတဲ့ အကျင့်ကို ကျင့်ရန်လမ်းညွှန်ပြပါတယ်။ ငတ်ပြီးသေတဲ့အထိ ကျင့်နိုင်လျှင် သာ၍မြတ်သည်လို့ပင် အလွန်အကျူးဆိုထားပါတယ်။ ဗုဒ္ဓပယ်ထားတဲ့ အတ္တကိလမထာနုယောဂလမ်းစဉ်အတိုင်း ကျင့်နေကြတာ ထင်သာမြင်သာရှိလှပါတယ်..။

ဂျိန်းတို့ရဲ့ အရေးပါဆုံးသော တရားကတော့ နောင်တစ်ချိန်မှာ အိန္ဒိယလမ်းစဉ်၊ဂန္ဒီလမ်းစဉ်ရဲ့ အခြေခံလို့ဆိုရလောက်တဲ့ အကြမ်းမဖက်ရေးလမ်းစဉ် (အဟိသ္မ)ဖြစ်သည်။ လူအချင်းချင်းမဆိုနဲ့ တိရိစ္ဆာန်တို့ကိုပင် နှိပ်စက်ခြင်းမပြုရန်တားမြစ်ထားတယ်။ ဒါ့ကြောင့် ဂျိန်းဂိုဏ်းဝင်တို့ဟာ သတ်သတ်လွတ်စားခြင်း၊တိရိစ္ဆာန် ပိုးမွှားသတ်ဖြစ်မှုမှရှောင်ကျဉ်ခြင်း တို့ကိုဆောင်ရွက်ကြရတယ်။

အစာစားလျှင် ပိုးမွှားတွေ ပါကုန်မှာစိုးလို့ အမှောင်ထဲမှာ အစာမစားကြရပါဘူး။ ထိုမျှသာမက အကျင့်ပြင်းထန်တဲ့ ဂျိန်းဂိုဏ်းဝင်များဆိုလျှင် မိမိသွားရာလမ်းများမှာ လူငှားနဲ့ တံမြက်စည်း လှည်းစေကြပါသေးတယ်။

ဘာသာရေးယုံကြည်ချက်ကြောင့် ဂျိန်းဘာသာဝင်များဟာ အလုပ်ကြမ်းကိုစွန့်လွတ်ပြီး လယ်ထွန်နွားကျောင်းအမှုကိုပင် မပြုကြတော့ဘဲ ရောင်းဝယ်သူ၊ ကုန်သည်များအဖြစ်သာ ၀ီရိယထားပြီး အသက်မွေးကြလေ့ရှိပါတယ် ။ ဒါကြောင့် ဂျိန်းဘာသာဝင်များ၊ ဂိုဏ်းဝင်များဟာ များသောအားဖြင့် ချမ်းသာတဲ့ အလွှာများဖြစ်ကြလေ့ရှိပြီး စာပေအနုပညာထွန်းပေါက်သူများအနေနဲ့ ကျန်ဘာသာဝင်များထက် အချိုးကျပိုများပါတယ်။

မူလအစက ဂျိန်းဘာသာဟာ ဗုဒ္ဓဘာသာလို လူတန်းစား ခွဲခြင်းမရှိပေမယ့် ဟိန္ဒူဝါဒရဲ့ လွှမ်းမိုးမှုခံလာရကာ ဇာတ်ခွဲခြားခြင်းရှိလာပါတယ်။ သို့သော် ဟိန္ဒူဘာသာလို ပြင်းထန်ခြင်းမရှိပါဘူး။ ဟိန္ဒူဝါဒရဲ့ လွှမ်းမိုးမှုခံရခြင်းရဲ့ အကြောင်းကတော့ ဗုဒ္ဓဘာသာကဲ့သို့ စာထက်အက္ခရာတင်ထားခဲ့ခြင်း မရှိခဲ့တဲ့အတွက်ကြောင့်ဖြစ်ပါတယ်။ သို့သော် ဂျိန်းဝါဒသည်လည်း ဟိန္ဒူဘာသာအပါအ၀င် အခြားဘာသာများပေါ်မှာလည်း ပြန်လည်လွှမ်းမိုးခဲ့တာမျိုးလည်းရှိပါတယ်။ ဥပမာအားဖြင့် တိရိစ္ဆာန်သတ်ပြီး ယဇ်ပူဇော်ခြင်း နှင့် အသားစားခြင်းများကို ရှောင်ကျဉ်ရန် ဟိန္ဒူတို့ကို စည်းရုံးနိုင်ခဲ့တယ်။ နောင်ပိုင်းမှာ အကြမ်းမဖက်ရေး ၀ါဒဟာ အိန္ဒိယရဲ့ ရှေ့ဆောင်ဝါဒဖြစ်လာတော့တယ်။ အိန္ဒိယလွတ်လပ်ရေးရှေ့ဆောင်ကြီး ဂန္ဒီ ဆိုလျှင် ဂျိန်းဂိုဏ်းဆရာကြီး ဂြီဖဒ်ရာဇဆန္ဒြ ကိုဆရာတင်ပြီး အလုပ်တော်တော်များများကို ဆောင်ရွက်ခဲ့တာ ကိုကြည့်ခြင်းအားဖြင့် ဟိန္ဒူနှင့် ဂျိန်း နှစ်ဘာသာတို့ရဲ့ နီးစပ်မှုကိုတွေ့နိုင်ပါတယ်။

ဂျိန်းဘာသာဝင် ဦးရေက အများကြီးမဟုတ်ပါဘူး။ အိန္ဒိယနိုင်ငံမှာ သုံးသန်းခွဲမျှရှိတယ်လို့ သိရတယ်။ နိုင်ငံရပ်ခြားမှာ ပြန့်ပွားဖို့ ခက်လှတဲ့ ဘာသာတရားတစ်ခုလည်း ဖြစ်ပါတယ်..။

ဗုဒ္ဓကျမ်းစာများအလိုအရ မဟာဝီရ ခေါ် နိဏ္ဌဋနာလပုတ္တဟာ သွေးအန်ပြီး ကွယ်လွန်တယ် လို့ ဖော်ပြထားပါတယ် …။

အပ္ပမာဒေန သမ္ပာဒေထ.သင်္ကန်းကို မြဲအောင် ၀တ် ။ မချွတ်မိကြစေကုန်ရာသတည်း..။

ဓမ္မဂင်္ဂါ

(၁၄-၄-၂၀၁၁ သင်္ကြန်တော်အကျနေ့)

---------------------------------------------------------------------------------

ဝန်ခံချက်။ ဆရာကြီးဒေါက်တာသန်းထွန်းရဲ့ ကျော်စွာ (၁၀၀) စာအုပ်ထဲက မဟာဝီရကို ကိုယ်ပိုင်အတွေ့အကြုံနဲ့ ဆက်စပ်ပြီး အပြည့်အ၀ကိုးကားလိုက်ပါတယ်..။

သင်္ကြန်တော်အခါသမယမှာ နိုင်ငံတကာရောက်နေကြတဲ့ မြန်မာရဟန်းတော်(၈)ပါးက အွန်လိုင်းချက်တင်းတရားဟောကြမှာပါ..။ ဒီနေ့တော့ မလေးရှားနိုင်ငံ၊ ဓမ္မဂါဒင်းဆရာတော်ဟောကြားမှာပါ..။သာဓု သာဓု သာဓု..။

ကျနော်နဲ့ မြကြာညို

ကျနော်နဲ့ မြကြာညို
---------------------
သူမ၏ အပြာရောင်ကြာတောတွင်
သာဝတ္ထိလူငယ်တစ်သိုက်၏ မာနများ ဒူးထောက်လိုက်ရပြီ။
ကျနော်က ကြာတောငေးသူမျှသာ..။
သူမက အပြာရောင်ကြာလို လွင်လွင်ပေါ်ပေါ် လှနိုင်လွန်းသည်။
သူမအမည် မြကြာညို....။

ကောသလတိုင်းတွင် ကျင်းပတတ်သည့် အရည်အသွေးပြပွဲ(Talent Show) များတွင် 
သူမအကြောင်း သီချင်းလုပ်ဆိုကာ ပြိုင်ပွဲဝင်သူများပင် ရှိလာသည်။
ခတ္တိယနှင့် ဗြဟ္မဏလူငယ်များက အေဒီနှစ်ထောင်လွန် ရာစုသစ်တွင် ထွန်းကားလာမည့် မြန်မာကဗျာဆရာအချို့၏ “ သူများတကာတွေ တစ်ယောက်က တစ်ယောက်ကို ချစ်တယ်ဆိုတာ ကျနော်က မြကြာညိုရဲ့ မျက်တောင်ဖျားလေးကို ချစ်သလောက်တောင်မီမယ်မထင်ဘူး ”
“ ဥသြဆွဲချင်ရုံသက်သက်နဲ့ တော့
ငါ့သံယောဇဉ်တွေ ခုတ်မောင်းထွက်ခဲ့တာမဟုတ်ဘူး
စောင့်ကြိုဖို့ အသင့်ရှိမနေတဲ့ ဘူတာရုံလေးရေ
လွမ်းတယ် ” စသော အပိုဒ်များကို
ကူးယူကာ သူမထံ အီးမေးလ်ပိုိ့ကြသည်။

မဇ္ဈိမအွန်လိုင်းစာမျက်နှာပေါ်က လူငယ်အများစု၏ စတေးတပ်စ်တွင် သူမအကြောင်း ဂါထာစုဏ္ဏိယ ဗန္ဓအဖွဲ့အနွဲ့များက နေရာယူလွန်းသည်။ ရင်ခုန်မယ်ဟု အဓိပ္ဗါယ်ရသည့် ဟဒယစလဒေ၀ီဘွဲ့ဆိုတာမျိုးပင် ဖန်တီးကာ လူငယ်များက သူမအား ပေးအပ်ကြသေးသည် တဲ့..။
ဘယ်လောက်များ အရူးအမူးဖြစ်လိုက်ကြပါသလဲ...။

သူမ၏ ကြာညိုပြာအလှက သာဝတ္ထိနယ်နိမိတ်ကို ကျော်လွန်သွားသည့်အခါ
သူမ လက်ခံနိုင်သည့် မိတ်ဆွေစာရင်းထက် ပိုလွန်လာသည်။
သူမအတွက် မိတ်ဆွေတောင်းဆိုလွှာ(Friend Requests)များက သည်းမခံနိုင်အောင် ဖြစ်လာသည်။ညောင်နာနာ(သို့မဟုတ်) ခပ်ကြောင်ကြောင်မက်ဆေ့ခ်ျများကို
ဖတ်ရခြင်းက သူမအတွက် ဒုက္ခသစ္စာဟု သိလာသည်။
တစ်ခါတစ်ရံတော့ တတိယအရွယ်၏ ဒုတိယဝေဒနာလိုမျိုး သက်ကြားအိုအချစ်ဆိုသည့် အော်ဂလီဆန်ဖွယ်ချဉ်းကပ်မှုမျိုးလည်း ကြုံရကြောင်း ကျနော်ကြားနေရသည်။

ကျနော်က သာဝတ္ထိလူငယ်အများစု သူမ၏ အလှတရားအပေါ် အရူးအမူးဖြစ်လာခြင်းက
သူမ၏ ပုဂ္ဂလိကဘ၀(Privacy)ကို ထိခိုက်လာသည် ဟု မြင်ကာ သနားကရုဏာသက်မိသည်။
ကျနော့်အတွက်တော့ သူမအလှတရားကို ကဗျာဖွဲ့ကာ နံရံကပ်ထားရုံထက် ခံစားချက်ပိုခွင့်မရှိ..။
နောက်တော့ သူမ၏ ဆယ်လီဗတီနေ့ရက်များကို အဆုံးသတ်ရန် မြကြာညိုဆုံးဖြတ်လိုက်ပြီ ဟု အံ့သြဖွယ်သတင်းထွက်လာသည်။

သာဝတ္ထိအာဏာပိုင်အသိုင်းအ၀ုိုင်းနှင့် မဟာသာလဟု ဆိုသော ခတ္တိယနှင့် ဗြဟ္မဏခရိုနီအသိုင်းအ၀ိုင်းမှ ပြိုင်ကားစီးလူငယ်များ၏
သူမအား အလုအယက်အပိုင်သိမ်းရန် အကြံအစည်ပေါက်ကြားသွားသောအခါ မြကြာညိုတစ်ယောက် ဗုဒ္ဓဘုရားရိပ်သို့ အပြီးခိုလိုက်ရတော့သည်။
ဥပ္ပလ၀ဏ်ထေရီအဖြစ် သာသနာ့ဝန်ထမ်း မြတ်သောဘိက္ခုနီရဟန်းဘ၀ကို ခံယူလိုက်ခြင်းပင်ဖြစ်ပါသည်။

ဘာပဲဖြစ်ဖြစ် ကျနော်ကတော့ မုဒိတာဖြစ်စွာ သူမအတွက် ကျေနပ်ပျော်ရွှင်သွားသည်။
တကယ်တော့ မြကြာညိုက ပါရမီရှင်တစ်ဦးဖြစ်ပါသည်။
သံသရာနှင့် ကံကြမ္မာကို ယုံကြည်ကြသည့် ကျနော်တို့ ဗုဒ္ဓသာဝကရပ်ဝန်းမှာတော့ သူမ၏ အတိတ်ဘ၀ဖြစ်စဉ်များက ပြောစမှတ်ဖြစ်နေဆဲပင်..။
ပဒုမုတ္တရဘုရားရှင်လက်ထက်မှ စတင်ကာ ကမ္ဘာတစ်သိန်းတိုင်တိုင် ပါရမီတွေ ဖြည့်ခဲ့သူ၊ ဘ၀များစွာတွင် ကြာပန်းလို လှဖို့ ကြာစည်းတွေ လှူခဲ့သူ၊ မြင်သူတိုင်း ရူးလောက်အောင် လှသော ဥမ္မာဒန္တီဆိုတာလည်း သူ...။

သာသနာ့အရိပ်အောက်က ဓမ္မရေချမ်းစင်ဘေးမှာ မြကြာညို အေးမြငြိမ်းချမ်းနေပြီ ဟု မုဒိတာပွားနေခဲ့မိသော်လည်း များမကြာမီ
ကျနော့်ဗြဟ္မစိုရ်အိုးလေး ကြေကွဲဖွယ် ကျကွဲခဲ့ပါသည်။
ကျနော်တို့ မြကြာညို ကံမကောင်းခဲ့ရှာပါ..။
အရိယာလမ်းအဆင့်ဆင့်ကို ပါရမီလှေကားထစ်များအတိုင်း တက်နိုင်ဖျားရောက် ရဟန္တာထေရီမကြီး ဘ၀ရောက်နေချိန်မှာမှ
သူမအပေါ် အစွဲအလမ်းကြီးလွန်းသော နန္ဒဆိုသည့် မောင်ဝမ်းကွဲတစ်ယောက်၏ ပစ်မှားလွန်ကျူးခြင်းခံခဲ့ကြောင်း ၀မ်းနည်းဖွယ်သတင်းဆိုးကြီးကို ကျနော်တို့ အတည်ပြုလိုက်ကြရသည်။

ရဟန္တာအရှင်မကို ကျူးလွန်သည့် နန္ဒငမိုက်သားအတွက် လူ့ခုံရုံးဥပဒေများနှင့် အပြစ်ပေးဖို့ မလုံလောက်တော့ပါ။ ကမ္ဘာမြေကြီးက လူမိုက်တစ်ယောက်ကို ခြေချခွင့်မပေးတော့ပါလေပြီ.။
ကျောင်းဇရပ်မှ ဆင်းပြေးလာသောနန္ဒအတွက် ငရဲမီးလျှံများ တောက်လောင်နေသော အ၀ီစိတံခါးပွင့်သွားသည်..။ နန္ဒကို မြေမျိုလိုက်တော့သည်..။

မည်သို့ဆိုစေ ဥပ္ပလ၀ဏ်ထေရီတစ်ြဖစ်လဲ မြကြာညိုကတော့ ဤလောကဓံကို အရိယာတို့၏ သည်းခံခြင်းဖြင့် ကျော်လွှားနိုင်ခဲ့ကြောင်း မာရ်နတ်သို့ ပြန်ကြားရွတ်ဆိုသော သူမ၏ မဂဓကဗျာများကြောင့် ကျနော်သိရသည်။

သတ္တိသူလူပမာ ကာမာ၊ ခန္ဓာ’သံ အဓိကုဋ္ဋနာ။
ယံ တွံ ကာမရတိံ ဗြူသိ၊ အရတီ ဒါနိ သာ မမ။
=======================
ကာမဂုဏ်တွေဆိုတာ ဓား လှံ သံတံကျင်ပမာ..။
စွဲလမ်းမှု(ဥပါဒါနက္ခန္ဓာ)တွေက
ကာမဂုဏ်တို့ ခုတ်ပိုင်း လှီးဖြတ်ရာ စဉ်းတီးတုံးတွေသာ။
ကာမဂုဏ်တွေမှာ မွေ့လျော်ပါ တဲ့..။
သင် မာရ်နတ်ပြောဆိုလာ..။
သင်ပြောတဲ့ ကာမဂုဏ်ဟာ
အခုတော့
ငါ့အတွက် မွေ့ပျော်ပိုက်
နှစ်ခြိုက်စရာ မဟုတ်တော့ပါ..။

သဗ္ဗတ္ထ ၀ိဟတာ နန္ဒီ၊ တမောခန္ဓော ပဒါလိတော။
ဧ၀ံ ဇာနာဟိ ပါပိမ၊ နိဟတော တွမသိ အန္တက။
======================
ငါဟာ အာရုံအားလုံးပေါ်
နှစ်သက်မူတဏှာ
ပယ်ဖျောက်
ဟယ် .....မာရ်ယုတ် ..
ဒီတဏှာ အ၀ိဇ္ဇာကို ပယ်သောငါ့ကို သိစမ်းပါ..။
မာရ်ယုတ် -
သင်ဟာ အရှုံးသမားသက်သက်ပါ..။

နောင်တစ်ချိန်မှာတော့ မြကြာညိုက ဗုဒ္ဓအရှင်၏ လက်ဝဲတော်ရံသမီးချစ်နှင့် တန်ခိုးအရာအမြတ်ဆုံးဧတဒဂ်ဆုဆွတ်ခူးသူအဖြစ်
သာသနာ့ရေကန်သာတွင် ငွားငွားစွင့်စွင့်...။
ကျနော် မြကြာညိုကို ကြည်ညိုလေးမြတ်စွာ သာဓုခေါ်မိတော့သည်။
 

    ဖြူဇော်
(၂၈-၉ -၂၀၁၃
----------------------------
ဗုဒ္ဓအရှင်၏ သမီးတော် တန်ခိုးအရာဧတဒဂ်ရ လက်ဝဲတော်ရံဥပ္ပလ၀ဏ္ဏာထေရီအား ဂုဏ်ပြု....

ကျနော်နဲ့ ခင်ဝင့်ဝါ

ကျနော်နဲ့ ခင်ဝင့်ဝါ
=========
သူမအကြောင်းက ဒေသတွင်းသာမက မဇ္ဈိမဖက်ရှင်မဂ္ဂဇင်းတိုင်း၏ ကာဗာစတိုရီဖြစ်နေသည်။ ပုံဟန်အမျိုးမျိုးဖြင့် မရိုးနိုင်အောင် စိုရွှန်းကြည်လဲ့သော သူမ၏ အလှရုပ်ပုံများက စာမျက်နှာတိုင်းပေါ်တွင် နေရာယူထားကြသည်။

သူမကိုယ်တိုင် ရွတ်ဆိုသော အရိယာကဗျာတစ်ပုဒ်တွင်
“ဇမ္ဗူရာဇ်ရွှေစင်ကို
ခုနစ်ထွေရတနာစီလို့
ပန်းချီပန်းပုနဲ့ ရေးခြယ်ထုဆစ်
ပျိုမြစ်လှပ
ရှုမြင်တိုင်း ရုပ်ကြွ
မြင်သူတိုင်း ငေးကြ
မရပ်တည်နိုင်
မူးမှိုင်တွေဝေကြ။” ဟု စိတ်တံခါးဖွင့်ပြထားရာ သူမ၏ အလှကို လှစ်ခနဲ မြင်လိုက်ရသည့်အခိုက် ကျနော့်ခေါင်း မိုက်ကနဲဖြစ်သွားသည်။ သူမအမည်က ခင်ဝင့်ဝါ..။

ခင်ဝင့်ဝါက မဒ္ဒတိုင်း၊ သာဂလမြို့တော်၏ မင်းသမီးတစ်ပါးဖြစ်သည်။ ရွှေလင်ပန်းနှင့် အချင်းဆေး မင်းမွေးသည့်သမီးပီပီ မဒ္ဒတိုင်းအလှသရဖူကိုပြိုင်ဘက်မရှိ ဆောင်းခွင့်ရခဲ့သည်။
သူမမွေးဖွားစဉ်က ထူးဆန်းလွန်းစွာပင် ပြည်သူတို့ ၏ ရောဂါဥပဒ်များ ကင်းစင်လွင့်ပျောက်သွားသည့်အတွက် ခင်ရန်ရှင်း ဟုအဓိပ္ဗါယ်ရသော မဂဓအမည်ရှိသော်လည်း သက်ရှိဒေ၀စ္ဆရာနတ်မိမယ်တစ်ပါးလို ထင်ပေါ်ဝင့်ဝါသော သူမကို ကျနော်က ခင်ဝင့်ဝါ ဟု အမည်ပေးမိသည်။

မင်းကြိုက်စိုးကြိုက် ကာလသားများနှင့် လားလားမှ မထိုက်သော နယ်စည်းမခြားအလှဒေ၀ီ ခင်ဝင့်ဝါကို မဂဓတိုင်းကြီးရှင်၊ ဗိမ္ဗိသာရဘုရင်က မိဖုရားခေါင်ကြီးအဖြစ် ကမ်းလှမ်းလက်ဆက်ခဲ့ပါလေသည်။
အလှပေါ် အယဉ်ဆင့်၊ မဟေသီမာန်ဝင့်နိုင်လေသော ခင်ဝင့်ဝါအတွက် ရတနာကြေးမုံပြင်ရှေ့က မခွာ၊ ရတနာနန်းတွင်းက မထွက်..။ စက်စက်ယို အလှကိုးကွယ်သူဖြစ်လာသည်။ အနိဋ္ဌာရုံများ ခင်ဝင့်ဝါအနားမလာရပြီ.။ ရုပ်ဆိုးသူများ ခစားခွင့်မရှိဟုပင် အမိန့်တော်ထုတ်ပြန်ထားလေပြီ။

စူပါပါဝါတိုင်းကြီးပြည်ကြီးရှင်၏ ဖတ်စ်လေဒီမိဖုရားခေါင်ကြီးဖြစ်သည့်အတွက် ကာသိတိုင်းဖက်ရှင်ဈေးပွဲတော်သို့ ပရိုက်ဗိတ်ဂျက်ဖြင့် ရှော့ပင်းထွက်လေသည်။ ခင်ဝင့်ဝါသုံးစွဲသမျှ အကန့်အသတ်ဖြင့် ထုတ်ရသော လိမိတက်ဒ်ပစ္စည်းများသာ ဖြစ်ရသည်။ လှထိပ်ခေါင်မဖုရားကို မည်သူမျှ တုပ၀တ်ဆင်ခြင်းမရှိစေရတော့ပေ။
အွန်လိုင်းစစ်တမ်းများအရ ဇမ္ဗူဒိပ်မြေအပြင်ဝယ် သူမက ဒုတိယအလှသရဖူ(First Runner up) စွဲလေသည်။ ပထမအလှမယ်ဘွဲ့ကို သက္ကတိုင်း၊ဒေ၀ဒဟမယ်လေး ယသော်ဓရာက ဆွတ်ခူးသွားခဲ့သည်။

ခင်ဝင့်ဝါ၏ ရုပ်လုံးကြွတော်ဝင်ရွှေပုံလွှာများကိုတော့ မဂဓတိုင်းလုံးအနှံ့ မင်းလမ်းမပေါ်က အယ်လ်အီးဒီဖန်သားပြင်ကြီးများတွင်သာ သာမန်ပြည်သူများမော်ဖူးခွင့်ရကြသည်။ မင်းခမ်းမင်းနားနှင့် ဝေးလွန်းသော ကျနော်ကတော့ ရာဇဂြိုဟ်သားစာဆိုက၀ိတို့ ၏ ခင်ဝင့်ဝါဘွဲ့ကဗျာများကို ဖတ်ရသည်။

ခင်ဝင့်ဝါက အလှတရားနောက် ကောက်ကောက်ပါအောင် လိုက်နေချိန် မဂဓသတင်းရပ်ကွက်တွင် ဗုဒ္ဓအရှင် ပွင့်ထွန်းပေါ်တော်မူလာသည့်သတင်းနှင့် ဘုရင်ဗိမ္ဗိသာရဦးဆောင်သော ရာဇဂြိုဟ်ပြည်သူတို့ ဗုဒ္ဓအရှင်၏ စစ်မှန်သောသစ္စာဓမ္မကို လိုက်နာကာ ဘာသာကူးပြောင်းပွဲကြီးချိမ့်ချိမ့်သဲကျင်းပတော့မည် ဖြစ်ကြောင်းသတင်းတို့ကလည်း အိတ်စ်ကလူးစစ်(Exclusive ) စက်ရပ်သတင်းဖြစ်နေလေသည်။

ကျနော်စိတ်ဝင်စားသည်က အသစ်ပေါ်ထွန်းလာသည့် ဗုဒ္ဓအရှင်နှင့် ပတ်သက်သော ခင်ဝင့်ဝါ၏ သဘောထားခံယူချက်ပင်..။
အလှတရားကို ကိုးကွယ်လွန်းသူနှင့် အလှတရား၏ အပျက်ကို ရှုမြင်ကာ သံသရာလွတ်လမ်းညွှန်တရားဓမ္မတို့၏ ထိပ်တိုက်ဆုံမှတ်ကို သိချင်နေမိသည်။
နန်တွင်းမှ ထွက်ပေါ်လာတတ်သည့် တီးတိုးတော်ဝင်သတင်းများအရ ဗုဒ္ဓအရှင်ကို ကြည်ညိုလေးမြတ်လှသည့် ဘုရားဒကာ အရိယာသူတော်စင်ဘုရင်တစ်ပါးဖြစ်နေသည့် ဗိမ္ဗိသာရအနေဖြင့် မယားအလှကို တရားပြချင်ရှာသော်လည်း စကားဟလို့ပင် မရကြောင်း ကျနော်တို့ သိနေရသည်။ ဘုရင်မင်းမြတ်အနေဖြင့် ပါရမီဖြည့်ဖက်တွေပီပီ မောင်မယ်စုံ သံသာလေကမ်းတိုင်ချင်သည်မှာ သဘာဝကျပါသည်။

မကြာမီမှာတော့ ဗုဒ္ဓအရှင်သီတင်းသုံးနေထိုင်ရာ ဝေဠုဝန်ကျောင်းတော်၏ ပုံရိပ်များက မဂဓ သတင်းမီဒီယာလောကတွင် ပေါ်ပြူလာသတင်းဖြစ်လာသည်။
ဘုရင့်မိသားစုပိုင်တော်ဝင်ရုပ်သံနှင့် ဝေဘာရ၊ ဝေပုလ္လစသော အစိုးရပိုင်သတင်းဌာနများက ဝေဠုဝန်ကျောင်းတော်သာယာပုံသတင်းများကို ပေါ်လစီသတင်းတစ်ရပ်ပမာ နေ့စဉ်ထုတ်လွှင့်နေသည်ကို ကျနော်တို့ ကြည့်ရှုရလေသည်။

လမ်းမတိုင်း၏ ဘီလ်ဘုတ်ကြော်ငြာများတွင်“ ဝေဠုဝန်ကို သိလား ”ဟူသော စာလုံးပြူးပြူးကြီးကို မြင်ကြရမည်။ မြို့တော်ခန်းမနှင့် ဘုရင်မပန်းခြံလို လူစည်ကားရာနေရာများတွင် ဝေဠုဝန်လက်ကမ်းကြော်ငြာစာရွက်လေးများကို လုလင်ပျို လုံမပျိုလေးများက ဝေငှနေကြသည်။ ကဗျာစာဆိုတို့ကလည်း ဂန္ထ၀င်၊ ရီယယ်လစ်ဇင်၊ ဆာရီယယ်လစ်ဇင်၊ မော်ဒန်၊ ပို့စ်မော်ဒန် ဟန်အသီးသီးဖြင့် ဝေဠုဝန်ကိုသာ ရေးဖွဲ့နေကြလေသည်။

တောင်ထိပ်နက္ခတ်သဘင်ကျင်းပရာ မြို့တော်လုံးကျွတ်နွှဲသည့် ပဏ္ဍ၀တောင်ရှိုးပွဲမှာတော့ ဟဲဗီးမက်တယ်၊ ပေါ့၊ ဟစ်ဟော့၊ ပန့်ခ်၊ ဂျပ်ဇ် နှင့်အော်လ်တာနေတစ် ဂီတအဖွဲ့အမျိုးမျိုးက ဝေဠုဝန်အကြောင်းကိုသာ ဖွဲ့နွဲ့သီဆိုကြလေရာ ဝေဠုဝန်ဂီတရပ်ဝန်း ဟုပင် သတင်းစာနှင့် ဂျာနယ်များက အမွှမ်းတင်ရေးသားကြလေတော့သည်။

နောက်မှ ကျနော်သိရသည်မှာ မဂဓဘုရင်၏ အမိန့်ဖြင့် ပြန်ကြားရေးနှင့် ယဉ်ကျေးမှုဝန်ကြီးဌာနတို့ ပူးပေါင်းကာ ဝေဠုဝန်သတင်းကို ဖန်တီးခြင်းဖြစ်သည် ဟုဆိုသည်။ ပစ်မှတ်က ခင်ဝင့်ဝါဖြစ်၏။
ငွေကုန်ကြေးကျများလှသော ထိုဝေဠုဝန်ပရောဂျက်အောင်မြင်ခဲ့ပါသည်။
အလှကို ကိုးကွယ်သောအလှနတ်ဖုရား ခင်ဝင့်ဝါ အလှတရားရှိရာကို အမှန်တကယ် ရောက်အောင် သွားခဲ့ပါလေသည်။ ဗုဒ္ဓအရှင်ကလည်း သူမအား အလှတရားဖြင့် တည်ခင်းဧည့်ခံရန် အသင့်စောင့်နေတော်မူခဲ့သည်။

ကျေးငှက်တို့ ဂီတ..။ ရောင်စုံပန်းတို့ မွှေးမြ
စမ်းရေလေးတွေ စီးကျ...။ ဗုဒ္ဓခေတ်ကျောင်းဝိဟာသည် ရောက်လာသူတိုင်း၏
ရင်ကို တရားမနာရမီက အေးမြအောင် စီမံဖန်တီးထားလေသည်ပဲ..။
ခင်ဝင့်ဝါ ရင်သပ်ရှုမောဖြစ်သွားသည်။ ဝေဠုဝန်ဥယျာဉ်ကျောင်းဝိဟာထဲ ငှက်ပျိမလေးတစ်ကောင်လို ပြေးလွှဲခုန်ပေါက်မိသည် အထိ...။

ဗုဒ္ဓအရှင်ကိုတော့ ခင်ဝင့်ဝါက ရှောင်ဖို့ကြိုးစားသည်။
ဒါပေမယ့် တည့်တည့်တိုးလေသည်။ ဗုဒ္ဓအရှင်၏ ဂန္ဒကုဋီကျောင်းတံခါးက ဟင်းလင်းပွင့်လျက်...။ မွှေးပျံ့သော သီလဓမ္မရနံ့ကို ရှိုက်မိတော့ အလှမက်သူခင်ဝင့်ဝါ မနေနိုင်...။ တိတ်တိတ်လေး ခြေဖျားထောက်ကာ ချောင်းကြည့်သည်...။ အို
ဗုဒ္ဓဘုရားပါလား...။ အလှကို ကဲ့ရဲ့ပြစ်တင်သည် ဟု သတင်းကြီးသော
ဗုဒ္ဓအရှင်၏ ရှေ့တော်မှောက်တွင် ဖိုက်ဒီရုပ်လုံးကြွမိန်းမပျိုငယ်လေးတစ်ဦး.....
ထိုနတ်ရုပ်သွင်လေးက ယတ်လေခတ်ကာ ဗုဒ္ဓအရှင်ကို ပူဇော်နေသည်။

ထိုမိန်းမပျို၏ လင်းလက်သောအလှတရားအောက်တွင် ခင်ဝင့်ဝါ၏ အရောင်က မှိန်ပျသွားသည်။
အလှမာန်ဝင့်သော ခင်ဝင့်ဝါ နောက်ကောက်ကျသွားခဲ့ပြီ..။.။
လှလိုက်ပါဘိ..လှလိုက်ပါဘိ..။
သူမ တဖွဖွရွတ်ကာ အနားသို့ တိုးကပ်သွားသည်။
ဗုဒ္ဓအရှင်ကိုယ်တော်တိုင် တန်ခိုးတော်ဖြင့် ဖန်ဆင်းထားလေသည့် ဒေ၀စ္ဆရာအသွင်ပေပဲ..။
သို့သော် သူမကြည့်နေစဉ်မှာပင် ဒေ၀စ္ဆရာအသွင်လေးက ယိုယွင်းလာသည်။ နုရာက ရင့်..။ ရင့်ရာက မှည့်..။ မှည့်ရာက ကြွေ...။ အိုး ..........
သင်္ခါရကို ပါရမီထက်သော သူပီပီ ခင်ဝင့်ဝါမြင်လေပြီ.။

ချစ်သမီး ရှုလော့..။
မြင်ပါပြီ အရှင်...။
ရုပ်အလှထက် စိတ်အလှ...
လောကီအလှထက် လောကုတ္တရာအလှ..
ပညတ်အလှထက် ပရမတ္ထအလှ....။
အလှနှင့် ပညာကို ခင်ဝင့်ဝါပေါင်းစပ်နိုင်လေပြီ..။
ထိုနေ့မကူးမီမှာပင် မဂဓတိုင်း၏ မဟေသီ ခင်ဝင့်ဝါတစ်ယောက် ခေမာထေရီအဖြစ် ဗုဒ္ဓအရှင်ထံပါးတွင် ဘိက္ခုနီရဟန်းအသွင်ကို ကူးပြောင်းခံယူတော့မည်ဖြစ်ကြောင်း ရာဇဂြိုဟ်တော်ဝင်သတင်းဌာနက အတိအလင်းသတင်းထုတ်ပြန်သည်ကို ကျနော်တို့ အံ့သြဖွယ် ကြားရသည်။

ဗုဒ္ဓအရှင်က သူမ၏ မြင့်မားလှသော ပညာပါရမီစွမ်းပကားကြောင့် ပထမတန်းသမီးတော်အဖြစ် လက်ယာရံဧတဒဂ်ဆုမြတ်ကို ပေးအပ်ဂုဏ်ပြုတော်မူလေသည်ကလည်း အမျိုးသမီးထုအတွက် အားတက်ဖွယ်ရာဖြစ်ပါသည်။
အမျိုးသမီးတစ်ယောက်၏ သာသနာတော်တွင်း မျှော်မှန်းနိုင်သော အဆင့်အတန်းကို ခန့်မှန်းအားကျဖွယ်ရာဖြစ်လာခဲ့ပါသည်။
ခင်ဝင့်ဝါသည် လောကီနယ်တွင် အလှစံပြဖြစ်သလို လောကုတ္တရာနယ်တွင်လည်း အမျိုးသမီးထု၏ ရိုးလ်မော်ဒယ်ဖြစ်လာပြန်တော့သည်။
ကျနော်က သူမ၏ အရိယာပရိုဖိုင်လ်ကို မကြာခဏ ကလစ်ခ်မိကာ မျိုးဆက်သစ်လုံမပျိုလေးများကို ဖြန့်ဝေဖြစ်လေသည်။

ကျနော် သိသော ဗုဒ္ဓခေတ် စွမ်းဆောင်ရည်မြင့်မားသော အရိယာအမျိုးကောင်းသမီးများအကြောင်း ကျနော် ဆက်ပြောပါဦးမည်..။
ကျနော်နှင့် မေသွယ်ခင်..
ကျနော်နှင့် ခင်လပြည့်
ကျနော်နှင့် မြကြာညို
ကျနော်နှင့် မေရီနှင်းမြ
ကျနော်နှင့် မမိုးစက်......။

ဖြူဇော်
(၅-၁၀-၂၀၁၃)
==========================
ဗုဒ္ဓအရှင်၏ ပညာအရာတွင် အကြီးအကျယ်ဆုံးဧတဒဂ်ဆုရလက်ယာတော်ရံ
သမီးတော်ခေမထေရီအကြောင်းကို ပျော်ရွှင်စွာ ဖတ်ရှုနိုင်ရန် ရည်ရည်ပါသည်။
 

ငယ်ငယ်က ကဗျာရေးဖို့ ကလောင်တစ်ခု မွေးမြူဖြစ်ခဲ့သည်။

 နှစ်ပတ်လည်စာစောင်တစ်ခုတွင် ဆောင်းပါးနှစ်ပုဒ်ခန့် ရေးဖူးသည်မှအပ မကျယ်ပြန့်ခဲ့..။ ဒိုင်ယာရီစာမျက်နှာများနှင့် ပေးစာအချို့တွင်သာ လက်မှတ်ထိုးဖြစ်ခဲ့သည်။
မိတ်ဆွေရဟန်းတော်တစ်ပါးက ထေရီဂါထာများကို တစ်ခုခုဖန်တီးပြီး လူငယ်မျိုးဆက်တွေအတွက် မိတ်ဆက်ပေးရန် တိုက်တွန်းသည်..။ သို့နှင့် လွတ်လပ်သော ကလောင်အဟောင်းကို ဖုန်သုတ်ကာ ဆွဲထုတ်လာခြင်းဖြစ်သည်..။ လွန်ခဲ့သောလအနည်းငယ်ခန့်က ဆောင်းပါးတွဲတစ်ပုဒ်ဖြစ်ပါသည်..။
ဓမ္မအရိပ်အငွေ့ မပျယ်စေရန် ကြိုးစားထားပါသည်.။

သြစတြေးလျပလပ်စ်ဥရောပခရီး(၃)

(ဆစ်ဒနီကဇာတ်ရုံ)

===========

သြစတြေးလျပလပ်စ်ဥရောပခရီး(၃)
===================
၂၆-၀၅-၂၀၁၂
ညနေ ၅း၀၀ နာရီ
ဆစ်ဒနီကဇာတ်ရုံ
ဆစ်ဒနီမြို့၊သြစတြေးလျနိုင်ငံ

ဂျပ်ဇ်တေးဂီတဖြင့် သက်ဝင်လှုပ်ရှားနေသော ဆစ်ဒနီဆိပ်ကမ်းသည်
ရဟန်းတစ်ပါးနှင့် အကျွမ်းဝင်အပ်သောရပ်ဝန်းတစ်ခု ဘယ်တော့မှ မဖြစ်နိုင်ပါ..။ သို့သော် တရုတ်ခရီးသွားရဟန်းဖာဟီယန်နှင့် ဟူယင်ဆန်တို့ ကို အားကျဖူးသည့် ငယ်စိတ်ငယ်သွေးက စကြာလှေဆိပ်(Circular Quay)ရှိ စင်္ကြန်လမ်းပေါ်တွင် မိနစ်အနည်းငယ်ကြာ ဆိပ်ကမ်းငေးသူဖြစ်လာစေပါသည်။ စက်ဝိုင်းသဏ္ဍာန်လှေဆိပ်က ဆစ်ဒနီနှစ်ကူးညများနှင့် ရာသီအလိုက်ပျော်ပွဲများ
နွှဲကြသည့် သာယာပွင့်လင်းသော ညီမူရာတစ်ခုဖြစ်သည်။
စင်ကာပူမာရီနာဘေးသည် စကြာလှေဆိပ်ကို ပုံတူကူးထားဟန်တူသည်။
ဆစ်ဒနီက လိမ္မောသီးခြမ်း...။
စင်ကာပူက ဒူးရင်းသီးခြမ်း......။

(စကြာလှေဆိပ်(Circular Quay))

အမှန်တကယ်ပင် လိမ္မောသီခြမ်း(၁၄)စိပ်ကို ဆက်စပ်ပုံဖော်ထားသော ခေတ်သစ်ကဇာတ်ရုံသည် အချိန်တိုတွင်းမှာပင် ကမ္ဘာ့အမွေအနှစ်အဖြစ် ယူနက်စကို၏ အသိအမှတ်ပြုခြင်း ခံရလေသည် တဲ့..။
အခြေ၊ အခွံနှင့် အတွင်းအလှဆင်ခြင်း ဟု သုံးဆင့်တည်ဆောက်ရသော ကဇာတ်ရုံသည်
ခန့်မှန်းတည်ဆောက်ကာလ (၇)နှစ်သတ်မှတ်ခဲ့သည့်တိုင် (၁၇)နှစ်ကြာမြင့်ခဲ့သလို ခန့်မှန်းကုန်ကျစရိတ်(၇)သန်းမျှဟု တွက်ချက်ခဲ့ကြသော်လည်း ဆယ့်လေးဆမျှပိုမိုခဲ့သည်။
အော် လှပေမှာပေါ့...
ဆန်းပေမှာပေါ့...
အံသြဖွယ်ကောင်းပေမှာပေါ့....။
ဒေါ်လာ(၁၀၃)သန်းမျှ ကုန်ကျခဲ့ပေသကိုး....။နှစ်ဆယ်ရာစု၏ အထင်ရှားဆုံး..။ အနုပညာဖျော်ဖြေမှုအားအကောင်းဆုံးဗိမာန်ကြီးတစ်ခုရှေ့တွင် သူ့ရပ်နေခဲ့တာပါပဲလား...။

ဖွင့်ပွဲကျင်းပတော့ ဒုတိယမြောက်အယ်လီဇဘက်ဘုရင်မကြီးကိုယ်တိုင်ကြွရောက်ကာ ရုပ်သံများက မှတ်တမ်းရိုက်ကူးကြ၊ မီးရှုးမီးပန်းတွေ ပစ်ဖောက်ကြ၊ တက်ရောက်ကြသည့် လူထု ပရိသတ်က ၀က်ဝက်ကွဲ......။ ဘီသိုဗင်ရဲ့ န၀မမြောက်ဆင်ဖိုနီက ကဇာတ်ရုံအဖွင့်တေးသွားဖြစ်လေသတဲ့....။
ပစိဖိတ်သမုဒ္ဒရာထဲမှာလည်း ကိုးန၀င်းနိမိတ်ဖြင့် အောင်အတိတ်ယူလေသည်ထင်ရဲ့...။

ကဇာတ်ရုံဖိုင်တွဲကို သူစောကြောမိတော့ စိတ်ဝင်စားဖွယ် အခန်းကိုမှ ကလစ်နှိပ်မိသွားသည်။
အနုပညာနှင့် အာဏာ....။ ကဇာတ်ရုံကြီးကို တည်ဆောက်ဖို့ တောင်ဝေလပြည်နယ်သစ်(New Southwales)အစိုးရက အိပ်မက်မက်ခဲ့တာ ၁၉၄၀ သက္ကရာဇ်များဆီကပင်ဖြစ်သည်။ ဆစ်ဒနီအနုပညာကျောင်းက ကျင်းပနေသည့် သမားရိုးကျကပွဲအတွက် မြို့တော်ခန်းမနှင့် လုံလောက်သော်လည်း မဟာဂီတဖျော်ဖြေမှုများအတွက် ကြီးကျယ်သောခန်းမတစ်ခုအမှန်တကယ်လိုအပ်နေပြီ..။ သို့နှင့် ကမ္ဘာ့ဗိသုကာပညာရှင်များကို ဖိတ်ခေါ်ကာ ဒီဇိုင်းပြိုင်ပွဲကြီးကျင်းပခဲ့သည်။ နိုင်ငံပေါင်း (၃၂)နိုင်ငံ၊ လက်ရာပေါင်း (၂၃၃)ခုထဲမှာ ရွေးချယ်ခံရသည်က ဒိန်းမတ်ဗိသုကာ ယွန်းအိုဘာဂ်အုဒ်ဆန် (Jørn Oberg Utzon)ဖြစ်သည်။

နက်နဲရှုပ်ထွေးလှပြီး တန်ဖိုးမြင့်မုိုရ်ဖြစ်နေသည့် ဗိသုကာလက်ရာအတွက် အာဏာပိုင်အဖွဲ့အတွင်း အငြင်းပွားဖွယ်များစွာ ကြုံခဲ့ရသည်။ မကျွမ်းကျင်သောအင်ဂျင်နီယာများက ရေးဆွဲမပြီးသေးသော ဒီဇိုင်းများကို လက်ကိုင်ပြုကာ တည်ဆောက်ရေးလုပ်ငန်းစကြသည်။ အခြေခိုင်ခံ့မှုမရှိသည့်အတွက် ပြန်လည်ဖြိုဖျက်တည်ဆောက်ရသည်ထိ အလေအလွင့်ဖြစ်ခဲ့၏။

ကဇာတ်ရုံကြီးတည်ဆောက်ရေး မူလအဆိုပြုခဲ့သည့် ပြည်နယ်အစိုးရ၀န်ကြီးချုပ် ကွယ်လွန်သွားသည့်အခါ နောက်တက်လာသည့်ပြည်နယ်အစိုးရက အားမပေးချင်...။ သည်စီမံကိန်းကြီးကို ဝေဘန်တိုက်ခိုက်ရင်း မဲအနိုင်ရလာသည်ဟုပင် ဆိုစမှတ်ရှိသည်..။ ပိုဆိုးသည်က တာဝန်ခံရသည့်ပြည်သူပိုင်လုပ်ငန်းဆိုင်ရာဝန်ကြီးဖြစ်သူ မစ္စတာဟူးစ်(Davis Hughes)က အနုပညာ၊ဂီတ၊ဗိသုကာနှင့် အလှတရားဆိုသည်များကို နည်းနည်းလေးမှ စိတ်မ၀င်စား...။ ပြီးတော့ ဘွဲ့ဒီဂရီအတုဖြင့် လူစွာ လုပ်ခဲ့ဖူးသည့် နာမည်ပျက်ရှိသူ...။

အာဏာကို ဆုပ်ကိုင်ထားသော ပညာမဲ့ဝန်ကြီးက ဗိသုကာပညာရှင်၏ အနုပညာလက်ရာများကို မေးခွန်းထုတ်သည်၊ သရော်သည်။ ပြဿနာလုပ်သည်။ ဆောက်လက်စလုပ်ငန်းများအတွက် ငွေကြေးထုတ်ပေးရန် ငြင်းပယ်သည်အထိ အခြေအနေဆိုးဝါးလာသည်။

နောက်ဆုံးတော့
အာဏာလှိုင်းတံပိုးအောက်တွင် စိတ်လှေမှောက်ခြင်းဒဏ်မခံနိုင်သော ပညာရှင်က ဆစ်ဒနီကို တစ်သက်တာထာဝရကျောခိုင်းပြီဖြစ်ကြောင်း ကြေငြာအဓိဋ္ဌာန်ပြုကာ မိခင်နိုင်ငံသို့ ပြန်သွားခဲ့တော့သည်။ မည်သို့ဆိုစေ ၁၉၅၈ မှ စတင်ကာ ဘဏ္ဍာငွေကြေးများစွာ စိုက်ထုတ်ကုန်ကျခဲ့ပြီးသည့် အော်ပရာပရောဂျက်ကြီးကို ၁၉ ၇၃ ခုနှစ်တွင် အောင်မြင်စွာ အပြီးသတ်နိုင်ခဲ့သည်။ သတ်မှတ်ကာလနှင့် ခန့်မှန်းကုန်ကျစရိတ်ထက် အဆပေါင်းများစွာ သာလွန်သွားရသည်။

တစ်ကမ္ဘာလုံးက စိတ်ဝင်စားသော ခမ်းနားလှသည့်ဖွင့်ပွဲအခမ်းအနားတွင် ဗိသုကာကြီးကိုယ်တိုင် ဆင်နွှဲခွင့်မရခဲ့..။ နယူးဆော့သ်ဝေးလ်သားတို့ ပူဇာစ မင်္ဂလာချို့တဲ့ခဲ့ကြသည် ..။
ဂုဏ်ပြုထိုက်သည့် ဗိသုကာပညာရှင်ကြီးကို မဖိတ်ကြားခဲ့သလို အမည်ကိုပင် မကြေငြာခဲ့ကြ..။
အာဏာလက်ကိုင်ရှိနေသေးသည့် ၀န်ကြီး၏ တမင်ညစ်ထားခြင်းဖြစ်မည်..။
မစ္စတာဟူးစ်က ၁၉ ၇၃ အထိ ဗျူရိုကရက်တစ်ဦးအဖြစ် တည်ရှိနေဆဲဖြစ်သည်။
အာဏာ၏ သဘောက တွေးခေါ်ဆင်ခြင်မှုပညာကို ဆန့်ကျင်လိုပြီး သနားကြင်နာမှုကရုဏာနှင့် ဂုဏ်ယူဝမ်းမြောက်မှုမုဒိတာကို အမှောင်ချကာ မနာလိုမှုဣဿာနှင့် ၀န်တိုမှုမစ္ဆရိယများကို မီးမွှေးတတ်ကြမြဲဖြစ်သည်။ ပညာနယ်ပယ်တွင် အာဏာဖြင့် လူတွင်ကျယ်လုပ်ချင်ကြသေးသည်မဟုတ်လား...။
သို့ဖြင့် မစ္စတာဟူးစ်နှင့် အူဒ်ဆန်တို့ ကြား လူမှုရေးတံတားထိုးနိုင်ခဲ့ကြဟန်မတူ...။

မစ္စတာဟူးစ်လွန်ကာလများမှာတော့ ကဇာတ်ရုံကြီးမွမ်းမံရေးလုပ်ငန်းစဉ်များအတွက် ဗိသုကာကြီးကို ပြန်လည်ဖိတ်ခေါ်ခဲ့ပါသည်။ ၂၀၀၄ ခုနှစ်မှာတော့ အူဒ်ဆန်ခန်းမကြီးတစ်ခု ဖွင့်လှစ်ကာ ဗိသုကာကြီးအား ဂုဏ်ပြုခဲ့ကြ၏..။ အော် ကောင်းလေစွ...။


သူ ဆစ်ဒနီဆိပ်ကမ်းကို ငေးနေမိဆဲဖြစ်သည်..။ ဆိပ်ကမ်းစင်္ကြန်ပေါ်တွင် နိုင်ငံတကာခရီးသွားများ၊ အပန်းဖြေလမ်းလျှောက်ကြသူများ၊ ဗျစ်ရည်မွတ်သူများဖြင့် စည်းကားနေသည်။ မြေအောက်စင်္ကြန်ဆည်ဆာဘားဆီက ဂျဇ်တေးသွားများ လွင့်ပျံလာသည့်အတွက် ဓမ္မဂီတဝေ့စည်လှသော ရွှေပြည်ကြီးဆီက ဆည်းလည်းခတ်သံများကို လွမ်းဆွတ်မိသေးတော့သည်..။

(ဆစ်ဒနီဆွမ်းကျွေးအလှူ)

အမှန်တကယ်တော့ မစ္စတာအူဒ်ဆ်၏ အနုသုခုမဗိသုကာလက်ရာကို မြည်းစမ်းရန်
သူတည်းခိုရာယူနိုရာမြန်မာဘုန်းတော်ကြီးကျောင်းမှ
အချိန်လုကာ အရောက်လာခဲ့ရခြင်းဖြစ်သည်..။
မနက်ခင်းကတည်းက သူနားရသည်မရှိ...။ ရွှေပြည်ကြီးသားသံဃာတော်တို့ ကြွရောက်လာခိုက် ကုသိုလ်စိုက်ခင်းပျိုးလိုကြသည့် ရွှေပြည်ကြီးနွယ်ဝင်အမျိုးကောင်းသား အမျိုးကောင်းသမီးတို့ ပင့်ဖိတ်ရာအိမ်ဂေဟာများသို့
အရုဏ်ဆွမ်းနှင့် နေ့ဆွမ်းများ ဘုန်းပေးရန် ကြွရောက်ခဲ့ရသည်..။

ထေရ်ကြီးဝါကြီးဆရာတော်တစ်ပါးဦးဆောင်ရာနောက်သို့ လိုက်ရ၏။

ရာသီက ချမ်းလှသမို့ အနွေးထည်အထပ်ထပ်အောက်ခံထားကာ သင်္ကန်းကို အ၀န်းညီစွာ ၀တ်ရုံရ၏။

သို့သော် ပွယောင်းယောင်း...။

ထိုကုသိုလ်ပွဲများပြီးကာမှ လောကီထုပ္ဗါတ်တို့ကို ဖော်ညွန်းရာ ဆစ်ဒနီကဇာတ်ရုံသို့....။

ဒေါ်သီတာဆွေက အိမ်က ကားကို ထုတ်ယူကာ ရထားဘူတာရုံလေးတစ်ခုဆီ မောင်းပို့သည်။

“ ကဇာတ်ရုံကိုတော့ ရထားစီးသွားမယ်ဘုရာ့...။ ဒီမှာက ကိုယ်ပိုင်ကားဆိုတာ ဖိနပ်တစ်ရံလိုပါပဲ ...။ ဘူတာရုံနဲ့ ဘတ်စ်ကားဂိတ်တွေဆီ သွားဖို့ အသုံးပြုကြတာပဲ...။ နေရာလွတ်တစ်ခုမှာ

ကားကို ထိုးထားပြီး လိုရာခရီးကို ရထား သို့မဟုတ် ဘတ်စ်ကားစီးသွားကြရုံပဲ..”




(ဆက်ရန်)

ဓမ္မဂင်္ဂါ

ဆစ်ဒနီမြန်မာဘုန်းတော်ကြီးကျောင်းနှင့် ကျောင်းကမ္ဗည်း